ACARA TAON KELUARGA 2016 HKBP PONDOK GEDE
RESORT PONDOK GEDE DISTRIK XIX BEKASI
MINGGU XV DUNG TRINITATIS
Tema: “Gabe Rumahtangga Sioloi Jahowa”
Topik Minggu: Pillit Hangoluan i, Asa Mangolu ho
Minggu,
4 September 2016
06.00 WIB
DAN
09.00 WIB
I.
PANGARADEON
1. Ganup keluarga intap ni
na tarbahen rap hundul di sada bangku gareja.
2. Parhalado
mangarade di Bilut Parhobasan.
II. PARMINGGUON P = Uluan J = Huria
Organ Manghuling Angonangon
Mangendehon
B.E. HKBP No.464:1 Huboan ma diringku BL.313 Es=Do
1.
Tabe
P: Horas ma di hamu saluhutna!
J: Horas
ma tutu!
P: Huria ni
Tuhanta Jesus Kristus, tama do hita mandok mauliate tu Tuhanta ala diramoti do
hita huriaNa tolhas tu minggu sadari on, Minggu XV Dung Trinitatis. Manghalashon Taon Keluarga HKBP 2016, dibagasan Tema: Gabe Rumahtangga Sioloi Jahowa
dohot
Topik Minggu: Pillit
Hangoluan i, Asa Mangolu ho!
J: Ale Tuhan, nunga rade hami laho mamuji GoarMu
dohot pasangap Ho!
P: Ita puji ma Tuhanta ala ni sude denggan ni basaNa na
tu hita huriaNa, marende ma hita:
2.
Marende
B.E. HKBP
No.574:1-3 Puji ma Debata BL.574 Bes=Do
1. Puji ma, puji ma Debata, na niainNa do
umpuji Debata.
Nunga sesa dosami, malum dohot rohami.
Puji ma, puji ma Debata, na niainNa do
umpuji Debata.
2. Olophon, olophon Tuhan i, hatindanghon
denggan ni basaNa i.
Sai arahon donganmi, ro tu Sipalua i.
Olophon, olophon Tuhan i, hatindanghon
ma denggan basaNa i.
------- Jongjong -------
3. Tagam ma, tagam ma Tuhan i, sai pagalak ma
tongtong palitomi.
Lam jonok ariNa i, salpu parungkilon
i.
Tagam ma, tagam ma Tuhan i, sai
pagalak ma tongtong palitomi.
3.
Votum – Introitus
P: Marhitehite Goar ni Debata Ama, dohot Goar
ni AnakNa Tuhan Jesus Kristus,
dohot Goar ni Tondi Parbadia natumompa langit dohot tano on.
J: Amen!
P: Tung ise ma donganku di angka
banua ginjang? Jala dungkon ni Ho, ndang adong dihalomohon rohangku di tano on.
Nang pe merus sibukhu dohot rohangku, sai Debata do partanobatoan ni rohangku
jala panjambaranku salelenglelengna. Haleluya!
J: (Mangendehon): Haleluya! Haleluya! Haleluya!
P: Ale Tuhan Debata, Amanami na di banua
ginjang ! Hupangido hami tu Ho: Sai lehon ma TondiM na badia i tu bagasan
rohanami. Sai paian di bagasan hami asi ni rohaM dohot hatigoran, na pinatupa
ni AnakMu Jesus, Tuhannami. Sai ramoti hami di hamamasa ni pangunjunan.
Pargogoi ma hami mangulahon lomo ni rohaM, asa lam marlas ni roha hami mida
denggan ni pambahenanMu di hami, marhitehite Tuhan Jesus Kristus, Tuhannami.
Amen. (Hundul)
4.
Marende B.E. HKBP No.443:2 Dung Tuhan Jesus BL.393 Es=Do
2. Di Ho
ngolungku, las rohangki jumolo Jesus siluaMi.
PangiringonMu,
tolongMu i, mangalo dosa nang rohangki.
Tabaritahon
holongNa i, di dia Tuhan tudoshon i?
Tuk
manumpahi, tarlobi da. Sasada Jesus, pinuji ma.
5.
Patik Ni Debata Sian
Konfessi HKBP 1996 Pasal 4 Masyarakat
P: Tangihon hamu ma patik ni Debata! I ma sian Konfessi
HKBP 1996 Bindu 4
Masyarakat: Tahaporseai jala
tahatindangkon do: Na sada hasadaon do
hajolmaon di adopan ni Jahowa jala rap natinobus ni Tuhan Jesus Kristus do na
manjalo haluaon i.
J: Ndang
mardia imbar baoa manang boruboru dung tardidi tu bagasan goar ni Jesus Kristus.
