ACARA PARTANGIANGAN ZOOM
DI BAGASNA BE RUAS NI HURIA
ADAPTASI
CARA HIDUP BARU
COVID-19
HKBP
PONDOK GEDE
RESORT
PONDOK GEDE
Kamis, 22 Oktober 2020 Pukul 20.00
WIB
Ev.: 1 Rajaraja 17:1-6
Ep.: Johannes 4:5-14
Topik:
Jesus
Do Aek Hangoluan
(P: Liturgis;
R: Ruas Partangiangan)
1.
Marende BE HKBP
No. 19:1-2 “O Jesus Tatap Ma Tu Son” (BL 32) F=Do 4/4
1.
O Jesus tatap ma
tu son, pasaor TondiM tu hami on.
Sai
rohanami dirajai, dalanannami dipasae.
2.
Pamujinami baen
ture, buhai ma rohanami be.
Patinggil
pinggolnami be lao tumangihon hataM i.
2.
Agenda (A.XV/A.17
- D.XIII/53)
P: Marhitehite Goar ni Debata Ama dohot Goar ni AnakNa, Tuhan Jesus Kristus
dohot Goar ni Tondi Parbadia, na tumompa langit dohot tano on.
Kristus Jesus do
naung gabe hapistaran sian Debata tu hita, gabe hatigoran dohot habadiaon dohot
haluaon. Haleluya!
Martangiang ma hita:
Ale Tuhan Debata! Ho do haroroan ni dame dohot holong ni roha. Sai lehon
jala pahot ma di hami roha sisongon i. Ramoti ma angka naposoM maradophon
pangasungi ni sibolis, asa malua nasida sian pangunjunan dohot sian biar ni
roha. Ho do tongtong haposan dohot partanobatoannami. Sai togu ma hami di dalan
sidalanannami ala ni AnakMu, Tuhan Jesus Kristus, Tuhannami. Amen.
3.
Hata ni Debata (Johannes
4:5-14)
P: Tabege ma Hata ni Debata turpuk ni ari Minggu on, sian Johannes
4:5-14.
Gabe ro ma Ibana
tu sada huta na di Samaria na margoar Sikar, mardonokhon ladang na nilehon ni
si Jakob tu si Josep, anakna i.
Alai
adong ma disi sumur ni si Jakob; jadi dibahen naung loja Jesus sian pardalanan,
hundul ma Ibana di lambung ni sumur i; tar di hos ni ari ma i.
Dung i
ro ma sada boru Samaria, manahui aek. Jadi didok Jesus ma mandok ibana: “Lehon
Ahu minum!”
Ai
nunga laho angka siseanNa i tu huta manuhor bohal.
Jadi
didok boru Samaria i ma mandok Ibana: “Boasa mangido tapian Ho halak Jahudi
sian ahu boru Samaria?” Ai ndang marparsaoran halak Jahudi dohot halak Samaria.
Dung i
ninna Jesus ma mangalusi ibana: “Aut diboto ho basabasa ni Debata, jala aut
ditanda ho na mangido aek inumon sian ho, ra olo ho mangido tu Ibana dung i
lehononNa ma tu ho aek na mangolu.”
Jadi
didok boruboru i ma tu Ibana: “Tuan, tahutahu gari so ada di Ho, tole bagas do
sumur on; tung sian dia ma tu Ho aek na mangolu?
Tung
umbalga ma Ho asa ompunta si Jakob na mangalehon sumur on di hami? Ibana do
manginum sian i dohot ianakhonna ro di pinahanna.”
Dung i
ninna Jesus ma mangalusi ibana: “Sai mangulahi mauas do nasa na minum sian aek
on.
Alai
na manginum aek silehononHi, na so tupa mauas be i ro di salelenglelengna. Ai
anggo aek silehononHi, gabe mual do i di bagasan ibana, na mabaor sahat ro di
hangoluan sisalelenglelengna.” I ma sahatna! Martua do angka na tumangihon Hata ni Debata, jala na umpeopsa. Amen.
4.
Marende
BE HKBP No. 262:1 “Jahowa Tuhanhi” (BL 149) F=Do 3/4
1.
Jahowa Tuhanki Ho mual ni na denggan.
Sitompa sasude, silehon hangoluan.
Sai lehon ma di au pamatang na
hipas.
Maringan ma di au baen roha na ias.
5.
