ACARA PARMINGGUON PESTA GOTILON DOHOT ULANG TAON 38 (Anno 11 November 1979-11 November 2017)

ACARA PARMINGGUON PESTA GOTILON

  

DOHOT

ULANG TAON 38

HKBP PONDOK GEDE RESORT PONDOK GEDE

   DISTRIK XIX BEKASI

                                

Minggu XXII Dung Trinitatis, 12 Nopember 2017

I.    IBADAH 

(L: Paragenda; H: Huria; SL: Song Leader; S:Sude; Pdt: Pandita Res.)

1.   PROSESI-Parhobas mamasuhi Acara Parmingguon diiringi Song Leader SDJ. No. 651: 1-2 Huria na huhaholongi hami   Bes=Do

(Holan SL: Song Leader)

Barisan Prosesi: Simbol-simbol hakristenon (Bibel, Silang, Lilin sian Parguru Malua), Uluan ni Huria, Pandita Fungsional, Panitia Inti, Sintua, Dewan Kononia, Dewan Diakonia, Dewan Marturia, Utusan Guru Sikola Minggu, Utusan Panitia Pembangunan, Utusan HKBP Getsemane: Prosesi diiringi/disambut tim tortor jala marbaris ma di jolo mangadop ruas.

Siboan Bibel Mandok: Hatami do sulusulu ni pathu jala hatiuron di dalanku! Sai Hata ni Debata ma na manggohi rohanta huria HKBP Pondok Gede.

H:                       Ale Tuhan Debata, sai HataMi ma sulusulunami huriaM nuaeng nang tu jolo on.

Siboan Silang:     Anggo Silang on gombaran ni pangoloion! Songon Jesus na mangoloi tu AmaNa, nang mangadopi torop hamaolon. Sai silang on ma paingothon roha ni sude ruas ni huria di pangoloionna tu Tuhan i.

H:                       Ale Tuhan urupi ma hami huriaM patuduhon pangoloionnami tu Ho, asa dapot roha na daulat hami di bagasan hataM.

Siboan Lilin:       Lilin on na gabe gombaran ni sinondang. Manongtong ma sinondang ni barita na uli ni Tuhanta na manogu hita huriaNa di pardalanan ni ngolunta be!

H:                       Ale Tondi Parbadia, Tondi Pangondian na sinuru ni Ama i, torangi ma roha dohot pingkirannami huriaM, asa tongtong torang rohanami mangoloi Ho.

……………….jongjong ma ruas ……………….

L:      Huria ni Debata na hinaholongan ni Tuhanta Jesus Kristus, hami saluhut Parhalado, Panitia Pesta Gotilon dohot Ulang Taon HKBP Pondok Gede di taon 2017, pasahathon tabe ma tu hamu ruas ni huria ni Tuhanta: Asi ni roha ma di hamu, jala dame na sian Tuhanta, i ma na mangaramoti hita saluhutna. Di bagasan sadari on tung tama do hita mandok mauliate tu Debata, ala saluhut asi ni rohaNa, pandonganion dohot pangaramotionNa di pardalanan ni ngolunta huriaNa. Sadari on, naeng patupaonta ma Pesta Gotilon dohot Ulang Taon 38 HKBP Pondok Gede.

H:     Tapuji ma Tuhanta, tahamauliatehon ma denggan ni basaNa.

L:      Beta ma hita nangkok tu Betel, asa tapauli disi sada langgatan di Debata, na mangalusi hita di ari hagogotanta, jala mandongani hita di dalan na tadalani i.

H:      Martua ma angka na mangingani bagasMu, sai Ho do pujionnasida.

L:      Di pestanta sadari on, laos hamauliatehononta do Taon Pendidikan Pemberdayaan HKBP 2017, Parningotan 500 taon Reformasi. Asa tutu ma songon na nidok ni hata i. Ia di si las ni ari, ba di si ma pinanjomurhon. Molo boi tarpajadi, ba unang be niundurhon. Parik ni janji mauli, hatubuan ni Simarhalosi. Molo nunga jinalo nauli sian Tuhanta i, ingkon botoon ma mamalosi. Nunga pungu hita nuaeng dison, tapuji ma Tuhanta pardenggan basa i. Antong, di hamu sude huria ni Tuhanta, dohot di hamu amang parmusiknami. Didok Hata ni Tuhanta: Puji hamu ma Debata, di bagasan habadiaonNa i, puji hamu ma Ibana di hajanghajang ni hagogoonNa i. Puji hamu ma Ibana ala hagogoonNa, angka na sumurung i, puji hamu ma Ibana, hombar tu hinagodang ni hatimbulonNa i. Antong! Manggora ma ho, jumolo tu Tuhanta Debata Pardengganbasa i.

