Tema:
“DIBAGASAN IBANA DO HANGOLUAN I LAOS
HANGOLUAN
I DO PANONDANG NI HAJOLMAON
(johannes
1 : 1 – 14)
(Sude ma Parhalado mamangke baju parhobas.
Borhat sian konsistori, laos jongjong di langgatan laho
pasahathon: Selamat Ari
Natal)
U : Sadari on 25
Desember 2016, i ma puncak ni sude las ni
rohanta mamestahon Parningotan Hatutubu ni Tuhanta Jesus Kristus. Marpungu do
sude angka naporsea manghamauliateohon balga ni asi ni roha ni Debata na
manongos Anakna na sasada i gabe haluaon ni sandok manisia. Antong sian hami
Parhalado Partohonan hupasahat hami ma Selamat Ari Natal tu hamu saluhutna ruas ni huria:
R : Selamat Ari Natal ma nang di hamu angka amanami
dohot inanami Parhalado di huria on.
U : Asi ni roha ni Tuhanta Jesus
Kristus dohot holong ni roha ni Debata Amanta dohot Parsaoran ni Tondi
Parbadia ma mandongani hamu saluhutna! Mangasahon Ari Nauli ari Parningotan Hatutubu ni Tuhan Jesus Kristus sadari
on, marsihorasan jala marsijalangan ma hita dibagasan dame dohot las ni roha.
S :
(Hehe,
jongjong ma hita marsijalangan ma sude ruas ni
huria, laos hundul ma nang angka parhalado marsitopot angka ingananna be!).
U : Hundul ma hamu saluhutna! Hamu angka dongan, taolophon jala taendehon ma
hajujumpang ni Pesta Parningotan Hatutubu ni Tuhanta Jesus Kristus sadari on,
marhite na marende ma hita, Nunga jumpang muse......
É Nunga jumpang muse ari pesta
i, hatutubu ni Tuhanta Jesus i Tuat do Ibana sian surgo i mebat tu hita on Hasangapon di Debata dame dame ma di
jolma Las ni roha ni Debata hajolmaon
muse.
-------Jongjong-------
É Sombanami ma di Ho na tubu on
Ho silehon dame tu portibi on! Sai
pasaorhon ma tu rohanami on dameMi o Jesus
Hasangapon di Debata dame dame ma di jolma Las ni roha ni Debata hajolmaon muse.
L: Tapungka ma Ibadah Pesta
Parningotan Hatutubu ni Tuhanta Jesus Kristus di hurianta sadari on marhitehite
goar ni Debata Ama, AnakNa Tuhan Jesus Kristus, dohot Tondi Parbadia.
R: Amin !
L: Nunga tubu di hita sada
posoposo, dilehon tu hita sada Anak, pampe tu abaraNa do sogot harajaon, jala
bahenonna GoarNa:
R: Sipartahi halongangan, Ulubalang ni Debata Ama,
salelengnilelengna, Raja ni hadameon.
L: Endehon hamu sada ende na imbaru di Jahowa, ale sandok tano on.
Pajojor hamu ma di tongatonga ni angka sipelebegu hamuliaonNa i, di tongatonga
ni saluhut bangso halongangan, angka na binahenNa i. Marsomba ma hamu tu Jahowa
marpahean na marhadohoan, angka hitir ma hamu maradophon Ibana, ale isi ni
sandok tano on. Haleluya
S:
(Mangendehon : Haleluya!)
L: Martangiang ma hita : Ale Debata, Ama na di banua ginjang! Pujipujian, hasangapon dohot hamauliateon
husombahon hami tu Ho, marningot silehonlehonMi na balga i tu hami jolma na di
pardangolan on, i ma AnakMu, Jesus kristus na sinuruMi sian banua ginjang ala
ni hami. Gabe na dangol do Ibana jala na pogos, pola tu Ibana di bara ni
Betlehem, asa mamora hami. Sai rajai jala togutogu hami marhitehite TondiM, asa
lam huida hami godang ni holong ni rohaM na pinapatar ni AnakMi, Amen ! ------Hundul------
É Na sian ginjang do au ro barita na imbaru do; Huhut na uli situtu huboan tu
sude hamu.
