ACARA PARMINGGUON
TAON KESEHATAN KEBERSIHAN DALAM LINGKUNGAN HIDUP
PESTA GOTILON
DOHOT
ULANG TAON 39
HKBP PONDOK GEDE
RESORT PONDOK GEDE
DISTRIK XIX BEKASI
Minggu XXIV Dung Trinitatis, 11 Nopember 2018
Ulahon
ma Uhum Dohot Holong ni Roha di Habasaon
(Mika 6: 6-8)
Jl. Perumahan
Taman PondokGede Blok H No.1-3
Pondok Gede RT 04
RW 01 Kelurahan Jatirahayu
Kecamatan Pondok Melati
Kota Bekasi
ProvinsiJ awa
Barat
Telp. (021) 8467284
KELUARGA PENERIMA PIN 2018
BAPAK WILMAR MARPAUNG/BR. PASARIBU,
Pdt. BANNER SIBURIAN, MTh (PRAESES HKBP DISTRIK XIX BEKASI/BR. SIAGIAN
KELUARGA PENERIMA ULOS 2018
TARIAN TORTOR SEKOLAH MINGGU
DIDAULAT Pdt. BANNER SIBURIAN, M.Th
(PRAESES DISTRIK XIX BEKASI)
BAPAK L. SIANIPAR
DAN
BAPAK W. MARPAUNG
MENYANYIKAN 2 LAGU
JUARA-JUARA LOMBA
KETUA: BAPAK AMBA DAMANIK - BAPAK SIAGIAN
HUJAN LEBAT
JUARA KOOR DAN DIRIGENT TERBAIK
UNDIAN LUCKYDRAW
KELUARGA PENERIMA ULOS 2018
1.
Prosesi-Parhobas
Mamasuhi Acara Parmingguon Diiringi Song Leader
SDJ. No. 651:1-2 Huria na huhaholongi hami Bes=Do
(Holan SL: Song Leader)
Barisan
Prosesi: Simbol-Simbol Ibadah (Bibel, Silang, Lilin), Uluan ni Huria, Pandita
Fungsional, Panitia Pesta Inti, Dewan Koinonia, Dewan
Marturia,Dewan Diakonia, Sintua, Utusan Guru Sikola Minggu, Panitia Pembangunan)
·
Huria
na huhaholongi hami, na pinajongjong ni Tuhanta i.
Tung na so lupa sian rohanami huria
i dohot ruasna i,
Di nasa hasusaan, tongtong do i
manahan.
Manggogo pe angka galumbang i,
Tuhanta do pademakhon i,
Martua do na hot di Tuhan i.
·
Marpadan
do au on tu Debatangku; Tu Jesus Raja ni huria i.
Sai
pangkeonku do nasa gogongku, mangaradoti huria-Na i,
Tung ro pe
haleaon ingkon huhabengethon.
Manggogo pe
angka galumbang i, Tuhanta do pademakhon i,
Martua do na
hot di Tuhan i.
(Di tingki mangendehon ende on, sude ma hita pahibul roha
laho beribadah).
2.
Joujou
tu Parsaoran na Badia (Pdt. Jeffry Sitindaon, M.Th)
(P: Paragenda; S: Sude; H: Huria; SL: Song Leader; Msk:
Musik)
P: Horas
jala dame ma di hamu saluhutna!
H: Horas!
P: Na marlas
ni roha do hita di minggu sadari on, marningot dengganbasa ni Debata na
mangaramoti huria-Na, patupa Pesta Gotilon dohot manghalashon Tolu pulu sia
taon (39) taon HKBP Pondok Gede dohot Orientasi Pelayanan Tahun 2018: Kesehatan
dan Kebersihan dalam Lingkungan Hidup, na tapatupa di tingki on. Asa tutu ma
songon na nidok ni hata i. “Ia disi las
ni ari, ba disi ma pinanjomurhon. Molo boi tarpajadi, ba unang be niundurhon.
Parik ni janji mauli, hatubuan ni simarhalosi. Molo nunga jinalo nauli sian
Tuhanta i, ingkon botoon ma mamalosi.” Nunga pungu hita nuaeng dison,
tapuji ma Tuhanta pardengganbasa i. Antong, di hamu sude huria ni Tuhanta,
dohot di hamu amang parmusiknami. Didok Hata ni Tuhanta: Puji hamu ma Debata, di bagasan habadiaon-Na i, puji hamu ma Ibana di
hajanghajang ni hagogoon-Na i. Puji hamu ma Ibana ala hagogoon-Na, angka na
sumurung i, puji hamu ma Ibana, hombar tu hinagodang ni hatimbulon-Na i.
