HKBP PONDOK GEDE: ACARA PARMINGGUON ADVENT PARJOLO

ACARA PARMINGGUON ADVENT PARJOLO

(TAON BARU PARHURIAON)

HURIA KRISTEN BATAK PROTESTAN (H K B P)

PONDOK GEDE RESORT PONDOK GEDE

DISTRIK XIX BEKASI

Minggu, 27 November 2016

Tema: Mardalan di Hatiuron ni Jahowa

1. Pagalak Lilin Advent I.

Joujou tu Parsaoran dohot Debata. (U=Uluan : H=Huria)

U: Selamat Advent ma di hita! Huria ni Tuhanta Jesus Kristus, nunga taripar hita tu Minggu Taon Baru Parhuriaon. Ala ni di bagasan las ni roha ma hita marsaor dohot Tuhanta di Minggu Advent Parjolo on. Advent lapatanna, managam haroro ni Tuhan i. Minggu Advent paingothon hita asa hobas managam haroro ni Tuhan i. Antong tatomutomu ma Ibana marhite na mangendehon “Hosianna anak ni”.

H. (Mangendehon BE. No. 45 : 1) Bl.73

Hosianna anak ni raja David ro tu hita.

Baen ture dalanna i asa bongot tu rohanta.

Baen ma gabagaba i di Tuhanta na ro i.

U. Nunga ro Ibana najolo tu portibi on marhite hatutubuNa di Betlehem, i ma na tahalashon di Ari Natal.

H. Alai namaimaima do hita di haroroNa paduahalihon laho manguhum portibi on dohot mangapuli na porsea di Ibana.

U. Minggu Advent Parjolo, paingothon hita di hapapatar ni bagabaga ni Debata di Padan Na Robi taringot tu haroro ni Messias, marhite haroro ni Jesus paluahon jolma pardosa. Ro Ibana mamboan hatiuron songon na nidok ni Tema ni Minggu sadari on, “Mardalan di Hatiuron ni Jahowa”. Ala ni, pahehe ma rohanta, tajangkon ma Ibana Bintang Sipartogi di bagasan ngolunta. Marende ma hita!

2. Marende SDJ. No. 590: 1-3 Advent Es=Do

1. Advent i do di tingki on marsaringar di tano on.

Ingkon rade oroan i managam Sipalua i

Advent, Advent, na ro ma Tuhan i, antong tagam ma.

2. Advent, gok olopolop do di langit ni parlangitan ni.

Mandok na ro ma Tuhan i manopot huriaNa i.

Advent, Advent, na ro ma Tuhan i, antong tagam ma.

…… musik …… jongjong …..

3. Advent di tonga borngin do, dungo so tung laos tarpodom ho.

Tompu so panagaman do, songon panangko borngin ro.

Advent, Advent, na ro ma Tuhan i, antong tagam ma.

3. Votum-Introitus-Tangiang.

U. Marhitehite Goar ni Debata Ama dohot Goar ni Anakna Tuhan Yesus Kristus dohot Goar ni Tondi Porbadia na tumompa langit dohot tano on. Amen. Paboa hamu ma tu boru Sion: Ida ma, nunga ro hatuaonmi! Ida ma, ihut tu Ibana do upa silehononNa, jala pamalosonna di joloNa. Marolopolop ma ho jala marlas ni roha, ale boru Sion, ai ida ma, na ro ma Ahu maringanan di tongatongam i, ninna Jahowa. Patuginjang ma tohangmuna, hamu ale angka harbangan, patuginjang ma hamu, ale angka pintu sian na robi, asa bongot Raja ni hamuliaon i.

H. Ise ulaning Ibana, Raja ni hamuliaon i?

U. I ma Jahowa, na gogo jala ulubalang, Jahowa ulubalang ni hamusuon. Patuginjang ma tohangmuna, hamu ale angka harbangan, jala patuginjang ma hamu, ale angka pintu sian na robi, asa bongot Raja ni hamuliaon i.

