ACARA KEBAKTIAN KELUARGA RABU & KAMIS, 15 & 16 JULI 2020

ACARA KEBAKTIAN KELUARGA

DI RUMAH MASING-MASING ANGGOTA JEMAAT

NEW NORMAL COVID-19

HKBP PONDOK GEDE

RESORT PONDOK GEDE

Rabu & Kamis, 15 & 16 Juli 2020

Pukul 20.00 WIB

(P: Pemimpin Kebaktian ; R: Anggota Keluarga)

1. Marende BE. HKBP No. 559: 1+4  Debata na Songkal Jala na Badia D=Do 4/4

1. Debata na songkal Sitolusada,

Di sogot ni ari hupuji goar-Mi.

Debata na songkal siparasiroha,

Sitolusada, na badia i.

3. Debata na songkal, surusuruan-Mu

Saluhut marsomba pasahat tumpal-Mi.

Angka na badia ro tu adopan-Mu

Mamujimuji salelengna i. Amen.

2. Agenda (A.XV/A.14-D.XIII/37)

P:     Di dalam Nama Allah Bapa dan Nama Anak-Nya Tuhan Yesus Kristus dan Nama Roh Kudus yang menciptakan langit dan bumi.  Amin.

Demikianlah Firman Tuhan Allah; Siapa yang mempersembahkan syukur sebagai korban, ia memuliakan Aku, siapa yang jujur jalannya, keselamatan yang dari Allah akan Kuperlihatkan kepadanya. Haleluya!  

Marilah kita berdoa:

Ya Tuhan Allah, Bapa kami! Kuatkanlah kami supaya jangan berputus asa apabila kami jatuh kedalam kemelaratan, sehingga kami tidak menyia-nyiakan berkat-Mu. Ajarlah kami supaya kami jangan menggantungkan pengharapan kami kepada hal-hal yang duniawi. Perlengkapilah kami dengan iman yang teguh, agar kami, bersama-sama dengan seluruh orang percaya, menjadi pewaris kehidupan kekal. Dengarlah doa kami karena Anak-Mu, Yesus Kristus, Tuhan kami.

R:     Amin.

3. Marilah kita mendengarkan Firman Tuhan pada Kebaktian ini; kitab Ulangan 16: 13-17

P:     Hari raya Pondok Daun haruslah kaurayakan tujuh hari lamanya, apabila engkau selesai mengumpulkan hasil tempat pengirikanmu dan tempat pemerasanmu.

R:     Haruslah engkau bersukaria pada hari rayamu itu, engkau ini dan anakmu laki-laki serta anakmu perempuan, hambamu laki-laki dan hambamu perempuan, dan orang Lewi, orang asing, anak yatim dan janda yang di dalam tempatmu.

P:     Tujuh hari lamanya harus engkau mengadakan perayaan bagi TUHAN, Allahmu, di tempat yang akan dipilih TUHAN;

R:     sebab TUHAN, Allahmu, akan memberkati engkau dalam segala hasil tanahmu dan dalam segala usahamu, sehingga engkau dapat bersukaria dengan sungguh-sungguh.

P:     Tiga kali setahun setiap orang laki-laki di antaramu harus menghadap hadirat TUHAN, Allahmu,

R:     ke tempat yang akan dipilih-Nya, yakni pada hari raya Roti Tidak Beragi, pada hari raya Tujuh Minggu dan pada hari raya Pondok Daun. Janganlah ia menghadap hadirat TUHAN dengan tangan hampa,

P:     tetapi masing-masing dengan sekedar persembahan, sesuai dengan berkat yang diberikan kepadamu oleh TUHAN, Allahmu." Demikianlah Firman Tuhan: Berbahagialah orang yang mendengar Firman Tuhan serta memeliharanya.

P+R:  Amin.

4. Marende BE. HKBP No. 719: 1-2 Hubege SoaraM o Jesus F=Do 4/4

1. Hubege soaraM, o Jesus; hubege soaraM, o Jesus.

Hubege soaraM, o Jesus na manjouhon: “Ihuthon ma Au!”

Togu au Jesus Tuhanhu, iringiring ma langkangku.

Patuduhon ma dalan-Mu, asa unang, unang lilu au.

2.  Hupasahat ma diringku, hupasahat ma diringku;

hupasahat ma diringku mangihuthon Jesus Tuhanhi.

Togu au Jesus Tuhanhu, iringiring ma langkangku.

Patuduhon ma dalan-Mu, asa unang, unang lilu au.