É O Jesus haholonganhi bongoti dohot rohangki, Pabali sian i sude, na tau
mangago au muse.
05. Manjaha Patik ni Debata :
L : Patik ni Debata di Pesta Parningotan Hatutubu ni Tuhan ta Jesus
sadari on tarsurat di Johannes 3 : 3 ”Dung i ninna Jesus ma mangalusi ibana: Na tutu situtu do na hudok on tu
ho: Ia so tubu jolma sian ginjang, ndang tarbahensa marnida harajaon ni Debata”.
Ima sahatna antong rap mangido gogo ma
hita sian Tuhan Debata.
S
: Ale Tuhan Debata, sai pargogoi
ma hami mangulahon na hombar tu Hatami. Amen!
É
Ai ise Poso-poso
i peak di panggagatan ? Aha binaritahon ni suruan tu parmahan ? Kristus Tuhanta
i Raja na baru sorang i Tasomba Tuhan i Anak ni Debatanta.
------Jongjong------
É Na mora nang na pogos pe ro ma tu joloNa Taboan peleanta be tu
Jesus i Rajanta Marsurak-surak be mamuji Tuhan Debata Marlas ni roha be marende
tu Tuhanta.
07. Tangiang Manopoti dosa :
L : Di na jongjong hita di mata ni Pesta Parningotan Hatutubu ni
Tuhanta Jesus sadari on, tama taingot jala tatopoti dosa, hahurangan dohot
pangalaosionta tu Debata. Ala ni i hohom ma jolo hita satongkin songon na
manullingkiti rohanta!
........tingki na hohom....... Musik BE. No.
53:1 (BL.
51)
L: Ale Tuhan Debata, Pargogo na so hatudosan jala Amanami ! Hujou hami do
GoarMu na badia i, ala na targogot hami marningot dosanami. Sai marasi ni roha
ma Ho mida hami on. O Tuhan Jesus Kristus, Anak ni Debata na gabe jolma ala ni
hami, na mate jala na hehe sian na mate, na manaek tu banua ginjang do Ho
mangondihon hami.
S : Mangendehon BE No. 53 : 2
“Di
Betlehem do Tubu” (BL. 51)
Tu holong ni rohaNa Hubonom rohangkon; Hulehon di Ibana sude na di au on. Olo, olo sude na dia
on
L : Asi ma rohaM di hami, sai patongon ma di hami roha hamauliateon tu Ho. O
Tondi Parbadia, pangapul di na marsak roha, pamalum ma saluhut na bernit,
binahen ni dosanami! Ro ma Ho mangingani hami, asa marlas ni roha hami
mangulahon lomo ni rohaM. Ho do parhitean ni nasa asi ni roha, sai unang tulak
hami. Ho do parhitean ni nasa asi ni roha, sai unang tulak hami. Sai tangihon
ma hami, Ho ale Debata, Ama, Anak dohot Tondi Parbadia !
S : Mangendehon BE. No. 53 : 3 “Di Betlehem
do Tubu” (BL. 51)
Sai naeng haholonganku, Ho ale Tuhanki
Nang marsak las rohangku, Ingkon lam ganda i. Olo, olo ingkon lam
ganda
L : Pos ma rohamuna! Songon on do
panghaholongi ni Debata di portibi on, pola do AnakNa na sasada i dilehon, asa
unang mago ganup na porsea di Ibana, asa hangoluan na saleleng ni lelengna di
Ibana. Hasangapon ma di Debata na di ginjang. Amen! ------Hundul------
Æ Di Natal na parjolo I parmahan
marborngin di ladang I, Tusi do ro suruan I, mandok nunga sorang Mesias i.
Noel, Noel, Noel, Noel, Tubu Raja ni Israel.
