PARTANGIANGAN PANUTUP DI TAON 2017

PARTANGIANGAN PANUTUP

HKBP PONDOK GEDE RESORT PONDOK GEDE

DISTRIK XIX BEKASI

Kamis, 09 Nopember 2017  Pukul 20.00 WIB

01.    MARENDE SDJ. NO. 695: 1-2 Jesus Tuhanku di Ho ma au on

Ø    Jesus Tuhanku di Ho ma au on, asa mangihut tu Ho au tongtong, 

      Gohi rohangku ingani au on, sonang di Ho tongtong.

 O Tuhan togu ma au, o Tuhan togutogu ma au,

 gohi rohangku iangani au on, sonang di Ho tongtong

Ø    Mansai godang do pardangolanki, tagan so Jesus dope tohaphi, 

      Disesa Jesus sude dosangki, gok dame rohangki.

Asi rohaNa diau, Tongtong asi rohaNa di au,

 Disesa Jesus sude dosangki, gok dame rohangki.

02.    VOTUM - TANGIANG

U:   Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, itapatupa ma Partangiangan na parpudi di taon 2017 di HKBP Pondok Gede. Amen. Pos situtu do rohangku, manang hamatean, manang hangoluan, manang angka surusuruan ni Debata, manang harajaon, manang hagogoon, manang angka na masa nuaeng, manang angka na naeng ro sogot,

H:   Ndang tarbahen i manirang hita sian haholongon ni roha ni Debata, namarhite hite Kristus Yesus Tuhanta i

U:   Haleluya! Martangiang ma hita: Ale Tuhan Debata, Jala Amanami  Parasiroha, sai togu togu jala rajai ma rohanami marhite hite TondiM, asa olo hami manangihon dohot manjalo HataM. Mauliate Tuhan, ala manontong do asi ni rohaM mandongani hami na sataon on patupahon Partangiangan Wijk sahat tu na dipahimpu di borngin on di gareja on. Diramoti Ho huriaM, diramoti ho saluhut ruas ni huriaM nametmet sahat tu namagodang. Tontu godang do nahubolus hami di bagasan na sataon on, jala  Tuhan tangkas do huhilala hami balga ni asi ni rohaM mangurupi hami huriaM. Ala marningot saluhutna i, tama pujionnami Ho sadarion ro di salelenglelengna.

H.  Sai pahot ma hataMi di bagasan rohanami, HataM na hubege hami di partangiangan nang di parmingguon asa lam imbaru jala badia rohanami

U : Sai urupi ma hami, asa lam marhaposan hami tu AnakMu, Tuhan Jesus Kristus, asa jumpang hami hangoluan na saleleng lelengna. Amen.                 (Hundul)

03.    KOOR : WIJK 1 – KOOR IMMANEN – INA HANNA

04.    MARENDE BE. No.  417: 3  Rade situtu haluaon. BL. 278

Ø   PangkophopNa i  parangehon, pasangap Tuhanmu antong.

 Ibana buas mangalehon tu ho hasonangan tongtong.

 Sandok sian holso malua, nang sian biarmu sude,

Sonang nama ho na martua, mangkirim tontong surgo i.

05.    TANGIANG MANGIDO HASESAAN NI DOSA

U:   Tatopoti ma dosanta tu Debata martangiang ma hita: Ale Tuhan  Debata parasiroha na sumurung, na ro do hami ruas ni huriaM, mangido haseaan ni dosanami. Ai jotjot do hami lemba di parsaoran nami di huriaM, ndang haru marsitutu rohanami manghasiholi  hataM, jala jotjot manimbil roha nang parulaon nami sian lomo ni roham.

H:   Tuhan asi roham, sesa dosanami.

U:   Dilehon Ho do nian di hami partingkian na sataonon laho manangihon hataM dohot pasaorhon dirinami tu Ho nang tu dongannami ganup marhite partangiangan di lingkungannami ganup, alai olo do hurang hulehon hami roha, tingki nami di ragam ni alasan nami. Ale Tuhan marpamuati ma roham.

H:   Tuhan asi roham, sesa dosanami.

U: Ale Tuhan, sai sesa ma dosa nami, lam togihon ma hami tu parsihohoton ni rohanami manghaholongi dohot manghangoluhon hataM, sai sungguli ma rohanami asa unang tarpedem hami, alai sai dungo hami di ganup partingkian, mamelehon roha nang ngolunami tu parsaoran di huriaMi, ala ni anakMu Tuhan Jesus Kristus Tuhannami.

