PARTORDING NI PARMINGGUON
MINGGU PASAMPULUOMPATHON
DUNG TRINITATIS
NEW NORMAL - SOCIAL DISTANCING
COVID-19
HKBP PONDOK GEDE RESORT PONDOK
GEDE
Minggu, 13 September 2020
Topik: Sisoada do Hagiot ni
Portibi on
(P: Paragenda - R: Ruas)
I.
Pangaradeon
II.
Tingki na Hohom
III.
Acara Parmingguon
1.
Marende BE No. 18:1-2 Ungkap
bahan na umuli (BL 84)
Ø
Ungkap bahal na umuli, bagas ni
Debatangki.
Ai tusi do au naeng muli
ganup jumpang Minggu i.
Hulului do disi bohi ni
Debatangki.
--- Jongjong ---
Ø
Nunga ro au o Tuhanhu, ro ma Ho
tu au muse.
Ai di bagas inganan-Mu las ni roha do
sude.
Sai bongoti rohangkon, baen ma joroM i
dison.
2.
Votum – Introitus – Tangiang (A.XV/A.18;
D.XIII/45)
P: Marhitehite Goar ni Debata Ama
dohot Goar ni Anak-Na, Tuhan Jesus Kristus dohot Goar ni Tondi Parbadia, na
tumompa langit dohot tano on.
P/R: Amen.
P: Pos
situtu do rohangku, manang hamatean, manang hangoluan, manang angka surusuruan
ni Debata, manang harajaon, manang hagogoon, manang angka na masa nuaeng, manang
angka na ro sogot, ndang tarbahen i manirangi hita sian haholongon ni roha ni
Debata, na marhitehite Kristus Jesus Tuhanta i. Haleluya.
R: (Mangendehon BE
HKBP No. 852 F=Do 4/4):
Haleluya,
Haleluya, Haleluya!
P: Martangiang ma hita: Ale Tuhan Debata, Parasiroha jala
na bonar! Mauliate hudok hami, ala dipabinsar Ho tu hami Barita na Uli, na
manondangi rohanami. Ai ala ni i umbahen hutanda hami Ho dohot lomo ni rohaM.
Dipangido rohanami naeng mangulahon lomo ni rohaM hami saleleng di ngolu on,
jala naeng martua hami bahenonMu. Sai parbadiai ma rohanami marhitehite TondiM,
jala pargogoi ma hami mangorom hisap-hisap dohot manggotaphon roha portibi on.
Sai palas ma rohanami mangoloi Ho ala ni AnakMu, Tuhan Jesus Kristus,
Tuhannami.
P/R: Amen.
3.
Marende BE No. 557:1-2 Dao
Dumenggan
Ø
Dao dumenggan asi ni rohaM, dao
umarga sian ngolungkon.
Sai pujionhu ma ho Tuhanhu, dao
umarga asi ni rohaM.
Ø
Ala GoarMu ro do au tu Ho. Herbang
tanganhu lao mamuji Ho.
Dao umarga sian ngolungku, dao
dumenggan asi ni rohaM.
4.
Patik Papituhon dohot Lapatanna
P: Tangihon
hamu ma Patik ni Debata i ma Patik Papituhon dohot lapatanna.
Patik
Papituhon: Unang ho mangalangkup!
Dia
do lapatan ni i?
On
do: Ingkon dihabiari rohanta Debata jala ingkon holong rohanta di Ibana, asa
toman rohanta jala porman dohot pangalahonta ro di hatanta, ianggo angka naung
marbagas i ingkon masiparhamaolan jala masihaholongan.
Ima sahatna. Antong rap mangido gogo ma hita
sian Debata laho mangulahon na hombar tu patikNa i:
P/R: Ale
Tuhan Debata, sai pargogoi ma hami mangulahon na hombar tu Patik-Mi. Amen.
5.
Marende BE No. 180:1+3 Ro tu
Jesus Ho na Loja (BL 228)
Ø
Ro tu Jesus ho na loja, na maheu
i.
Lam lumbang do di lambungNa
rohami.
--- Jongjong ---
Ø
Timbang holong ni rohaNa na sai
godang i.
Ai dilehon do hosanNa tobusmi.
6.
Tangiang Manopoti Dosa (B.5; C.5)
P: Tatopoti ma dosanta!
Ale Tuhan Debata, Amanami na di
banua ginjang! Ho do na patupahon hasesaan ni dosa di hami halak na dangol on
marhitehite Anak haholongan ni rohaM. Sai asi ma rohaM di hami, angka na
mangarsakhon dosanami. Sai sahapi ma tu bagasan rohanami hasesaan ni dosanami
i. Lehon ma tu hami TondiM na badia i, asa unang ganggu rohanami di asi ni
rohaM, alai asa hot rohanami marhaporseaon laho manggotaphon nasa dosa dohot
roha portibi on, asa hupasahat hami dirinami tu Ho, gabe pelean na mangolu jala
na badia marhitehite Tuhan Jesus Kristus Tuhannami.