H. Ise ulaning Ibana, Raja ni hamuliaon i?

U. I ma Jahowa Sebaot, Ibana do Raja ni hamuliaon i. Haleluya!

H. (Mangendehon): Haleluya, haleluya, haleluya.

U. (Martangiang ma hita): Ale Tuhan Debata Pargogo na so Hatudosan, Sitompa langit dohot tano on. Hinorhon ni asi ni rohaM do umbahen sahat hami tu taon huria na imbaru on. Lehon ma tu huriaM TondiM na badia i dohot hamaloon sian Ho, asa lam rarat jala ganda harajaonMu di tongatonga ni hami on. Jala lehon ma hiras ni roha tu na posoM manghatahon hataM, asa lam denggan huriaM marhite sian i. Pargogo i ma hami mangoloi Ho di bagasan haporseaon na tongtong asa manahan hami sahat ro di ujungna marhitehite AnakMu Jesus Kristus Tuhannami. Amen. (hundul)

4. BE. No. 42:1 Hamu sude naung tinoruan BL.216 As=Do

1. Hamu sude naung tinoruan ni patik ni si Musa i.

Sai ro hamu tu hasonangan na di bagasan Jesus i.

Ai nunga ditostosi Jesus do ihotihot ni sibolis

Na mangagohon tondimi. Dapothon ma nuaeng Tuhanmu,

Naung ro mambaen haluaonmu, papos ma rohami disi.

5. P a t i k n i D e b a t a

U: Tangihon hamu ma hata ni Debata Patik di Minggu Advent I sadari on natarsurat di Pilippi 1: 27-28 Asal tu barita na uli ni Kristus ma pahombar hamu parsaoranmuna, asa huida di hamu, di na ro i ahu, manang hubege taringot tu hamu, tagan padaodao dope, paboa na hot hamu jongjong di bagasan hasadaon ni tondi jala rap marungkil,

H: Marsada ni roha mangkaporseai barita na uli.

U: Tung unang ma olo hamu pambibiaran ni angka alo di agia aha pe;

H: Tanda ni hamagoanna ma i di nasida, alai di hamu tanda ni haluaon do, jala sian Debata do i.

U: I do sahatna. Antong rap ma hita mangido gogo sian Tuhanta.

U+H: Ale Tuhan Debata, sai pargogoi ma hami mangulahon na hombar tu patikMi. Amen.

6. Marende BE. No. 44: 2-3 Hamuna na porsea i sai tomu Tuhan Jesus i BL.206 Es=Do

2. Marlas ni roha situtu saluhut halak na burju

Lao mangihuthon Jesus. I pe pataridahon ma

Las ni roham di Debata, sangkapNa ma patulus.

Puji, puji, Jesus Kristus na manobus tondimuna,

Sian hamagoanmuna.

…… jongjong …..

3. Sigati rohamuna be, sai tanda dosamu sude,

Paringkot rohamuna; Manjangkon Sipalua i,

Na tuat sian surgo i manggarar utangmuna.

Tanda hata hangoluan na binoan ni Tuhanta,

Na pasae sude dosanta.

7. Manopoti dosa

U: Huria ni Tuhanta, Tatopoti ma dosanta! Ale Tuhan Debata, Pargogo na so hatudosan jala Ama Parasiroha ! Ndang lomo rohaM mida hamatean ni pardosa; mulak ma nian parjahat i tumadingkon dalanna, asa mangolu ibana, i do dipangido rohaM. Ala ni i umbahen hupangido hami; sai sundati ma torutoruM asa unang mangonai be tu hami. Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen.

H: (Mangendehon BE No.432 : 1) Bl.292

Sian hurungan ni dosangki ro au tu Ho, ro au tu Ho.

Tu haluaon di mudarMi, Jesus au ro tu Ho.

Nasa rohangku malum hipas gabe mamora nang pe pogos.

Sian jeangku ro au tu Ho, Jesus au ro tu Ho.

