PARTANGIANGAN PAMUHAI TAON 2019

PARTANGIANGAN PAMUHAI

HKBP PONDOK GEDE RESORT PONDOK GEDE

DISTRIK XIX BEKASI

Rabu, 20 Februari 2019 Pukul 20.00 WIB

01.     Marende SDJ. No. 565: 1-2 Las Rohangku Lao Mamuji G=Do

1.     Las rohangku lao mamuji Debata parholong i.

       Songon bunga na mangerbang di na binsar ari i.

       Arsak, dosa, haporsuhon mago dibaen asi-Mi.

       Las ni roha na manongtong lehon di au Tuhanhi.

(Jongjong)

2.     Sude jadijadian-Mu, laut, tano, langit i.

Angka bintang dohot bulan nang mata ni ari i.

Hauma, ladang nang harangan, rura dohot dolok i.

Saluhutna mangendehon sangap di Tuhanta i.

02.     VOTUM & TANGIANG (Pdt. Nikson Simangunsong)

U:      Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, itapatupa ma Partangiangan on mamuhai Partangiangan Huria di taon 2019 di HKBP Pondok Gede. Amen. Beta ma hita manungkap marsomba, marsinggang ma hita tu adopan ni Jahowa, Sitompa hita.

H:      Ai Ibana do Debatanta, jala hita bangso pinarmahan-Na jala birubiru niiringiring ni tangan-Na.

U:      Haleluya! (Martangiang ma hita:) Ale Amanami na di banua ginjang! Disuru Ho Anak-Mu Tuhan Jesus Kristus tu portibi on, asa disegai angka ulaon ni sibolis i. Sai padungo ma hami marhitehite TondiM na badia i, asa unang tarpedem hami di bagasan dosa, alai asa monang hami sahat ro di ujung, jala asa mardame hami saleleng di tano on, paima sahat hami tu hangoluan na so ra suda marhitehite Anak-Mu, Tuhan Jesus Kristus, Tuhannami.

H:      Amen.

(Hundul)

03.     Koor: WIJK 1 – KOOR EBENEZER – INA HANNA

04.     Marende SDJ No. 695: 1-2 Jesus Tuhanku di Ho ma au on As=Do

1.       Jesus Tuhanku di Ho ma au on, asa mangihut tu Ho au tongtong.

Gohi rohangku ingani au on, sonang si Ho tongtong,

O Tuhan togu ma au. O Tuhan togu togu ma au,

Gohi rohangku ingani au on, sonang di Ho tongtong.

(Jongjong)

2.       Mansai godang do pardangolanki, tagan so Jesus dope tohaphi.

Disesa Jesus sude dosangki, gok dame rohangki,

Asi roha-Na di au, tongtong asi roha-Na di au.

Disesa Jesus sude dosangki, gok dame rohangki.

05.     TANGIANG MANGIDO HASESAAN NI DOSA

U:      Tatopoti ma dosanta. Bodari on, ita ingot ma angka dosanta na ita ulahon. Godang pangalaoisionta. Na mardosa do hita tu Debata, ala lemba hita mangulahon tanggungjawabta songon ruas ni HKBP, tanggungjawabta tu keluarga, tanggungjawab tu huria, tanggungjawab dohot kewajibanta tu Negara. Ingkon parhatopotonta do, jotjot do hita lemba dohot gale.

H:      Tuhan asi roham di hami huriaM, sesa dosanami.

U:      Disuru Tuhan Jesus do hita asa gabe parhobas, ndada sihobasan. Gabe pangapuli, ndada siapulan. Gabe parasiroha ndada siasian. Na tau mangurupi, ndada siurupan. Sipardame ndada gabe sipadameon. Hape lemba do hita mangulahon i.

H:      Tuhan asi roham di hami huriaM, sesa dosanami.

U:      Disuru Tuhan Jesus do hita asa gabe sira dohot panondang sipatupa dai na tabo dohot pangalaho na denggan di tongatonga ni portibi na rundut on. Siboan pos ni roha di tongatonga ni hatangkangon dohot hajungkaton. Siboan pangkirimon di tongatonga ni pandelean. Hape jotjot hita ndang tau mangulahonsa.

H:      (Mangendehon:) BE.No.165: 3 Na Basa do RohaM di Ahu BL.19 D=Do

          O Tuhan hutopoti ma luhutna dosangki

          Asi rohaM sai sesa ma di Ho ma tondingki.

U:      Ale Tuhan Debata, Pargogo na so hatudosan jala Amanami! Hujou hami do Goar-Mu na badia i, ala na targogot hami marningot dosanami. Sai marasi ni roha ma Ho mida hami on. O Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami! Asi rohaM di hami, sai patongtong ma di hami roha hamauliateon tu Ho.