Antong! Manggora ma ho, jumolo tu Tuhanta Debata Pardengganbasa i.
Msk: (Mangalusi…)
P: Manggora
ma ho tu Tuhan Jesus Kristus, Sipalua i.
Msk: (Mangalusi…)
P: Manggora
ma ho tu Tondi Parbadia, Pangapul, Siparorot tondi i.
Msk: (Mangalusi…)
P: Huria na
pinarbadiaan ni Tuhanta. Mardongan musik na adong, tasomba ma Tuhanta na sun
timbul i. Godang ma tongon na binahen ni Jahowa tu hita, jadi marhilas ni roha
ma hita. Angka na mariluilu laho manabur, marolopolop do sogot laho manggotil.
Mardalandalan pe ibana huhut tangis pausungusung boni sisaburhononhon, ro do
ibana sogot marolopolop mangusung angka tibalanna. I do tutu. “Tinampul bulung bira, di toru hau
toroptorop, nunga marpungu hita mariaria, luhut ma marolopolop.”
Msk: (Mangalusi gumanjang……)
P: Hamu
angka dongan na hinaholongan. Di minggu pa XXIVhon Dung Trinitatis on, di jou
Hata ni Tuhanta do hita asa gabe naposo na denggan jala haposan marhaporseaon
tu Ibana. Nunga dilehon Ibana na tau hangoluanta sigandahononta di ngolunta
siganup ari. Haposan ma hita di naotik, dung i pasahaton-Na ma tu hita godang.
Antong sian nasa rohanta tasombahon jala tajouhon ma pujipujianta tu Ibana. Haleluya Tapuji ma BE. No. 112: 1-3BL.206Es=Do
·
Haleluya tapuji
ma AmantaTuhan Debata, dibaen dengganbasa-Na.
Sai
tong girgir ma hita be, pasangap Debatanta i,
Dibaen
asi roha-Na. Sangap, sangap,
Hagogoon,
hatoguon, hapistaran. Di Amanta na di ginjang
·
Haleluya di Jesus i, talehon hasangapon i, nang pe
pujipujian.
Dilehon do mudar-Na
i, mamuri hita sasude, parade hatigoran.
Denggan, denggan,
parsaoranta tu Tuhanta, badia-Na.
Songgop do tu huria-Na
…………………………..Musik…………………………..(Jongjong)
· Haleluya
di Tondii, nasangap, nabadiai,
tadokmauliate.
AutunangsaorIbanaturohantana so
dung togu,
Luhutna do mandate.Tua, tua, ma
jambartabahenonnasalelengna.
Di adopanniDebata.
3.
Votum
– Introitus – Tangiang
P : Marhitehite
Goar ni Debata Ama, dohot Goar ni Anak-Na Tuhan Jesus Kristus dohot Goar ni Tondi
Parbadia. Amen. Parangehon hamu ma
na tama di Tuhan i, marguru tu sandok lomo ni roha-Na, marparbuehon parbue marhitehite saluhut ulaon na
denggan. Oloi hamu ma Jahowa marhitehite las ni roha, ro be ma hamu tu jolo-Na marhitehite olopolop.Haleluya!
S: (Mangendehon:) Haleluya, haleluya, haleluya.
P: Ale Tuhan Debata, na sangap jala na badia! Diramoti jala
digomgomi Ho do HuriaM marhitehite TondiM i. Dibahen i hupangido hami nuaeng tu
Ho, lehon ma di hami roha pangoloion, asa marlas ni roha hami mangulahon na
nidokMu songon pangoloi ni anak tu amana. Sai pararat ma harajaon-Mu jala sai tambai ganup ari bilangan ni angka na porsea
di Ho, asa lam tarbarita Goar-Mu na badia
i, jala dapotan hangoluan hami marhitehite Tuhan Jesus Kristus, Tuhannami.
Amen.(Hundul)
4.
Marende
BE. No. 34: 1 Jesus do haholonganta BL.222 C=Do
P: Hamu
angka dongan! Nunga tasomba Tuhanta Parholong roha i. Nunga tapuji hamuliaon ni
Goar-Na marhite roha, pamatang dohot tondinta. Nunga tabongoti alaman-Na na
badia i. Antong! “Sai jongjong ma hita di
Uluan manatapnatap dompak Tampahan. Sai jumpang ma angka na ni luluan, jala dapot hita ma tutu
angka na jinalahan.”
