ACARA PESTA I PARNINGOTAN
HAHEHEON NI TUHAN JESUS
KRISTUS
(PASKA I)
HKBP RESORT PONDOK GEDE
Topik :
Ibana Do Hatuaonku
(Psalmen 118: 1-2,
14-28)
Minggu, 27 Maret
2015
Jl. Perumahan Taman Pondok
Gede Blok H No.1-3
Pondok Gede RT 04 RW 01
Kelurahan Jatirahayu
Kecamatan Pondok Melati Kota
Bekasi
Provinsi Jawa Barat,
Telp. (021) 8467284
1. Joujou tu Parsaoran (L= Liturgis; H= Huria)
L : Huria ni Tuhanta, na marlas ni roha do hita
sadari on, ala nunga monang Tuhan Jesus maralohon sorop ni hamatean i. Ai
didok do: "Nunga
tarbondut hamatean; nunga soluk hamonangan! Jo hamatean, didia hamonanganmi? Jo hamatean, didia soropmi? Alai dosa do sorop ni hamatean, jala patik i
do gogo ni dosa i. Alai mauliate ma di Debata, na pamonang hita marhitehite
Tuhanta Jesus Kristus!” Hamonangan ni Jesus gabe
hamonangan nang di hita, i ma na tapestahon di ari Minggu sadari on. Alani i
hupasahat hami ma tu hamu: SELAMAT PASKA ma di hita sude.
H : "Selamat Paska ma di hita saluhutna" .
L : Tapasonang
ma rohanta laho marparsaoran rap dohot Debata di bagas joro na badia on, martangiang
na hohom ma hita di bagasan rohanta be.
(di tingki martangiang na hohom, manghuling organ BE.No.15:1, BL. 103) F=Do
Huria ni Tuhanta, hatuaon do, las ni roha do
hangogot ni Tuhanta i. Alani, tapangiar ma soaranta mamuji
Debata,
marende ma hita
2. Marende BE. No. 91: 1-3 Hatuaon do BL. 55 Es=Do
1. Hatuaon do las ni
roha do hangongot ni Tuhanta i
Mago do hita ngot
ma Tuhanta las be, las be ma rohanta i.
Mago do hita ngot
ma Tuhanta las be, las be ma rohanta i.
2. Hatuaon do las ni
roha do hangongot ni Tuhanta i
Monang
do Jesus talu sibolis las be, las be ma rohanta i.
Monang
do Jesus talu sibolis las be, las be ma rohanta i.
---Musik--- ----Jongjong----
3. Hatuaon do las
ni roha do hangongot ni Tuhanta i
Mungkap do
dalan tu hangoluan las be, las be ma rohanta i.
Mungkap do
dalan tu hangoluan las be, las be ma rohanta i.
3. Votum,
Introitus, Tangiang
L : Marhitehite Goar ni Debata Ama
dohot Goar ni AnakNa Tuhan Jesus Kristus dohot Goar ni Tondi Parbadia na
tumompa langit dohot tano on. Amen. Haleluya!
H: Di
Tuhan Debatanta i do hatuaon dohot hasangapon dohot hamuliaon dohot hagogoon.
L: Na pahehehon Tuhan Jesus, i do
na pahehehon dohot hita sogot ala ni Tuhan Jesus. (Pangungkapon 19, lb; 2 Kor.
4,14a) Haleluya!
H: (Mangendehon): Haleluya, Haleluya, Haleluya.
L: (Martangiang ma hita): Ale Tuhan Jesus, Tuhannami ! Na mandok
mauliate do hami tu Ho, ala ditaluhon Ho do dosa dohot hamatean marhitehite
hamamateM i, ala disondangi Ho tanomannami, asa marpangkirimon na mangolu hami
ala ni haheheonMi. Ndang pola be mabiar hami mida hamatean, ai Ho do ulunami,
ruasMu do hami. Dipaunsat Ho do hami sian haholomon tu hatiuron, sian hamatean
tu hangoluan. Antong pargogoi ma hami mamuji dohot mangoloi Ho ariari,
pasangaphon Ho di bagasan haporseson na mangolu, paima sahat hami tu lambungMu.