Msk:  (Mangalusi…) 

L:      Manggora ma ho tu Tuhan Jesus Kristus, Sipalua i.

Msk:  (Mangalusi…)

L:      Manggora ma ho tu Tondi Parbadia, Pangapul, Siparorot tondi i.

Msk:  (Mangalusi…)

L:      Huria na pinarbadiaan ni Tuhanta. Mardongan musik na adong, tasomba ma Tuhanta na sun timbul i. Godang ma tongon na binahen ni Jahowa tu hita, jadi marhilas ni roha ma hita. Angka na mariluilu laho manabur, marolopolop do sogot laho manggotil. Mardalandalan pe ibana huhut tangis pausungusung boni sisaburhononhon, ro do ibana sogot marolopolop mangusung angka tibalanna. I do tutu. Tinampul bulung bira, di toru hau toroptorop, nunga marpungu hita mariaria, luhut ma marolopolop.

Msk:  (Mangalusi gumanjang……)

L:      Hamu angka dongan na hinaholongan. Di minggu pa XXII hon Dung Trinitatis on, di jou Hata ni Tuhanta do hita asa gabe naposo na denggan jala haposan marhaporseaon tu Ibana. Nunga dilehon Ibana na tau hangoluanta sigandahononta di ngolunta siganup ari. Haposan ma hita di na otik, dung i pasahatonNa ma tu hita godang. Antong sian nasa rohanta tasombahon jala tapasahat ma pujipujianta tu Ibana. Aha ma endehononku asa pujionku Ho....  BE. No. 11: 1-2+5 BL.185 As=Do (Barisan Prosesi Manopot hundulanne be)

• Aha ma endehononku asa pujionku Ho.

Ale Tuhan Debatangku, sai urupi au gogo.

Ai ndang tarpajojor ahu asi ni rohaM di au.

Alani hupuji Ho tung marribu hali do.

• Sai sungguli ma rohangku mengendehon gogoMi.

Dohot asi ni rohaMu ro di habasaronMi.

Ai i do dihatindanghon tondi dohot pamatanghu.

Ala ni hupuji Ho tung marribu hali do.

• Sai patogu ma rohangku pasangaphon goarMi.

Dohot haporseaonku asa tu gandana i.

Sai pamasuk ale Tuhan, tondingki tu hangoluan.

Mangendehon sangapMi salelenglelengna i.

2.  Votum-Introitus-Tangiang

L:    Marhitehite Goar ni Debata Ama, AnakNa Jesus Kristus dohot Tondi Parbadia. Amen. Pos situtu do rohangku, manang hamatean, manang hangoluan, manang angka surusuruan ni Debata, manang harajaon, manang hagogoon, manang angka na masa nuaeng, manang angka na ro sogot, ndang tarbahen i manirangi hita sian haholongon ni roha ni Debata, na marhitehite Kristus Jesus Tuhanta i. Haleluya!

S:    (Mangendehon) Haleluya,  Haleluya, Haleluya.

L:    Ale Tuhan Debata, Amanami na di banua ginjang! Ho do haroroan ni sude denggan basa na marragamragam i. Ala ni pasupasuM do umbahen marparbue sude na niula ni tangannami, jala diparmudu Ho do hami na tinompaM, asa unang rapar. Dibahen i marpungu hami nuaeng mandok mauliate sian nasa rohanami tu Ho. Sian tanganMu do sude hujalo hami, nasa na denggan tu dagingnami dohot tu tondinami, jala asi ni rohaM do mangaramoti hami. On pe sai jalo ma hamauliateon ni rohanami. Angkup ni i sai lehon ma TondiM tu hami, na mamuhai dohot patiurhon mata ni rohanami, asa lam huida hami sude na denggan, sude na uli na pinatongonMi tu hami, asa lam ringgas rohanami mamuji dohot pasangaphon Ho marhite Tuhan Jesus Kristus, Tuhannami. Amen. (Hundul)

3. Marende BE. No. 230: 3-4 Ho tongtong ihuthonongku Bes=Do BL.182

L:    Hamu angka dongan! Nunga tasomba Tuhanta Parholong roha i. Nunga tapuji hamuliaon ni GoarNa marhite roha, pamatang dohot tondinta. Nunga tabongoti alamanNa na badia i. Antong! Sai jongjong ma hita di Uluan manatapnatap dompak Tampahan. Sai jumpang ma  angka na ni luluan, jala dapot hita ma tutu angka na jinalahan.