Msk:
(Mangalusi…)
P: Nunga
saor Tuhanta tu hita. “Sahala Patik Uhum, tondi do sipangajari. Manumpak ma
parsaoranta na di jolo, manghorasi ma dohot parsaoranta na di pudi.”
Msk: (Mangalusi…)
P: “Asa disi
sirungguk disi ma sitata, ia disi hita hundul dua tolu halak marpungu, disi ma
saor jala sahap pasupasu sian Tuhanta Debata.”
Msk:
(Mangalusi…)
P: Ido tutu.
Sai jumpang ma di Huria-Na marhite Pesta Gotilon, manghalashon 39 taon HKBP
Pondok Gede dohot Orientasi Pelayanan Tahun 2018: Kesehatan dan Kebersihan
dalam Lingkungan Hidup, songon pandohan na mandok: “Marsinemnem do urukuruk, marsilanlan aek Toba. Na magodang ndang
marungutungut, dakdanak remaja dohot naposobulung pe luhut ma marlas ni roha.”
Msk:
(Mangalusi gumanjang……)
P: Nuaeng di
hamuna damang, dainang ro di sude situan na torop. Debata do mual ni las ni
roha, dame dohot haluaon. Ibana do haroroan ni pasupasu di ngolunta. Antong!
Tahaporsea jala taihuthon ma Ibana sian unduk dohot serep ni rohanta.
Tatangihon jala taoloi ma Patik-Na, Ita endehonma: Jesus do haholonganta.....!
· Jesus do haholonganta, ai digarari do dosanta.
Tobusta do mudar-Na i.
Daging dohot tondinami, tu Ho Jesus hulehon hami.
Ai sonang do di tangan-Mi.
Sai jalo hami on,hami huriaMon anakhon-Mu.
Asi rohaM, denggan basaM, tumpakhon ma tu huriaM.
5.
P a
t i k M a
l e a k i 3 : 1 0
P : Tangihon hamu ma Patik ni Debata, sian
Maleakhi 3:10 na mandok:“Taruhon hamu ma
sintong parsampuluan i tu bagas parpeopan, asa adong bohal di bagasan jabungku,
jala unjuni hamu ahu taringot tusi, ninna Jahowa Zebaot, manang so ungkaponku
di hamu angka pandiloan ni langit, jala mangusehon tu hamu gabe maradu
marlobilobi.”Rap mangido gogo ma hita tu Debata laho mangulahon
patik-Na!
S: Ale Tuhan Debata, sai
pargogoi ma hami mangulahon na hombar tu Patik-Mi. Amen.
6.
Marende
BE. No. 177: 3-4Ndada tarhatahon BL. 196 Bes=Do
P : Hamu
angka dongan na ni asian ni Tuhan Parasiroha i. Halak sirimasan ni Debata hian
do hita ala dosa i, alai nunga ditogu hita tu ampuan-Na gabe anakhon-Na. Nunga
dipapos jala dipatau rohanta manjalo hasesaan ni dosanta. Antong, marhiras ni
roha ma hita mandok:
S : Tuhan, nunga ro Ho gabe
Pardengganannami. Nunga durus mudar-Mu mangaroro hami sian hamatean i. Nunga
harhar hami sian bura ni dosa i. Asi ma rohaM di hami.
P : Saluhutna silehonlehon na denggan dohot nasa ulibasa na
mauliutus, na ro sian banua ginjang do i, sian Ama ni angka hatiuron, ndang
adong anggo di Ibana parsorinon manang halinu ni pangkusoron. Antong,
tapaunduk ma rohanta mangarsakhon dosanta na godang i. (Hohom mangokuhon dosa di adopan ni Debata- Song leader mangendehon:Ndada
tarhatahon...
SL : (Mangendehon:)Jesus
do manaonidosanisude, nungadigararido utangta be. Nungapola mate Tuhan Jesus i,
paluahonhitasiandosai.
(Jongjong)
S : (Mangendehon:)O
hamupardosasaitandai ma i, lehon di Ibanarohamuna be. I do pangidoanniTuhantai,
asasai tong sonangbahenon-Na i.
7.
