PERAYAAN NATAL GABUNGAN HKBP PONDOK GEDE

ACARA  IBADAH  PERAYAAN

 NATAL GABUNGAN HKBP PONDOK GEDE 
RESORT PONDOK GEDE

DISTRIK XIX BEKASI

SELASA , 20 DESEMBER 2016

Tema:                Ai naung tubu do di hamu saborngin on, di huta ni si Daud, Sipalua i, i ma Kristus, Tuhan i! 

                          (Lukas 2 : 11)

I.    Persiapan Ibadah

1.  Tabe Dohot Joujou tu Ibadah Natal

L:     Hamu saluhutna nahinaholongan di bagasan Yesus Kristus, na marpungu do  hita nuaeng di borngin on laho mamestahon huhut manghalashon Pesta Parningotan di Ari Hatutubu ni Tuhan Jesus Kristus Sipalua i, alani i mangasahon Goar ni Tuhan Jesus, hupasahathami ma tu hamu saluhutna. Selamat Natal ma di hamu saluhutna!

H:   Selamat ari Natal ma nang di hamu saluhutna Parhaladonami, sai dipargogoi, diparrohai jala dipatau Tuhanta Raja ni Huria i ma hamu saluhutna manghobasi HuriaNa on, suang songon nag hami saluhutna ruas ni huria, lam sada ma roahanmi mangihuthon Kristus Tuhan i. (huhut masijalangan tu siamun hambirangna mandok Selamat Natal di hamu na hinaholongan ni Debata)

L:    Tapuji ma Debata Ama, naung mangalehon AnakNa Tuhan Jesus Kristus na gabe jolma humophop hita, laho paluahon hita sian hamagoan dohot sian dosa marhite Jesus Kristus naung ro manopot hajolmaon. Alani i tabaritahon ma hatutubu ni Kristus i, na ro mamboan hadameon, dohot ragam ni pasupasu tu hita huriaNa.

H:     Marende BE. No. 57: 1-2   Nunga jumpang muse

1.        Nunga jumpang muse ari pesta i, hatutubu ni Tuhanta Jesus i.

Tuat do Ibana sian surgo i mebat tu hita on;

Hasangapon di Debata, dame dame ma di jolma

Las ni roha ni Debata hajolmaon muse.

2.   Sombanami ma di Ho na tubu on, Ho siboan dame tu portibi on,

      Sai pasaorhon ma tu rohanami on dameMi o Jesus.

      Hasangapon di Debata, damedame ma di jolma,

      Las ni roha ni Debata hajolmaon muse.

2.  Votum - Introitus

L:   Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Porbadia na tumompa langit dohot tano on.

H:     Amen

L:    Patuginjang ma tohangmuna, hamu ale angka harbangan, patuginjang ma hamu, ale angka pintu sian na robi, asa bongot Raja ni hamuliaon i.

H:  Ise ulanging Raja ni Hamuliaon i; I ma Jahowa  na gogo jala ulubalang, Jahowa Ulubalang ni hamusuaon.

L:    Patuginjang ma tohangmuna, hamu ale angka harbangan, jala patuginjang ma hamu,  ale angka pintu sian na robi, asa bongot Raja ni hamuliaon i.

H:   Ise ulaning Ibana, Raja ni Hamuliaon i? I ma Jahowa Zebaoth, Ibana do Raja ni hamuliaon i. Ibana naung ro manopot hajolmaon, napaluahon hita sian huaso ni sibolis.

L:     Ai naung tubu do di hamu saborngin on di huta ni si Daud Sipalua i, i ma Kristus Tuhan i, Ibana do Raja, napaluahon hita sian dosa.

H:    Nunga ditopot Debata hita na dipardangolan on, Nunga dipadiri Debata hita gabe bangso naniasianNa, dipasupasu hita asa gabe pasupasu tu saluhut natinompaNa i, antong tapareahi ma hasadaon ni roha; tapasangap ma Debata marhite hata nang parulaonta, asa marsangap Debata jala marmulia GoarNa na sun timbul i di angka na humaliang hita.

