PARMINGGUON SAMPULU DUNG TRINITATIS, 8 AGUSTUS 2021 PARBORHAT DOHOT PANGOJAKHONON PANDITA RESORT

 

PARTORDING NI PARMINGGUON

MINGGU X DUNG TRINITATIS

Minggu, 08 Agustus 2021 Pukul 10.00 WIB

Ev. Jeremia 22: 1-9

Ep. Mateus 23: 23-28

Topik:

Ulahon ma Uhum Dohot Hasintongan

(P: Paragenda - R: Ruas - Pdt: Pandita)

1.    Marende BE HKBP No. 22:1-2 Nunga ro di Parguruan (BL 80) F=Do 4/4

 

1.             Nunga ro di parguruan, hami on,

Na dison, masihangoluan.

Jesus, sai huingot hami hataM i,

NidokMi: Ho naeng dongannami.

 

… Jongjong …

2.      Baen ture pingkirannami,

Unang lao tu na dao, mampar rohanami.

Sai patinggil pinggolnami tu hataM,

asa lam huantusi hami.

 

2.    Votum - Agenda – Tangiang (A.XV/A.6; D.XIII/51)

 

       (Mangendehon BE HKBP No. 852 Haleluya (3x) F=Do 4/4)

       Haleluya, haleluya, haleluya!

 

3.    Marende BE HKBP No. 440:1-2 Sai Puji ma Tuhanta (BL 296) C=Do 4/4

 

1.             Sai puji ma Tuhanta Jesus Kristus.

Pasangap ma, lomona ma patulus.

Pinuji ma, goarNa da.

 

2.             Na sahat ma endenta tu joloNa.

Na metmet ma, nang angka na umbalga.

Dipuji ma goarNa da.

 

4.   Patik (Patik Patoluhon dohot Lapatanna)

 

5.    Marende BE HKBP No. 171:1-2 Tandai ma Au (BL 49) Es=Do 4/4

 

1.             Tandai ma au, sungkapi ma dohot rohangku.

Uji ma au, pamanat huhut ma dalanhu.

Olo ditanda Ho au Debata.

 

… Jongjong …

 

2.             Asi ma rohaM taringot tu pangalahongku.

Olo tutu, jotjot do na lilu dalanhu.

Sesa dosangku sude Debata.

 

6.   Manopoti Dosa (B.6; C.6)

 

… Tangiang na Hohom Musik BE HKBP No. 171:1 Tandai Ma Au (BL 49) Es=Do 4/4 …

 

7.   Marende BE HKBP No. 715:1-2 Balga do HolongMi F=Do 4/4

 

1.             Balga do holongMi sitobus au.

Ai nunga mate Ho humophop au.

Hulehon ma tu Ho saluhut ngolunghi.

Sai i ma padanhi tu Tuhanhi.

 

2.             Baen ma au pangoloi, haposanMi.

Marhobas di joloM, burju tongtong.

Patar ma holongMi di pambahenanhi.

Manogu dongan i tu Tuhanhi.

 

8.    Epistel (Mateus 23:23-28)

 

P:      Tabege ma Hata ni Debata turpuk ni ari Minggu on. Sian Buku Mateus 23:23-28, ita jaha ma marsorinsorin: Marjea ma hamu sibotosurat dohot parise, hamu pangansi! Ai diparsampulu hamu do angka suansuanan na metmet, alai tading do angka patik na ummaol dibahen hamu, songon hatigoran, parasinirohaon dohot haburjuon. Siulaon do na sada on, alai unang ma tading na sada an!

 

R:      Hamu partogi na mapitung. Dipasisi hamu do rongit; alai ia gaja dibondut hamu do.

 

P:      Marjea ma hamu sibotosurat dohot parise, hamu pangansi! Ai dipaias hamu do panginuman dohot mangkuk sian duru, hape marisi pandoboon do dohot pargadombuson.

 

R:      E ho, parise na mapitung! Parbagasan ni panginuman i ma jolo paias, asa gabe ias nang duruna.