Tangiang
Manopoti Dosa-Bagabaga
P: Hamu
angka haholongan, didok Hata ni Debata di Psalm 32: 5 “Jadi hupabotohon ma tu Ho dosangku jala ndang huhuphupi salangku;
ningku do: Topotangku ma angka pangalaosiongku tu Jahowa, jadi marpamuati do
rohaM di utang ni dosangku” Nuaeng tapajojor ma sude angka na masa di
ngolunta. Di na tapajojor sude dosanta i di adopan-Na, laos dison ma hita
marpadan rap dohot Tuhanta, asa marhite tangiang hasesaan ni dosanta on gabe
jumpang hita ma hagogoon manghalashon asi ni roha-Na na burju pasaehon sude
dosa: Ale Tuhan Debata, Pargogo na so hatudosan jala Ama
Parasiroha! Ndang lomo rohaM mida hamatean ni pardosa; mulak ma nian parjahat i
tumadingkon dalanna, asa mangolu ibana, i do dipangido rohaM. Ala ni i umbahen
hupangido hami; sai sundati ma torutoruM asa unang mangonai be tu hami. Sai
sesa sude dosanami, asa mangolu hami di bagasan asi ni rohaM. Sai pargogoi ma
hami, asa margogo hami, marhitehite Tuhan Jesus Kristus Tuhannami. Amen.
SL: (Mangendehon SDJ. No.668:1-2)Tuhanjotjot
do marsakdonganki, ala nasalapambahenanki.Hatangkulangkanangparulanki, jora ma
au.
Panghulingi
pe tupa so une, mambaen jut rohanidonganku pe.
Pingkiran hata nang hurang ture,
jora ma au.
P: Tabege ma
hata bagabaga taringot tu hasesaan ni dosa!Parasi roha jala pardengganbasa do Jahowa, lambat
tarrimas jala Parasiroha godang. Ndang dibahen tu hita hombar tu angka dosanta,
jela ndang dibaloshon tu hita hombar tu angka hajahatonta. Songon asi ni roha
ni amaama mida angka anakna, asi ni roha ni Jahowa di angka na manghabiari
Ibana. Hasangapon ma di Debata na di ginjang!(Hundul)
8.
Marende
BE. No. 194: 2-3 Aut so asi rohaMBL. 62F=Do
2.
Aut so asi
rohaM, aut so godang basaM tu dia au?
Alai dibaen basaM dohot asi rohaM tu surgo au.
3.
Anggiat ma holongrohangkusaitongtongburjutu Ho.
Sai
donganan-Mu au, manangtudia lao sonang tutu.
9.
Epistel
1 Timoteus 6: 11-21
P: Tabege ma
Hata ni Debata turpuk ni ari Minggu on sian Surat parjolo na tinongos ni
apotestel Paulus tu si Timoteus, bindu onom ayat sampulu sada sahat tu ayat dua
puluh sada, ita jaha ma marsorinsorin: Alai anggo ho halak ni Debata, maporus
ma sian i; pareahi ma hatigoran, hadaulaton, haporseaon, holong ni roha,
habengeton dohot lambok ni roha!
H: Haburjuhon ma paraloan haporseaon na
denggan i; tangkup ma hangoluan salelenglelengna, ai tusi do ho dijou, jala
diparhatopot ho do panindangion na denggan di jolo ni torop sitindangi.
P: Hupatik
ma ho di jolo ni Debata, na pangoluhon saluhut, dohot di jolo ni Kristus Jesus,
na mangkatindangkon na denggan di jolo ni Pontius Latus:
H: Radoti ma patik i, so marlindang, so
hasurahan, paima tarida Tuhanta Jesus Kristus.
P: Ai di
hajujumpang ni tingkina patar ma Ibana, bahenon ni na Martua i, Pargogo
sasadasa, Raja ni angka raja, Tuhan ni angka tuan.
H: Sasadasa do na so olo mate, Siingani
hatiuron na so tartopot, na so dung diida jolma Ibana, jala ndang tarbereng
Hasangapon dohot hagogoon ma di Ibana ro di salelenglelengna! Amen.
P: Rodihon
ma angka na mora di hasiangan on, unang ginjang rohanasida, unang dihaposi
hamoraon na so mian i; alai dihaposi ma Debata, na buas mangalehon tu hita
saluhut sihalashononta.