Æ Parroha sian purba I, Lao bongot tu bagas ni
Jesus i. Disombahon tu Jesus I Haminjon, mas, mir, binoanna i. Noel, Noel, ………
09. Manjaha Epistel :
Psalmen 98 : 1 - 9
L: Epistel di Pesta Parningotan
Hatutubu ni Tuhanta Jesus Kristus, tarsurat di Psalmen 98 : 1 – 9 Endehon hamu ma
di Jahowa * ende na imbaru sada, ai nunga dipambahen Ibana angka halongangan;
nunga ditumpahi siamunna i dohot tanganna na badia i Ibana.
R: Nunga dipabotohon Jahowa hatuaonna i, nunga dipapatar Ibana hatigoranna
i di adopan ni angka parbegu.
L: Nunga diingot Ibana asi ni rohana dohot hasintonganna tu bagas ni
Israel, nunga diida * luhut ujung ni tano on hatuaon ni Debatanta.
R: Marsuraksurak ma ho, ale sandok tano on, mangolophon Jahowa, pangiar ma
soaram marolopolop, jala marende ma hamu.
L: Puji hamu ma Jahowa, marangkup arbap, mardongan arbap dohot soara ni
ende!
R: Marolopolop ma hamu di jolo ni Raja Jahowa, mardongan sarune dohot soara
ni sangka.
L: Mardorom ma laut ro di isina, portibi on ro di pangisina i.
R: Martopaptopap ma angka batang aek, rap marolopolop ma angka dolok.
L: Dijolo ni Jahowa, ai nunga ro Ibana laho manguhum tano on, uhumonna ma
portibi on marhitehite hatigoran dohot angka bangso marhitehite hasintongan.
Ima sahatna “Martua do angka na tumangihon hata ni Debata jala na
umpeopsa”!
S: Amen !
11. Marende BE. No. 48 : 2 - 3 “Ria ma hita sasude” (BL. 16)
É Diungkap Debatanta do
Banuaginjang i, Disuru do AnakNa i.
(Hangoluanta i) 2 x
-----Jongjong-----
É Ampuan ni Amana do
tinadingkonna i. Tu hasiangan on do ro ( Tu pardangolan i) 2x
L : Tahatindangkon ma haporseaonta i, rap ma hita mandok :
S : Ahu porsea di Debata Jahowa . . . “ du -----Hundul----
13. Koor :
14. Boaboa
15. Koor :
16. Marende BE No. 615:1… (Pel. IA/IB) “Tarbege surusuruan” (SDJ)
Æ Tarbege surusuruan marende mansai uli. Angka
dolok dohot rura, gok do saringar na i. Sangap ma sangap ma di Tuhan
sangap ma sangap ma di Tuhan.
Æ
Las roham ale parmahan, nunga tubu Kristus I
Rap marende ma hamuna, pasangaphon Raja i.
Sangap ma.... ------Musik------
Rap marende ma hamuna, pasangaphon Raja i.
Sangap ma.... ------Musik------
Æ
Borhat ma hamu marnida, tu huta Betlehem I,
Somba Kristus Sipalua, naimbaru tubu i.
Sangap ma.....
Somba Kristus Sipalua, naimbaru tubu i.
Sangap ma.....
Æ
Ida ma di panggagatan, Sipalua na ro i.
Sigomgomi parluhutan, langit dohot tano i.
Sangap ma..... ------Musik------
Sigomgomi parluhutan, langit dohot tano i.
Sangap ma..... ------Musik------
18. Marende BE. 62:1... (Pelean II) ”Halalas ni roha godang” (BL. 172)
É Halalas ni roha godang,
na hubaritahon on, nunga tubu Sipalua, di hita jolma on. Hasangapon di Debata.
Laos dame, dame, dame ma di jolma. Lomo ni roha ni Debata, do hita jolma on.
