SERMON PARHALADO 12 JUNI 2018

Ev. 2 Petrus 3: 1-13; Ep. 1 Musa 7: 10-24

(Minggu III Dung Trinitatis, 17 Juni 2018)

Topik: Masihohot Maimaimahon Ari ni Tuhan

Patujolo

Surat Petrus na paduahon on manungguli haporseaon ni angka paisolat, na tarpillit, na marserak di Pontus, Galatia, Kappadosia, Asia dohot Bitinia na mangadopi haporsuhon na pinamasa kesar Rom tu nasida, ala porsea jala mangihuthon Jesus. Torop sian huria na maisolat i gabe sitotonduran, dipapangani singa naung sangajo dirapari diinganan naung ditontuhon, deba sian nasida diparsilangkon diparidi dohot aspal (miak) dungi disantik ma asa gabe palito di borngin ni ari. Marragam tuhastuhas dipaondamhon tu nasida, di mulana digoar do nasida sekte na mamulik sian Jahudi, mangihut muse dituhashon ma tu nasida sialo kesar. Tole muse mangadopi usaho ni angka apostel pargapgap na sai manggugai haporseaon ni angka na porsea i, mandok: Luhut barita na pinasahat ni angka apostel na taringot tu Jesus i (i ma: ngoluNa, hamuliaonNa di dolok, haheheonNa, haroroNa paduahalihon-parusia), holan hira turiturian (allegori-kiasan) sambing do i, ndang na tutu masa i.  

Hatorangan

Tung posa situtu do sungkot hinadangol ni angka na porsea tu Jesus paisolat i, dilele, diondam, dipusa, dipamate (tontu sega ma nang ngolu siganup ari nasida), digugai angka pargapgap (tontu sega ma pingkirannasida).

Naummotikna adong dua sipingkiran na mangonjar surat 2 Petrus on.

1.       “Hasusundat-Penangguhan” haroro/parusia ni Jesus Kristus. Haroro ni Tuhan Jesus na paduahalihon nunga mansai dipaimaima, dihalungunhon angka paisolat i, na diarop laho pasunhon hinahansit ni parniahapan nasida i, laho manguhumi kesar Rom na jungkat i. Songon na pinasahat ni Apostel Paulus tu Halak Rom; “Ai naung dapot do ombasna, laho hehe sian na modom; ai nunga jumonok haluaonta nuaeng, sian uju gabe porsea hita. Na salpu ne ma borngin, na jonok nama arian. Antong, tatanggali ma angka ulaon haholomon; tasolukkon ma angka sinjata hatiuron!” (Rom 13:11-12). Ayat on mangondolhon hasasaut ni haroro ni Tuhan Jesus na Paduahalihon naung jonok. Hape sai tarpaima huria i, dang na adong manang aha masa. Penundaan parusia, dohot ma manggugai haporseaan nasida, tole muse haroro ni apostel pargapgap na manggorgori asa lam ganggu roha nasida (ayat 4).

2.       Kebingungan na masa di huria i gabe mengarah tu kekecewaan-putus asa. Huhut muse elaela/hasutan ni apostel pargapgap na mandok: Ai dung monding angka amanta, hot do saluhutna songon i, sian mula ni hasiangan on! (ayat 4). Elaela/hasutan ni angka apostel pargapgap manggurgari haporseaon nasida naung tarsuan hian (tradisional). Molo nunga gurgar haporseaon, tontu manegai ma tu pangalaho, manegai tu panghirimon, manegai tanggungjawab, manegai etika. Unang sanga sega gulmit ni ngolu ni huria i. Situasi na songon on ma na tinatap ni Apostel Petrus manongos surat na on, marmahani, patoguhon huria i.

Di ayat 10: Digombarhon do haroro ni ari ni Tuhan i songon haroro ni panangko borngin, songon bencana alam, manang songon lalo na ro tompu di tingki sinok modom. Paingothon anggapan ni jolma molo dang adong na masa saonari, laos songon i do ndang adong na laho masa nang sogot. Alai nunga adong sada tingki naung dibuhul Debata, na so tinagam ni jolma i, na gabe tingki ni Debata laho patupahon perubahan secara radikal di portibi on. Ala ndang taboto sadihari tingkina, ingkon adong ma kesiapan di halak Kristen di ganup tingki, laho paimahon ari ni Tuhan i. Sandok na so panagaman do haroro ni Tuhan i (1 Tess. 5:2 ; Mat. 24:42 ; 44:50 ; Luk. 12:35-36). Jadi di ari ni Tuhan i, masa ma angka kejadian na mansai dahsyat, sego ma langit, masarsar ma sisiasia ni tano on dibahen api, masoksok ma tano i, dohot sude angka ulaonna. Sude i laho mandok: Masa do kehancuran tu tano on, ndang adong na hot di tano on ro di salelenglelengna, jala ndang tano on inganan haluaon ni jolma.