H: Naeng ma mangulahon na denggan nasida,
mamora di angka ulaon na denggan, marroha na buas, na girgir marsibasabasa,
P: papunguhon
di nasida pangkal na denggan tu tingki sogot, asa ditangkup nasida ngolu na
tutu.
H: Ale Timoteus, ramoti naung jinalomi,
pasiding ma pangkataion na so marimpola, na so gabeak i, dohot sualsual na
pilit targoar parbinotoan!
P: I do
dibaritahon deba, gabe manimbil sian haporseaon. Didongani asi ni roha i ma
hamu! I ma sahatna. Martua do angka na tumangihon Hata ni Debata, jala na
umpeopsa!
P+H: Amen
10.
Marende
BE. No. 358: 1-2Hamu saluhut harajaon BL. 194 As=Do
P : Hamuna
haholongan. Nunga tajaha Hata ni Debata turpuk di minggu on. Tatanda ma
hagogoon ni Debata jala itahabiari ma Ibana di pardalanan ni ngolunta. Ai
parrohaan-Na do hita mamilangi ariari ni ngolunta, asa dapotan roha na bisuk
hita mangoloi Ibana. On pe Parmusiknami: “Tubu
ma tambinsu di dolok ni Sipoholon. Sai horas ma hita sude Huria ni Tuhanta, ala
rade hita manghatindanghon goar ni Tuhan. Mandurung ma pardengke di aek
sihoruhoru, durungdurung na i dapotan porapora. Sai gabe jala maruli ma hita di
torop anak dohot boru horhonon ni pestanta sadari on, jala luhut ma hita gabe,
martua jala mamora dipasupasu Tuhan.”
Msk:
(Mangalusi...)
P: Antong,
sude ma hita patuduhon las ni rohanta mangihuthon Ibana. Tuhanta do mual ni
pasupasu sihatindangkononta. Gogo ma taendehon: Hamu saluhut harajaon.....!
S: Hamu saluhut harajaon,
marolopolop ma hamu.
Endehon ma
hamuliaon ni goarni Debatamu.
Tu Debata ma
dok hamuna, na songkal do pambaenanmi.
Ai musumi pe
saluhutna, marsomba do di jolomi.
(Jongjong)
Tu Ho, o Tuhan do
marsomba muse sandok portibi on.
Goar-Mu do endehononna,
pasangaponna Ho tongtong.
Ro ma
hamu saluhut jolma, marnida pambahenanni.
Jahowa na sai marmulia
di nasa manisiai.
11.
Manghatindangkon
Haporseaon
P : Tahatindangkon
ma haporseaonta i, songon na hinatindangkon ni donganta sahaporseaon di sandok portibi
on. Rap ma hita mandok:
S: Ahu porsea ...! Amen! (Hundul)
12.
Koor
Gabungan Huria: “Radoti Hahipason” (Refani boru Manurung)
13.
Tingting(Pdt.
Nikson Simangunsong, S.Th)
14.
Tangiang
Pangondian (Pdt. Hotman Sitorus, S.Th)
15.
Mandok
Hata Huhuasi:
1.
St. Poltak
Purba
2.
Ketua
Panitia Drs. Amba Damanik, M.M
16.
Marende
SDJ. No. 691: 1... Hupasahat ma tu Jesus
(Pelean Ia dohot Ib) Es=Do
P : Tarjou do
hita patuduhon parbue ni haporseaonta dohot ragam ni pasupasu-Na
sihamauliatehonon ni rohanta tu Debata. On pe amang pandenami:“Songon Pege na sangharimpang tu Ansimun
sisada holbung. Rap mangangkat tu ginjang, rap manimbung tu toru. Habang pidong
na sia, sai masijolojoloan, sai sauduran ma sude hita ruas ni Huria HKBP Pondok
Gede on, sisada tahi jala saoloan tumangihon Hata ni Tuhan.”
Msk:
(Mangalusi...)
P: Tapasahat
ma peleanta Ia dohot Ib tanda ni parsombaonta tu Debata huhut itaendehon ma
padan haporseaonta: Hupasahat ma tu Jesus saluhutna ngolungki.......!
S: 1. Hupasahat ma tu Jesus, saluhutna
ngolungki.Roha nang pambaenanku saluhutna tingkingki. Ref. Hupasat ma tu Jesus
saluhutna diringki, hupasahat ma tu Jesus saluhutna ngolungki.
2. Pangkeonku ma tanganku, mangula
lomo-Na i, langka nang simanjojakku mangihuthon Tuhanki. Ref. Hupasahat ma tu
Jesus.....!