U: Tabege ma hata bagabaga taringot tu hasesaan ni dosa! Songon on do panghaholongi ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana. (Joh. 3, 16). Hasangapon ma di Debata na di ginjang !

U+H: Amen. (hundul)

8. KOOR: Pukul 06.00 WIB:

Pukul 10.00 WIB:

9. Marende BE. No. 443: 1-2 Dung Tuhan Jesus BL.393 Es=Do

1. Dung Tuhan Jesus nampuna au, songgop dameNa, biarhu lao.

Taripar gogo, ngoluNa i, nasa dosangku naung sae do i.

Tabaritahon holongNa i, di dia Tuhan tudoshon i?

Tuk manumpahi, tarlobi da. Sasada Jesus, pinuji ma.

2. Di Ho ngolungku, las rohangki jumolo Jesus siluaMi.

PangiringonMu, tolongMu i, mangalo dosa nang rohangki.

Tabaritahon holongNa i, di dia Tuhan tudoshon i?

Tuk manumpahi, tarlobi da. Sasada Jesus, pinuji ma.

10. Manjaha Epistel

U: Tabege ma Hata ni Debata turpuk ni ari Minggu on. Natarsurat di Mateus 24: 36-44 Alai anggo arina dohot sadiharina, ndang adong na umbotosa, nang surusuruan na di banua ginjang, nang Anak i; nda holan Ama i!

H: Alai songon uju di ngolu ni si Noak i, songon i do sogot haroro ni Anak ni jolma i!

U: Ai tagan so ro aek na sumar i, marmangani nasida jala minumminum, mangoli dohot pabolihonsa, paima dapot ari habobongot ni si Noak tubagasan parau i.

H: Laos so mamoto nasida, paima ro aek na sumar i mangaupi nasida saluhutna. Suman tusi do sogot haroro ni Anak ni jolma i!

U: Rap ma disi dua halak di ladang; na sada do dijangkon, na sada dibolongkon.

H: Rap ma disi dua panduda; na sada do dijangkon, na sada dibolongkon.

U: Onpe, dungo ma hamu; ai ndang diboto hamu ari haroro ni Tuhanmuna!

H: Alai ingot hamu ma on: Aut na diboto na mora i tingki haroro ni panangko, ndang tagamon so dungo ibana, asa unang disursari ugasanna na di bagasna i.

U: Dibahen i sai tagam ma hamu, ai na ro ma Anak ni jolma i di na so pangkirimon ni rohamu! I do sahatna. Martua ma na tumangihon hata ni Debata, jala naumpeopsa.

H: Amen.

11. K o o r : Pukul 06.00 WIB:

Pukul 10.00 WIB:

12. Marende BE. No. 269: 1+4 Mardalan au saonari BL.163 G=Do

1. Mardalan au saonari, tu hasonangan i.

Jumonok ganup ari, lam jumpang tingki i.

Sian na dao hida hatiuronna i.

Sai sonang do nasida, naung tolhas ro disi.

…… jongjong …..

4. Las situtu rohangku nang lantap alongki.

Sai Jesus do donganhu, ai i haposanhi.

Ibana na manogu arian borngin pe.

Pos situtu rohangku sai sahat au muse.

13. Manghatindangkon Haporseaon

U: Tahatindangkon ma haporseaonta i, songon na hinatindangkon ni donganta saharposeaon di sandok portibion. Rap ma hita mandok:

H: Ahu porsea ...d.u

14. K o o r : Pukul 06.00 WIB:

Pukul 10.00 WIB:

15. Tingting

16. K o o r : Pukul 06.00 WIB:

Pukul 10.00 WIB:

17. Marende SDJ. No. 594: 1… Sai ro ma ho Immanuel G=Do

(Papungu Pelean Ia + Ib)

1. Sai ro ma Ho Immanuel manopot bangsoM Israel.

Nunga ngolngolan bangsoMon paimaima haroroM.