ACARA
SYUKURAN
ULANG TAHUN KE 29 KOOR GABUNGAN WIJK 2
ANNO 11 NOVEMBER 1988-SABTU, 11 NOVEMBER
2017
Kamis, 16 November 2017 di Aula HKBP Pondok Gede
1. Joujou tu Parsaoran dohot Debata
U: Horas
ma di hita saluhutna. Hamuna angka dongan na hinaholongan, tama do hita mandok
mauliate tu Debata Pardengganbasa i, ala sude asi ni rohaNa na mangiringiring
hita ganup marsadasada, gabe tarbahen hita marlas ni roha marsaor marpungu
marlas ni roha naung 29 taon Koor Wijk 2 HKBP Pondok Gede huhut manghalashon
ulang taon St. Sabren Siadari (50 Taon=6 November 2017) dohot St. Ernis
Manurung (73 taon=8 November 2017). Ragam do angka naung binolus ni punguan on,
sian mulai parjongjongna sahat tu sadari on. Sian angka pengalaman i ma, naeng
lam marsitutu pataridahon hasadaon ni roha ni sude anggota punguan laho
pabalgahon Goar ni Tuhanta marhite jamita parendeon di tonga ni huria, asa sude
na umbegesa taruli pasupasu dohot las ni roha. Jesus Raja ni huria i, i ma na tongtong
manogunogu punguan on, asa mardalan tongtong hombar tu lomo ni rohaNa, marende
ma hita!
2. Marende BE.No.9: 1-2 Hupuji holong ni rohaMu
1. Hupuji holong ni rohaMu o Tuhan Jesus
Rajangki
Tu Ho hulehon ma tondingku ai i
do pinangidoMi
Huhalupahon ma diringku
mamingkir holong ni rohaMu
2.
Sai dilului Ho do ahu, au pe
huhalungunhon Ho
Ditaiti rohaMi rohangku, dibahen i hulehon do
Dipillit Ho hian tondingku, i pe hutodo Ho Tuhanku
3. Votum – Tangiang (U=Uluan P=Punguan)
U: Marhitehite
Goar ni Debata Ama dohot Goar ni AnakNa Tuhan Yesus Kristus dohot Goar ni Tondi
Parbadia na tumompa langit dohot tano
on. Amen. Puji ma Jahowa, ale tondingku, jala nasa rohangku di bagasan mamuji
goarNa na Badia i.
P: Puji ma Jahowa, ale tondingku, jala unang
tung halupahon denggan ni basaNa sudena.
U: Ibana
do manesa dosam sudena, Ibana pamalum angka sahitmu sudena.
P: Ibana paluahon ngolum sian hamagoan, Ibana
martumpalhon tu ho denggan basa dohot asi ni roha.
U: Parasi
roha jala pardengganbasa do Jahowa, lambat tarrimas jala parasi roha godang.
P: Songon asi ni amaama tu angka anakna asi ni
roha ni Jahowa di angka na mangkabiari Ibana.
U. Martangiang
ma hita! Ale Jahowa Debata Amanami, mauliate ma rohanami tu Ho ala di ramoti Ho
do ngolunami sian tingki na salpu sahat ro di sadari on. Na pungu do hami dison
ruas ni huriaM Parende Koor Wijk 2 mandok mauliate tu Ho siala denggan basaM na
mangiringiring hami lumobi ma punguan on naung mardalan 29 taon marhobasi di tongatonga
ni huriaM marhite angka parendeon. Asi ma rohaM, pasupasu ma saluhut ruas ni
punguan on, lehon dos ni roha, asa marsada roha mangihuthon punguan on gabe
jumpang ma parendeon na lam tu dengganna na gabe pujipujian dohot jamita di tongatonga
ni huriaM jala tau hasangapon di goarMu na Badia i. Tangihon ma tangiangnami on
di bagasan Jesus Kristus Tuhannami. Amen.
4.
Koor Wijk 2
5. Marende BE. No.361: 1 Na denggan situtu do
1.
Na denggan situtu do mamuji Debata
Jahowa
na tumimbo, na sai tongtong basa
Denggan
do paboahon, manogot asiMi
Bodari
mangendehon, burjuM nang sintongMi
6. Koor
Musa
7. Marende
BE. No.15: 1 Aut na saribu hali ganda
1. Aut na
saribu hali ganda saringar ni soarangki
Naeng
nasa gogo bahenonku mamuji Debatanta i
Paboa
las ni rohangki hinorhon ni pambaenna i
8. Tangiang Pangondian
9. Koor
Jeriko
10. Marende
SDJ. No.815: 1 Uli do tingki na hohom
1. Uli do
tingki na hohom di jolo ni habangsa ni,
Amanghu
na rade tongtong manjalo pangidoanhi
Ai
di na marsak rohangki sai diapuli tondingki
Malua
sian jorgong i di tingki martangiang i.
11. J a m i t a : Jesaya 60:3
12. Marende SDJ. No.691: 1… Hupasahat ma tu
Jesus (Papungu pelean)
1. Hupasahat ma tu Jesus saluhutna ngolungki,
Roha
nang pambaenanku saluhutna tingkingki
Hupasahat
ma tu Jesus saluhutna diringki,
Hupasahat
ma tu Jesus saluhutna ngolungki.
2.
Pangkeonku ma tanganku, mangula
lomoNa i,
Langka
nang simanjojakku mangihuthon Tuhanki.
Hupasahat
ma tu Jesus saluhutna diringki,
Hupasahat
ma tu Jesus saluhutna ngolungki.
12. Tangiang Panutup - Ale Amanami - Pasupasu
Tidak ada komentar:
Posting Komentar