H:      O Tondi Parbadia, pangapul di na marsak roha, pamalum ma saluhut na bernit, binahen ni dosanami! Ro ma Ho mangingani hami, asa marlas ni roha hami mangulahon lomo ni rohaM. Ho do parhitean ni nasa asi ni roha, sai unang tulak hami.

U:      Sai tangihon ma hami, Ho ale Debata, Ama, Anak dohot Tondi Parbadia!

S:      Amen! (Hundul)

06.     Koor: WIJK 2 – IMMANEN – LANSIA-AMA

07.     Epistel Maleaki 3: 13-18

U:      Tabege ma Hata ni Debata turpuk di partangiangan on sian Evangelium Maleaki 3: 13-18. Dipabalga hamu do hatahatamuna dompak ahu ninna Jahowa. Hape lam didok hamu dope: Tung aha ma hatahatanami dompak ho? Didok hamu do: Ndang adong labana oloan Debata, tung aha ma parlabaannami ala huradoti hami tonana, jala martujung hami di adopan ni Jahowa Zebaot?

H:      Nuaeng pe ianggo hami angka halak na jungkat do huparhatua hami; tongon tahe, lam mardohar do angka siulahon hajahaton; gari Debata di unjuni nasida do, hape malua do nasida sian jea.

U:      Alai tahe masipaingotan ma angka sihabiari Jahowa sama nasida; gabe ditatap Jahowa nasida jala ditangihon, jala tarsurat di adopan-Na sada buku parningotan di halak angka sihabiari Jahowa dohot angka na pasangap goar-Na.

H:      Jadi ahu ma nampuna nasida, ninna Jahowa Zebaot, di ari sijadionku, jala marpangkehe ahu tu nasida, songon pangkaehe ni amaama tu anakna na mangoloi ibana.

U:      Dung i mulak ma rohamuna, jadi idaonmuna ma hasurungan ni halak partigor martimbangkon halak parjahat, hasurungan ni halak sioloi Debata, martimbangkon halak na so mangoloi ibana. I ma sahatna. Martua do angka na tumangihon Hata ni Debata, jala na umpeopsa.

S:      Amen.

08.     Koor: WIJK 5 – PAROMPUAN – JERIKO

Wijk 5

09.     Tangiang Pangondian (Pdt. Hotman Sitorus)

10.     Koor: WIJK 4 – WIJK 3 – WIJK 6 – HALELUYA – AMA SION

Wijk 6

11.     Marende SDJ. No. 569: 3  C=Do O Debata tung longang do rohangku

Molo huingot balga ni holong-Mu, marhite Jesus na tarsilang i.

Anak sasada-Mi o Debatangku, dilehon Ho manobus jolma i.

Marende au Tuhan mamuji Ho o, Debata, sangap do Ho.

Marende au Tuhan mamuji Ho o, Debata, sangap do Ho.

12.     Jamita: Lukas 10: 38-42 (Pdt. Jeffry Sitindaon)

13.     Marende SDJ. No. 582: 1… Sangap ma di Debata G=Do

         (Papungu Pelean)

      

       Sangap ma di Debata Amanta amen haleluya

Sangap ma di Anak-Na Tuhan Jesus Kristus

Amen haleluya hasangapon ma di Tondi parbadia

Amen haleluya sangap di Tuhan Debata sitolusada

Amen haleluya endehon amen haleluya endehon

Amen haleluya endehon amen haleluya endehon

Amen haleluya endehon amen haleluya.

14.     TANGIANG PELEAN – PASUPASU

U:      Balga do asi ni roha ni Tuhanta di hita huria-Na, tung so dipasombu do  huria-Na na pinapungupungu-Na i. Alai tongtong sai dipargogoi di sude gulmit ni ngoluna, didongani jala dipasupasu. Tangkas ma i hangoluhononta ala ni hata-Na naung ita jalo ganup marsadasada.

H:      Mauliate ma Tuhan, pargogoi ma hami mangulahon hata-Mi.

U:      Ta tangianghon ma peleanta…(Agenda Tangiang Pelean) Amen. Rap mandok ma hita tangiang hatopanta i…

H:      Ale amanami na di banua ginjang…

U:      Asi ni roha ni Tuhan Jesus Kristus, dohot holong ni roha ni Debata Ama dohot parsaoran ni Tondi Parbadia i ma mandongani hamu! Amen.

H:      (Mangendehon:) Amen, amen, amen.

15.     MASIJALANGAN

16.  MANGAN KUE DOHOT MINUM KOPI TEH