PARTORDING NI ACARA
BONA TAON
SEKSI
REMAJA HKBP PONDOK GEDE TAHUN 2019
St. E. br. Berutu, S.Pd
Liturgis
Pdt. Nikson Simangunsong
Pengkhotbah
St. S. br. Silitonga, S.S
Protokol
Panitia Bona Taon
Efraim Nababan
Elias Lumbanraja
Ketua Seksi Remaja
Ny. Pdt. Simangunsong br. Silitonga
Kata Sambutan dari anggota jemaat
St. B.B. Lumbanraja
Kata Sambutan dari Sintua
Arahan dari Dewan Koinonia
St. M. Gaja, S.Pd
Berlangsungnya Ibadah
U: Hamu angka dongan huria ni Tuhanta.
Mauliate ma tapasahat tu Tuhanta Debata na patolhashon hita taripar tu taon na
imbaru on, i ma taon 2019. Tahaporseai do, molo so Debata donganta, ndang manahan
hita maralohon angka hamaolon na taadopi di taon 2018 na salpu i. Tongtong do
hita diramoti Tuhanta. Alani i, di na marpungu hita di Bona Taon on, tama ma
tapasahat hamauliateon ni rohanta tu Debata.
R: Mauliate ma rohanami di Ho ale Tuhan. Hot do holong-Mu dohot asi
ni rohaM di hami na hinophopmon.
U: Naeng masuhanta ma parsaoranta dohot
Debata. Taparade ma roha dohot pingkiranta.
R: Bahen ma Tuhan inganan on, bagas manjalo habadiaon-Mu
U: Bongoti ma habadiaon ni Debata, boan ma
dohot luhut angka na marragam na masa di ngolum. Boan ma arsak dohot las ni
roham.
R: Tarpuji ma Tuhanta , na tongtong rade manjalo angka pardosa na
olo ro tu Ibana di bagasan unduk dohot serep ni roha.
U: Marende ma hita sian BE. No. 395: 1+4 Masuk ma ho
1. Masuk ma ho, na gogot do harbangan; masuk ma
ho, sompit do dalan i.
Jesus manjou nang ho di parjalangan; sai
ro ma ho, naeng sonang rohami.
Jesus manjou ho, bege ma i; unang be
togang, oloi joujou-Na i;
Unang be togang, oloi joujou-Na i.
4. Pabulus ma tadinghon na di pudi, sai ro ma ho
ditagam Jesus do.
Sadari on boi dohot ho taruli di hatuaon na rade di ho.
Jesus manjou ho, bege ma i; unang be
togang, oloi joujou-Na i;
Unang be togang, oloi joujou-Na i.
2. VOTUM-INTROITUS-TANGIANG
U: Marhitehite Goar ni Debata Ama dohot Goar ni Anak-Na, Tuhan Jesus Kristus dohot Goar ni Tondi Parbadia, na
tumompa langit dohot tano on. Amen. Pinuji ma Tuhan i ganup ari, ai ro
di salelenglelengna do asi ni roha-Na.
R: Martua ma ganup na manghabiari Jahowa, na marparange di angka
dalan-Na.
U: Angka na marhaposan tu Jahowa, songon dolok
Sion do nasida, ndang tagamon humordit, hot do tahe ro di salelenglelengna.
R: Martua ma ganup na manghabiari Jahowa, na marparange di angka
dalan-Na.
U: Sai marhaposan tu Jahowa ma ho jala ulahon
na denggan, inganhon ma tano i jala radoti haburjuon.
R: Martua ma ganup na manghabiari Jahowa, na marparange di angka
dalan-Na.
U: Oloi hamu ma Jahowa marhitehite las ni
roha, ro be ma hamu tu jolo-Na marhitehite olopolop. Ai Pardenggasbasa do
Jahowa, ro di salelenglelengna do asi ni roha-Na, jala marsundutsundut do
hasintongan-Na.
R: Haleluya!
U:
(Martangiang
ma hita:) Ale Tuhan Debata Amanami marhitehite Tuhan Jesus Kristus,
Tuhannami! Mauliate ma dipasahat rohanami tu Ho, ala asi dohot holong ni rohaM
naung hujalo hami sahat tu sadari on. Nunga dipatariparhon Ho hami sahat tu
bona ni taon 2019 on, di bagasan hahipason dohot las ni roha. Na marpungu do
hami nuaeng na sapunguan: Seksi Remaja
di huriaM HKBP Pondok Gede, laho mamuji pasangap Goar-Mu huhut pasahathon
hamauliateon ni rohanami ala holong dohot asi ni rohaM na godang i. Antong, sai
asi ma rohaM di hami ale Tuhan! Jalo ma ende pamujionnami dohot tangiangnami.
Jala iringiring ma saluhutna keluarganami mandalani taon parasinirohaon na
pinasahat-Mu di hami. Asa mardame sonang hami mangoloi Ho di ngolunami siganup
ari. Amen.
3. Marende BE. No. 581. 1 Sangap di Jahowa
1. Sangap
di Jahowa na sun timbul i, balga ni holong-Na ndang tarasam i.
Dilehon Anak-Na na sasada i,
manobus hita jolma pardosa i.
Puji ma Debata ale manisia, las
roham, las roham, somba ma Debata.
Dapothon Jahowa na sun timbul i,
marhite Anak-Na Tuhan Jesus i.
4. MARNINGOT DENGGANBASA NI JAHOWA
U: Puji ma Debata na manompa saluhutna, puji
ma Ibana na mangaramoti ngolunta. Puji ma Ibana, ai ro di saleleng ni lelengna
do asi ni roha-Na.
