MINGGU PALIMAHON DUNG TRINITATIS MINGGU, 12 JULI 2020

PARTORDING NI PARMINGGUON

NEW NORMAL - SOCIAL DISTANCING COVID-19

HKBP PONDOK GEDE

RESORT PONDOK GEDE

Minggu, 12 Juli 2020

Ev. Lukas 6:39-42

Ep. Poda 4:1-9

Topik: Ringkoti ma Gumuruhon Pangantusion

(P: Paragenda - R: Ruas)

1.        Marende BE HKBP No. 112:1-2 Haleluya Tapuji ma (BL 206) Es=Do 4/4

1.        Haleluya! Tapuji ma

Amanta Tuhan Debata

Dibaen denggan basa-Na.

Sai tong girgir ma hita be

Pasangap Debatanta i

Dibaen asi roha-Na.

Sangap, sangap, hagogoon,

Hatoguon, hapistaran,

Di Amanta na di ginjang.

--- jongjong ---

2.      Haleluya! Di Jesus i

         Talehon hasangapon i,

         Nang pe pujipujian.

         Dilehon do mudar-Na i

         Mamuri hita sasude,

         Parade hatigoran.

         Denggan, denggan parsaoranta

         Tu Tuhanta, badia-Na

         Songgop do tu huria-Na.

2.        Votum – Introitus – Tangiang (A.XV/A.20 – D.XIII/51)

         P:      Marhitehite Goar ni Debata Ama, dohot Goar ni Anak-Na Tuhan Jesus Kristus dohot Goar ni Tondi Parbadia, na tumompa langit dohot tano on.

         R:      Amen.

         P:      Biar mida Jahowa do parmulaan ni hapistaran, maruli hamaloon ni roha na sumurung do sude angka na mangulahonsa; hot do barita-Na i ro di salelenglelengna. Haleluya!

         R:      (Mangendehon BE HKBP No. 852 F=Do 4/4) Haleluya, haleluya, haleluya!

         P:      (Martangiang ma hita): Ale Tuhan Debata! Asi ma rohaM di hami, ai ndang tarbahen hami mambahen manang aha, molo so Ho dongannami. Dibahen i sai lehon ma di hami roha banua ginjang, asa tau hami manimbangi dohot mangulahon lomo ni rohaM. Sai dongani ma hami, asa mian hami di bagasan Ho dohot di bagasan HataM, marhitehite Anak-Mu, Tuhan Jesus Kristus, Tuhannami.

                 

         R:      Amin. -hundul-

3.        Marende BE HKBP No. 258:1 Sai Hutuju (BL 218)

F=Do 4/4

1.      Sai hutuju hangongolu na pasabam au.

  Sai hugogo lao tu surgo, paima sahat au.

  Sabat hupasiding do, hata on huingot do:

  Sai datdati manjalahi hasonangan i.

        

4.        Patik ni Debata: Psalmen 111:10

         P:      Tangihon hamu ma Patik ni Debata di Minggu sadari on i ma Psalmen 111:10 mandok:

                 

              Biar mida Jahowa do parmulaan ni habisuhon, maruli hapistaran na sumurung do sude angka na mangulahonsa; hot do baritana i ro di salelenglelengna. I ma hatana!

         P:      Rap mangido gogo ma hita tu Debata laho mangulahonsa!

P+R:  Ale Tuhan Debata, sai pargogoi ma hami mangulahon na hombar tu Patik-Mi. Amen.

5.        Marende BE HKBP No. 162:1 O Debata Mansai Balga

(BL 27) Bes=Do 4/4

--- jongjong ---

1.      O Debata, mansai balga

  Huhut dokdok dosangku.

  Na so adong di tano on

  Na tau haporusanhu.

6.        Manopoti Dosa (B.8 – C.8)

P:      Tatopoti ma dosanta!

Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami.

R:       Amen.

