BANJIR-AKHIRNYA IBADAH 1 JANUARI 2020 DIBATALKAN

PARTURE NI ACARA TAON BARU

HKBP PONDOK GEDE RESORT PONDOK GEDE

DISTRIK XIX BEKASI

TOPIK:

PAHOSING PAMARITAHONON DI BARITA NA ULI

Rabu, 1 Januari 2020

1. Pangaredeon (Pdt:Pandita; P: Paragenda; R: Ruas; S; Sude)

1.     Sude parhobas marpungu, jumolo martangiang sian bilut parhobasan, dungi borhat ma marhobas.

2.     Mangkuling ma giringgiring (Sude ruas ni huria martangiang), laos mardalan ma barisan prosesi Parhalado sian bilut parhobasan, sahat tu jolo ni langgatan, jongjong mangadophon ruas.

Pdt:      Huria na hinaholongan di bagasan Goar ni Tuhanta Jesus Kristus. Sadari on, 01 Januari 2020, i ma bona ni taon na imbaru. Tung asi ni roha ni Debata do na patariparhon hita sian taon 2019, tolhas di bona ni taon 2020 na imbaru on, dipataru Debata hita di bagasan dame dohot hasonangan. Ala ni i, andorang so itabongoti parsaoranta, jumolo ma hupasahat hami tabe: Selamat Taon Baru di hamu saluhutna!

R:         Selamat Taon Baru ma nang di hamu amanami dohot inanami parhalado!

Pdt:      Hamu angka dongan sahaporseaon! Songon tanda ni las ni rohanta sadari on di na bongot hita tu bona ni taon 2020 on, taendehon ma endenta sian BE. No.70: 1-3 Naung Salpu Taon na Buruk i. (Parhalado masibuat hundulanna be)

1.     Naung salpu taon na buruk i, Ho ma hupuji Tuhanki

       Ai diramoti Ho tongtong tondingku dohot dagingkon

       Ai diramoti Ho tongtong tondingku dohot dagingkon.

2.     O Jesus, sai asi rohaM, paian denggan ni basaM,

       Muse di taon na ‘mbaru on di nasa huriaM tongtong

       Muse di taon na ‘mbaru on di nasa huriaM tongtong

--Musik-- -- Jongjong --

3.     Sai tong paian hata-Mi na mangapuli rohai,

       Alai pangago sasude padao ma sian hami be

       Alai pangago sasude padao ma sian hami be.

2. Votum – Introitus – Tangiang

P:         Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, na tumompa langit dohot tano on. Amen! Sai mangaranapi do matangku dompak angka dolok: Sian dia do ulaning ro pangurupion tu Ahu? Sian Jahowa Sitompa langit dohot tano on sambing ro pangurupion ianggo tu ahu. Ndang tagamon loason-Na tarsulandit patmu, ndang tagamon nok mata ni Sijaga ho, Sai jagaon ni Jahowa do ho sian nasa parmaraan, sai jagaon-Na do tondim. Sai jagaon ni Jahowa do ho laho ruar dohot laho bongot olat ni on ro di saleleng ni lelengna, Haleluya!

S:         (Mangendehon:) Haleluya, haleluya, haleluya.

P:         Martangiang ma hita! Ale Tuhan Debata! Sian asi ni rohaM do umbahen na sahat hami tu taon na imbaru on; Ho do na mangaramoti hami di bagasan taon na salpu. Sai asi ma rohaM, sai unang tulak hami nuaeng; sai dongani ma hami di bagasan taon na imbaru on. Pasupasu hami ro di angka ulaon na denggan na huula hami marhitehite goar-Mu. Alai na gumodang, pasupasuhon ma hataM na badia tu rohanami, asa gabe imbaru rohanami, asa tarpamasuk Ho hami tu banua ginjang di hasusuda ni bohalnami.

S:         Amen!   -----hundul-----

3.  Marende BE. 14: 1-2 Puji Hamu Jahowa Tutu BL.57 Bes=Do

1. Puji hamu Jahowa tutu,

Pardengganbasa, parasiroha salelengna i.

Pardengganbasa i, parasiroha i.

2. Ingot tongtong, ale tondingkon,

Sude na denggan na dipasonggop Debata tu ho.

Denggan basa-Na do na pangoluhon ho.