L:     Ia le Jahowa huhalashonhami do panopotonMu di hami borngin on, na huhalashon hami marhite pesta Natal di huriaM on, bahen ma hami siboan pasupasu  jala tiruan tu na humalianghami. Haleluya!

H:     (mangendehon) Haleluya, haleluya, haleluya.

L:    (Martangiang ma hita):   Ale Debata Amanami, Ama ni Tuhan Jesus Kristus, na tubu di Betlehem. Sai pinuji ma goarMu na badia i ala naung ditingkir Ho hami bangsoM. Ditogutogu Ho do hami bangsoM sian haholomon tu hatiuron, jala dipadomu Ho do hami sian na holing hian sian Ho, gabe saor muse dohot Ho. Gok halalas ni roha do hami alani i, sai jalo ma hamauliateon ni rohanami , naung tinopotMu marhitehite AnakMi.

H:     Amen.

3.  Marende SDJ. No 605: 1 + 4      Las ma roham

1.       Las ma roham Tuhanta ro, gumonggom sasude,

Ungkap roham, jangkon rajam,

Marende ma sude, marende ma sude, marende, marende ma sude.

4.       Ibana do Rajanta i, Parasiroha i, na tigor i, na bonar i,

Parholong roha i, parholong roha i, parholong, parholong roha i.

4.  Patik ni Debata

L:     Patik ni Debataa di hita sadari on i ma natarsurat di Efesus 5: 8- 10.   Ai naholom do hamu najolo; alai tiur do anggo nuaeng di bagasanTuhan i; Marparange ma hamu songon angka anak hatiuron.

H:     Ai nasa habasaon dohot hatigoran dohot hasintongan, ido parbue ni natiur i.

L:     Tangkasi hamu ma manang dia lomo ni roha ni Tuhan i, ido sahatna. Antong rap mangido gogo ma hita tu Debata:

L/H:  Ale Tuhan, sai pargogoi ma hami mangulahon na hombar tu patikMi. Amen.

5.  K O O R  Parompuan

6.  L I T U R G I  I  (Taringot tu hatotompa ni portibi on)

7.  Marende BE. No.  48: 4 + 7   Ria ma hita sasude

4.   Sitompa nasa na adong, sigomgom sasude,

      Ro songon i tu tano on; manaon na porsuk i,

      Manaon na porsuk i.

7.   Ringgas ma hita sasude mamuji Debata,

      Gogoma taendehon be, amen haleluya,

      Amen haleluya.

8.  L I T U R G I  II  (Ndang margogo jolma i marsihohot di hatani Debata, gabe madabu nasida tu bagasan dosa)

9.  K O O R:  Wijk   III, VI

10.  Marende  BE. No  61: 2-9   Na tau las ni roha

2.       Tung godang do dosa, pangunjunan pe,

Mangarsahi hita paima mate be,

Mangarsahi hita paima mate be                         ( jongjong)

9.       Sai ditatap Jesus sian surgo i,

Jolma manisia tinobusNa i,

Jolma manisia tinobusNa i.

11. Tangiang Manopoti Dosa dohot Mangido Asi ni Roha ni Debata

L:     Tatopoti ma dosanta tu Debata Martangiang ma hita:  Ale Tuhan Debata Amanami na di banuaginjang. Ho do patupahon hasesaan ni dosa di hami halak na dangol on marhitehite Anak haholongan ni rohaM.

H:   Saiasi ma roham di hami ,angka na mangarsakhon dosanami. Sai sahapi ma tu bagasan rohanami hasesaan ni dosanami.

L:    Lehon ma tu hamiTondiM na badia I asa unang ganggu rohanami di asi nirohaM, alai asa hot rohanami marhaporseaon laho manggotaphon nasa dosa dohot roha portibi on.

H:  Najotjot do hami paihutihut roharohanami, sipata ndang boi huoromhami dirinami, gabe olo hami manghatahon na so sintong, mangelaela dongan asa manghasogohon dongan jotjot hupaburnanghami dirinami, ale Tuhan asi ma roham di hami.

