M O D E L A
ACARA
PARTUMPOLON / PARPADANAN
DI
NA NAENG MARBAGAS
I. Pra Ibadah
1. Mangarade di Bilut Parhobasan
(Calon Pangoli, Oroan, Natoras, Parhalado rap martangiang)
2.
Calon Pangoli, Oroan dohot Keluarga
udur masuk tu gereja (diiringi musik angonangon)
II. Ibadah
1.
Marende BE. No. 9: 1+6 Hupuji
Holong ni BL. 110 C= Do
1. Hupuji holong ni rohaMu,
O Tuhan Jesus, Rajangki.
Tu Ho hulehon ma tondingku,
Ai i do pinangidoMi.
Huhalupahon ma diringku,
Mamingkir holong ni rohaMu.
(Jongjong)
6. O Jesus, uhir ma goarMu torang,
Bagas tu rohangkon.
Asa tarsurat di jolongku,
Holong ni rohaMi tongtong.
Hatangku ro di parangengku,
Ingkon dipuji do goarMu.
2. Votum – Introitus -Tangiang
(P:
Paragenda - R= Ruas)
P: Marhitehite
Goar ni Debata Ama dohot Goar ni AnakNa Tuhan Jesus Kristus dohot Goar ni Tondi
Parbadia. Amen. Nunga pola Jahowa Debatanta i mambahen padan tu hita di Horeb,
R: Hasudungan ni Jahowa do angka na manghabiari
Ibana, jala dipabotohon tu nasida padanNa,
P: On
pe molo ditangihon hamu soarangHu, jala diradoti hamu padan na Hubahen i, jadi
hasianHu ma hamu sian nasa bangso, ai gok di Ahu do liat portibi on.
Haleluya! (Martangiang ma hita): Ale Tuhan Debata
Amanami na di banua ginjang. Mauliate dipasahat rohanami tu Ho, ala dipaborhat
Ho anak dohot boru ni huriaM dison naeng marpadan di joloM laho pajongjong
pardongansaripeon. Ho ma na mangarajai rohanasida asa marsihohot nasida, di
padan na naeng undukhonon nasida. Sondangi rohanasida asa sintong padannasida i
nirahutan ni holongMu dohot lomo ni rohaM. Pasupasu nasida asa mamboan las ni
roha dohot hatuaon pardongansaripeon na naeng pungkaonnasida di keluarga
paranak dohot parboru songon i nang di huriaM. Di bagasan Jesus Kristus, jalo
ma tangiangnami on. Amen.
(Hundul)
3. Koor/VG/Solo:
4. Marende BE. No. 212: 1+ 6 Haholongon na badia BL. 24 Bes= Do
1. Haholongon na badia sian Tuhan Jesus i,
Sai songgopi sai bongoti roha dohot tondingki.
(Calon
Pangoli dohot Oroan jongjong tu jolo mangadop Langgatan)
6. Haholongon sian Jesus
sai paias rohangkon,
Sai pabali nasa tihas asa ias tondingkon.
5. Manjaha
Surat Parpadanan
6. Panangkasion
tu:
6. 1. Calon Pangoli dohot Oroan
6. 2. Natoras ni Calon Pangoli dohot
Oroan
7. Manandatangani
Surat Parpadanan
7.1.
Calon Pangoli dohot Oroan
7.2.
Natoras ni Calon Pangoli dohot Oroan
7.3.
Saksi sian Keluarga ni Calon Pangoli dohot
Oroan
7.4.
Sintua sian Huria ni Calon Pangoli dohot
Oroan
7.5.
Napatumpolhon
7.6.
Boaboa
8. Koor/VG/Solo:
9. Marende
SDJ. No. 766: 1
Padan na Uli BL. 766
As= Do
1.
Padan
na uli “Ho ndang Hulupahon,”
Ndang pola mabiar au di ngolungki.
Nang pe holom do dalan siboluson,
Ro do hatiuron sian langit i.
“Ho tung so Huhalupahon,
Au
do manogihon, Au do mangondihon.
Ho tung so Huhalupahon,
Au
do margogoihon pos ma rohami.
10.