Na niihotan ni holong ni Kristus do parsaripeon ni halak Kristen di portibi on.
Na mangolu di bagasan ulaon na masiurupan do ganup jolma na mangoloi Tuhan i.
P: Marhite poda on: Taondolhon do na dos hak azasi ni boruboru dohot
baoa, hak waris ni anak dohot boru, dohot pardomuan ni ama dohot ina na gabe
mitra songon i nang hakekat kerja, na boi pagandahon pangabahan ni keluarga di
masyarakat.
J: Taondolhon
do di masyarakat Indonesia na majemuk hinaringkot ni haporseaonta dohot
tanggungjawabta laho manghobasi angka na pogos, na marsahit, na so mardihadiha,
na buro, na terbelakang, na oto, na ginosagosa ni ketidakpastian ni hukum/papeol
uhum.
P: Taondolhon do hadosan
ni ngolu dohot hak azasi ni angka jolma
J: na
maringan di kota dohot desa/partani, di bagasan perencanaan, di bagasan na
mambuat haputusan dohot pangaramotionta/pengawasan.
P: Jala marhite podaon: Taalo
do aliran feminisme manang aliran emansipasi wanita na extrim,
J: na naeng
pasidinghon kedudukan ni baoa tu kedudukan ni boruboru.
P: Taalo do nang hasomalan
na pasidinghon sada ulaon sian boruboru, ala hadirionna boruboru, hape adong do
hatauonna tu ulaon i.
Antong, rap mangido
gogo ma hita tu Debata!
J: Ale Tuhan
Debata, sai pargogo i ma hami mangulahon na hombar tu patikMi. Amen.
6. Marende B.E. HKBP No.125:3-4 Marlasniroha hita on BL.82 C=Do
3. Alai
taingot ma huhut mambaen sangap tongtong.
Barita
ni Tuhanta i marhite parangenta i.
Di
jolo ni donganta i :,: di atas tano on. :,:
------------ Jongjong -----------
4. O Jesus tatap hami on sai
pargogoi sude.
Marhitehite
TondiMi pasauthon angka patikMi.
Mambaen
rarat baritaMi :,: di nasa jolma pe. :,:
7.
Manopoti
Dosa dohot Bagabaga Hasesaan ni Dosa
P: Tatopoti
ma dosanta! Ale Tuhan Debata,
Pargogo na so hatudosan jala Amanami! Hujou hami do GoarMu na badia i, ala na
targogot hami marningot dosanami. Sai marasi ni roha ma Ho mida hami on. O
Tuhan Jesus Kristus, Anak ni Debata na gabe jolma ala ni hami, na mate jala na
hehe sian na mate, na manaek tu banua ginjang do Ho mangondihon hami!
J: Mangendehon B.E. No. 686:1 Ramun
do au Des=Do
Ramun do au di joloMi, gok dosangki urasi au
O Jesus Birubiru i, di son do au patau ma au.
P: Asi rohaM di hami, sai patongtong ma di hami
roha hamauliateon tu Ho. O Tondi Parbadia, pangapul di na marsak roha, pamalum
ma saluhut na bernit, binahen ni dosanami! Ro ma Ho mangingani hami, asa marlas
ni roha hami mangulahon lomo ni rohaM. Ho do parhitean ni nasa asi ni roha, sai
unang tulak hami. Sai tangihon ma hami, Ho ale Debata, Ama, Anak dohot Tondi
Parbadia! Amen.
J: Mangendehon B.E. No. 686:2 Ramun
do au Des=Do
Na
ro do au tu joloMi, gale do au urupi au.
O, Jesus ala mudarMi, di son do au
patau ma au
P: Tabege
ma hata bagabaga taringot tu hasesaan ni dosa! Parasi roha jala
pardengganbasa do Jahowa, lambat tarrimas jala Parasiroha godang. Ndang dibahen
tu hita hombar tu angka dosanta, jela ndang dibaloshon tu hita hombar tu angka
hajahatonta. Songon asi ni roha ni amaama mida angka anakna, asi ni roha ni
Jahowa di angka na manghabiari Ibana. Hasangapon
ma di Debata na di ginjang!
J: A m e
n (Hundul)
8.
Koor: 06.00 WIB:
Parompuan
09.00 WIB: Sekolah Minggu, Ina Hanna
9.
Marende
B.E. HKBP No.417:3 Rade situtu haluaon BL.278 Bes=Do
3. PanghophopNa
i parangehon, pasangap Tuhanmu antong.
Ibana
buas mangalehon tu ho hasonangan tongtong.
Sandok
sian holso malua, nang sian biarmu sude.
