TAHUN KELUARGA HKBP PONDOK GEDE

Sabtu, 3 September 2016

1. Jalan Santai 

Anggota Jemaat HKBP Pondok Gede

2. Lomba Tortor Siburuk

3. Peraga Busana Batak Toba

GONDANG SIBURUK

Na galia, adong ma na saripe, amanta dohot inanta soripadana na holan maranakhon sada halak baoa.

Di sada ari, manjangkitma anaknasida i, laho paijurhon parbue ni Pinasa. Na so panagaman tardegesa ma dangka ni hau i, naung burburon. Gabe mapeut ma ibana sian bona ni hau Pinasa i, madabu toho tu urat ni hau Pinasa i. Matipul ma patna parsiamun.

Hinorhon ni na masa i, humasusa ma amanta i dohot inantana.

Dipaubathon amanta dohot inanta i ma anakhonna i tu angka pandampol na adong di huta dohot humaliang luat i. Alai ndang adong marnosan.

Mamungka busisaon ma amanta dohot inanta i, asa nunga mamungka busuk jala bau pat ni anakhonna i. Pola sai martangiangi amanta dohot inanta i, asa dilehon Tuhan i hamalumon pat ni anaknasida i.

Di sada borngin, di na sai dijotjoti amanta dohot inanta i na martangiang i. Ro ma tu parnipionna mandok: “Manogot ni ari marsogot tibu ma ho dungo, laho ma ho tu pudi ni jabum i. Berengonmu ma di si di bona ni kopi marasar pidong SIBURUK, na imbura mamorpoti anak sada. Buat ma anakna i, jala ihoti patna dohot Bonang Manalu. Pantipuli ma patna dohot habongna, alai unang tipul jangung, jala unang sanga tos hosanna. Dungkon i, paima ma Sia arinari, ro ma ho muse mamereng anak ni pidong Siburuk i. Buatma anakna i dohot asarna i, robusma dohot miak makan, i ma bahen mandampol pat  ni anakmi.”

 Jala manum ma tutu pat ni anakhonna i.