R: Tung na balga do asi ni rohaM Tuhan, alani i
pujionnami ma Ho di tongatonga ni ngolunami.
U: Hamu angka dongan, tadok ma mauliate tu
Debata Jahowa ala tongtong do di ramoti hita di ganup keluarga, di huria nang
di angka ragam ni panghobasionta be, saleleng mandalani taon 2018 na salpu i.
R: Tung na balga do asi ni rohaM Tuhan, Alani
i pujionnami ma Ho di tongatonga ni ngolunami.
U: Dilehon do di hita angka na ringkot di
ngolunta, ganup ari dohot ganup tingki. Dilehon do di hita gogo, pos ni roha
dohot panghirimon tingki marsikola, kuliah, karejo nang di jabu pe.
R: Tung na balga do asi ni rohaM Tuhan, Alani
i pujionnami ma Ho di tongatonga ni ngolunami.
U: Tutu, ragam do angka na masa na boi mambahen
hita tahuton mandalani ngolu di taon na naeng sibolusonta dope. Ragam do nang
angka na masa na boi mambahen hita marungkil di tongatonga ni parngoluon i.
Alai, saluhutna do manumpak tu na denggan di angka na marholong ni roha tu
Debata.
R: Tung na balga do asi ni rohaM Tuhan, Alani
i pujionnami ma Ho di tongatonga ni ngolunami.
U: Nuaeng, bongot ma hita tu taon 2019 on,
sada taon na imbaru, taon parasinirohaon na pinasahat ni Debata tu hita
saluhutna.
R: Ale Tuhan, sai asi ma roham di hami. Urupi
ma hami on saluhutna!
U: Ndang taboto angka na masa na naeng siadopanta.
Ndang adong na hot anggo di tano on, tung saluhutna do mubauba. Alai dohononta
ma:
S: Sai na donganan ni Tuhan Debata do hita
ganup ari, rasi rasa ro ajal ni hasiangan on. Amen.
5. Marende SDJ. No. 755:1 Haposan Ho Tuhan
1. Haposan Ho Tuhan, hot do holong-Mu, di las
ni roha, tingki arsak pe.
Asi ni roha-Mi nang pambaenan-Mu,
Ho sipalua, pangondingan pe.
Haposan Ho Tuhan, haposan Ho
Tuhan, ndang na mansohot asi ni rohaM.
Nasa na ringkot di au diparade,
tung ala ni asiM do i sude.
6. Manjaha Hata ni
Debata Psalmen 113: 1-3
U: Tabege ma Hata ni Debata turpuk
di Partangiangan
Bona Taon on sian Psalmen 113: 1-3. Tajaha ma marsorinsorin! Ende
hananangkok sian si Daud. Ida ma, dengganna i dohot sonangna i, molo tung pungu
sahundulan angka na marhahamaranggi!
R: Songon miak na hushus di ulu pola mabaor tu mise, tu mise ni si
Aron, pola mabaor sahat tu rambu ni angka ulosna.
U: Songon nambur ni Hermon, na mabaor tu angka
dolok Sion, ai disi do diparbaga Jahowa pasupasu, hangoluan sahat ro di
salelenglelengna. I do sahatna. Martua ma na tumangihon hata ni Debata, jala
naumpeopsa.
R: Amen.
7. Tangiang Pangondian (St. M. Gaja, S.Pd-Dewan Koinonia)
8.
Marende BE. No. 149: 1+4 Ho Tongtong
Ihuthononku BL. 182
Ho tongtong ihuthononku Jesus
Sipangolu au
Tung na so
tadingkononku Ho, na paluahon au
Sian sasude
dosangku dohot sian uhum i
Na tongtong
habiaranku ala pardosaonki.
9. Jamita Mazmur 16:8 (Pdt. Nikson Simangunsong)
10. Marende SDJ. No.
730: 1- Sai patau ma au Tuhan
1. Sai
patau ma diringku ale Tuhan, papatarhon hinauli-Mi Tuhan.
Suru ma Tondi-Mi saor tu
rohangki, lao papatar holong-Mu tu donganhi.
2. Sai patau ma diringku ale Tuhan, papatarhon
hinauli-Mi Tuhan.
Suru ma Tondi-Mi saor tu rohangki
patariparhon basaM tu donganhi.
3. Sai patau ma diringku ale Tuhan, papatarhon
hinauli-Mi Tuhan.
Suru ma Tondi-Mi saor tu
rohangki, lao patandahon diri-Mi tu donganhi.
11. BORHAT
MANDALANI TAON 2019 MANGASAHON DEBATA JAHOWA
U: Hamu angka dongan, nunga dipaloas Debata
hita mamasuhi taon 2019 on. Silehonlehon ni Debata do on tu hita jala
sihamauliatehononta. Antong tadalani ma taon 2019 on di bagasan hasatiaon tu Tuhanta
marhite ngolu, dohot pambahenan na denggan songon na hinalomohon ni Tuhan i.
R: Mauliate ma di Ho Tuhan. Paborhat ma hami
mandalani taon on hombar tu lomo ni rohaM.
U: Onpe, hamu angka dongan! Marsihohot jala so
mubauba ma hita, jala lam sumurung ma di bagasan Tuhan i, ai taboto do; ndang
magopo halojaonta di bagasan Tuhan i. Rap ma hita mandok Tangiang Hatopanta i!
R: Ale Amanami na di banua ginjang….
U: Pasupasu
R: (Mangenderhon): Amen, amen, amen.
Tidak ada komentar:
Posting Komentar