TERTIB ACARA
PARTANGIANGAN PANUTUP
HKBP PONDOK GEDE RESORT PONDOK GEDE
DISTRIK XIX BEKASI
Rabu, 7 Nopember 2018 Pukul 20.00 WIB
01. MARENDE SDJ. NO. 575: 1 Puji ma Debata na songkal Bes=Do
Puji
ma Debata na songkal, pasangap ma goar-Na.
Puji ma angka rura dohot lung, angka dolok
na timbo.
Dohot hasak ni galumbang, sude mamuji Ho.
Langit i na mansai hembang bintang i,
Na mansai torang, ombun i na mansai saksak,
Pasangaphon Ho o Debata. Tung so olo
tading au,
Lao mamuji Ho Tuhan nasa gogo bahenonku,
Lao pasangaphon Ho, ro di ujung ni
ngolungku,
Sai pujionku Ho. (Jongjong)
02.
VOTUM & TANGIANG
(Pdt. Nikson Simangunsong, S.Th)
U: Marhitehite Goar ni Debata Ama, dohot Goar ni
Anak-Na Tuhan Jesus Kristus, dohot Goar ni Tondi Parbadia, itapatupa ma Partangiangan
na parpudi di taon 2018 di HKBP Pondok Gede. Amen. Parangehon hamu ma na tama di Tuhan i.
H: Marguru tu sandok lomo ni
rohaNa, marparbuehon parbue marhitehite saluhut ulaon na denggan.
U: Oloi hamu ma Jahowa marhitehite las ni roha, ro be ma
hamu tu jolo-Na marhitehite olopolop.
Haleluya! (Martangiang ma hita:)
Ale Tuhan Debata, na sangap jala na badia!
Diramoti jala digomgomi Ho do HuriaM marhitehite TondiM i. Dibahen i hupangido
hami nuaeng tu Ho, lehon ma di hami roha pangoloion, asa marlas ni roha hami
mangulahon na nidok-Mu songon pangoloi ni anak
tu amana. Sai pararat ma harajaon-Mu jala sai tambai ganup
ari bilangan ni angka na porsea di Ho, asa lam tarbarita Goar-Mu na badia i, jala dapotan hangoluan hami marhitehite
Tuhan Jesus Kristus, Tuhannami.
S: Amen. (Hundul)
03.
KOOR:
WIJK 1 – KOOR EBENEZER – INA HANNA
04.
MARENDE
SDJ. NO. 695: 1-2 Jesus Tuhanku di Ho ma au on As=Do
1. Jesus Tuhanku di Ho ma au on, asa mangihut
tu Ho au tongtong.
Gohi rohangku ingani au on, sonang si Ho
tongtong,
O Tuhan togu ma au. O Tuhan togu togu ma
au,
Gohi rohangku ingani au on, sonang di Ho tongtong.
(jongjong)
2. Mansai godang do pardangolanki, tagan so
Jesus dope tohaphi.
Disesa Jesus sude dosangki, gok dame
rohangki,
Asi roha-Na di au, tongtong asi roha-Na di
au.
Disesa Jesus sude dosangki, gok dame
rohangki.
05.
TANGIANG MANGIDO
HASESAAN NI DOSA
U: Tatopoti ma dosanta. Bodari on di
partangiangan na parpudi di taon 2018. Ita ingot ma angka dosanta na ita
ulahon. Godang pangalaoisionta. Ai jotjot do hita mardosa maradophon Debata, jala jotjot itasungguli rimas ni
Debata marhite sian
pangalaosionta, di hata-Na. Ale Tuhan Jahowa, sai
unang paingotingot pangalaosionnami, unang alang asi ni rohaM, sai urupi ma
hami, Ho ale Tuhan Debata hatuaonnami, palua hami, jala sesa dosanami,
H: Tuhan asi
roham, sesa dosanami.
U: Disuru Tuhan Jesus do hita asa gabe
parhobas, ndada sihobasan. Gabe pangapuli, ndada siapulan. Na tau mangurupi,
ndada siurupan. Sipardame ndada gabe sipadameon. Hape lemba do hita mangulahon
i.
H: Tuhan asi
roham, sesa dosanami.
U: Disuru Tuhan Jesus do hita asa gabe
parasiroha siboan pengampunan di tongatonga ni panginsahi. Siboan posniroha di
tonga ni hangangguon. Siboan pangkirimon ditonga ni pandelean. Hape jotjot hita
ndang tau mangulahonsa.