 

P:      Marjea ma hamu sibotosurat dohot parise, hamu pangansi! Ai suman do hamu tu tanoman na hinapur angka na denggan berengon sian duru, hape marisi holiholi ni na mate do dohot nasa na rotak.

 

R:      Tongon songon i hamu: Tigor hamu nian idaon ni halak sian duru, alai anggo di bagasan, gok pangansion do hamu dohot na so uhum.

 

P:      I ma sahatna! Martua do angka na tumangihon Hata ni Debata, jala na umpeopsa.

 

R:      Amen.

 

9.    Marende BE HKBP No. 765:1 Nang pe Munsat Angka Dolok Es=Do 4/4

 

1.             Nang pe munsat angka dolok, nang humuntal pe robean i,

Ndang tagamon olo munsat asi ni roha ni Jahowa i.

Nang pe mago sogot langit, nang pe mago dohot tano i,

Ndang tagamon olo muba na nidokNa di hataNa i.

Hot do asi ni rohaNa ro di salelenglelengna,

Nang pe padan hadameon tung na so humordit do.

I do hata ni Jahowa, Tuhan si asii ho.

Hot do asi ni rohaNa ro di salelenglelengna,

Nang pe padan hadameon tung na so humordit do.

I do hata ni Jahowa Tuhan si asii ho.

Hot do i, saut do i.

 

… Jongjong …

 

10.  Manghatindangkon Haporseaon

 

11. Tingting Huria dohot Tangiang Pangondian

 

12. Marende BE HKBP No. 714:1-2 Tuhan na Marmahan Hami Es=Do 4/4

                                       

1.             Tuhan na marmahan hami togu hami ruasMon.

Lehon dameMi di hami angka na hinophopMon.

Tuhan Jesus Sipalua, parmahani ruasMon,

Tuhan Jesus, Siparmahan, parmahani ruasMon.

 

2.             Tuhan parmahan haposan, dongan na sumurung i.

Sai padao pangunjunan, togu ma na lilu i.

Tuhan Jesus Sipalua pasupasu ruasMi.

Tuhan Jesus Siparmahan pasupasu ruasMi.

 

13.  Jamita (Jeremia 22:1-9)

 

Pdt:   Boti hata ni Jahowa: “Tuat ma ho tu bagas ni raja sian Juda, jala hatahon ma disi hata on.

Dohononmu ma: Tangihon ma hata ni Jahowa, ale raja ni Juda, na hundul di atas habangsa ni si David, ho dohot angka naposom dohot na nirajaanmu angka na bongot tu angka harbangan on.

Boti hata ni Jahowa: Radoti hamu ma uhum dohot hatigoran, jala palua hamu na tarsamun i sian tangan ni halak pangarupa; jala unang mangarupa hamu manang mambahen gogo tu halak dagang, tu na tading di lampin dohot tu na mabalu, jala unang durushon hamu mudar na so marpipot di inganan on.

Ai molo diradoti hamu hata ondeng, sai adong do masuk tu pintupintu ni bagasan raja angka na marhabangsa di habangsa ni si David, angka na marsihundul di hureta dohot di hoda, nang ibana, nang angka naposona dohot na nirajaanna.

Alai molo so ditangihon hamu angka hata on, nunga pola maruari ahu tu diringKu,” ninna Jahowa, “ingkon gabe halongonan bagas on.

Ai songon on do hata ni Jahowa taringot tu bagas ni raja sian Juda: Gilead do ho nian di ahu, ale punsu ni Libanon! Ingkon gabe halongonan do ho bahenonHu, gabe huta angka na so marpangisi.

Jala Ahu padirihon dompak ho angka jolma pangago mangalo ho, ganup mardongan sinjata, nasida manaba hau ares angka na pinillitmu jala manimpalhon tu bagasan api.

Jala torop bangso mamolus sian lambung ni huta on, jala didok be ganup tu donganna: Boasa tung songon i bahenon ni Jahowa tu huta on na sai bolon?

Jadi dohononnasida ma: Ala na tinadinghonnasida padan tu Jahowa, Debatanasida i, jala marsomba tu angka debata sileban huhut mangoloi nasida.” I ma sahatna.