L:   Marungkil do hami dipardalanan ni ngolunami,  godang na so huatusi hami pambahenanMu di ngolunami, gabe jotjot mabiar manang biahaton hami. Ale Tuhan, sai pahotma haporseaon nami, patogu nang panghirimonnami asa monang hami maralohon saluhut namanosak ngolunami. Sai ajari ma hami mananda lomo ni roham asa hupasahathami dirinami tu Ho, gabe pelean namangolu jala nabadia marhitehite Tuhan Jesus Kristus.

H:     (mangendehon  BE. No.182: 3-4):  

3.       Sai jotjot do hutadingkon dalanMi na tigor i,

          Kristen au hape hutondong dalan hamagoan i

4.       Ala ni tungki rohangku jongjong di adopanMi,

          Sai asi roham Tuhanku sesa nasa dosangki,

L:      Bagabaga ni Debata taringot tu hasesaan ni dosa: Songon on do hata ni Tuhan Jahowa , nunga pola Hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu di Sipalua ho.

H:     Hasangapon ma di Debata na di ginjang. Amen.

12.  K O O R : Koor  Wijk 1, Wijk V

13.  Epistel Jesaya 9: 1-6

L:       Hata ni Debata turpuk Epistel di hita, sian Jesaya 9: 1 - 6; Jer 23 : 5-6; Bangso namardalani di bagasan haholomon i, marnida sada panondang na bolon. Binsar do sada panondang di angka namangingani tano linggoman ni hamatean.

Wijk  I:  Nunga dipatorop Ho bangso i, nunga dipadiri Ho di ibana halalas ni roha bolon; marlas ni roha ma nasida di jolo ni bohiM, songon las ni roha di gotilon, songon parolopolopon di namarbagi tabantaban.

Wijk II:  Ai Nunga diponggolhon Ho auga na ampe tu ibana, dohot batahi ni abarana dohot linsinglinsing ni namangadu ibana, songon uju di ari Midian.

Wijk III: Ai masoksok do sogot sinjata ni  parsinjata di hatuturtar ni tongtangan, ro di ulon na marsapu mudar, gabe sipanganon ni api.

Wijk IV: Ai nunga tubu di hita sada posoposo, dilehon tu hita sada Anak, pampe tu Ibana do sogot harajaon, jala bahenonna Goarna Sipartahi Halongangan, Siulubalang ni Debata, Ama saleleng ni lelengna  Raja ni Hadameon.

Wijk V: Bahen hagaganda ni harajaon dohot hadameon na so marujung di habangsa ni si David dohot di harajaonNa i, pahothon dohot patoguhon patik dohot hatigoran, olat nion ro di salelenglelengna, Hamuruhon ni Jahowa patupahon  songon i.

Wijk VI: Ida ma na ro do angka ari sogot, ninna Jahowa. PatindangonKu ma di si David sada tumbur na tigor, na bangkita Raja jala napistar; jala hajongjongkononNa ma uhum dohot hatigoran di tano i.

Sude Ruas: Di angka arina dapotan tua ma Juda, jala Israel marsonangsonang di ingananna; jala  on do goarNa dohonon ni halak: Jahowa Parpintoranta:

L:            I ma sahatna. Martua ma angka natumangihon hata ni Debata jala naumpeopsa.

Sude Ruas: Amen.

14.  L I  T U R G I  III  (Dilumbahon Debata bagabagaNa)

15. K O O R:   Wijk  II , IV

16. Marende  BE. No: 56: 1 + 4      Sai ro ma hamuna

1.       Sai ro ma hamuna angka naporsea, sai ro ma hamuna tu Betlehem,

Ida dakdanak Sipalua hita, Tasomba ma Ibana, tasomba ma Ibana,

Tasomba ma Ibana Rajanta...