……………………………….Musik
………………………………
3. Nang pamereng ni matangku,
mandompakhon Jesus i, Soara ni pamanganku, mamuji goar-Na i. Ref. Hupasahat ma
tu Jesus.....!
4. Dung huida Tuhan Jesus,
hutundalhon dosangki. Lohot rohangki tu Jesus, Sipalua tondingki. Ref.
Hupasahat ma tu Jesus.....!
………………………………
Musik ………………………………
5. Tarhalomong do rohangku dipandok
ni Tuhanki, Aleale ni Tuhanku, au di goar Jesus i. Ref. Hupasahat ma tu
Jesus.....!
6.
Mauliate ma rohangku, ala au hinonghop-Mi. Pujionku ma goar-Mu,
salelenglelengna i. Ref. Hupasahat ma tu Jesus.....!
17.
Jamita:
Mika 6: 6-8
(Pdt. Banner Siburian, M.Th-Praeses HKBP Distrik XIX
Bekasi)
18.
Marende
SDJ. No. 672: 1 ...
Tung godang situtu ulaonmu antong C=Do
(Pelean II)
P: Hamuna
angka dongan sahaporseaon, nunga tabege Hata ni Debata na gabe hangoluanta.
Itahangoluhon jala tapatuduhon ma parbue ni panghirimonta di panarihonon-Na di
ngolunta. Tapasahat ma peleanta paduahon, songon tanda ni las ni rohanta
manjangkon Hata-Na di Minggu sadari on. On pe amang Pandenami: “Bona ni Aek Puli di dolok si Sitapongan, nunga
saut tapauli Pesta Gotilon, manghalashon 39 taon HKBP Pondok Gede dohot Orientasi
Pelayanan Tahun 2018: Kesehatan dan Kebersihan dalam Lingkungan Hidup.
Manumpakma Tuhanta tu Huria HKBP Pondok Gede on, gabe inganan pangalapan
pasupasu ma i, patiur nasa pansamotan. “Marpulung ma palia, parasaran ni pidong
na dua. Sai siboan dame ma hita, huhut siboan tua ala naung tajangkon Hata ni
Tuhan.”
Msk:
(Mangalusi laos paradehon perendeon Pasahat pelean II Pusat)
S: (Mangendehon:) Tung godang situtu ulaonmu antong dipasahat Tuhanta tu ho. Ndang adong
be tingkim marnalemba tahe, ngolumi bahen tiruan tongtong. Ref. Sai patupa ma i
alani Tuhan i so manghirim balosna tu ho. Debata do marnida naniulami manang na
adong parbue ni i.
19.
Manaruhon
Pelean Pesta Gotilon
P: Nuaeng
sahat ma hita tu na pasahathon Pelean Pesta Gotilon, i ma tumpakta tu huria ni
Tuhanta Program Anggaran HKBP Pondok GedeTahun 2018. I ma parbue ni panandaonta
di pasupasu ni Debata naung tajalo di ngolunta. Taingot ma: “Na manaburhon otik, otik do gotilonna, jala
na manaburhon managam pasupasu, mangalap pasupasu di na manggotil.Ganup ma ni
onjar ni rohana, unang ma sian muruk manang sian na so tarjua, ai dihaholongi
Debata do na las roha mangalehon.”
H: I do tutu. Na manaburhon managam
pasupasu jala mangalap pasupasu di na manggotil. Ro do hami manaruhon ganup ni
onjar ni rohanami. Las do rohanami, ai dihaholongi Debata do na las roha
mangalehon. Ro ma hami tu alaman-Mi pasahathon peleannami na tama di joloM.
Jalo ma i Tuhan, gabe pelean na hushus di harajaon-Mu.
P: On pe
Huria ni Tuhanta na marlas ni roha sadari on. “Sapala pantis, pantis ni Sigalangan. Sapala naeng mangalehon tumpak,
sai unang ma diparalangalangan. Ai marasar silogologo di tombak ni Simamora,
Sai horas ma Ama dohot Ina Ruas ni Hurianta HKBP Pondok Gede on marroha jala
mamora tumpahon ni Tuhanta.”
Msk
: (Mangalusi - Huhut paradehon
parendeon)
Uduran pataruhon Pelean Gotilon tu
Langgatan:
1.
Sude
ruas ni huria parminggu pasahat amplop gotilon
2.