P:       …… Tangiang na hohom BE HKBP No. 182 Tu JoloM O Debatangku (BL 24) 3/4 ……

       

                                    Tabege ma hata bagabaga taringot tu hasesaan ni dosa. Songon on do Hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do Sipalua ho. Hasangapon ma di Debata na di ginjang!

R:     Amen.

7.        Marende BE HKBP No. 403:1 Pos Rohangku di Tuhanhu (BL 402) As=Do 3/4

1.      Pos rohangku di Tuhanhu,

Ndang tarbaen tarhirim au.

On do tongtong tangianghu,

Tu lambung-Mu au patau.

Lobi pos do rohangki,

Sai patuluson-Na i, boanon-Na au tusi.

      

8.        Manjaha Buku Poda sian Raja Salomo 4:1-9

         P:      Tabege ma Hata ni Debata turpuk ni ari Minggu on, ita jaha ma marsorinsorin. Sian Buku Poda sian Raja Salomo 4:1-9 Sai tangihon ma, hamu ale angka anaha, pangajaran ni sada ama, jala ringkoti hamu ma gumuruhon pangantusion.

         R:      Ai poda na denggan do na hulehon tu hamu, unang tung tadinghon hamu patikhu.

         P:      Ai ahu pe, siminik ni damang do ahu, hasudungan jala anak sasada ni dainang.

         R:      Jadi dipodai ibana ahu, jala didok do mandok ahu: “Sai parateatehon ma angka hatangki, jala * radoti angka tonangku, asa mangolu ho.

         P:      Sai eahi hapistaran, eahi ma tutu pangantusion; * unang tung halupahon, jala unang tundali angka hata ni pamanganhu.

         R:      Unang tung tadinghon angka i, asa diramoti ho; sai haholongi ma angka i, asa dijaga nasida ho.

         P:      Parmulaan ni hapistaran, on do: Tuhori hapistaran i, jala tuhorhon sandok na niomom tumuhor pangantusion!

         R:      Sai parhamaol ma i, asa dipatimbul ho, marmulia do ho bahenonna, molo marparsigantungan tusi ho.

         P:      Lehononna do tu ulum bulangbulang hasoloan, tumpal na jagar situtu basabasahononna tu ho.” I ma sahatna! Martua do angka na tumangihon Hata ni Debata, jala na umpeopsa.

         R:      Amen.

9.        Marende BE HKBP No. 467:1 Asi ji RohaM Hupuji

(BL 315) A=Do 3/4

--- jongjong ---

1.      Asi ni rohaM hupuji ala Ho manobus au.

Dipaias Ho rohangku, gabe sorangan-Mu au.

Inganan-Mu rohanami, TondiM i manggohi i.

Pangke dohot ngolunami gabe ulaulaM i.

10.     Manghatindangkon Haporseaon

         P:      Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

         P+R:  Ahu porsea di Debata Jahowa, i do Ama, Pargogo na so hatudosan na tumompa langit dohot tano.

                 

              Ahu porsea di Jesus Kristus, Anak ni Debata Jahowa, na sasada i; i ma na tinubuhon ni si Maria na gabegabean sian Tondi Parbadia andorang so habubuhan; i do Tuhanta, na tumaon na bernit di panguhuman ni si Latus; na mate tarpajal do Ibana di hau pinarsilang, na tuat tu banua toru, dung ditanom, na mulak mangolu di ari patolubon, na manaek tu surgo laho hundul tu siamun ni Debata Jahowa, Ama-Na i, Pargogo na so hatudosan i, disi ma Ibana, paima mulak sogot tu tano on manguhumi halak na mangolu dohot na mate.

                 

              Ahu porsea di Tondi Parbadia, jala adong sada huria na badia, Huria hatopan ni halak Kristen angka na badia, dohot di hasesaan ni dosa, dohot di Hata i, na mandok: Mulak mangolu sogot daging ni halak naung mate, dohot di hangoluan na so ra suda. Amen.