H:   (Mangendehon) BE.No.165:3 O JESUS NA PANGOLU AU BL.19

       O Tuhan hutopoti ma luhutna dosangki

       Asi rohaM sai sesa ma di Ho ma tondingki.

U:   Roma hamu tu Ahu, asa mangolu tondimuna, ninna Tuhan Jahowa. Tung sura rara dosamuna songon abit bunga dapdap, bontar do bahenongKu songon itak, nang pe rara songon abit hasumba, gabe songon hapas do muse. Hasangapon ma di Debata di ginjang.

S:    Amen!

06.    KOOR: WIJK 2 – KOOR AMA - LANSIA- HALELUYA

07.    Manjaha Turpuk sian Mateus 25: 1 - 13

U:  Tajaha ma hata ni Debata, turpuk di hita sadarion, sian Mateus 25: 1-13 Disi ma tarpatudos harajaon banua ginjang i, tu sampulu anak boru, angka naborhat manomunomu pangoli i, masiboan parpalitoanna be

H:   Alai na oto do na lima sian nasida, na pantas marroha do na lima.

U:   Ianggo angka na oto i di boan do nian parpalitoanna, alai ndang mantat miak nasida.

H:   Alai anggo napantas marroha i, diboan do miak di inganannai rap dohot parpalitoannasida.

U:   Alai di na nia leleng so ro pangoli, mondokondok ma nasida sasude, laos tarpodom ma.

H:   Alai tonga borngin i, adong ma na jou jou; na ro ma pangoli; hehe ma hamu manomunomu.

U:   Jadi hehe ma angka anak boru i saluhutna dipature be ma parpalitoanna.

H:   Dungi didok angka na oto i tu angka napantas marroha i; lehon hamu ma di hami deba sian miakmuna i, ai namintop ma palitonami.

U:   Alai dialusi angka na pantas marroha i ma; ndang sae maon di hami dohot di hamu; tu angka panggadis ma hamu laho tagonan, manuhor di hamu.

H:   Alai di tongan dalan dope nasida laho manuhor, nungga ro pangoli i; jadi bongot ma angka naung hobas hian rap dohot Ibana tu hasampuran rea i, dungi tarsordak ma pintu i.

U:   Alai na ro ma sian pudi anak boru na lima nari, angka ninna ma, Tuannami, ungkap ma di hami.

H: Alai ninna ma mangalusi, situtu do na hudok on tu hamu; Ndang na Hutanda hamu.

U:   Antong jaga ma hamu, ai ndang diboto hamu arina manang sadiharina. I ma sahatna: Martua ma angka natumangihon hata ni Debata jala naumpeopsa.

S:    Amen

08.    KOOR: WIJK 5 – PAROMPUAN – JERIKO- SION

09.    TANGIANG PANGONDIAN

10.    KOOR: WIJK 4 – WIJK 3 – WIJK 6 – EBENEZER

11.    MARENDE SDJ NO. 826: 1+3   GOHI AU TUHAN

Ø    Gohi au Tuhan marhite hataMi, gohi au Tuhan marhite hataMi, 

      Songon hudon na rumar do au Tuhan di sumurMi,

Gohi au Tuhan marhite hataMi

Ø      Gohi au Tuhan marhite hataMi, Gohi au Guhan marhite hataMi,

 Asa tang jala matoras au marhite hataMi,

 Gohi au Tuhan marhite hataMi.

12.    JAMITA: Amos 5: 18-24

13.    MARENDE  BE.No.458: 1....BARITA NA UMULI BL.309

I (Huria) + II (Sosial Huria) (Papungu Pelean)

Ø  Barita na umuli i nasian Tuhan Jesus, sai i do margogoihon au nang arsak pe hubolus, 

    On mangapuli rohangki; sai Tuhanki na basa i do donganki.

Ø   Ai ndang adong di rohangki na so hinilalaNa, ditanda hagaleongki, nang pe so dung marsala. Hujalo hamonangan i, ai Tuhanki, na masa i do donganki.

.............................................. m u s i k .......................................

Ø  Ibana haporusanki di godang ni dosangku, mudarna do mamuri au, ditobus do hosangku. Tuhanku gabe singkathi, dibahen i, pujiongki, basaNa i.

14. TANGIANG PELEAN – PASUPASU