Sonang
nama ho na martua, manghirim tongtong surgo i.
10.
Epistel: Lukas 14:25-33 (Manjaha Marsorinsorin)
P: Tabege
ma Hata ni Debata turpuk ni ari Minggu on. Alai torop do halak na
mandongani Ibana. Jadi humusor ma Ibana, ninna ma mandok nasida.
J: Ganup
halak na ro tu Ahu, ndang tarbahen gabe siseanku, ia so dihasogohon ibana
amana, inana, na niolina, anakkonna, hahaanggina dohot angka ibotona, ro di
hosana sandiri.
P: Ndang tarbahen gabe
siseanku halak, na so manuhuk silang na tu ibana, laho mangihuthon Ahu!
J: Ai ise
hamu na giot pajongjong palaspalas, na so jumolo hundul mangetongi sipalahoonna
tusi, manang na tuk laho patulushon?
P: Unang dipauli jolo
ojahanna, hape ndang tuk gogona pasahathonsa, gabe surahan ni sude halak na
marnidasa ibana.
J: Dohononnasida ma: Dipungka halak on do
pajongjongkon, hape ndang adong bahenonna pasunhon.
P: Ise raja na borhat
marmusu mangalo donganna raja, na so jumolo hundul mamingkiri, manang na
tardompakkonsa mardongan saloksa soldadu alona i, na ro manahopi ibana
mardongan dua loksa.
J: Alai
anggo so tarbahen i, suruonna ma pangulu, binsan holang dope musu i, mangido
pardamean.
P: Hamu pe,
ndang tarbahen agia ise hamu gabe siseanku, anggo so tartadingkonsa nasa na di
ibana. I ma sahatna! Martua do angka na
tumangihon Hata ni Debata, jala na umpeopsa!
J: Amen
11.
Koor: 06.00 WIB:
Jericho
09.00 WIB: Ama, Wijk I
12. Marende B.E. HKBP No.257:4-5 Jonok Debatanta BL.210 G=Do
4. Debata
na songkal jala marmulia baen ma dohot au badia.
Lehon
ma gogongku asa oloanhu Ho sobokhon suruanMu.
Lomo ni
rohaMi naeng patupaonhu, Ho haholonganhu.
-----
Jongjong ----
5. Baen
tobok rohangku, sian dosa sirang, sai mardame jala sonang.
Sai
pabontor ahu, asa idaonhu bohiMi muse Tuhanhu.
Debata taiti
ma tu hataM rohangku, Ho naeng oloanhu.
13.
Manghatindanghon Haporseaon
U: Tahatindangkon
ma haporseaonta i, songon na hinatindangkon ni donganta sahaporseaon di sandok
portibi on. Rap ma hita mandok:
U+H: Ahu
porsea di Debata Jahowa....................... (hundul)
14.
Koor: 06.00 WIB:
Wijk 2
09.00 WIB: Immanen
15.
TINGTING
16.
Marende
B.E. HKBP No.754:1… Gok las ni roha do au C=Do
(Pelean Ia & Ib)
1.
Gok las ni roha do au
di ngolungkon, di ngolungkon, di ngolungkon.
Gok
las ni roha do au di ngolungkon, tongtong di ngolungkon.
Mauliate,
gok las ni roha, maringan holongMi Tuhan di au.
Mauliate,
gok las ni roha, maringan holongMi Tuhan di au.
2.
Mardame
jala sonang do rohangkon, di ngolungkon, di ngolungkon.
Mardame jala sonang do rohangkon,
tongtong di ngolungkon.
Mauliate,
gok las ni roha, maringan holongMi Tuhan di au.
Mauliate,
gok las ni roha, maringan holongMi Tuhan di au.
-------
Musik --------
3.
Gok
do holong ni Jesus di ngolungkon, di ngolungkon, di ngolungkon.
Gok do holong ni Jesus di ngolungkon,
tongtong di ngolungkon.
Mauliate,
gok las ni roha, maringan holongMi Tuhan di au.
Mauliate,
gok las ni roha, maringan holongMi Tuhan di au.
4.
Ndang
hona uhum be au di ngolungkon, di ngolungkon, di ngolungkon.
Ndang hona uhum be au di ngolungkon,
tongtong di ngolungkon.
Mauliate,
gok las ni roha, maringan holongMi Tuhan di au.
Mauliate,
gok las ni roha, maringan holongMi Tuhan di au.
-------
Musik --------
5.
Marlas
ni roha do au di ngolungkon, di ngolungkon, di ngolungkon.
Marlas ni roha do au di ngolungkon,
tongtong di ngolungkon.