4.  Patik Ni Debata

P:         Patik ni Debata di hita, di Taon Baru sadari on i ma sian Patik I dohot lapatanna: “Ahu do Jahowa DebataM, ninna Debatanta. Ndang jadi marangkup Ahu bahenonmu Debatam. Dia do lapatan ni i? On do: Ingkon umbiar rohanta jala humolong jala umpos mida Debata asa mida nasa na adong. Antong rap mangido gogo ma hita tu Debata laho mangulahon na hombar tu patik-Na i.

S:         Ale Tuhan Debata sai pargogoi ma hami mangulahon na hombar tu patik-Mi. Amen!

5.  Marende BE. No. 68: 4-5  Masilelean Angka Taon BL.93 Es=Do

4.       Alai na niondihon-Mi do au, umbaen mangolu.

Ho do mandok tu Ama i sai loas ma mangolu.

Hau on, asi ma rohami, taon i pe lalu uhum-Mi.

5.       O Jesus sai urupi au, di taon na ro mamboan.

Parbue angka na sai tau padaohon hamagoan.

Sai pargogoi ma au tongtong pasangap Ho di ngolungkon.

6.  Renungan Situasional

P:         Tama do hita mandok mauliate tu Tuhanta Debata Pardengganbasa i, naung patariparhon ngolunta sian taon na salpu tu taon na imbaru taon 2020 on. Naeng tangkas parhatopotonta godang ni angka pasupasu dohot las ni roha naung itajalo sian Tuhan i, hahipason, hamoraon, hagabeon, hasangapon, parsingkolaan ni angka ianakhon, pandaraman na denggan dohot lan angka ulaon na denggan na mambahen las rohanta. Dia ma sidohononta taringot tusi?

R:         Pinuji ma Debata, Ama ni Tuhanta Jesus Kristus, naung umpasupasuhon tu hita ragam ni pasupasu i.

P:         Tutu, ndada holan las ni roha na masa na itaadopi di pardalanan ni ngolunta di taon na salpu, boi do ragam nang angka parungkilon, parsahiton dohot ragam ni angka hamaolon na manosak ngolunta. Dia ma dohononta nang taringot tusi?

R:         Pinuji ma Debata, Ama ni Tuhanta Jesus Kristus, naung umpasupasuhon tu hita ragam ni pasupasu i.

P:         Marhite angka na masa di ngolunta na salpu i, las ni roha manang arsak pe, naeng lam pasolhothon ngolunta ma i tu Tuhanta bona ni hatuaon i. Molo tapamanat angka na masa di taon na salpu, ala godang ni angka parungkilon na binolus ni bangsonta, torop ni angka na masa di bangsota,  kemerosotan moral, hamaolon mangalului ngolu siganup ari, masa do bencana alam, bom, demontrasi, gok virus sibonsiri sahit. Sudena i boi mambahen rohanta lomos jala mabiar. Marningot saluhutna i, naeng lam gomos hita mandok:

R:         Jahowa do Siparmahan ahu, ndang tagamon hurangan ahu.

P:         Tutu, ndang itaboto dope aha na naeng masa siadopanta tu tingki na naeng ro di bagasan taon 2020 on. Boi do songon sada halak na mamongoti sada inganan na holom, so diboto sitondongonna, gabe boi godoron, mabiar. Alai hita angka naung hinophop ni Tuhanta i, mardongan pos ni roha huhut mangasahon pandonganion-Na, pangaramotion-Na dohot panogunoguon ni Tuhanta i, tabongoti ma taon na imbaru on di bagasan pangkirimon dohot las ni roha. Gomos ma hita mandok:

R:         Jahowa do Siparmahan ahu, ndang tagamon hurangan ahu.

P:         Taon 2019 na salpu ditotophon hurianta HKBP do gabe tahun Parasinirohaon. Diarahon do asa gabe ruas ni huria sioloi Jahowa jala parasiroha nasa ruas ni HKBP. Asa Orientasi Panghobasion HKBP di taon 2020 on lam huminsat ma panghobasionta tu Ulaon Pekabaran Injil (Sending), antong gomos ma hita mandok:

S:         Jahowa do Siparmahan ahu, ndang tagamon hurangan ahu. Amen!

