ACARA SYUKURAN KOOR JERIKO - GABUNGAN WIJK 2

ACARA SYUKURAN 
KOOR JERIKO - GABUNGAN WIJK 2

HKBP PONDOK GEDE

Kamis, 8 November 2018 di Aula HKBP Pondok Gede

1. Joujou tu Parsaoran dohot Debata

U: Horas ma di hita saluhutna. Hamuna angka dongan na hinaholongan, tama do hita mandok mauliate tu Debata Pardengganbasa i, ala sude asi ni rohaNa na mangiringiring hita ganup marsadasada, gabe tarbahen hita marlas ni roha marsaor marpungu marlas ni roha manghalashon ulang taon: Pdt. Nikson Simangunsong (50 taon=2 November 2018), Sarah boru Pasaribu (24 tahun= 4 November 2018), St. Sabren Siadari (51 taon=6 November 2018), Ny. P.B. Pasaribu Tuti Adelina br. Tambunan (53 taon=7 November 2018) dohot St. Ernis Manurung (74 taon=8 November 2018), 24 taon parrumatanggaon ni A. Nababan boru Sitanggang, laos manghalashon juara sada lomba paduan suara dohot Refani boru Manurung dirigent kontingen Wijk 2 HKBP Pondok Gede gabe dirigent terbaik.

H:Ragam do na ita bolus be di ngolunta be, las ni roha nang arsak sahat tu sadari on. Sian angka pengalaman i ma, naeng lam marsitutu pataridahon hasadaon ni roha ni sude anggota punguan laho pabalgahon Goar ni Tuhanta marhite jamita parendeon di tonga ni huria, asa sude na umbegesa taruli pasupasu dohot las ni roha.

U:Jesus Raja ni huria i, i ma na tongtong manogunogu sude ruas ni punguan on, asa mardalan tongtong hombar tu lomo ni roha-Na, marende ma hita!

2. Marende BE.No.9: 1-2  Hupuji holong ni roha-Mu BL.110 C=Do

               

1.    Hupuji holong ni roha-Mu o Tuhan Jesus Rajangki

           Tu Ho hulehon ma tondingku ai i do pinangidoMi

            Huhalupahon ma diringku mamingkir holong ni roha-Mu

2. Sai dilului Ho do ahu, au pe huhalungunhon Ho

Ditaiti roha-Mi rohangku, dibahen i hulehon do

Dipillit Ho hian tondingku, i pe hutodo Ho Tuhanku

3. Votum – Tangiang        (U=Uluan              P=Punguan)

U:Marhitehite Goar ni Debata Ama dohot Goar ni Anak-Na Tuhan Yesus Kristus dohot Goar ni Tondi Parbadia na tumompa langit  dohot tano on. Amen. Puji ma Jahowa, ale tondingku, jala nasa rohangku di bagasan mamuji goar-Na na Badia i.

P:Puji ma Jahowa, ale tondingku, jala unang tung halupahon denggan ni basa-Na sudena.

U:Ibana do manesa dosam sudena, Ibana pamalum angka sahitmu sudena.

P: Ibana paluahon ngolum sian hamagoan, Ibana martumpalhon tu ho denggan basa dohot asi ni roha.

U:Parasi roha jala pardengganbasa do Jahowa, lambat tarrimas jala parasi roha godang.

P:Songon asi ni amaama tu angka anakna asi ni roha ni Jahowa di angka na mangkabiari Ibana.

U:Martangiang ma hita! Ale Jahowa Debata Amanami, mauliate ma rohanami tu Ho ala di ramoti Ho do ngolunami sian tingki na salpu sahat ro di sadari on. Na pungu do hami dison ruas ni huriaM Parende Koor Wijk 2 mandok mauliate tu Ho siala denggan basaM manghalashon ulang taon: Pdt. Nikson Simangunsong (50 taon=2 November 2018), Sarah boru Pasaribu (24 tahun= 4 November 2018), St. Sabren Siadari (51 taon=6 November 2018), Ny. P.B. Pasaribu Tuti Adelina br. Tambunan (53 taon=7 November 2018) dohot St. Ernis Manurung (74 taon=8 November 2018),24 taon parrumatanggaon ni A. Nababan boru Sitanggang, laos manghalashon juara sada lomba paduan suara dohot Refani boru Manurung dirigent kontingen Wijk 2 HKBP Pondok Gede gabe dirigent terbaik. Asi ma rohaM, pasupasu ma saluhut ruas ni punguan on, lehon dos ni roha, asa marsada roha mangihuthon punguan on gabe jumpang ma parendeon na lam tu dengganna na gabe pujipujian dohot jamita di tongatonga ni huriaM jala tau hasangapon di goarMu na Badia i. Tangihon ma tangiangnami on di bagasan Jesus  Kristus Tuhannami. Amen.

4.  Koor Wijk 2

5.  Marende BE. No.361: 1  Na denggan situtu do BL. 157 Bes=Do

1. Na denggan situtu do mamuji Debata

Jahowa na tumimbo, na sai tongtong basa

Denggan do paboahon, manogot asiMi

Bodari mangendehon, burjuM nang sintongMi

6.  Tangiang Pangondian: Ev. St. Retia boru Manullang 

8.  Marende SDJ. No.815: 1 Uli do tingki na hohom D=Do

1.   Uli do tingki na hohom di jolo ni habangsa ni,

Amanghu na rade tongtong manjalo pangidoanhi

Ai di na marsak rohangki sai diapuli tondingki

Malua sian jorgong i di tingki martangiang i.

               

9. J a m i t a : Psalmen 19: 1-7

10. Marende SDJ. No.691: 1… Hupasahat ma tu Jesus Es=Do              (Papungu pelean)

               

1.  Hupasahat ma tu Jesus saluhutna ngolungki,

Roha nang pambaenanku saluhutna tingkingki

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

2.   Pangkeonku ma tanganku, mangula lomoNa i,

Langka nang simanjojakku mangihuthon Tuhanki.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

11. Tangiang Panutup - Ale Amanami - Pasupasu

12. (Mangendehon:) Amen, amen, amen.