PARTANGIANGAN PASAHATHON BAJU PARHOBAS/BAJU TOHONAN SINTUA

 

PARTANGIANGAN PASAHATHON

BAJU PARHOBAS/BAJU TOHONAN SINTUA

HKBP PONDOK GEDE RESORT PONDOK GEDE

DISTRIK XIX BEKASI

Jumat, 9 April 2021

I. GLADI BERSIH-PANJANGKONON SINTUA

 

II. PARTANGIANGAN

 

1. Marende BE HKBP No. 15: 1-2 Aut Na Saribu Hali Ganda BL.103 F=Do

 

Aut na saribu hali ganda, saringar ni soarangki.

Naeng nasa gogo bahenonku, mamuji Debatanta i.

Paboa las ni rohangki, hinorhon ni pambaenNa i.

 

(Jongjong)

 

Tung sura sahat soarangku, tu ujung ni portibi on.

Naeng nasa jolma haraonku, mamuji Debata tongtong.

Tama do nasa hosangki, hubaen pasangap Tuhan i.

 

2. Votum Dohot Tangiang (U: Na Manguluhon ; H: Huria)

 

U:      Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, itapatupa ma Partangiangan on. Amen. Haleluya! Mandok Mauliate ma hamu di Jahowa, ai na basa do Ibana, ai ro di salelenglelengna do asi ni rohaNa i.

 

H:      Tung ise ma na tuk manghatahon angka hagogoon ni Jahowa, patubegehon baritaNa i sudena?

 

U:      Martua ma angka na mangaradoti uhum, na tongtong patupahon hatigoran. Sai ingot ma ahu, ale Jahowa, hombar tu haloloM di bangsoM. Sai tingkir ma ahu marhitehite hatuaonMi! Martangiang ma hita: Ale Amanami na marhabangsa di atas ni saluhut. Mauliate Tuhan, ala manontong do asi ni rohaM mandongani hami huriaM laho patupahon Partangiangan Pasahathon Baju Parhobas/Baju Tohonan tu 15 Halak na gabe Sintua di HKBP Pondok Gede na laho dijangkon di Minggu Quasimodogeniti 11 April 2021 on. Asi ma rohaM pargogoi jala patau ma hami patupahon on bahen sangap di goar-Mu. Amen. (Hundul)

 

3. Marende BE HKBP No. 712: 1 Togu au ale Jahowa G=Do

 

Togu au ale Jahowa, di dalan na rodop on.

Ho do na tongtong satia, togu au na gale on.

Sagusagu hangoluan, sai pabosur tondingkon,

Sai pabosur tondingkon!

 

4. Renungan

 

5. Marende BE HKBP No. 707: 1-2 Hogogoon Dohot Apulapul Es=Do

 

Hagogoon dohot apulapul, do dilehon Tuhan I tu au.

Ganup ari au ditogutogu, ganup tingki diondingi au.

Ai hombar tu lomo ni rohaNa, do dilehon Tuhan i tu au.

Ro marsorin arsak las ni roha, haporseaonhu di patau.

 

6. Pasahathon Baju Parhobas/ Baju Tohonan

 

7. Marende BE HKBP No. 691: 1… Hupasahat ma tu Jesus Es=Do (Pelean)

 

Hupasahat ma tu Jesus saluhutna ngolungki

Roha nang pambahenanku, saluhutna tingkingki

   Ref.      Hupasahat ma tu Jesus, saluhutna diringki

               Hupasahat ma tu Jesus, saluhutna ngolungki.

 

(Jongjong)

 

Pangkeonku ma tanganku, mangula lomoNa i,

Langka nang simanjojakku, mangihuthon Tuhanki.

Ref.         Hupasahat ma tu Jesus, saluhutna diringki

               Hupasahat ma tu Jesus, saluhutna ngolungki.

 

8. Tangiang Panutup

 

III. ACARA RAMAH TAMAH

1.    Mandok Hata

-       Sian Keluarga Sintua

-       Sian Sintua

-       Sian Parartaon

2.    Mandok Hata Pandita Resort

3.    Mangampu sian Calon Sintua na Laho dijangkon

IV. MASIPANGANON-Tangiang Mangan