Amen.
---hundul---
4. Marende BE. No. 92: 1+3 ”Puji ma na manaluhon” BL.178 Bes=Do
1. Puji ma na manaluhon dosa hamatean i
Puji ma na pangoluhon saluhut pardosa i
Jesus na dung mate i las roham o huriaNa
Ala na mamillit ho, Jesus i mangolu do
3. I do
las ni rohanami lao mamujimuji Ho
Ndang be sitoruan hami ala na dung mate Ho
Dungkon ni mangolu Ho nunga ringan tondinami
Sian hangoluanmi ala hamonanganmi.
5. Patik
L: Tangihon hamu ma patik ni Debata di Pesta I Parningotan Haheheon ni
Tuhan Jesus Kristus, tarsurat di Evangelium Johannes 14: 11 ”Porsea ma hamu di Ahu: Di bagasan Ama i do
Ahu jala di bagasan Ahu do Ama i; molo so i, ala ni angka ulaon i ma hamu
porsea!”
I ma sahatna, rap ma
hita mangido gogo sian Tuhan Debata:
H: Ale Tuhan Debata, sai
pargogoi ma hami mangulahon na hombar tu patikMi. Amen.
6. Koor: 05.00 WIB (Immanen) ; 09.00 WIB (Ina Hanna)
7. Marende BE. No. 90: 1-2 “Sai marlas
ni roha hita” BL. 175 F=Do
1. Sai tapuji Debatanta ale hajolmaon i
Ai naung hehe do Tuhanta sian hamatean i
Dipasidung Jesus i ulaonNa sasude
Patupahon haluaon di saluhut hajolmaon.
(Jongjong)
2. Anggo utang ni dosangku digarari Jesus i
I do haporseaonku di na tinaonNa i
Nunga tulus patik i nunga mintop rimas i
Di na hehe i Ibana ro di au hangoluanNa
8. Manopoti Dosa dohot Hata Bagabaga Hasesaan ni Dosa
L: Tatopoti ma dosanta! Ale Tuhan Debata, Pargogo na so
hatudosan, Parasi roha na sumurung, Ama ni Tuhan Jesus Kristus Sipangolu hami !
Hami, halak pardosa na dangol on ro tu jolo ni habangsa habadiaonMi manopoti
jala manganggukhon dosanami.
Borua: Mengendehon BE No.182:3 ”Haholongan
Na Badia” BL.24 Bes=Do
Sai jotjot do hutadingkon, dalanMi na tigor i,
Kristen au, hape hutondong,
dalan hamagoan i.
L: Mansai jotjot huarsahi hami Ho marhitehite
pingkiran dohot hata dohot pambahenannami na roa i. Ndang huhaholongi hami Ho
sian nasa rohanami dohot nasa ateatenami dohot nasa tondinami dohot nasa
gogonami; nang dongannami, ndang doshon dirinami hubahen hami.
Baoa: Sude Mengendehon SDJ. No. 681:1 ”Ale Amang Asi RohaM” G=Do
Ale
Amang, asi rohaM, di au pardosa on.
Unduk
do rohangkon nuaeng marsomba di joloM.
Unang
jujur, unang jujur angka dosangki.
Sai
salpuhon, sai salpuhon sian rohaMi.
L: Dibahen i tama do rimasanMu jala uhumanMu
hami tu hamatean saleleng ni lelengna i. Alai na maporus ma hami nuaeng tu asi
ni rohaM na godang i mangido sian nasa rohanami hasesaan ni dosanami saluhutna.
Sai urupi ma hami paubahon rohanami ala n i Tuhan Jesus Kristus. Anak
haholongan ni RohaM, Sipangolu hami dohot ala ni GoarMu na badia i. Ale Tuhan,
sai asi ma rohaM di hami halak na dangol on! Amen.
Sude: Mengendehon BE. No.94: 3 ”Ale Tondingku Naung Hehe” BL.44 Bes=Do
Tahaburjuhon mangalo dosanta, jala tabaen Tuhan Jesus
donganta.
Pos ma rohanta di Tuhanta i, pamonangonNa do hita sude.