 

14. Marende BE HKBP No. 723:1-3 Tu Jolom o Tuhan A=Do 4/4 (Pasahat Pelean I.A, I.B dohot II)

 

1.             Tu joloM, o Tuhan sahat ma diringkon,

Pangke ma au hombar tu lomoM.

Molo ndang Ho Tuhan maringanan di au,

Diringkon ndang mararga be i.

Ref.:    Tung pogos pe dison manang sonang tahe

Marsigantung tu Ho sasude.

Holan Ho huihuthon ndang be diringkon,

Togutogu ma tu na ture.

 

2.             Tu joloM, o Tuhan sai gara rohangkon

Tung unduk do mangoloi Ho.

TondiM i ma tongtong margogoihon au on

Mangulahon lomo ni rohaM.

Ref.:    Tung pogos pe dison manang sonang tahe

Marsigantung tu Ho sasude.

Holan Ho huihuthon ndang be diringkon,

Togutogu ma tu na ture.

 

♫ Musik ♫

 

3.             Tu joloM, o Tuhan tung marpadan do au

Ingkon Ho huihuthon tongtong.

Ai huboto tangkas na martua do au

Nang muse dohot di ngolungkon.

Ref.:    Tung pogos pe dison manang sonang tahe

Marsigantung tu Ho sasude.

Holan Ho huihuthon ndang be diringkon,

Togutogu ma tu na ture.

 

15. A C A R A    P A B O R H A T H O N   P A N D I T A

1.       Marende BE HKBP No. 729:2 Laho ma Hamu F=Do 4/4

 

2.       Lam margogo ma angka Parjamita i, mangulahon tohonanna i;

Mangulahon tohonanna i. Lao mampargogoi angka na porsea i,

Di sudena partingkian i, na hatop sai mubauba i.

On do Barita na Uli pangurupion tu na pogos i.

Malua angka na tarrante i, apulapul tu na dangol i.

Pajongjong hatigoran i, pamalum na so boi marnida i.

Patindang nasa hasintongan i, pasaorhon hadameon i.

 

(Praeses):  

       Huria ni Tuhanta, sadari on, paborhatonta ma, Pdt. Jeffry Sitindaon, M.Th. rap dohot keluarga sian HKBP Pondok Gede tu inganan panghobasion na imbaru gabe Pandita HKBP Resort Kebayoran Lama Distrik VIII DKI Jakarta Raya, hombar tu Surat Keputusan/Ketetapan Uluan ni HKBP. Pujionta do Debata, jala dohononta mauliate tu Panditanta siala pangobasionnasida saleleng di HKBP Resort Pondok Gede.

              

       Domu tusi, tabege ma jolo Surat Keputusan/Ketetapan ni Ephorus HKBP, taringot tu parpindaon nasida:

 

2.       MANJAHA SURAT KEPUTUSAN/KETETAPAN EPHORUS HKBP:

 

PABORHATHON (Huhut masijalangan):   

Hamu Panditanami, Pdt. Jeffry Sitindaon, M.Th. nunga dibege hamu Surat Keputusan Ketetapan ni Ephorus HKBP. Hombar tusi, hupaborhat ma hamu, tu inganan panghobasionmuna na imbaru, gabe Pandita HKBP Resort Kebayoran Lama Distrik VIII DKI Jakarta, di bagasan goar ni Debata Ama, dohot goar ni Anak-Na Tuhan Jesus Kristus, dohot goar ni Tondi Parbadia. Sai dipasupasu Debata ma panghobasionmuna na sailaon di Huria on. Amen.  

MARTANGIANG:  

Ale Tuhan Debata, Amanami na marhabangsa di banua ginjang. Nunga dipaojak Ho HuriaM di tongatonganami, jala disuru Ho do angka naposoM manghobasi huriaM i. Pujionnami do goarMu jala dohononnami mauliate tu Ho. Ai Ho do na paloashon naposoM, Pdt. Jeffry Sitindaon, M.Th. marhobas di HKBP Resort Pondok Gede saleleng on. Pasupasu ma panghobasion ni naposoM on jala tumpahi, asa marparbue gabe hasangapon di goarMu jala bahen las ni roha di HuriaM i. Ho ma na mandongani dohot margogoihon naposoM on, asa tulus dohot denggan mardalan nasa panghobasionna di tongatonga ni HuriaM. Marhitehite Goar ni AnakMu, Tuhan Jesus Kristus Tuhannami. Amen.