5. Jamita Partangiangan Huria di borngin on sian Evangelium Markus 12: 41-44, mandok:

P:   Na hundul do Ibana tondongkon poti parasian, gabe dibereng ma pambahen ni halak mandabuhon hepengna tu poti i. Jadi torop do na mora na mandabuhon na godang.

      Laos ro ma boruboru na mabalu sada, na pogos; didabuhon ma tusi dua rimis, i ma sasen.

      Gabe dijou Jesus ma siseanna i, ninna ma mandok nasida: Situtu do hatangkon tu hamu: Gumodang do na nidabuhon ni na mabalu, na pogos an tubagasan poti parasian i, asa saluhut angka na mandabuhon i.

      Ai sian lobilobi nasida do didabuhon be; alai ia parompuan an, sian pogosna do didabuhon saluhutna na di ibana, tung sandok hangoluanna i. Songon i ma sahatna!

Hamu dongan sahaporseon di bagasan Goar ni Tuhanta Jesus Kristus!

Di jolo ni turpuk on dipaboa na dibongoti Jesus do huta Jerusalem. Diudurhon jala dijangkon natorop do Ibana songon sahalak raja (11:11). Disi nunga diida Ibana sude harohaon, parugamoon dohot sintasinta ni bangso i. Ndang sintong nasida. Maradophon i dipapatar do sikap-Na di bagasan tindakan-Na na paiashon bagas joro i (11:15). Di tonga ni bangso na patujolohon parugamoon parduru sisongon i, adong dope na tutu situtu manghangoluhon hadaulaton na sintong, songon parompuan na tinaringotan di turpuk on.

Hundul Jesus tondonghon ni poti parasian (peti persembahan) na di lambung ni bilut parpeopan arta (kamar perbendaharaan) di emper ni boruboru (pelataran wanita) ni joro i. Adong do disi sampulu tolu poti parasian. Rumangna, suman tu sarune (terompet) na tarbalik. Ala ni i, laos digoar do poti i sarune. Ganup sarune i diparade do tu sangkap na paasingasing. Na sada on rupani tu hamauliateon, na sada an tu asiasi, na sada nari tu haporluan ni bagasa joro, na sada nari muse tu bagabaga (nazar) dohot angka na asing. Tu dia pe halak mandabuhon silehonlehonna, jala aha pe taho goar ni i didok, sada do anggo goar pangibulan dohot tujuanna, pelean do i tu Debata. Ndang na hundul boti Jesus disi, isara ni na maradian, alai na pamanathon halak angka na mandabuhon peleanna do tu poti i. Ndang tabu hepeng di Ibana, ndang na so ringkot, alai ringkot do jala na patut parrohahonon-Na. Diida do torop na mora na mandabuhon hepengna tu poti i, jala hombar tu hamoraonna be, godanggodang do didabuhon.

Alai diida ma sada boruboru na mabalu, na pogos; didabuhon ma dua rimis, i ma sasen. Toru do hajongjongan ni boruboru na mabalu di halak Israel. Hira so adong do uhum na mangondingi, gabe so tarbahensa mampartahanhon hakna. Jotjot do nasida gabe korban ni penindasan, gabe toropan do nasida na pogos, na so tarbahen mangalehon na godang. Songon i ma na mabalu na martaringot dison, sian pogosna didabuhon do dua rimis, i ma sasen. (Terjemahan on, dipahombar do tu hepeng na tinanda ni Batak tingki ni Bolanda. Rimis do hepeng na ummetmet, argana ½ sen). Di hata Gorik didok, lepton, i ma hepeng na ummetmet di Israel.

Nunga marlapatan situtu na dua rimis i nian di parompuan i. Nunga hira sae i panganon ni sahalak na pogos sadari. Alai barani do ibana mangalehon i. Manang na aha sangkapna ndang binoto. Alai ra, adong bagabagana (nazarnya) tu Debata na ingkon gararonna.

Nunga nidok, ndang na hundul boti Jesus disi, alai diparrohahon do sude na mandabuhon dohot silehonlehon na nidabuhonna be tu poti i. Dung diida, ditimbangi do sasude. Sian saluhut na mangalehon dohot silehonlehon i, dipasurung Jesus do parompuan na mabalu i dohot silehonlehonna i, ai dijou ma angka sisean-Na jala didok ma tu nasida, “Situtu do hatangKon tu hamu, gumodang do na nidabuhon ni na mabalu, na pogos an tu bagasan poti parasian i, asa saluhut angka na mandabuhon i.” Ndang basa-basi i (isara na pabalga roha ni parompuan i tung sura dibege), alai sian sintongna do. Paboa sintong i, pola do hira na manolon Ibana, didok, “Amen.