( jongjong )

4.       O Jesus Tuhanku sai nang pujiongku pambaenMu di ahu pardosa on,

Ai gabe jolma Ho humokhop ahu, tasomba ma Ibana, tasomba ma Ibana,

Tasomba ma Ibana Rajanta

17. Manghatindanghon Haporseaon

L:     Tahatindanghon ma haporseaonta i songon panghatindanghonon ni donganta sahaporseaon di sandok portibi on, rap ma hita mandok:

H:     Ahu porsea di Debata  Jahowa ............. d.u. (hundul) 

18.  K O O R:   Ina Hanna, Lansia

19.  L I T U R G I   IV  (Hasasaut ni bagabaga, nunga tubu Jesus)

20.  Pagalak Lilin Natal:                            (diiringi lagu SDJ. No. 616)

1. Pendeta

2. Parhalado/ Paragenda

3. Panitia Natal

4. Mewakili  Wijk I – VI

5. Mewakili Ama

6. Mewakili Ina.

21. Marende  BE. No. 54: 1 – 3  Sonang ni bornginna i             ( jongjong )

1.       Sonang ni borngin na i, uju ro Jesus i,

Sonang modom do halak sude,

Holan dua na dungo dope;

Mangingani Anakna, Jesus Tuhanta i,

2.       Denggan ni bornginna i, uju ro Jesus i,

Tu parmahan di Betlehem i, dipaboa pardisurgo i,

Nunga ro Sipangolu, Jesus Tuhanta i.

3.       Godang ni Tua disi, di na ro Jesus i,

Tung malua pardosa muse, sian hamagoanna sude,

Ala ro Sipangolu Jesus Tuhanta i.

………………………….martangiang na hohom ………………………….

22.  Tangiang pangondianon: Sahalak Sian Panita Natal

23.  K O O R:  Ama, Sion

24.  L I T U R G I   V:  (Aha do parbue ni panjanghononta di Jesus na ro i?)

25. Marende  BE. No. 62: 1...   Halalas ni roha godang                           ( Pelean Ia/Ib)

1.       Halalas ni roha godang, na hubaritahon on,

Nunga tubu Sipalua di hita jolma on.

Reff:        Hasangapon di Debata, laos dame, dame, dame ma di jolma,

Lomo ni roha ni Debata, do hita jolma on.

2.       Ai saborngin on do binsar, bintang di naholom i,

Sumondangi hagolapon na di rohanta i.

Reff :       Hasangapon di Debata.....

.............................. m u s i k ...................................

3.       Tuhan Jesus hadomuan, na disuru debata,

Na pasaehon sude dosa, di dolok golgata.

Reff :       Hasangapon di debata…

4.       Sai sondangi ma rohangku, ale Tuhan Jesus i,

Asa dohot au maruli, di hatutubuMi.

Reff:        Hasangapon di Debata.....

........................ m u s i k ................................

5.       Halalas ni roha godang, sai songgopi rohangki,

Asa dohot au ummalo, mamuji GoarMi.

Reff:        Hasangapon di Debata...

26.  Jamita:                        

27.  Marende BE. No. 47: 1... Di na saborngin on do binsar          (P. Pelean II )

1.       Di nasa borngin i do binsar panondang ni tondinta i,

Padaohon saluhut na simpar, lao patiurhon sasude.

Sondangon ni Panondang on, muse sandok portibi on.

2.       Ianggo ho ale tondingku, sai jangkon ma Panondang i,

Sai unang ma lea rohamu dibaen hametmetonna i;

Pabalionna do sude, sibolis dohot dosa pe.

........................ m u s i k ................................

3.       Panondang on do papatarhon na so hea niidami.

Dibahen i sai hangoluhon, sondangNai tu tondimi.

Ai ido hasonanganmi di na lao sego sasude.

4.       Dibahaen i sai marsinondang ma baen haporseaonmi;

Padenggan jala sai patorang roham rodi parangemi.

Paboa na marguna do Panondang na ro i di ho.

........................ m u s i k ................................

5.       Jesus Panondang na ummuli na pasonangkon rohangki,

Togihon ma tondingku muli tu surgo tu ingananMi,

Sai pujiongku Ho disi saleleng ni lelengna i.

28.  Tangiang Panutup-Tangiang Pelean-Pasupasu.

29. (Mangendehon): Amen, amen, amen.

II.  Perayaan: Kata Sambutan

1.       Panitia Natal

2.       Parhalado

SELAMAT HARI NATAL DAN SALAM DAMAI