É Tuhan Jesus hadomuan,
na disuru Debata. Na pasaehon sude dosa, di dolok Golgata Hasangapon di
Debata.... ------Musik------
É Sai sondangi ma
rohangku, ale Tuhan Jesus i, asa dohot au maruli di hatutubuMi. Hasangapon di
Debata.....
É Halalas ni roha godang
sai songgopi rohangki. Asa dohot au ummalo mamuji goarMi. Hasangapon di
Debata..... ------Musik-----
Pdt : Gabe daging ma Hata i jala maringan di tongatonga ni hita on! On
ma barita Natal mangihuthon si Johannes, laos i do nang panghorhon ni Pesta
Natal di hita, asa tapatuduhon Jesus Kristus i mangolu dibagasan diri, keluarga
dohot hurianta. Antong tajangkon ma Ibana mian dibagasan ngolunta dohot
keluarganta; taboan ma Ibana mulak sian parpestaan on tu angka bagasta asa mian
Ibana di tongatonganta ganup ari!
R : (Mangendehon) BE No. 518:1“Marsinondang dibaen Jesus” (BL 355)
Marsinondang
dibaen Jesus asi rohana i,
Jala hita do disuru , asa ta paboa i.
Ta pagalak palitonta, ta patiur dalan i,
Ai torop dope na lilu, sai hatopma mulak i.
Jala hita do disuru , asa ta paboa i.
Ta pagalak palitonta, ta patiur dalan i,
Ai torop dope na lilu, sai hatopma mulak i.
Pdt : Dibagasan
partondionta nunga dohot hita nuaeng jongjong dibara ni pinahan na di Betlehem
na di Betlehem I; di adopanta do posoposo i, ima Jesus Kristus Tuhanta i. Somba
ma Ibana marhite ngolum dohot ulaonmu, parangehon hataNa, mangolu ma ho
dibagasan dame na sian Tuhanta i. I ma kado silehonlehonmu tu Jesus na sorang
i.
R : (Mangendehon) BE No. 518:2 “Marsinondang dibaen Jesus” (BL 355)
Nang
au on na dao najolo, di na holom lilu au,
Alai sondang ni Tuhanku do mamboan mulak au.
Ta pagalak….
Alai sondang ni Tuhanku do mamboan mulak au.
Ta pagalak….
Pdt : Marhite naung tapangan roti jala tainum anggur parpadanan na
sian Tuhan Jesus Kristus. Antong tapardagingkon ma pamatang ni Jesus Kristus i
jala taparmudarhon ma nang mudarNa i. Antong patuduhon ma i marhite
pangalahom dohot bangkom siganup ari maniru Tuhan Jesus Kristus.
R : (Mangendehon) BE No 518:3 “Marsinondang dibaen Jesus” (BL
355)
Haholomon
mangkuhupi toropan ditano i,
Tung torop mangkalungunhon, sondang tu dalanna i.
Tapagalak…..
Tung torop mangkalungunhon, sondang tu dalanna i.
Tapagalak…..
21. ACARA ULAON NA BADIA :
1.
Marende BE. No. 227 : 1 + 3 “Jesus ngolu ni tondingku” (BL. 26)
1 Jesus ngolu ni tondingku, Ho do haporusanki Gok di Ho na ma
diringku, ro di nasa langkaki
3 Jangkon au baen
siseanMu Na girgir tu podaMi Sai surdukkon ma tanganMu Asa tong hutiop i.
2.
Liturgi Pangaradeon
3.
Marende BE. No. 152 : 1 “Jesus na mamorsan” (BL. 120)
Ø Jesus na mamorsan dosa ni portibi on, pangolu hami. Jesus na marmorsan dosa
ni portibi on, pangolu hami. Jesus na mamorsan dosa ni portibi on, sai pasonang
hami, Amen, Amen, Amen.
4.
Tona Ulaon Na Badia
(Ida Agenda)
5.
Panghobasion Ulaon
Nabadia (huhut marende)
a.
Marende BE. No. 213 : 1... “Dung sonang rohangku” (BL. 115)
1.