Mk:             (Mangalusi…)

L:    Nunga saor Tuhanta tu hita. Sahala Patik Uhum, tondi do sipangajari. Manumpak ma parsaoranta na di jolo, manghorasi ma dohot parsaoranta na di pudi.

Mk: (Mangalusi…)

L:    Asa di si sirungguk di si ma sitata, ia di si hita hundul dua tolu halak marpungu, di si ma saor Tuhanta Debata.

Mk:             (Mangalusi…)

L:    I do tutu. Sai jumpang ma di huriaNa marhite Pesta Gotilon on, songon pandohan na mandok: Marsinemnem do urukuruk, marsilanlan aek Toba. Na magodang ndang marungutungut, dakdanak remaja dohot naposobulung pe luhut ma marlas ni roha.

Mk:             (Mangalusi gumanjang……)

L:    Nuaeng di hamuna damang, dainang ro di sude situan na torop. Debata do mual ni las ni roha, dame dohot haluaon. Ibana do haroroan ni pasupasu di ngolunta. Antong! Tahaporsea jala taihuthon ma Ibana sian unduk dohot serep ni rohanta. Tatangihon jala taoloi ma PatikNa, Ita endehonma: Sangkap nang pangidoanta di Tuhanta ma sude.....!

• Sangkap nang pangidoanta dohot na tahirim pe.

Rodi angka pingkiranta di Tuhanta ma sude.

Tapararat ma HataNa tu na so porsea i,

Atik saut dope mardame angka na manjua i.

·         Molo pos roham di Jesus, tinggal di tanganNa i.

Sonang ma roham, sai tulus do huhut sinangkapMi.

Jadi sai togihononNa ho muse tu surgo i,

Gabe nasa ugasanNa dohot ho manean i.

4.  P  a  t  i  k

L:    Tangihon hamu ma Patik ni Debata. Sian Maleakhi 3:10 na mandok: “Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi.” Rap mangido gogo ma hita tu Debata laho mangulahonsa!

S:    Ale Tuhan Debata, sai pargogoi jala parrohai ma hami laho mangulahon PatikMi. Amen.

5.  Marende SDJ. No. 681: 1+3 Ale Amang asi rohaM G=Do

L:    Hamu angka dongan na ni asian ni Tuhan Parasiroha i. Halak sirimasan ni Debata hian do hita ala dosa i, alai nunga ditogu hita tu ampuanNa gabe anakhonNa. Nunga dipapos jala dipatau rohanta manjalo hasesaan ni dosanta. Antong, marhiras ni roha ma hita mandok:

S:    Tuhan, nunga ro Ho gabe Pardengganannami. Nunga durus mudarMu mangaroro hami sian hamatean i. Nunga harhar hami sian bura ni dosa i. Asi ma rohaM di hami.

L:    Antong, tapaunduk ma rohanta mangarsakhon dosanta na godang i. (Hohom mangokuhon dosa di adopan ni Debata – Song leader;  mangendehon Ale amang asi rohaM di au pardosa on.

SL:  (Mangendehon) Ale amang asi rohaM di au pardosa on, unduk do rohangkon nuaeng marsomba di joloM. Unang jujur unang jujur angka dosangki. Sai salpuhon, sai salpuhon sian rohaMi.

(Jongjong)

S:    (Mangendehon) Mauliate ma di Ho o Tuhan Debata, sai jalo ma au on muse tu surgo banuaM. Asa sonang asa sonang raphon Ho disi. Pujionku ma goarMu salelengna i.

6.  Tangiang Manopoti Dosa/Bagabaga

L:    Hamu angka haholongan, didok Hata ni Debata di Psalm 32: 5 “Jadi hupabotohon ma tu Ho dosangku jala ndang huhuphupi salangku; ningku do: Topotangku ma angka pangalaosiongku tu Jahowa, jadi marpamuati do rohaM di utang ni dosangku”. Nuaeng tapajojor ma sude angka na masa di ngolunta. Di na tapajojor sude dosanta i di adopanNa, laos dison ma hita marpadan rap dohot Tuhanta, asa marhite tangiang hasesaan ni dosanta on gabe jumpang hita ma hagogoon manghalashon asi ni rohaNa na burju pasaehon sude dosa. Ale Tuhan Debata, Pargogo na so hatudosan jala Amanami! Hujou hami do GoarMu na badia i, ala na targogot hami marningot dosanami. Sai marasi ni roha ma Ho mida hami on. O Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami! Asi rohaM di hami, sai patongtong ma di hami roha hamauliateon tu Ho. O Tondi Parbadia, pangapul di na marsak roha, pamalum ma saluhut na bernit, binahen ni dosanami! Ro ma Ho mangingani hami, asa marlas ni roha hami mangulahon lomo ni rohaM. Ho do parhitean ni nasa asi ni roha, sai unang tulak hami. Sai tangihon ma hami, Ho ale Debata, Ama, Anak dohot Tondi Parbadia! Amen. Tabege ma hata bagabaga taringot tu hasesaan ni dosa! Adong do di hita sintua ni malim na songon i, na hundul di siamun ni habangsa ni hatongamon di banua ginjang. Dibahen i tarbahen Ibana do pangoluhon ro di ujungna angka na sandok ro tu Debata marhitehite Ibana; na mangolu do Ibana tongtong, asa ditangianghonnasida. Hasangapon ma di Debata na di ginjang!