11.     Tingting + Tangiang Pangondian

12.     Marende BE HKBP No. 826:1-2 Gohi Au Tuhan (SDJ)

C=Do 4/4

1.      Gohi au Tuhan marhite hataM i,

Gohi au Tuhan marhite hataM i.

Songon hudon na rumar do au Tuhan di sumur-Mi,

Gohi au Tuhan marhite hataM i.

2.      Gohi au Tuhan marhite hataM i,

Gohi au Tuhan marhite hataM i.

Na mauas do tondingku, o Tuhan di hataM i,

Gohi au Tuhan marhite hataM i.

13.     Jamita Lukas 6:39-42

P:    Hata ni Debata jamita di Minggu Palimahon Dung Trinitatis sadari on, sian buku Evangelium Lukas 6:39-42 mandok:

Jala dihatahon do nang umpama on tu nasida: “Tung tartogu na mapitung ma donganna na mapitung di dalan? Nda rap targodung ma nasida duansa?

Ndada sumurung sisean sian guruna. Naung sun denggan do ganup, molo doshon guruna.

Aha ma pola paberengberengonmu silbaksilbak na di mata ni donganmu; ia na satiang na di matami ndang diantoi ho!

Tung dohononmu ma tu donganmi: Ua huumpat ma jolo silbaksilbak na di matami, Anggia; hape na satiang na di matami ndang diida ho. E ho pangansi, jumolo ma umpat tiang i sian matami: Dung pe i asa pingkironmu manang beha pangumpatmu di silbaksilbak na di mata ni donganmu. I ma sahatna!

14.     Marende BE HKBP No. 481:1… Godang Dope (BL 325) Des=Do (Pasahat Pelean IA, IB, II)

           

1.      Godang dope siguruhononmi,

Asa tudos ho dohot Tuhanmi.

Sai tong na hurang hatigoranmi,

So tuk dope haporseaonmi.

Dirim sambing dihaholongi ho,

Donganmu laos dihalupahon ho.

2.      Tuhanta Jesus tiruanmu do,

Na holong roha di au nang di ho.

Ai diseahon do diri-Na i,

Singkatta lao tu hamatean i.

Ndang na dialang holong roha i,

Ai naeng di hita hangoluan i.

--- Musik ---

3.      Tatiru holong ni rohaNa i,

Pinatuduhon ni Tuhanta i.

Tahaholongi ma donganta i,

Ai ruas ni Tuhanta do nang i.

Mardame ma, masijalangan ma;

Tatuju ma solhot tu Debata.

15.     Tatangianghon Pelean – Ale Amanami – Pasupasu

P:      Tatangianghon ma peleanta: Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehon-Mi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaon-Mu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehon-Mi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

R:      (Mangendehon): BE HKBP No. 204:2 (BL 73) Bes=Do 2/4

Nasa na nilehon-Mi, tondi ro di pamatanghu.

Hosa dohot gogongki, ro di saluhut artangku.

Hupasahat i tu Ho, na so unsatonhu do.

P:      Ale Amanami na di banua ginjang! Sai pinarbadia ma Goar-Mu! Sai ro ma harajaon-Mu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

R:      (mangendehon BE HKBP No. 841 Es=Do 4/4)

Ai Ho do nampuna harajaon

Dohot hagogoon, ro di hasangapon

Saleleng ni lelengna. Amen.

P:      "Dipasupasu jala diramoti Tuhan Debata ma ho (hita)! Disondangkon Tuhan Debata ma bohi-Na tu ho (hita) jala asi ma roha-Na mida ho (hita)! Didompakhon Tuhan Debata ma bohi-Na tu ho (hita) jala dipasaorhon ma dame-Na tu tondim (tondinta be).

R:      (Mangendehon BE HKBP No. 845: Es=Do 4/4)

         Amen, amen, amen.

Peleanta, itatongoshon ma tu:

1. Rekening Britama Cab. Pond Gede

No. (002) 038501000630566

2. Tabungan BNI

No. (009) 1919667770