R: Amen.
…
Tangiang na hohom BE HKBP No. 449 (BL 300) …
P: Tabege ma Hata bagabaga taringot tu hasesaan ni dosa.
Songon on do Hata ni Tuhan Jesus: Ro ma hamu tu Ahu,
hamu angka na loja jala na sorat, Hupasonang pe hamu. Buat hamu ma augangKu tu
hamu, guruhon hamu ma sian Ahu, ai na lambok do Ahu jala na serep marroha, asa
dapotan hasonangan tondimuna. Ai lambok do augangKu jala neang do dohot na Hupaporsahon.
Hasangapon ma di Debata na di ginjang!
P/R: Amen.
7.
Marende BE No. 275:1 O Jesus
Tuhanhi (BL 245)
Ø
O Jesus Tuhanhi, Ho Siparmonang i,
Raja tongtong.
Ndang na margogo au, molo so Ho
di au.
I pe dongani au di tano on.
8.
Epistel (Galatia 5:19-21)
P: Tabege ma Hata ni Debata turpuk
ni ari Minggu on, sian
buku Galatia 5:19-21. Ita jaha ma marsorinsorin. Alai tandap do parulaon ni daging, i ma
parmainanon, hahodaron, pargadombuson.
R: Hasipelebeguon,
hadatuon, parmusumusuon, parbadabadaon, pangiburuon, rimasrimas, pargutugutuon,
parsalisian, partahitahion.
P: Bunubunu,
parmabuhon, haormuson, jala angka na suman tusi. Naung hupaboa na jolo tu hamu,
songon i do nang nuaeng. Ndang teaonon ni angka na mangulahon sisongon i
harajaon ni Debata. I ma sahatna! Martua do
angka na tumangihon Hata ni Debata, jala na umpeopsa.
R: Amen.
9.
Marende BE No. 482:1-2 Asa on ma
na Sintong (BL 326)
Ø Asa
on ma na sintong Jesus i do na burju.
Mago pe portibi on tu Ibana
rohangkon.
--- Jongjong ---
Ø Jesus
do ummaol di au, ai arga ditobus au.
Nang musuNa au nian, jala mago au
hian.
10. Manghatindanghon
Haporseaon
P: Tahatindanghon ma haporseaonta
i, songon na hinatindanghon ni donganta sahaporseaon di sandok portibi on. Rap
ma hita mandok:
P/R: Ahu porsea di
Debata Jahowa, i do Ama, Pargogo na so hatudosan na tumompa langit dohot tano.
Ahu porsea di Jesus Kristus, Anak
ni Debata Jahowa, na sasada i; i ma na tinubuhon ni si Maria na gabegabean sian
Tondi Parbadia andorang so habubuhan; i do Tuhanta, na tumaon na bernit di
panguhuman ni si Latus; na mate tarpajal do Ibana di hau pinarsilang, na tuat
tu banua toru, dung ditanom, na mulak mangolu di ari patoluhon, na manaek tu
surgo laho hundul tu siamun ni Debata Jahowa, Ama-Na i, Pargogo na so hatudosan
i, disi ma Ibana, paima mulak sogot tu tano on manguhumi halak na mangolu dohot
na mate.
Ahu porsea di Tondi Parbadia,
jala adong sada huria na badia, Huria hatopan ni halak Kristen angka na badia,
dohot di hasesaan ni dosa, dohot di Hata i, na mandok: Mulak mangolu sogot
daging ni halak naung mate, dohot di hangoluan na so ra suda. Amen.
11.
Tingting Huria dohot Tangiang Pangondianon
12.
Marende BE No. 258:1-2 Sai Hutuju
(BL 218)
Ø
Sai hutuju hangongolu na pasabam
au.
Sai hugogo lao tu surgo, paima
sahat au.
Sabat hupasiding do, hata on
huingot do.
Sai datdati manjalahi hasonangan
i.
Ø
Naung pinio do tu surgo au
binahenMi.
Molo togang au mardalan na jorbut
ma i.
Anggo na tarsabat i mago do
tumpalna i.
Hutadinghon, hutundalhon na di
pudingki.
13.
Jamita (Parjamita 2:4-11)
4. Dung i hupabalga ma angka hapadeanhu,
hupauli di ahu angka bagas bolon, jala hupungka di ahu angka porlak anggur.