H: Amen! (Hundul)

7.  Marende BE. 169: 1+3 Ho Sipangolu au BL.224 Es=Do

• Ho Sipangolu au, sai topot ma au on. Sai unang mandaodao Ho sian rohangkon. Ref. Ro Sipangolu, ro tibu, baen ma au anakMu tutu, dohot mudarMi buri au, ias songon hapas ma au. Ias tutu, ias tutu. Dohot mudarMi buri au, ias songon hapas ma au.

• Togu ma rohangkon, sai taiti au tu Ho. Ai langkaMi tongtong naeng tiruonku do. Ref. Ro Sipangolu.....!

8.  Epistel Amos 5: 18-24

L:    Tabege ma Hata ni Debata turpuk ni ari Minggu on sian Amos 5:18-24. Ita jaha ma marsorinsorin: Marjea ma nasida angka na mangapian di ari ni Jahowa! Tung aha labamuna sian i? Haholomon do ari ni Jahowa, ndada hatiuron.

H:   Hira songon halak na maporus maradophon singa, gabe dijumpangkon babiat ibana; jala dung ro di jabu ibana, gabe mangunsande tanganna tu dorpi hape dipargut ulok ibana.

L:    Nda haholomon tongon ari ni Jahowa, jala ndada hatiuron hagolapon do, ndang marsinondang?

H:   Huhagigihon, biasan ahu mida angka ari rayamuna, jala ndang dihalomohon rohangku angka luhutanmuna.

L:    Ai nang pe dipelehon hamu tu ahu angka pelean situtungon dohot pelean sipanganon, ndang lomo rohangku disi, pelean hamauliateon sian pinahanmuna pamuean pe, ndang parduli ahu disi.

H:   Paholang ma sian ahu hagunturon ni angka endemu, jala ndang lomo roha ni pinggolhu umbege soara ni sordammu.

L:    Jadi margilinggiling ma songon aek uhum i, jala hatigoran songon sunge na so olo marsik. I ma sahatna! Martua do angka na tumangihon Hata ni Debata, jala na umpeopsa!

H:   Amen

9.  Marende SDJ. No. 770: 1+3 Tu Debatami na sun gogo i Es=do

P :   Hamuna haholongan. Nunga tajaha Hata ni Debata, Epistel na paboahon aha na hinalomohon ni Debata. Tatanda ma hagogoon ni Debata jala itahabiari ma Ibana di pardalanan ni ngolunta. Ai parrohaanNa do hita mamilangi ariari ni ngolunta, asa dapotan roha na bisuk hita mangoloi Ibana. On pe Parmusiknami: Tubu ma tambinsu di dolok ni Sipoholon. Sai horas ma hita sude Huria ni Tuhanta, ala rade hita manghatindanghon goar ni Tuhan. Mandurung ma pardengke di aek Sihoruhoru, durungdurung na i dapotan porapora. Sai gabe jala maruli ma hita di torop anak dohot boru horhonon ni pestanta sadari on, jala luhut ma hita gabe, martua jala mamora dipasupasu Tuhan.

Mk:             (Mangalusi...)

P:    Antong, sude ma hita patuduhon las ni rohanta mangihuthon Ibana. Tuhanta do mual ni pasupasu sihatindangkononta. Gogo ma taendehon: Tu Debatami na sun gogo i sai maporus ma ho ganup ari.....!

S:         Tu Debatami na sun gogo i sai maporus ma ho ganup ari

:;: Di tanganNa do ho molo musu ro

Tung na sonang di ampuanNa ho :;:

(Jongjong)

                 Soara ni olopolopNa i marsaringar di angka partigor

:;: Lan do gogo di si mambaen monang i,

Paima sahat sude tu surgo i :;:

10.  Manghatindangkon Haporseaon

P :   Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

S:    Ahu porsea ...! Amen!   (Hundul)

11.  Tingting

12.   Mandok Hata:

·         Ketua Panitia: F. Situmorang, S.H., M.H.