7.  Marende BE. No. 67: 2-3  Hamu Ale Donganku BL.12  A=Do

2.       Sai songon na mardalan tabolus angka taon

Disi dope hosanta diudut Debatanta. (Jongjong)

3.       Ai songon inaina manjaga anakhonna

Laos songon i Tuhanta dijaga do hosanta

8.  Tangiang Manopoti Dosa

P:         Tatopoti ma dosanta! Ale Amanami jala Debatanami na di banua ginjang, Pargogo na so hatudosan, Pardenggan basa do Ho, jala ro di saleleng ni lelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami. Ai jotjot do hami mardosa maradophon Ho, jala jotjot do husungguli hami rimas-Mu marhite sian pangalaosionnami di hataM.

S:         Mangendehon BE. No. 64: 4 Naung Moru do Muse Sataon Bl.192 F=Do

4.       Ndang dapot bilanganhu dosa, naung huulahon na sai laon,

Huhut ndang harajuman basa ni Tuhan Jesus na sai laon,

Ndang dibaloshon Ho Tuhanhu, tu au hombar tu dosangki,

Sai dipalambas Ho roha-Mu, marnida pangalahongki

P:         Ale Tuhan Debata Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata Jesus Kristus, Tuhannami,

R:                                 -------- Tangiang na hohom --------

P:         Amen! Tabege ma bagabaga ni Debata taringot tu hasesaan ni dosa: Parasi roha jala Pardengganbasa do Jahowa, lambat tarrimas jala Parasiroha godang. Ndang dibahen tu hita hombar tu angka dosanta, jala ndang dibaloshon tu hita hombar tu hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana, Hasangapon ma di Debata na di ginjang.

S:         Amen!   -----hundul----

9.  Koor

10.  Marende BE. No. 581: 1   Sangap di Jahowa  As=Do

1.      Sangap di Jahowa na sun timbul i, balga ni holong-Na ndang tarasam i,

Dilehon Anak-Na na sasada i, manobus hita jolma pardosa i.

Puji ma Debata, ale manisia, las roham, las roham somba ma Debata,

Dapothon Jahowa na sun timbul i, marhite Anak-Na Tuhan Jesus i

11. Epistel

P:         Epistel di parpunguanta di Taon baru on, i ma na tarsurat di Jeremia 31: 1-6. Di tingki ujungna i, ninna Jahowa, ahu gabe Debata ni saluhut marga ni Israel jala nasida gabe bangsongku. Songon on do hata ni Jahowa.

R:         Nunga dapotan asi ni roha di halongonan bangso na malua sian podang. Laho ma ahu manogihon Israel tu hasonangan ni rohana.

P:         Nunga tibu hian diida rohangku Jahowa, ninna ibana do: Haholongon salelenglelengna hubahen mangkaholongi ho, dibahen i hutogutogu ho marhitehite asi ni roha.

R:         Paulionku dope ho muse, asa tung tipak ho, ale boru Israel, marjagarjagarhon arbabmu do ho muse jala ruar marhalianghaliang rap dohot halak na marlas ni roha.

P:         Ingkon pungkaonmu dope angka porlak anggur di dolok Samaria, laos halak na umpungkasa manganhon parbuena.

R:         Ai ro do ari sogot, joujou ma disi halak parjaga di dolok Epraim: Beta ma hita,

P:         Asa nangkok hita tu Sion mandapothon Jahowa Debatanta! I ma sahatna! Martua ma na tumangihon hata ni Debata jala naumpeopsa.

S:            Amen!

12.  Koor

13.  Marende BE. No. 691: 1-2 Hupasahat ma tu Jesus

1.       Hupasahat ma tu Jesus saluhutna ngolungki,

          Roha nang pambahenanku saluhutna tingkingki,

          Hupasahat ma tu Jesus saluhutna diringki.

          Hupasahat ma tu Jesus saluhutna ngolungki.

--- Jongjong---

2.       Pangkeonhu ma tanganhu mangula lomo-Na i,

          Langka nang simanjojakhu mangihuthon Tuhanki.

          Hupasahat ma tu Jesus saluhutna diringki.

Hupasahat ma tu Jesus saluhutna ngolungki.