Jamita:
Jahowa
do Siparmahan ahu, ndang tagamon hurangan ahu. (Psalmen 23:1)
(Partumpolon
ni Nichson Juragan Parningotan Manurung
dohot
Tiurma
Yustini Sati br. Sinambela)
Hamu angka dongan
sada sian angka nabahat i ragam ni mara di parrumatanggaon, i ma molo pabahathu
niarop (harapan) sian pasanganniba.
Adong do halak
mangoli dohot muli, marsangkap asa niolina i, manang hamulianna i, manggohi
angka na pinarsinta ni rohana, angka na so dapotsa dope sian sihadanahonna, na
uju remaja dohot di sihaposoonna. Gabe ampe ma boban na mansai dokdok tu masing-masing
pasangan/ripe na imbaru i.
Pasanganmi ndang parmahanmu i!.
Jahowa do pamahamu.
Ibana do marmudu ngolum, holan asal olo hamu gabe birubiru (dorbia) pinarmahanna.
“Dipatongon
do ahu tu jampalan angka na lomak, ditogutogu do ahu di lambung aek hasonangan.” (ay.2) Uju di portibion on
Tuhan Jesus, Ibana mandok;
·
Parmahan
na denggan do anggo Ahu. Diseahon parmahan na denggan i do hosana humongkop
angka birubiruna. (Joh.10:11)
·
Ahu
do Parmahan na denggan. Hutanda do angka na di Ahu, jala ditanda nasida do Ahu.
(Joh.10:14)
·
Molo
i, jaloonmuna ma tumpal hasangapon na so ra malos i, ia dung gabe patar
Parmahan na bolon i (1 Pet.5:4).
·
Alai
Debata Sipardame i, na manogihon sian angka na mate Siparmahan bolon ni angka
birubiru i, marhitehite mudar ni padan sisalelenglelengna i, i ma Tuhanta
Jesus. (Heb.13:20)
Nian nunga mansai
jotjot tatangihon, manang tahatahon, manang pe ita endehon Psalmen 23 on.
Mangihut didok
Parpsalmen 23: “Ai nang pe mardalan ahu
di rura linggoman ni hamatean”, gombaran ni angka pardalanan ni ngolu na gok
ragam hamaolon, ragam parungkilon, ragam abatabat/tantangan…
Ingot! Adong Tuhan
Jahowa Siparmahan. Sai olo ma hamu gabe birubiru (dorbia) pinarmahanna.
·
Simuatua
doli dohot simatua boru na sai tongtong rade diparmahani Tuhan Jahowa.
·
Hela
dohot Parumaen na sai tongtong rade diparmahani Tuhan Jahowa.
Keluarga Manurung, keluarga
Sinambela angka na pinarmahan ni Jahowa Debata.
Denggan basa dohot asi ni roha
mangihutihut hamu saleleng hamu mangolu!
Sai Tuhan Jahowa ma parmahan hita
huriaNa!
Amen
11.
Marende BE. No. 706: 1... Godang
ni pasupasu i BL. 706 G= Do
(Pelean tu Huria dohot Sosial
Huria)
1. Godang ni pasupasu i dilehon Tuhanki,
Tarlobi asiasiMi marhite AnakMi.
Ref.: Jalo ma
pujianki, Jesus Sipalua i,
Boi au bongot tu Surgo i,
Marnida hasangaponMi.
2.
Tondong
nang aleale i palashon rohangki,
Alai na ummuli i boi au anakMi.
Ref.: Jalo ma pujianki, Jesus Sipalua i,
Boi au bongot tu Surgo i,
Marnida hasangaponMi.
.....
Musik .....
3. Ndang dung
mansohot basaMi saleleng ngolungki,
Ho ma tongtong pujionki sangap
di goarMi.
Ref.: Jalo ma pujianki, Jesus Sipalua i,
Boi au bongot tu Surgo i,
Marnida hasangaponMi.
(Jongjong)
12. Tangiang
Pelean – Pasupasu
13. (Mangendehon):
Amen, amen, amen.
III. Mandok Hata:
1.
Sian
Paranak
2.
Sian
Parboru
IV. Masijalangan
(Calon Pangoli, Oroan jongjong di jolo Langgatan mangadop tu ruas)
Tidak ada komentar:
Posting Komentar