 

3.       Marende BE HKBP No. 156:2 Jesus Parmahan i (BL 149) F=Do 4/4

 

(Tingki marende, mulak ma Pdt. Jeffry Sitindaon, M.Th. rap dohot keluarga tu hundulanna. Dung i ro ma tu jolo Pdt. John Rommel Sitorus, S.Th. rap dohot Keluarga)

 

2.       Naung dipatolhas Ho hataM tu siseanMu.

Antong nasida do muse parhiteanMu.

Lao pararathon i tu liat tano on.

Ai harajaonMi naeng lam bidang tongtong.

 

4.       ACARA PAOJAKHON PANDITA RESORT

(PRAESES):

Huria ni Tuhanta, di ari on laos Ojakhononhon do Pdt. John Rommel Sitorus, S.Th. gabe Pendeta HKBP Resort Pondok Gede. Domu tusi, tabege ma jolo Surat Keputusan/Ketetapan ni Ephorus HKBP taringot tu penempatan nasida dohot Aturan Paraturan 2002 taringot tu Ulaon Pandita Resort:

 

5.       MANJAHA SURAT KEPUTUSAN/KETETAPAN EPHORUS HKBP:

6.       MANJAHA ATURAN DOHOT PARATURAN HKBP:

7.       PANDITA RESORT – ULAONNA:

 

1.             Manguluhon Resort rap dohot Parhalado Resort;

2.             Manguluhon Huria sabungan ni Resort i rap dohot Parhalado Partohonan;

3.             Manguluhon rapot Resort, rapot Parhalado Resort dohot angka rapot na marrumang tirket Resort;

4.             Mamingkiri nasa na ringkot na tau pangoluhon dohot paheheon Huria dohot Parhalado na di Resort i;

5.             Maniroi Huria na masuk tu Resort i laho manggohi tanggungjawabna;

6.             Patulushon haputusan ni Sinode Godang, Rapot Majelis Pekerja Sinode, Sinode Distrik, Rapot Majelis Pekerja Sinode Distrik dohot Rapot Resort;

7.             Mangaramoti dohot maniroi parhepengon dohot arta ni Huria na masuk tu Resort i;

8.             Patupa evaluasi dohot mangalehon Laporan Pangulaon, Statistik dohot Keuangan Resort tu rapot Resort dohot tu Praeses;

 

8.       PAOJAKHON:   

Hamu Panditanami, Pdt. John Rommel Sitorus, S.Th. nunga dibege hamu Surat Keputusan/Ketetapan ni Ephorus HKBP taringot tu inganan panghobasionmuna dohot Aturan Peraturan HKBP taringot tu ulaon ni Pandita Resort. Antong na manungkun ma ahu nuaeng tu hamu,  di jolo ni Tuhanta Jesus Kristus, dohot di jolo ni angka dongan na pungu dison: Na olo do hamu Ojakhononhon gabe Pandita HKBP Resort Pondok Gede, jala na olo do hamu mamelehon dirimuna mangaradoti angka ulaon i hombar tu Aturan  dohot Peraturan ni Huria Kristen Batak Protestan (HKBP)?

 

Molo songon i rohamuna, dok hamu ma:

 

(PANDITA NA NIOJAKHON):

 

Na olo do ahu, sai didongani asi ni roha ni Debata ma ahu laho patupahon dohot patulushon saluhutna i.

 

(Huhut masijalangan):

Hamu Pdt. John Rommel Sitorus, S.Th. nunga dibege hamu Surat Keputusan Ketetapan ni Ephorus HKBP. Hombar tusi, hupaojak ma hamu, gabe Pandita HKBP Resort Pondok Gede, dibagasan goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia. Sai didongani ma hamu mangulahon ulaon i asa marsanggap goarNa marhitehite panghobasionmuna, Amen.