Utusan
Wijk 1
3.
Utusan
Wijk 2
4.
Utusan
Wijk 3
5.
Utusan
Wijk 4
6.
Utusan
Wijk 5
7.
Utusan
Wijk 6
8.
Utusan
Sikola Minggu + Guru Sikola Minggu
9.
Utusan
Naposobulung
10. Utusan Remaja+Parguru Malua
11. Utusan Parompuan+Ina Hanna
12. Utusan Ama
13. Utusan Lanjut Usia
14. Utusan HKBP Getsemane
15. Sude Parhalado HKBP Pondok Gede
S: (Huhut mangendehon:Dison adong huboan Tuhan SDJ.848:1... F=Do)
1.
Dison
adong huboan Tuhan, parbue ni ngolungku na so tardok nian. Sadia ma argana
Tuhan molo sai ni rajuman sude denggan basaM. Jalo ma Tuhan sai las ma rohaM.
2. Dison
adong huboan Tuhan tondingku na girigir mangoloi di HataM. Pasaorhon ma HataM
da Tuhan manogu tondingki mangihuthon lomoM. Jalo ma Tuhan sai las ma rohaM.
…………………………… Musik ……………………………
3. Dison
adong huboan Tuhan pamatang na hipas baen pelean di joloM. Sai pangke ma au on
da Tuhan, na tau ulaulaM na hasea di joloM. Jalo ma Tuhan, sai las ma rohaM.
4. Dison
adong huboan Tuhan hosa nang gogongki tau pelean di joloM. Patau pasingkop ale
Tuhan, asa marguna au manghobasi huriaM. Jalo ma Tuhan, sai las ma rohaM.
…………………………… Musik ……………………………
5. Dison adong huboan Tuhan, arta sinamothon so sadia i nian.
Parbadiai ma i
tung singkop, asa ture sintong lao pauli huriaM.
Jalo ma Tuhan sai
las ma rohaM.
6. Huingot
do tonaM da Tuhan, ingkon taruhononku parsampuluan i. Ai ungkapon-Mu do da
Tuhan pandiloan-Mi mangusehon basaM. Pasupasu-Mi, usehon ma godang.
…………………………… Musik ……………………………
7.
Huingot
do hataM da Tuhan saor do pasupasu di halak na bojok.
Asal ma
disombahon Tuhan ngoluna i singkop baen pelean di joloM. Jalo ma Tuhan, sai las
ma rohaM
…………………………… Musik ……………………………
8.
Tangankunametmet da, Tuhan,na so
heamansari dope au on Tuhan;Rohangku ma hulehon, Tuhannaboipelehononkugabe las
nirohaM,jalo ma Tuhan, sai las ma rohaM.
9.
Huingot do hataM da, Tuhan,ingkonsarihononhonanggiMnametmetan;Ampehon
ma tangan-Musangkan,Itaknaotikiunangsudanian,jalo ma Tuhan, sai las ma rohaM.
20.
Tangiang
Pelean dohot Pasupasu
P: Nunga
tapasahat Peleanta, songon i dohot tumpakta tu huria ni Tuhanta. Ta jangkon
jala tahangoluhon ma Hata nabadia i. “Marmutik
ma simarlasuna, marbunga ma ia labu. Hata nauli dohot pasupasu ni Tuhanta, boanonta
i sahat martonga ni Jabu.” Taendehon ma padan haporseaon laho pahehe
rohanta manghangoluhon pasupasuNa: Tuhan
na marmahani hami, togu hami ruas-Mon.....!
S: (Mangendehon: Tuhan na marmahani hami SDJ. 714: 1-2
Es=Do)
1. Tuhan na marmahani hami togu hami ruas-Mon.
Lehon dame-Mi
di hami angka na hinophop-Mon.
Tuhan Jesus
Sipalua, Parmahani ruas-Mon.
Tuhan Jesus
Sipalua Parmahani ruas-Mon.
2. Tuhan Parmahan
haposan dongan na sumurung i.
Sai padao
pangunjunan togu ma na lilu i.
Tuhan Jesus
Sipalua pasupasu ruas-Mi.
Tuhan Jesus
Sipalua pasupasu ruas-Mi.
21.
Tangiang
Pelean – Pasupasu
22.
(Mangendehon:) Amen, amen, amen.
23.
Pengarahan
sian Panitia tu Acara na Mangihut.
Tidak ada komentar:
Posting Komentar