·         Utusan Ruas ni Huria Sian Wijk 5

13.  Tangiang Pangondian (Pdt. Hotman Sitorus, STh)

14.  Marende BE. No. 392: 1… Sai pasiat Tuhan Jesus  C=Do BL.261

       (Pasahathon Pelean Ia + Ib)

1.  Sai pasiat Tuhan Jesus tu bagasan rohami
Sai maimaima Jesus, bege panuktukNa i
Sai pasiat Tuhan Jesus, jangkon i tu rohami
Nunga tingki parasian, so tung jolo salpu i

….. musik …..

2.  Hariburon na di tano sai ringgas di jangkon ho
Marisuang Tuhan Jesus sai dihagarishon ho
Sai pasiat Tuhan Jesus …

….. musik …..

3.  Ai sadia leleng nari laos so putus rohami?
Unang toishon, so tung salpu tingki parasian i
Sai pasiat Tuhan Jesus….

….. musik …..

4.  Lehon ngolumi tu Jesus, ai hatop do salpu i
Sai pasiat ma Tuhanmu tu roham na loja i
Sai pasiat Tuhan Jesus ….

….. musik …..

15.  Jamita Mateus 25: 1-13

16.  Marende SDJ. No. 754: 1… Gok las ni roha do Au  C=Do

SDJ. No. 792: 1… Pasupasu hami o Tuhan  D=Do

(Pasahathon Pelean II di Hundulan)

1.  Gok las ni roha do au di ngolungkon, di ngolungkon, di ngolungkon
Gok las ni roha do au di ngolungkon, tongtong di rohangkon
Mauliate gok las ni roha, maringan holongMi Tuhan di au
Mauliate gok las ni roha, maringan holongMi Tuhan di au

2.  Mardame jala sonang do ngolungkon, di rohangkon, di rohangkon
Mardame jala sonang do ngolungkon, tongtong di rohangkon
Mauliate ……………

….. musik …..

3.  Gok do holong ni Jesus di ngolungkon,

Di ngolungkon, di ngolungkon
Gok do holong ni Jesus di ngolungkon,

Tongtong di rohangkon. Mauliate ………

….. musik …..

BE. No. 792: 1… Pasupasu hami O Tuhan D=Do  BL.219

1.    Pasupasu hami o Tuhan sai usehon dameMi
Sai ampehon tanganMi Tuhan lehon tu au gogoMi 
Di portibion baen ma au Tuhan habaoran ni las ni roha
Tu na marsak i tu na dangol i gabe pangapuli i
Pasupasu hami o Tuhan…..

….. musik …..

2.    Di portibion, baen ma au Tuhan
Monang maralohon dosa dibahen gogoMi
Talu musu i sibolis pangago i
Pasupasu hami O Tuhan …..

….. musik …..

3.    Di portibion, baen ma au Tuhan
Sipatupa hadameon, baen ma hataMi
Saor tu roha ni na masihosoman i
Pasupasu hami O Tuhan …..

17.  Acara Pesta Gotilon

Pdt:    Hamu ruas ni huria na hinaholongan ni Tuhanta Jesus Kristus! Nuaeng sahat ma hita tu acara Pesta Gotilon di huria, laho manghalashon dohot manghamauliatehon denggan basa ni Jahowa. Antong di bagasan roha mauliate tu Debata, tapuji ma Ibana, taendehon ma “Mangula hita jolma”

H:      (mangendehon BE. No. 373:1-2 Mangula hita jolma As=Do)

1. Mangula hita jolma manabur boni i,

Alai anggo jadina di Debata do i
Dilehon las ni ari, nang nambur udan pe
Tongtong di panumpakNa marguru sasude 
Nasa ulibasa ro sian Debata,

I pe Ibana puji ma huhut haposi da

2.  Sai sian Debatanta do nasa na adong 
Nang rihit sangkamata, nang laut, nang tano on 
Tinompa ni hataNa, do hau nang bulung i
Nang nasa parbuena, nang bungabunga i 
Nasa ulibasa ro sian Debata,

I pe Ibana puji ma huhut haposi da

Pdt:    Hamu dongan sahuria! Nunga itajalo denggan basa dohot asi ni roha sian Jahowa. Taokuhon do, saluhutna silehonlehon na denggan, nasa ulibasa na mauliutus, i ma na ro sian ginjang. Dilehon do di hita parbue ni tano, parbue ni suansuanan dohot parbue ni angka ulaonta. Saluhutna i nunga tajalo sian Jahowa. Antong nda tama ma hita mandok maulite tu Debata?

H:      Mauliate ma di Ho Tuhan, naung mangalehon parbue ni angka ulaonnami.