 

9.       PASAHATHON TU HURIA (Pandita na niojakhon humusor mangadop tu ruas ni huria):

 

Hamu Ruas ni huria ni Tuhanta dohot Parhalado ni Huria na di HKBP Resort Pondok Gede, jangkon hamu ma amanta Pdt. John Rommel Sitorus, S.Th, on di bagasan Jesus Kristus, Uluan ni Huria i. Tangianghon jala urupi hamu ma nasida, asa manjadi ulaon nasida di Huria on.  

                               

(HURIA): Hujangkon hami ma hamu gabe Panditanami manghobasi di HKBP Resort Pondok Gede. Sai didongani jala dipasupasu Tuhan Debata ma hamu patupahon panghobasion i.

                               

MARTANGIANG MA HITA:  

Ale Tuhan Debata Amanami, marhitehite Jesus Kristus Tuhannami, Raja jala Nampuna Huria i. Mauliate ma rohanami tu Ho jala pujionnami do goarMu, ai ndang dipaloas Ho HuriaMi so marparmahan. Alai sai dipabangkit Ho do angka naposoM na burju jala na olo suruonMu mamaritahon hataM. Nunga dipaojak Ho Pdt. John Rommel Sitorus, S.Th. marhobas di HKBP Pondok Gede on. Asi ma rohaM! Lehon ma TondiM na badia i margogoihon, mamparsahalai, jala mamparbisuhi ibana, asa polin dibaritahon naposoM hataMi. Lehon nang hahipason, hatoguon, dohot hiras ni roha mangaradoti sude ulaon. Tumpahi ma saluhut na niulanasida, jala sai patubu ma hataM na binaritahonnasida, asa marparbue i di roha dohot ngolunami. Hupasahat hami  tangiangnami on tu Ho marhitehite Goar ni AnakMu, Tuhan Jesus Kristus Tuhannami. Amen.

 

10.     MARENDE BE HKBP No. 156:3 Jesus Parmahan i (BL 149) F=Do 4/4

 

(Tingki Marende on mulak ma, Pdt. John Rommel Sitorus, S.Th. rap dohot keluarga tu hundulanna)

 

3.       Manang di dia pe ojak harajaonMu.

Sai naeng tongtong ture sude nirajaanMu.

Naung dipabangkit Ho pandita, guru pe.

Parmahananna do huriaM i sude.

 

11.     ACARA MANDOK HATA:

 

1.             Hata Partadingan sian, Pdt. Jeffry Sitindaon, M.Th.

2.             Hata Patujolo sian Pdt. John Rommel Sitorus, S.Th.

Borhatborhat dohot Panjangkonon

3.    Mewakili Ruas: Mayjend. TNI Purn. Lumban Sianipar, SIP. MSc Mewakili sude Parhalado: St. U.A. Sitanggang

4.             Pasahathon cinderamata sian Huria tu Pdt. Jeffry Sitindaon, M.Th.

Pasahathon cinderamata tu Inang Ny. Pdt. Jeffry Sitindaon, M.Th. br. Tobing

5.             Bimbingan Pastoral sian Praeses HKBP Distrik XIX Bekasi

 

II.      MARENDE BE HKBP No. 157:3 O Jesus na Marsangap i (BL 206) Es=Do 4/4

---------- Jongjong----------

 

3.       Sai tatap dohot angka on na jongjong di joloM dison manjalo tohonanna.

Na mangampehon tangan i, parhiteanMu nama i mambaen hatuaonna.

Suru Tondi Parbadia tu nasida margogoihon asa marhapanditaon.

 

(Tingki Marende, ro ma tu langgatan Pandita na Marbaju Tohonan laho mangujungi Parmingguon).

 

 

16.  Tangiang Pangujungi

 

       Tangiang Pelean – Ale Amanami – Pasupasu

 

       Mangendehon: Amen, amen, amen.

 

Peleanta, Itatongoshon ma tu:

 

1. Rekening Britama Cabang Pondok Gede

No. (002) 038501000630566

 

2. Tabungan BNI

No. (009) 1919667770