Dung sonang rohangku dibaen Jesus i,
Porsuk pe hu taon dison, na pos do
rohangku di Tuhan ta i
Dipasonang tongtong rohangkon. Sonang do, sonang do, dipasonang tongtong rohangkon.
2.
Nang dihaliangi sibolis pe au, naeng
agohononna muse
Naung mate Tuhanhu, mangolu ma au;
Utanghi nunga sai sasude. Sonang do,
d.u.
3.
Diporsan Tuhanku sandok dosangk i,
bolong tu na dao do dibaen. Nang
sada na so jujuronNa be i,
na martua tondingku nueang. Sonang
do, d.u.
4.
Mangolu nang mate di Jesus do au, Ibana haporusanhi
HataNa sambing do partogi di au, ai na tau haposanhu do i.
Sonang do, d.u.
b.
Marende BE. No. 227 : 1... Jesus ngolu ni tondingku (BL. 26)
1.
Jesus ngolu ni
tondingku, Ho do haporusanki.
Gok di Ho nama diringku, ro di nasa langkangki
2.
Lam tangkas ma
patuduhon tu au on panghophopMi
Asa i huhalungunhon, hot ma au di lambungMi
3.
Jangkon au baen
siseanMu na girgir tu podaMi
Sai surdukkon ma tanganMu asa tong hutiop i
4.
Tangkup au Jesus
Tuhanku, tiop au mansai gomos
Asa unang runsur pathu sian dalan na tingkos
5.
Raphon Ho do au mangalo
dosa dohot hisaphi
Ai sumurung do pangago anggo Ho di lambungki
6.
TondiMi sai tong paian
di au on tinobusMi,
Tung patau ma au manean pinarbagabagaMi
c.
Marende BE. No. 179 : 1... “Adong do sada mual i” (BL. 20)
1.
Adong do sada mual, di
na mardosa i
Mansai denggan do mual
i pasonang rohangki
2.
Aek mual na badia i,
ima di Jesus i
Disesa do tihasta i, dibuat arsak
i
3.
Ai mudar ni Tuhanta i,
do mual i sintong
Durus di Golgata do i, mangkophop
hita on
4.
Ima tutu, ai dohot au
las dibahen Ho
Asi do rohaM di au, nang di luhut
na ro
5.
Parjahat di siamun-Mi
di Dolok Golgata
Dogolom i do hataMi dibaen porsea
do
6.
Dung i jalo malui Sian
pangago i
Dibaen porsea roha nii Di Ho,
RajaNa i
7.
Sai dohot au palua ma
padao ma jea i
Di hami sai patongtong ma
haporseaon i
8.
Ai na margogo do
tongtong mudarMu na use
Las dibahen rohangkon bontor
huhut ture
9.
Dibahen i pujionki,
tongtong ma goarMi
Sai i ma sogot endengki, dung au
di lambungMi
6. Marende BE. No. 9 : 1 “Hupuji holong ni rohaMu” (BL. 110)
Hupuji holong ni rohaMu,
O Tuhan Jesus Rajangki
Tu Ho hulehon ma
tondingku, ai ido pinangidoMi
Huhalupahon ma diringku,
mamingkir holong ni rohaMu
22. Tangiang Panutup Ulaon Nabadia (Hombar tu Agenda)
23.
Masijalangan/masitiopan tangan siamun dohot hambirang, huhut mangendehon BE.
No. 605 : 1... (SDJ)
1.
Las ma roham Tuhanta
ro, gumongom sasude, ungkap roham, jangkon Rajam, marende ma sude, marende ma
sude, marende, marende ma sude.
2.
Ibana do Rajanta i,
parasiroha i, Na tigor i, na bonar i, parholong roha i, parholong roha i,
parholong, parholong roha i
SELAMAT HARI
NATAL
25 DESEMBER 2016
&
TAHUN
BARU 1 JANUARI 2017
Tidak ada komentar:
Posting Komentar