Pdt:    Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon. (5 Musa 26:2).

H:      Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

Pdt:    Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi. (Maleakhi 3:10).

18.  Pasahathon Pelean Pesta Gotilon

L:    Nuaeng sahat ma hita tu na pasahathon Pelean Pesta Gotilon, i ma tumpakta tu huria ni Tuhanta Program Anggaran HKBP Pondok Gede Tahun 2017. I ma parbue ni panandaonta di pasupasu ni Debata naung tajalo di ngolunta. Taingot ma: “Na manaburhon otik, otik do gotilonna, jala na manaburhon managam pasupasu, mangalap pasupasu di na manggotil. Ganup ma ni onjar ni rohana, unang ma sian muruk manang sian na so tarjua, ai dihaholongi Debata do na las roha mangalehon.”

H:   I do tutu. Na manaburhon managam pasupasu jala mangalap pasupasu di na manggotil. Ro do hami manaruhon ganup ni onjar ni rohanami. Las do rohanami, ai dihaholongi Debata do na las roha mangalehon. Ro ma hami tu alamanMi pasahathon peleannami na tama di joloM. Jalo ma i Tuhan, gabe pelean na hushus di harajaonMu.

L:    On pe Huria ni Tuhanta na marlas ni roha sadari on. “Sapala pantis, pantis ni Sigalangan. Sapala naeng mangalehon tumpak, sai unang ma diparalangalangan. Ai marasar silogologo di tombak ni Simamora, Sai horas ma Ama dohot Ina Ruas ni Huria HKBP Pondok Gede on marroha jala mamora tumpahon ni Tuhanta.”

Msk:    (Mangalusi - huhut paradehon parendeon)

19.  Uduran Pataruhon Pelean  Dohot Silua Pesta Gotilon tu Langgatan:

1.        Sude Ruas ni Huria Parminggu pasahat Amplop Khusus

2.        Utusan Wijk 1 + Koor Gabungan + Koor Immanen

3.        Utusan Wijk 2 + Koor Wijk 2 + Koor Jeriko

4.        Utusan Wijk 3 + Koor Gabungan

5.        Utusan Wijk 4 + Koor Gabungan + Mannen Ebenezer

6.        Utusan Wijk 5 + Koor Gabungan + Haleluya

7.        Utusan Wijk 6 + Koor Gabungan

8.        Utusan Sikola Minggu + Guru Sikola Minggu

9.        Utusan Remaja + Parguru Malua

10.    Utusan Naposobulung

11.    Utusan Koor Parompuan

12.    Utusan Koor Ina Hanna

13.    Utusan Koor Ama

14.    Utusan Koor Ama Sion

15.    Utusan Koor Lansia

16.    Utusan HKBP Getsemane

17.    Sude Parhalado HKBP Pondok Gede

S:    (Huhut mangendehon: Dison adong huboan Tuhan SDJ. 8481... F=Do)

1.     Dison adong huboan Tuhan, parbue ni ngolungku

Na so tardok nian. Sadia ma argana Tuhan

Molo sai ni rajuman sude denggan basaM.

Jalo ma Tuhan sai las ma rohaM.

2.    Dison adong huboan Tuhan tondingku na girigir

     Mangoloi di HataM. Pasaorhon ma HataM da Tuhan

     Manogu tondingki mangihuthon lomoM.

     Jalo ma Tuhan sai las ma rohaM.

….. musik …..

            3.  Dison adong huboan Tuhan pamatang na hipas

                 Baen pelean di joloM. Sai pangke ma au on da Tuhan,

                Na tau ulaulaM na hasea di joloM.

                 Jalo ma Tuhan, sai las ma rohaM.

            4. Dison adong huboan Tuhan hosa nang gogongki

                Tau pelean di joloM. Patau pasingkop ma i da Tuhan,

                Asa marguna au manghobasi huriaM.

                Jalo ma Tuhan, sai las ma rohaM.

….. musik …..

            5.  Dison adong huboan Tuhan, arta sinamothon

                 So sadia i nian. Parbadiai ma i tung singkop,

                 Asa ture sintong lao pauli huriaM.

                 Jalo ma Tuhan sai las ma rohaM.

            6.  Huingot do tonaM da Tuhan, ingkon taruhononku

                 Parsampuluan i. Ai ungkaponMu do da Tuhan

                 PandiloanMi mangusehon basaM.

                 PasupasuMi, usehon ma godang.

….. musik …..

            7.  Huingot do hataM da Tuhan saor do pasupasu

                 Di halak na bojok. Asal ma disombahon Tuhan

                 Ngoluna i singkop baen pelean di joloM.