PamonangonNa do hita sude
L: Tabege
ma Hata bagabaga taringot tu hasesaan ni dosa: Ala ni pangalaosionta do umbahen
na tartullang Kristus, jala binahen ni hajahatonta do Ibana mabugang. Ampe tu
Ibana pinsangpinsang parhitean ni hasonanganta, jala binahen ni bugangNa malum
itahilala. (Jes. 53, 5). Hasangapon ma di Debata na di ginjang !
H: Amen !
---Hundul---
9. Koor: 05.00 WIB (Wijk 2); 09.00 WIB (Ama)
10. Marende BE. No. 94: 2 “Ale Tondingku Naung Hehe” BL. 44 Bes=Do
Talu sibolis dibahen Tuhanta
nang hamatean nang dosa sudena
Sai dihalashon rohanta ma i, pangoluonNa do hita
sude,
PangoluonNa do hita sude
11. Epistel: Lukas 21: 1-12
L: Epistel di hita di Minggu Pesta I Parningotan Haheheon ni Tuhan Jesus Kristus, tarsurat di Lukas 21: 1-12 Dung i mamereng ma Ibana,
gabe diida ma angka na mora na mandabuhon silehonlehonna tu bagasan poti
parasian.
H: Alai diida ma boruboru na mabalu sada, na pogos, na mandabuhon
dua rimis.
L: Gabe didok Ibana
ma: Situtu do hatangkon tu hamu: Gumodang do na nidabuhon ni na mabalu na pogos
an sian saluhutna i.
H: Ai sasude nasida sian lobilobinasida be do didabuhon; alai ia
parompuan an, sian pogosna i do didabuhon sasude na pineopna i.
L: Dung i
ditaringoti na deba ma joro i, naung dipajagar dohot batu angka na uli dohot
silua ni halak, jala ninna Ibana ma:
H: Diida hamu pe i sude, na ro ma angka arina, ndang tinggal disi
dua batu martinditindi na so gargaronna.
L: Jadi disungkun
nasida ma Ibana, ninna ma: Andigan ma masa i, Guru; jala dia ma tandana, paboa
laho songgop ma i?
H: Alai ninna Ibana ma: Jaga ma hamu, so tung lilu hamu! Ai lan do
na ro sogot manoluk Goarhu, angka na mandok: Ahu do! Nunga dapot tingkina i!
Unang ma ihuthon hamu nasida!
L: Alai molo dibege
hamu barita ni angka hamusuon dohot hagunturon, unang ma hamu tarsonggot; ai
ndang tarbahen so songgop i jumolo. Alai ndang dope manigor dapot ajalna i.
H: Laos didok ma tu nasida: Na hehe do sogot bangso maralohon
bangso, harajaon maralohon harajaon.
L: Masa ma lalo
angka na bolon, angka sahit bala marluatluat nang haleon, tarida ma angka panonggoti
ro di tanda na balga sian langit.
H: Alai tagan so masa dope angka i, tangkupon jala leleannasida do
hamu;
L: Pasahatonna do
hamu tu angka parguruan dohot hurungan, gabe togihononna hamu tu jolo ni raja
dohot panguhum humongkop Goarhu. I ma sahatna. Martua do na tumangihon Hata ni Debata jala na
umpeopsa.
H: Amen.
12. Koor : 09.00 WIB (Parompuan –
Wijk 1)
13. Marende BE. No. 96: 2-3 “Nunga talu hamatean” BL.101 G=Do
2. Ia
angka boruboru lao do tu tanoman i
Ndang disi be Tuhan Jesus nunga hehe
sian i
Haleluya, haleluya nunga hehe Jesus i
Haleluya, haleluya nunga hehe Jesus i
(Jongjong)
3. Marlasroha be ma hita ala hehe Jesus i
Ai
malua sude hita sian hamagoan i.
Haleluya, haleluya nunga hehe Jesus i
Haleluya, haleluya nunga hehe Jesus i
14. Manghatindanghon Haporseaon
L : Rap
ma hita manghatindanghon haporseaonta i songon panghatindanghonon ni donganta
sahaporseaon di sandok portibi on, rap ma hita mandok.