Alai ringkot botoonta. Ari ni Tuhan i, ndang merupakan intimidasi (ondaman), semacam paksaan asa berpihak jolma i tu Debata. Ari ni Tuhan i, ndang patingkian pamer kekuasaan sian pihak ni Debata tu alona. Ari ni Tuhan merupakan hukuman yang mempunyai arah yang jelas, songon saringan manang ujian/pambebeon. Alanii ingkon tongtong hobas angka na porsea songon na pinasingotNa i (Luk. 12:35-36). Hari Tuhan (Yoel 11:14, 15 ; 21, 2 : 2 : 11b-14 ; 28-32 : 3-14) Hari, masa, tatkala Allah dengan giat mencampuri kehidupan manusia, baik dengan hukuman maupun dengan berkat. Harus dijawab dengan pertobatan yang menyeluruh, ikhlas dan sepenuh hati

Sipahusorhusoron ni Roha

Adong do hubungan sebab-akibat antara pangalaho ni hajolmaon (etika) dohot ari ni Tuhan i (ayat 7). Angka parange na badia dahot hadaulaton, ngolu na so martihas, so hasurahan, boi do i patibuhon haroro ari ni Tuhan i. Songon ni dok ni apokaliptik Jahudi , pangalaho na denggan boi do gabe penyegar, asa humatop ari haroro ni Tuhan i.

Ari ni Tuhan sangat terkait tu tanggungjawab ni jolma laho patuduhon kualitas na denggan di ngoluna. Hubungan sebab akibat pambahenan/pangalaho (etika) ni jolma tu tindakan ni Debata, nunga jotjot taida di Bibelta i. Isara:

1.       Aek na sumar (1 Musa 7)

2.       Tungkup Babel (1 Musa 11)

3.       Sodom dohot Gumora (1 Musa 19).

Sudena i pataridahon pangalaho ni jolma na maralo tu Debata. Tujuan akhir ni Debata, ndang asa sega portibi on. Dibahen Debata do bagabagaNa tu jolma i, taringot tu langit na imbaru dohot tano na imbaru, taringot tu Jerusalem na imbaru na gok hasintongan dohot habonaron di bagasanna. Ala nii ganup na porsea ingkon jaga jala dungo huhut marhasatiaon, marpanghirimon laho manomunomu haroroNa. DiharoroNa i masa ma uhuman dohot asiroha bolon (Joh. 5:28 ; 1 Tess. 4:16 ; Mat. 24:3,42 ; Luk. 21:28; Mat. 25 ; Pangk. 20:11-15; 21 ; 1 Kor. 15:52 ; 2 Kor. 5:10; Jesaya 60:10-16). Sangkap ni Debata tangkas laho memulihkan martabat ni jolma dohot sude natinompaNa i. jala sangkap pauliulihon do na umpaltak di ari haroro ni Tuhan i. Molo di dok na maimaima (menantikan), boi dohonon ombas negosiasi do on, dilehon Debata ombas persuasi tu jolma laho padengganhon dohot pauba roha mamangke tingki parasi ni rohaon i sadenggan ni dengganna.

Pandohan laho malengse do portibion, tontu dang turuturian sajo, ndada holan hatahata. Ari ni Tuhan, ombas partingkian situasi na tutu ingkon masa do i. Ari ni Tuhan partingkian pangoloion/pasihohoton ni jolma sian nasa ngoluna dipasahat jala marpangoloion tu Debata.

Haporseaon ari haroro ni Tuhan, tontu ingkon lam tarida kesadaran ni angka na porsea laho lam ringgas mangulahon na denggan, jala lam marsitutu laho mangarade tu ngolu sogot. Lam marsitutu mamarhaseang/mamangke tingki songon partingikian parasian di na laho manomunomu ari haroro ni Tuhan i. Amen.