                 Jalo ma Tuhan, sai las ma rohaM

            8.  Tanganku na metmet da, Tuhan, na so hea mansari

                 Dope au on Tuhan; Rohangku ma hulehon, Tuhan

                 Na boi pelehononku gabe las ni rohaM,

                 Jalo ma Tuhan, sai las ma rohaM.

….. musik …..

                                                                                               

            9.  Huingot do hataM da, Tuhan, ingkon sarihononhon

                 AnggiM na metmetan; Ampehon ma tanganMu sangkan,

                 Itak na otik i unang suda nian,

                 Jalo ma Tuhan, sai las ma rohaM.

20.  Tangiang Pelean Dohot Pasupasu

L:    Nunga tapasahat Peleanta, songon i dohot tumpakta tu huria ni Tuhanta. Tajangkon jala tahangoluhon ma HataNa na badia i. “Marmutik ma Simarlasuna, marbunga ma ia Labu. Hata nauli dohot pasupasu ni Tuhanta, boanonta i sahat martonga ni Jabu.” Taendehon ma padan haporseaon laho pahehe rohanta manghangoluhon pasupasuNa: Tuhan na marmahani hami, togu hami ruasMon!

S:    (Mangendehon: Tuhan na marmahani hami SDJ. No.714: 1 Es=Do)

1.  Tuhan na marmahani hami togu hami ruasMon.

            Lehon dameMi di hami angka na hinophopMon.

      Tuhan Jesus Sipalua, parmahani ruasMon.

      Tuhan Jesus Sipalua parmahani ruasMon.

Pdt:    Tadok ma mauliate tu Debata Jahowa, ai pardenggan basa do Ibana, ro di salelenglelengna do asi ni rohaNa tu hita. Nunga tapasahat siluanta tu huriaNa, songon parbue ni angka na taula. Antong! Tangihon hamu ma hata ni Debata na mandok: Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan. Antong taharinggashon ma manghobasi huriaNa di bagasan dame, sada ni roha dohot holong ni roha. Jongjong ma hita!

H:      (mangendehon BE.No.435:3 Morolopolop tondingki G=Do BL.294)

3.  Tu Jesus sahat ngolungki, saleleng ni lelengna i
Rap dohot au endehon ma, endengku na imbaru da
Sonang ni tingki i, dung jumpang Jesus Tuhanki
Tondi na mangajari au, tarbaen marlas ni roha au
Sonang ni tingki i, dung jumpang Jesus Tuhanki

21. Panutup: Tangiang Pelean-Ale Amanami-Pasupasu

Panitia Pesta Gotilon dan HUT-38 HKBP Pondok Gede Tahun 2017

dengan SK No. 022/02.4/II/2017

PEMBINA:                               Pdt. Jeffry Sitindaon, M.Th.- Pdt. Hotman Sitorus, S.Th.- Pdt. Nikson Simangunsong, S.Th                     

PENASEHAT:                         Irjen Pol. Drs. Wilmar Marpaung, S.H. (Wijk 4)                      Ev. St. Drs. M. Simbolon (Wijk 4)

                                                Drs. Firman Tambunan, M.Si. (Wijk 4)                                   St. S. Parhusip, S.E., M.Si. (Wijk 4)

                                                Drs. Berehman Sianipar (Wijk 4)                                            St. B.B. Lumban Raja (Wijk 3)

                                                R.B. Sitanggang, S.H. (Wijk 4)                                                                      

KETUA                                    : F. Situmorang, S.H., M.H. (Wijk 4)

WAKIL KETUA                       : St. T. Siringoringo (Wijk 4)                      

SEKRETARIS : Hizkia Mulia Simanjuntak, S.H., M.H. (Wijk 4)

WAKIL SEKRETARIS            : Bernard Marpaung, S.H. (Wijk 4)

BENDAHARA  : Ir. B. Simanjuntak, M.Si. (Wijk 4)

WAKIL BENDAHARA             : Ny. T.M. Butarbutar br. Hasibuan, M.Pd. (Wijk 4)

BIDANG–BIDANG:

Bidang Dana:

                        Ketua               : CSt. J.H. Simanjuntak, S.E., Ak. (Wijk 4) - Wakil Ketua:    St. I.S. Situmorang, S.E. (Wijk 4)

                        Anggota           : St. P. Sitanggang (Koordinator Wijk 1)         St. A.P. Sianipar, S.E. (Koordinator Wijk 4)

                        CSt. S.T. Sitanggang, S.Pd. (Wijk 1)                                     Drs. B. Sitanggang (Wijk 4)

                        J.P. Pasaribu, S.E. (Wijk 1)                                                    Ir. J.P. Sianipar (Wijk 4)