14.  Manghatindanghon Haporseaon

U:           Tahatindangkon ma haporseaonta i, songon na hinatindanghon ni donganta sahaporseaon di sandok portibion, Rap ma hita mandok:

U+R:      Ahu porsea di Debata Jahowa, d.u. ----hundul----

15. Sunggulsunggul

16. Mandok Hata Selamat Taon Baru

Mewakili Ruas                   :

Mewakili Parhalado           :

17. Marende BE. No. 753: 1... Di pardalanan Jesus di jolongku

(Papungu Pelean Ia, Ib  )

1. Di pardalanan Jesus di jolongku holong ni tangan-Mi manogu au,

     Nang di ngoluku Ho do sombaongku tung sonang mardalan raphon au

     Huboto do tangkas panoguon-Mu diiringiring Ho do langkangki.

     Sahat ro di ujung ni pardalanku togu ma au jonok tu lambung-Mi.

--- Musik---

2. Sipata lilu haporseaonhu ni lilianan ni portibi on,

     Alai dung Ho hutatap o Tuhanku margogo do au dingolungkon.

     Huboto do tangkas panoguon-Mu diiringiring Ho do langkangki.

     Sahat ro di ujung ni pardalanku togu ma au jonok tu lambung-Mi.

--- Musik---

3. Patogu ma Tuhan haporseaonku, asa polin tu Ho manghirim au,

     Tu surgo i patulus pardalananku, tondiMi maringan ma di au.

     Huboto do tangkas panoguon-Mu diiringiring Ho do langkangki.

     Sahat ro di ujung ni pardalanku togu ma au jonok tu lambung-Mi. 

18. Jamita Heber 1: 1-3

19. Marende BE. No. 66: 1… Debata baen donganmi Bl.52

As=Do  (Papungu Pelean II – Tu Kategorial Naposobulung HKBP)

1.     Debata baen donganmi, lao mangula ulaonmu,

Baen Ibana haposanmu sai paserep rohami,

Debata baen donganmi, Debata baen donganmi.

2.     Debata baen donganmi, molo Debata donganmu,

Ndang tarbahen ho be lilu sai ture do langkami,

Debata baen donganmi, Debata baen donganmi.

--- Musik---

3.     Debata baen donganmi, sai na saut do ulaonmu,

Sai na tulus do sangkapmu jala, sonang rohami,

Debata baen donganmi, Debata baen dongami.

20. Panghangoluhonon di Hata ni Debata

Pdt:        Borhat ma hita mandalani taon na imbaru on di bagasan dame dohot las ni roha. Mardalan ma hamu di bagasan pos ni roha na manongtong mangasahon Tuhan Debata. Manang tu dia pe hamu mangalangka, ganup ari, ganup taon, Debata di bagasan holong-Na dohot huaso-Na rade mardalan di jolomuna. Molo Debata do na mardalan di jolom, jumpangan hatiuron dohot hadameon ma hamu di pardalananmu.

S:            (Mangendehon:) BE. 758: 1   Jahowa pangurupi C=Do

Jahowa pangurupi di siulaonmi

Dilehon pos ni roha di ganup tingki i

Nang pe sipata ganggu haporseaonmi

Jamot tongtong Tuhanmu manjaga ngolumi

Pdt:        Bongot ma hita huria ni Tuhanta tu taon 2020, Pos ma rohanta, uju mardalan hita di na holom ndang tagamon loason-Na tarsulandit patta. Ndang tagamon nok mata ni sijaga ho. Sai jagaon ni Jahowa do ho sian nasa parmaraan, sai jagaon-Na do tondim. Ibana gabe panondang jala hatiuron di dalanmu. Unang be ho ganggu.

S:  (Mangendehon:) BE. 758: 3 Jahowa pangurupi

Jahowa pandongani di na porsea i

Ibana patuduhon nang sidalananmi

Asa marolopolop ho di ujungna i

Ibana do donganmu nuaeng nang sogot i

Pdt:        Antong, hobas ma hamu tu ulaon na denggan, borhat ma di bagasan pandonganion ni Debata, laho  mamodai, maminsang, pauliulihon, manogunogu di bagasan hatigoran, hombar tu program ni HKBP taon 2020 on.

21. Tangiang Pelean –Tangiang Taon Baru – Tangiang Ale Amanami

22. Tangiang Pasupasu

23. Amen, amen, amen.

Parhalado HKBP Pondok Gede

Pasahathon

Selamat Tahun Baru

01 Januari 2020