H : Ahu porsea ...
--- hundul ---
15. Tingting - Tangiang Pangondianon
16. Marende BE. No. 95: 1... “Ngot ma ho dijou soara” BL. 222 C=Do
(Papungu Pelean la + lb)
1. Haleluya
taendehon nuaeng di ari haheheon
Tuhanta Siparmonang
i
Ai malua do
Ibana haruar sian tanomanna
Na talu
hamatean i.
Sun ulaonNa
i dibaen Tuhanta i, Haleluya
Naung sahat
di Tuhanta i upaNa na sumurung i.
2. Tongam di
parungkilonNa dipangke Jesus i gogoNa
Mangalo
sipangago i
Hita naung
pinarhatoban ni setan dapot haluaan
Dibaen
hamonanganNa i
Naung sae
utangta i digarar Jesus i, Haleluya
Di Tuhan i
rohanta i, saleleng ni lelengna i.
--- Organ ---
3. Na so pola
habiaran ni hita on be hamatean
Ai hita pe
sai hehe do
Molo burju
taihuthon Tuhanta i di parungkilon
Sai ingkon
tu lambungNa ro
Diboan
Jesus i do hita on muse tu lambungNa
Parmonang i sai saut ma i binaen ni hagogoonMi.
4. Ale ari
haheheon beha ulaning hilalaon
Ni
rohangkon di tingkimi?
Ndang
hapalang las ni roha di hasohot ni na roa
Ro di
sude na hansit i
O Jesus
togu ma bangsoM tu Debata tu na sonang
O Rajangki
naung hehe i pasahat au tu lambungMi
--- Organ ---
17. Jamita: Psalmen 118: 1-2, 14-28
18. Marende SDJ. No. 624: 1 ... “Haleluya, haleluya” F=Do
(Pelean tu Kategorial
Parompuan HKBP)
1.
Haleluya, Haleluya nunga hehe Tuhanta i
Haleluya, haleluya puji
goarNa i.
Jesus sigomgom tano on.
Tuhan ni sandok portibi on.
2. Boan barita na uli tu saluhut na tinompa i.
Haleluya ……
--- Organ ---
3. Mate au raphon Kristus i, hehe muse raphon
Tuhan i.
Haleluya ……
4. Ngolu na sora suda i, upa ni angka na monangi.
Haleluya ……
--- Organ ---
20. Parsuruon
L : Haleluya, nunga hehe Kristus i. Nunga marsaringar
tu tongatonganta Hata ni Debata na mamaritahon tu hita taringot tu haheheon ni
Tuhan Jesus sian na mate. Ndang tartiopi hamatean i Tuhan Jesus. Songon dia pe
balga dohot borat ni batu na manghincu baba pintu ni tanoman ni Tuhan Jesus
ndang margogo Manahan Tuhan Jesus sian tanoman i. Haheheon ni Tuhan Jesus
mangungkap dalan tu angka na porsea i tu haheheon sogot laho bongot tu
hangoluan na saleleng ni lelengna. Kristus naung hehe sian na mate, Ibana ma
parjolo ni angka na monding.
H : Hita pe hehe do muse.
L : Huria ni Tuhanta, torop dope na so manghaporseai haheheon
ni Tuhan Jesus. Alani i tabaritahon ma heheheon ni Tuhan Jesus i tu saluhut halak, tu angka na so
porsea do pe, asa parsidohot nasida tu haluaon dohot tu hangoluan na
salelenglelengna i.
H : Mangendehon BE No. 627: 4 “Jesus
Naung Hehe” F=Do
Tabaritahon Tuhanta i, na hehe jala mangolu i.
Singkop do panghophopanNa i, di hita jolma pardosa i.
Las ma roham puji ma Tuhan i ala naung talu hamatean i.
Sesa dosanta haleluya, mangolu Jesus haleluya.
21. Tangiang Pelean - Tangiang
Haheheon – Tangiang Ale Amanami
Pasupasu -
Mangendehon : Amen – Amen - Amen.
Tidak ada komentar:
Posting Komentar