H: (Mangendehon:) BE. No. 165: 3 O JESUS NA PANGOLU AU BL.19
D=Do
O Tuhan hutopoti ma, luhutna dosangki.
Asi rohaM sai sesa ma, di Ho ma
tondingki.
U: Didok Apostel
Paulus, “Tuhan Jesus Kristus do pardengganan pasaehon dosanta. Alai ndada holan
dosanta dohot do dosa ni portibi on”. Hasangapon ma di Debata di ginjang.
S: Amen!
06.
KOOR:
WIJK 2 – KOOR AMA – IMMANEN - LANSIA
07.
EPISTEL
MIKA 6: 6-8
U: Tabege ma Hata ni Debata turpuk di ari Minggu XXIV Dung Trinitatis
sijahaon di partangiangan on Mika 6: 6-8. Ita jaha ma marsorinsorin. Marhitehite aha tarbahen ahu
mandapothon Jahowa, marsomba ahu tu Debata na di ginjang?
H: Marhitehite
angka pelean situtungon ulaning ahu manjumpangkon ibana marhitehite anak ni
lombu, angka na marumur sataon ulaning?
U: Lomo do ulaning roha ni Jahowa mida hambing
tunggal marriburibu? Manang mida angka sunge miak marloksaloksa?
H: Lehononku do
ulaning anak buhabajungku abul ni pangalaosingki? Parbue ni butuhangku ulaning
abul ni dosa ni rohangku?
U: Nunga dipabotohon ibana tu ho, ale jolma
manang aha na denggan, jala manang aha na niluluan ni Jahowa sian ho, nda holan
na mangulahon uhum dohot holong ni roha di habasaon, jala marpangalaho
haserepon maradophon Debatam. I ma sahatna. Martua do angka na tumangihon Hata ni Debata,
jala na umpeopsa.
S: Amen. (hundul)
08.
KOOR:
WIJK 5 – PAROMPUAN – JERIKO – AMA SION
09.
TANGIANG
PANGONDIAN (St. U.A. Sitanggang)
10.
KOOR:
WIJK 4 – WIJK 3 – WIJK 6 – HALELUYA
11.
MARENDE
SDJ. NO. 569: 3 C=Do
O DEBATA TUNG LONGANG DO ROHANGKU
Molo huingot balga ni holong-Mu, marhite Jesus na tarsilang
i.
Anak sasada-Mi o Debatangku, dilehon Ho manobus jolma i.
Marende au Tuhan mamuji Ho o, Debata, sangap do Ho.
Marende au Tuhan mamuji Ho o, Debata, sangap do Ho.
12.
JAMITA: 1 TIMOTEUS 6:
11-21 (Pdt. Jeffry Sitindaon, M.Th)
13.
MARENDE
SDJ. NO. 582: 1… SANGAP MA DI DEBATA G=Do
(Papungu Pelean)
Sangap ma di Debata
Amanta, amen haleluya
Sangap ma di Anak-Na Tuhan Jesus Kristus
Amen haleluya. Hasangapon ma di Tondi parbadia
Amen haleluya. Sangap di Tuhan Debata sitolusada
Amen haleluya. Endehon amen haleluya endehon
Amen haleluya. Endehon amen haleluya endehon
Amen haleluya. Endehon amen haleluya.
14.
TANGIANG PELEAN –
PASUPASU
U: Balga do asi ni roha ni Tuhanta di hita
huria-Na, ndang dipasombu hita, dipargogoi do hita mangadopi sude gulmit ni
ngolunta, didongani do hita. Tangkas ma i hangoluhononta ala ni hatana naung
ita jalo ganup marsadasada.
H: Mauliate ma
Tuhan, pargogoi ma hami mangulahon hataMi.
U: Ta tangianghon ma peleanta… (Tangiang
Pelean) Amen. Rap mandok ma hita tangiang hatopanta i…
H: Ale amanami na
di banua ginjang…
U: Asi ni roha ni Tuhan Jesus Kristus, dohot holong ni roha ni Debata Ama dohot parsaoran ni
Tondi Parbadia i ma mandongani hamu! Amen.
H: (Mangendehon:)
Amen, amen, amen.
15.
MASIJALANGAN
16.
ACARA NA MANGIHUT DIATUR
TERSENDIRI
Tidak ada komentar:
Posting Komentar