                        St. Ir. S. Siadari (Koordinator Wijk 2)                                      Ny. P. Nainggolan br. Sitorus (Wijk 4)

                        Rolof Satriyanto Hutapea, S.E. (Wijk 2)                                 St. U.A. Sitanggang (Koordinator Wijk 5)

                        A. Nababan, S.E. (Wijk 2)                                                       Ir. Nelson Sitorus (Wijk 5)

                        S. Hutajulu, S.E. (Wijk 2)                                                        M.B. Lumban Tobing (Wijk 5)

                        St. R.A.P. Siagian, S.E. (Koordinator Wijk 3) St. P.A. Samosir, S.H. (Koordinator Wijk 6)

                        Juparna Purba, S.E. (Wijk 3)                          B. Tampubolon (Wijk 6)

                        M.S. Pasaribu, S.E., M.M. (Wijk 3)                                         M. Pangaribuan (Wijk 6)

Bidang Kegiatan/Acara:

                        Ketua               :St. D.B. Simanjuntak, S.E. (Wijk 4)                  Wakil Ketua : Ny. St. D. Simbolon br. Naibaho (Wijk 4)

                        Anggota           :Ny. A. Tampubolon br. Barus (Wijk 4)              Jhomson Marbun (Wijk 4)

                                                 Drs. P. Sibarani (Wijk 4)                                   Jose Simanjuntak - Ketua Rmj (W.4)

                                                 Jhon Lumban Tobing (Wijk 4)                          Richard Tamba - Ketua Naposo (W.1)

                                                 Hendra J. Siregar, S.E. (Wijk 4)                                                                    

Bidang Bazaar:

                        Ketua               :Ny. Ev. St. Drs. M. Simbolon br. Purba (W.4) : Wakil Ketua: Ny.Nainggolan br.Aritonang (Kt. SPH)

                        Anggota           :Ny. St. M. Gaja br. Sinambela (Wijk 1)

                                                 Ny. Silalahi br. Gultom (Wijk 1)                                             Ny. Purba br. Marpaung (Wijk 4)

                                                 Ny. St. A.M. Napitupulu br. Nababan (Wijk 2)                       Ny. S. Sitanggang br. Naibaho (Wijk 4)

                                                 Ny. F.M. Manurung br. Napitupulu (Wijk 2)   Semua Nyonya Sintua Wijk 4

                                                 Ny. St. Drs. B. Butarbutar br. Marpaung (Wijk 3)                   Ny. St. Z. Napitu br. Manurung (Wijk 5)

                                                 Ny. CSt. H. Hasibuan br. Sinaga (Wijk 3)                              Ny. P. Napitu br. Gultom (Wijk 5)

                                                 Ny. CSt. J.H. Simanjuntak, S.E., Ak. br. Hutapea (Wijk 4)

                                                 Ny. St. P.A. Samosir, S.H. br. Sihombing (Wijk 6)                Ny. St. J. Marpaung br. Naibaho (W.6)

Bidang Konsumsi:

                        Ketua               :Ny. Drs. F. Tambunan, M.Si. br. Sidauruk (Wijk 4)               Ny. J. Simanjuntak br. Hutapea

                        Anggota           :Ny. Sihombing, S.H. br. Damanik                                          Semua Ina dari Wijk 4           

                                                 Ny. A.W. Marpaung br. Sitohang                                           Semua Naposo dari Wijk 4    

Bidang Perlengkapan:

Ketua               :                       S.B. Sinaga                             Wakil Ketua    :                       R. Tambunan

Anggota           :                       F. Silaban

                                                O. Butarbutar                           Pustaha Juliandre Athrahasis Panjaitan (Wijk 4)                                         

Bidang Kesehatan (P3K):

Ketua               :                       Dr. Ny. B. Simanjuntak br. Napitupulu

Anggota           :                       Dr. Ny. Sitorus br. Pangaribuan                                              Dr. Ny. Panggabean br. Marpaung

                                                Dr. Ny. Simangunsong br. Panjaitan (Wijk 4)

Bidang Humas dan Dokumentasi:

Ketua               :                       Hendrick Tambunan, S.Pi., M.P. (Wijk 4)

Anggota           :                       Eben Sidabutar, A.Md. (Wijk 4)

Bidang Keamanan:

Ketua               :                       L. Sihaloho (Wijk 4) :              Wakil Ketua:   CSt. H. Napitupulu (Wijk 4)

Anggota           :                       R. Purba, S.H. - H. Marpaung (Wijk 4) - L. Simbolon

Pembantu Umum:                Semua Parhalado Partohonan HKBP Pondok Gede.