Mauliate,
gok las ni roha, maringan holongMi Tuhan di au.
Mauliate,
gok las ni roha, maringan holongMi Tuhan di au.
17.
Jamita: 5 Musa 30:15-20
18.
Marende
B.E.
HKBP No.268:1… Debataku do donganku BL.127 G=Do
(Pelean Khusus Taon
Keluarga)
1.
Debatangku do donganhu
ganup ari, ganup taon.
TumpahanNa
do langkangku, urupanNa au manaon.
Pos
do rohangki disi, Debata do donganhi salelenglelengna i.
---------- Musik ----------
2.
Debatangku do donganhu
nang pe marsitaonon au.
Ai Ibana do Amanghu, anak haholongan
au.
Pos
do rohangki disi, Debata do donganhi salelenglelengna i.
---------- Musik ----------
3.
Debatangku
do donganhu tung na ganggu m’au disi?
Nda tongtong hangoluanhu asi ni rohaNa i?
Pos
do rohangki disi, Debata do donganhi salelenglelengna i.
---------- Musik ----------
4.
Debatangku do donganhu,
na manogu au tongtong.
TioponNa
do tanganhu nang lao suda bohalhon.
Pos
do rohangki disi, Debata do donganhi salelenglelengna i.
---------- Jongjong ----------
19.
Parsuruon
P: Huria ni Tuhanta Jesus Kristus, gabe rumahtangga na
pasidohot manumpahi bangso nang negaranta ma hamu. Tarlumobi ma tu huria ni
Tuhanta mamboan hamajuon, hadumaon mamahe kemerdekaan di tonga ni
huria dohot masyarakat
sadenggan ni dengganna hombar tu hata ni Tuhanta. Taulahon ma i mangasahon
Goar ni Tuhan Jesus Kristus!
J:
Mangendehon
B.E. HKBP No.725:3 Ai sitiruon do Hulehon tu hamu F=Do
Tahangoluhon ma hata ni Tuhanta, asa
tau tiruan ma angka na porsea.
Di panghataion nang di holong ni roha
pe,
Tiruan di parange tu na humaliang
hita.
Reff. Asa
pasupasu ho di ngolu ni huria,
Jala pasupasu ho di ngolu ni bangsonta.
Asa pasupasu ho di ngolu ni huria,
Jala
pasupasu ho di ngolu ni bangsonta.
P: Lan do hajahaton na mambahen busisaon jala mabiar roha
ni torop jolma. Mangasahon Goar ni Tuhan Jesus Kristus na pargogoanNa do hita
mangadopi jala mamolus saluhutna i. Pargogoan jala dongananNa do hita laho
mangulahon ganup ulaonta be, di bagasan las ni roha. Alanii, mulak ma hamu
mangasahon Goar ni Tuhanta. “Manongtong
ma hamu mandok mauliate siala saluhutna tu Debata Ama, di bagasan Goar ni
Tuhanta Jesus Kristus! Masioloan ma hamu sian biar ni rohamuna mida Kristus!
Dioloi angka parompuan ma baoana be, songon pangoloi di Tuhan! Ai baoa i do ulu
ni pardihutana, songon Kristus ulu ni huria i; laos Sipangolu daging i do
Ibana. Alai songon pangoloion ni huria di Kristus i, songon i ma angka
parompuan maradophon baoana be di na saluhutna. Hamu angka baoa, haholongi hamu
ma pardihutamuna be songon Kristus, na mangkaholongi huria i jala dilehon do
dirina humongkopsa; asa diparbadiai, dung diiasi marhitehite na mandidihon aek
di bagasan Hata i. Hamu angka anak, oloi hamu ma angka natuatuamuna di bagasan
Tuhan i; ai i do na tigor. "Parsangapi amangmu dohot inangmu!" I do
patik na parjolo mardongan bagabaga: "Asa martua ho jala leleng mangolu di
tano on!"
J: Menyanyikan B.E.
HKBP No.725:2 Ai sitiruon do Hulehon tu hamu F=Do
Songon Tuhanta tabaen parrohaonta,
patoru diri lao manghophop hita jolma.
Itapatuduhon ma serep ni rohanta be,
di panghobasionta di huria nang bangsonta.
Reff. Asa
pasupasu ho di ngolu ni huria,
Jala pasupasu ho di ngolu ni bangsonta.
Asa pasupasu ho di ngolu ni
huria,
Jala
pasupasu ho di ngolu ni bangsonta.
P: Tatangianghon ma
Peleanta
20.
Agenda – Ende Pelean B.E.
HKBP No. 204:2 Ale Amanami-Pasupasu
Tidak ada komentar:
Posting Komentar