Jamita (1 Rajaraja 17:1-6)
P: Tabege ma Hata ni Debata turpuk Jamita di Partangiangan
huria borngin on Sian buku 1 Rajaraja 17:1-6.
Dung
i ro ma hata ni si Elia, halak Tisbi, sian halak paisolat di Gilead, mandok tu
si Ahab: “Songon sintongna mangolu Jahowa, Debata ni Israel, jala ahu marhalado
di joloNa, ndang jadi ro nambur manang udan, manang piga taon on, molo so jolo
ahu mandokhon.”
Dung
i ro ma hata ni Jahowa mandok tu ibana:
“Laho
ma ho sian on jala tondong ma dompak purba, jala martabuni ma ho di lambung
sunge Karit na di bariba ni Jordan.
Ingkon
minum sian sunge i ma ho, jala nunga Hudokhon angka pidong sigak, asa nasida
marmudu ho disi.”
Dung
i laho ma ibana jala dibahen ma hombar tu hata ni Jahowa, laho ma ibana tutu
jala hundul di lambung sunge Karit na di bariba ni Jordan.
Jadi
ro ma angka pidong sigak mamboan tu ibana sagusagu dohot juhut manogotna i
dohot bodarina i, jala sian sunge i ibana minum. I ma sahatna!
6. Marende BE HKBP No. 179:1-2 “Adong
Do Sada Mual I” (BL 20) G=Do 3/4
1.
Adong
do sada mual i di na mardosa i.
Mansai denggan do mual i, pasonang
rohangki.
2.
Aek mual na badia i, i ma di Jesus i.
Disesa do tihasta i, dibuat arsak
i.
7.
Tangiang Sian
Sada Halak Na Ro: St. DB. Simanjuntak
8. Marende BE HKBP No. 673:1 “Adong Do
Sada Mual I” -2 Bes=Do 4/4 (Pelean 1-2)
1.
Adong
do sada mual i na sian Tuhan i.
Durus sian bugangNa i, di hau parsilang
i.
Di hau parsilang i, di hau
parsilang i.
Durus sian bugangNa i, di hau
parsilang i.
9.
Tangiang Sian Pandita: Pdt. H. Sitorus, M.Th
10.
Marende BE HKBP
No. 695:1 “Jesus Tuhanhu Di Ho Ma Au On” As=Do 3/4 (Pelean 3)
1.
Jesus
Tuhanhu di Ho ma au on.
Asa mangihut tu Ho au tongtong.
Gohi rohangku ingani au on,
Sonang di Ho tongtong.
O Tuhan togu ma au,
O Tuhan togutogu ma au.
Gohi rohangku ingani au on,
Sonang di Ho tongtong.
11.
Tangiang Pelean – Ale Amanami – Pasupasu
P: Tatangianghon ma peleanta: Ale Debata, Amanami na di banua ginjang, Ho do
haroroan ni saluhut silehonlehon na denggan dohot nasa ulibasa na mauliutus.
Hupasahat hami ma sian na nilehon-Mi tu hami, peleannami tu Ho. Sai jalo ma i gabe uap na
hushus di joloM. Pasupasu ma i jala ramoti asa huparhaseang hami pelean on,
patimbulhon harajaon-Mu di tongatonga ni HuriaM dohot di portibi on.
Buhai ma rohanami marhitehite TondiM, asa lam hutanda
hami godang ni silehonlehon-Mi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.
Rap ma hita mandok Tangiang Ale Amanami!
Ale Amanami na di banua ginjang! Sai pinarbadia ma Goar-Mu! Sai ro ma harajaonMu! Sai saut ma lomo ni rohaM di
banua tonga on songon na di banua ginjang! Lehon ma tu hami sadari on hangoluan
siapari! Sesa ma dosanami songon panesanami di dosa ni dongan na mardosa tu
hami! Unang hami togihon tu pangunjunan! Palua ma hami sian pangago!
Ai Ho do nampuna harajaon dohot hagogoon, ro di hasangapon saleleng ni lelengna. Amen.
P: Asi ni roha ni Tuhan Jesus
Kristus dohot holong ni roha ni Debata Ama dohot Parsaoran ni Tondi Parbadia ma
mandongani hamu! Amen.
P/R: (Mangendehon):
BE HKBP No. 845 Amen (3X)
Amen… Amen… Amen.
Tidak ada komentar:
Posting Komentar