ACARA PARTUMPOLON/PARPADANAN DI NA NAENG MARBAGAS FRANSISCUS MAWANA PATAMARO MANURUNG, S.E. DAN ACEN TAMISARI BR. SINAGA, S.E.

 

ACARA PARTUMPOLON/PARPADANAN

DI NA NAENG MARBAGAS

HKBP PONDOK GEDE RESORT PONDOK GEDE

DISTRIK XIX BEKASI

Sabtu, 17 April 2021

Pukul 10.00 WIB

 

Fransiscus Mawana Patamaro Manurung, S.E.

&

Acen Tamisari br. Sinaga, S.E.

 

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

 

 

I.        Pra Ibadah (Pdt. Hotman Sitotus, S.Th)

1.       Mangarade di Bilut Parhobasan (Calon Pangoli, Oroan, Natoras, Parhalado rap martangiang)

2.       Calon Pangoli, Oroan dohot Keluarga udur masuk tu gareja (diiringi musik angonangon)

 

II.  Ibadah

1.       Marende BE No. 2: 1+3 Naeng Pujionhu Ho Jahowa (BL 113) C=Do

1.     Naeng pujionku ho Jahowa, ai ho do Debata na tutu i.

Sai suru Tondi Parbadia tu au, asa hupuji goar-Mi.

Marhitehite Jesus Anak-Mi, asa lomo rohaM di endengki.

(Jongjong)

3.     Asi rohaM, ale Jahowa, pamalo au mamuji goar-Mi.

Sai unang asal puas hata, ingkon tutu dipuji rohangki.

Ho Ama, Anak dohot Tondi i, doshon na jongjong au di jolo-Mi

 

2.       Votum – Introitus -Tangiang (P: Paragenda – R: Ruas)

P:         Marhitehite Goar ni Debata Ama dohot Goar ni Anak-Na Tuhan Jesus Kristus dohot Goar ni Tondi Parbadia. Amen. Ida ma, sai donganan-Hu jala ramotan-Hu do ho manang tu dia pe ho mangalangka,

R:        Jala togihonon-Hu do ho mulak tu tano on; ai ndang tadinghonon-Hu ho, nda jolo sahat Hubaen na Huparbaga i tu ho.

P:         On pe molo ditangihon hamu soarang-Hu, jala diradoti hamu padan na Hubahen i, jadi hasian-Hu ma hamu sian nasa bangso, ai gok di Ahu do liat portibi on. Haleluya! (Martangiang ma hita:) Ale Tuhan Debata Amanami na di banuaginjang. Mauliate dipasahat rohanami tu Ho, ala dipaborhat Ho anak dohot boru ni huriaM dison laho marpadan di joloM laho pajongjong pardongansaripeon. Ho ma na mangarajai rohanasida asa marsihohot di padan na naeng undukhonon nasida. Sondangi rohanasida asa sintong padannasida i nirahutan ni holong-Mu dohot lomo ni rohaM. Pasupasu nasida asa mamboan las ni roha dohot hatuaon pardongansaripeon na naeng pungkaonnasida di keluarga paranak dohot parboru songon i nang di huriaM. Marhitehite Jesus Kristus Tuhannami, jalo ma tangiangnami on.

R:   Amen. (Hundul)

 

3.       Marende BE No. 309: 1-2 Raphon Tuhan Jesus i (BL 164) F= Do

1.       Raphon Tuhan Jesus i, pungka ulaonmu,

Ingkon tu Ibana i, parguruhononmu.

Baen Ibana donganmi hehe dohot modom,

Dege ma bogas-Na i rohami pahohom.                   

(Calon Pangoli dohot Oroan jongjong tu jolo mangadop langgatan)

2.       Ganup sogot ingkon do Jesus jouhononmu,

Asa urupan-Na ho di siulaonmu,

Ai arian borngin pe naeng ho donganan-Na,

Dosami pe sasude naeng taluhonon-Na.

 

4.       Manjaha Surat Parpadanan

 

5.       Panangkasion tu:        6. 1. Calon Pangoli dohot Oroan

6. 2. Natoras ni Calon Pangoli dohot Oroan

6.       Manandatangani Surat Parpadanan

7.1.    Calon Pangoli dohot Oroan

7.2.    Natoras ni Calon Pangoli dohot Oroan

7.3.    Saksi sian Keluarga ni Calon Pangoli dohot Oroan

7.4.    Sintua sian Huria ni Calon Pangoli dohot Oroan

7.5.    Napatumpolhon

7.6.    Boaboa

 

7.       Marende SDJ No. 766: 1 Padan na Uli AS= Do

1.       Padan na uli “Ho ndang Hulupahon”

Ndang pola mabiar au di ngolungki.

Nang pe holom do dalan siboluson,

Ro do hatiuron sian langit i. “Ho tung so Huhalupahon, 

Au do manogihon, Au do mangondihon.

Ho tung so Huhalupahon,

Au do margogoihon pos ma rohami.

 

8.       Jamita

 

9.       Marende BE No. 463: 1… PasupasuM Tongoson-Mu (BL 312) Bes= Do

(Pelean tu Huria dohot Sosial Huria)

 

1.       PasupasuM  tongoson-Mu ido didok Hata-Mi,

Suru TondiM na Badia, bosur ma baen rohangki.

Ref.:    Hagogoon-Mu songgop ma tu rohangkon,

Unang sai holan manetek,

Gohi sandok diringkon

 

2.       Buat ma angka pangambat, unang songsong dalan i,

Mual ni aek hangoluan ringkot do di rohangki.

Ref.:    Hagogoon-Mu songgop ma tu rohangkon,

Unang sai holan manetek,

Gohi sandok diringkon

 

..... Musik .....

 

3.       Bereng ma sai hupaima, nunga rade rohangki,

Guru di Ho ma ngolungku, dohot au tinobus-Mi.

Ref.:    Hagogoon-Mu songgop ma tu rohangkon,

Unang sai holan manetek,

Gohi sandok diringkon

       

10.   Tangiang Pelean – Pasupasu

 

11.   (Mangendehon): Amen, Amen, Amen.

 

III. Mandok Hata:            1.   Sian Paranak

2.      Sian Parboru

 

IV. Masijalangan (Calon Pangoli, Oroan dohot Natoras jongjong di jolo langgatan mangadop tu ruas)