Amen, hata tolon do i di Israel. Ndang gumodang na nilehon ni ina na mabalu i, sian na nilehon ni sahalak na mora, alai didok Jesus gabe gumodang do i sian sude. Manang piga pe na mora na mangalehon silehonlehonna di ari i, jala sadia pe punguan ni na nidabuhonnasida sasude, gumodang sian i ma. Tontu, ndang gumodang secara nilai nominal. Manang na boha pe, mangihuthon paretongan tung so boi do gumodang sada sen sian na nilehon ni sahalak na mora, lumobi sian sasude. Jadi, hagodangonna i dibereng Jesus do i sian panatapan na asing.

Taringot tusi dipatorang Ibana do i di ayat na parpudi, didok, “Ai sian lobilobinasida do didabuhon be; alai ia parompuan an, sian pogosna do didabuhon saluhutna na di ibana, tung sandok hangoluanna i.” Ndang na mandok ebaeba (alai ra, boi do dohot i), na di ruar ni haporluanna be laho mangudut hangoluanna ariari do. Sandok tuk do di nasida, nang dilehon na sai godang, ndang pola ganggu dope nasida laho mulak tu hutana, adong dope sitilihonna. Anggo parompuan i nunga didabuhon sude na aturan hangoluanna sadarina i. Mulak sian i, ingkon jolo mangula manang mansari nama ibana asa mangan. Ala ‘sadari on’ do jolma mangolu (ndang nantoari jala ndang marsogot), niantusan do molo didok Jesus naung didabuhon ibana sandok hangoluanna. Tontu di bagasan haporseaon dohot panghirimon do ibana mandabuhon i. Pos do rohana nang pe dilehon i ndang gabe mate so mangan ibana, alai patuhon ni Debata do nasa na ringkot di ibana asa mangolu ibana. Ala ni i ma asa dirajumi Jesus na gumodang na nilehonna i.

Angkup ni i, na laos kritik ni Jesus do on tu parugamoon ni halak Jahudi tingki i. Nunga diida na marugamo di jolo ni jolma do nasida, diulahon do hatigoranna bahen sitotonduran ni na asing asa dipuji nasida (pat. Mat.6: 1). Rupani, jonok tu poti i, tar songon na manjalo angka na ro i, jongjong do malim. Somal do angka na mora i paboahon manang na sadia na nilehonna i. Huhut didabuhon tu poti i, digorahon do talhis sadia godang na nilehonna i. Ndang holan malim i umbege i, dohot do angka na asing na tongon di inganan i. Memang, tung apala i do sangkapna, maningtinghon tu sasude angka na tardungdung soarana, asa dipuji nasida di si.

Di hurianta, jumpang do tong ruhut pelean dohot pameleon i. Ragam do goarna, isara pelean minggu, pelean bulanan, pelean pembangunan, hamauliateon, tumpak, janji iman, dohot na angka asing.

Aha pe goarna, sada do anggo pangibulanna: Pelean. Ndang na mangalehon tu jolma hita disi, tu Debata do. Alai boasa mamele hita tu Debata? Alusna, ala naung manjalo do hita sian Ibana. Itajalo do sian Ibana hangoluan partondion, isara ni Barita na Uli, hasesaan ni dosa dohot haluaon sian hamagoan; itajalo do nang hangoluan pardagingon, isara ni sipanganon, parabiton, perumahan dohot angka na asing. Taringot tu na parpudi on, ndang dos na jinalo ni hita ganup, marsisurungi do. Adong na manjalo godang, i ma angka na mora; adong na manjalo otik, i ma angka na pogos. Alai manang na boha pe i, naung manjalo do hita luhut, jala ala ni i ingkon pasahatonta do peleanta tu Ibana. Ndang ala na hurangan Ibana, ai Ibana do nampuna saluhut. Aha pe na tapelehon, na sian Ibana do i.

Ala pelean do i, ndang siunsaton. Mardomu tusi, ringkot do antusanta, tolu mansam do pelean parjolo jala na utama di Israel, i ma:

·        Pelean situtungon,

·        Pelean hamauliateon dohot

·        Pelean pardengganan.

Tolunsa i pelean na marmudar do, na tardiri sian lombu, hambing, birubiru, anduhur manang darapati. Manang na dia pe sian i na dipelehon, ingkon diseat do i jala ditutung. Molo pelean situtungon, ditutung sude; alai anggo pelean hamauliateon dohot pardengganan ditutung sabagian, dipangan na sada bagian nari.