5. Hubahen di ahu angka porlak dohot
paredangedangan, jala husuan tusi hau angka na marparbue marragamragam.
6. Hubahen di ahu angka tobat mamornohi hau
suanan angka na rugun martumburi.
7. Hutuhor ma angka hatoban baoa dohot boruboru,
adong huhut di ahu naposo angka na sorang di jabungku; tole muse angka punguan
lombu dohot birubiru gumodang di ahu sian saluhut jolma angka na jumolo sian
ahu di Jerusalem.
8. Hupagukguk huhut di ahu perak dohot sere
dohot arta na arga sian raja angka na pulik luat. Hupillit huhut di ahu angka
parende baoa dohot boruboru bahen hariburon di jolma manisia, tole parinaan
tuanlaen mansai torop.
9. Jadi tumimbul jala ummora ahu sian saluhut
jolma angka na jumolo sian ahu di Jerusalem; hot do huhut hapistaranhu di ahu.
10. Manang sadia pe na pinangido ni matangku
ndang huontohi, ndang hutiopi rohangku mangolooloi nasa lomona. Ai tung na las
situtu rohangku mida saluhut pambahenanhu, jala i do antong jambarhu sian
saluhut ulaonhu.
11. Alai dung hubereng saluhut pambahenanhu,
angka na binahen ni tanganhu, ro di hangaluton angka na hutaon laho paulihon,
ida ma laho salpu do saluhutna jala * mengeahi alogo sambing ahu disi, ndang
adong hape na hot anggo di hasiangan on.
14.
Marende BE No. 476:1-3 Ndada au Guru
di Au (BL 322)
(Pasahathon Pelean)
Ø Ndada
au guru di au be, Jesus do nampuna au.
Las rohangku dung hubege, Jesus Sipangolu
au.
Reff.: Ndang be au guru di
au,
Jesus
na humophop au, nampuna au.
Tung
saleleng au mangolu,
Jesus
do nampuna au.
--- Musik ---
Ø Ndang
di au, di Tuhan Jesus daging dohot rohangki.
Saluhutna hupasahat tu Ho Jesus
Tuhanhi. Reff.: …
--- Musik ---
Ø Ulaonhu
nang artangku pangke ma baen sangapMi.
Diusehon Ho mudarMu tung arga do
holongMi. Reff.: …
15.
Tangiang
Pelean – Ale Amanami – Pasupasu
P: Tatangianghon ma peleanta: Ale
Debata, Amanami na di banua ginjang, Ho do haroroan ni saluhut silehonlehon na
denggan dohot nasa ulibasa na mauliutus. Hupasahat hami ma sian na nilehon-Mi tu hami,
peleannami tu Ho. Sai jalo ma i gabe uap na hushus di joloM. Pasupasu ma i jala
ramoti asa huparhaseang hami pelean on, patimbulhon harajaon-Mu di
tongatonga ni HuriaM dohot di portibi on. Buhai ma rohanami marhitehite TondiM, asa lam hutanda
hami godang ni silehonlehon-Mi
tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
R: (Mangendehon): BE HKBP No. 204:2 (BL 73)
Nasa na nilehon-Mi, tondi ro di
pamatanghu.
Hosa dohot gogongki, ro di saluhut
artangku.
Hupasahat
i tu Ho, na so unsatonhu do.
P: Ale
Amanami na di banua ginjang! Sai pinarbadia ma Goar-Mu! Sai ro
ma harajaon-Mu!
Sai saut ma lomo ni rohaM di banua tonga on songon na di banua ginjang! Lehon
ma tu hami sadari on hangoluan siapari! Sesa ma dosanami songon panesanami di
dosa ni dongan na mardosa tu hami! Unang hami togihon tu pangunjunan! Palua ma
hami sian pangago!
R: (Mangendehon): BE HKBP No. 841
Ai Ho do nampuna harajaon
Dohot hagogoon, ro di hasangapon
Saleleng ni lelengna. Amen.
P: "Dipasupasu jala diramoti Tuhan
Debata ma ho (hita)! Disondangkon Tuhan Debata ma bohi-Na tu ho (hita) jala asi
ma roha-Na mida ho (hita)! Didompakhon Tuhan Debata ma bohi-Na tu ho (hita)
jala dipasaorhon ma dame-Na tu tondim (tondinta be).
P/R: (Mangendehon): BE HKBP No. 845
Amen…
Amen… Amen.
Peleanta,
itatongoshon ma tu:
1. Rekening Britama
Cab. Pond Gede
No. (002) 038501000630566
2.
Tabungan BNI
No. (009) 1919667770
Manang boi ma discan sian aplikasi LinkAja, Gopay, Ovo, Dana dan
Tidak ada komentar:
Posting Komentar