Ala ni i, molo dung dipelehon ndang boi be unsaton, ai so tarpangolu be naung diseat jala ditutung manang dipangan i asa boi milikan muse jala pangkeon tu na asing. Sian i torang, na mamelehon pelean marlapatan do i pasahathon hak pemilikan tu Debata. Pangantusion i do na naeng tadungdung marhite hata ni Buku Ende HKBP No. 204: 2 na sai taendehon ganup pasahathon pelean na mandok, “Hupasahat i tu Ho, na so unsatonhu do.”

Diargai Tuhan Jesus do na sasen na nilehon ni na mabalu i lobi sian na nilehon ni sude na mora angka na godang i.

Nuaeng tapamanat ma, boha do hita mangalehon? “Marhuaso do Debata mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan.” (2 Korint 9: 8). Amin.

6. Marende BE. HKBP No. 691: 1-2 Hupasahat ma tu Jesus Es=Do 4/4

1.   Hupasahat ma tu Jesus saluhutna ngolungki.

Roha nang pambahenanhu, saluhutna tingkingki.

Hupasahat ma tu Jesus saluhutna diringki.

Hupasahat ma tu Jesus saluhutna ngolungki.

2.   Pangkeonhu ma tanganhu mangula lomo-Na i.

Langka nang simanjojakhu mangihuthon Tuhanhi.

Hupasahat ma tu Jesus saluhutna diringki.

Hupasahat ma tu Jesus saluhutna ngolungki.

7. Tangiang Sian Sada Anakhon

8. Marende BE. HKBP No. 814: 1-2  Sai Ajari Au Tuhanku F=Do 4/4 (Pelean 1-2)

1.   Sai ajari au Tuhanhu di na martangiang au.

Patuduhon tu rohangku sangkap ni rohaM di au.

Songon na binaen ni Jesus na manaon humophop au.

Unang lomo ni rohangku, lomo ni rohaM ma saut.

4.   Nasa na mauliutus dipatupa Ho di au.

Panolopi do tondingku di sangkap-Mu na tu au.

Mangauhon pambaenan-Mu di na marsitaonon au.

Unang lomo ni rohangku, lomo ni rohaM ma saut.

9. Tangiang Sian Natoras

10. Marende BE. HKBP No. 470: 1-  Jesus Ho nampuna Au G=Do 6/4 (Pelean 3)

1.   Jesus Ho nampuna au dohot na adong di au.

Gogo dohot hosangki sahat ma tu tangan-Mi.

2.   Sai rajai ma matangki manangkasi dalan-Mi.

Sai patinggil pinggolhi tumangihon hataM i.

3.     Dohot tanganhi tahe naeng manjama na ture.

Dohot pat sai naeng tongtong mandalani dalanMon.

11. Doa Persembahan – Bapa kami – Berkat

P:   Marilah kita berdoa untuk menyerahkan persembahan kita kepada Tuhan: Ya Allah, Bapa kami yang di surga. Kami mengaku bahwa Tuhan adalah sumber dari segala karunia yang melimpah dalam kehidupan kami masing-masing. Sebahagian daripada karunia itu, kami serahkan kembali sebagai persembahan kepada Tuhan. Terimalah dan berkatilah persembahan umat-Mu ini, agar dapat kami pergunakan untuk pekerjaan dan pelayanan Kerajaan Tuhan di dunia ini. Bukalah hati kami untuk mengenal betapa banyak berkat dan karunia yang kami peroleh dari Tuhan, supaya kami senantiasa bersyukur kepada-Mu di dalam Nama Yesus Kristus Tuhan kami. Amin.

Marilah kita bersama-sama mengucapkan Doa Bapa kami:

Bapa kami yang di surga, dikuduskanlah nama-Mu, datanglah kerajaan-Mu, jadilah kehendak-Mu di bumi seperti di surga. Berikanlah kami pada hari ini makanan kami yang secukupnya. Dan ampunilah kami akan kesalahan kami, seperti kami juga telah mengampuni orang yang bersalah kepada kami. Dan janganlah membawa kami ke dalam pencobaan, tetapi lepaskanlah kami daripada yang jahat. Karena Engkau punya Kerajaan dan Kekuasaan dan Kemuliaan sampai selama-lamanya. Amin.

12. Berkat

(Jika Majelis Tahbisan yang memimpin Ibadah baiklah ia memberi berkat ini. Jika tidak, langsung menyanyikan: Amin, amin, amin!)

P:     Anugerah Tuhan Yesus Kristus dan Kasih Allah Bapa dan persekutuan Roh Kudus kiranya beserta dengan kita sekalian. Amin.

13. Menyanyikan: Amin, amin, amin!

Persembahan boleh dikirimkan ke:

1. Rekening Britama Cab. Pd Gede No. (002) 038501000630566

        2. Tabungan BNI No. (009) 1919667770