IKAT JANJI PERKAWINAN SAMPE FREDERIK NAPITUPU, S.T DOHOT LINA MARYANA BR. SIMANJUNTAK,A,md.,Kep

M O D E L    C

ACARA PARTUMPOLON / PARPADANAN

DI NA NAENG MARBAGAS

I.   Pra Ibadah

1.     Mangarade di Bilut Parhobasan (Calon Pangoli, Oroan, Natoras, Parhalado rap martangiang)

2.     Calon Pangoli, Oroan dohot Keluarga udur masuk tu gereja (diiringi musik angonangon)

II.  Ibadah (Pdt. Nikson Simangunsong)

1.     Marende BE. No. 2: 1+3 Naeng pujionhu Ho Jahowa   BL. 113 C= Do

1.     Naeng pujionku ho Jahowa,

Ai ho do Debata na tutu i.

Sai suru Tondi Parbadia tu au,

Asa hupuji goarMi.

Marhitehite Jesus AnakMi,

Asa lomo rohaM di endengki.

(Jongjong)

2.     Asi rohaM, ale Jahowa,

Pamalo au mamuji goarMi.

Sai unang asal puas hata,

Ingkon tutu dipuji rohangki.

Ho Ama, Anak dohot Tondi i,

Doshon na jongjong au di joloMi

2.     Votum – Introitus -Tangiang

(P: Paragenda - R= Ruas)

P:   Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen. Ida ma, sai dongananHu jala ramotanHu do ho manang tu dia pe ho mangalangka,

R:      Jala togihononHu do ho mulak tu tano on; ai ndang tadinghononHu ho, nda jolo sahat Hubaen na Huparbaga i tu ho.

P:    On pe molo ditangihon hamu soarangHu, jala diradoti hamu padan na Hubahen i, jadi hasianHu ma hamu sian nasa bangso, ai gok di Ahu do liat portibi on. Haleluya! (Martangiang ma hita): Ale Tuhan Debata Amanami na di banuaginjang. Mauliate dipasahat rohanami tu Ho, ala dipaborhat Ho anak dohot boru ni huriaM dison laho marpadan di joloM laho pajongjong pardongansaripeon. Ho ma na mangarajai rohanasida asa marsihohot di padan na naeng undukhonon nasida. Sondangi rohanasida asa sintong padannasida i nirahutan ni holongMu dohot lomo ni rohaM. Pasupasu nasida asa mamboan las ni roha dohot hatuaon pardongansaripeon na naeng pungkaonnasida di keluarga paranak dohot parboru songon i nang di huriaM. Dibagasan Jesus Kristus, jalo ma tangiangnami. Amen.

(Hundul)

3.     Koor/VG/Solo:

4.     Marende BE. No. 309: 1-2 Raphon Tuhan Jesus i  BL. 164 F= Do

1.     Raphon Tuhan Jesus i, pungka ulaonmu,

Ingkon tu Ibana i, parguruhononmu.

Baen Ibana donganmi hehe dohot modom,

Dege ma bogasNa i rohami pahohom.

                  

(Calon Pangoli dohot Oroan jongjong tu jolo mangadop Langgatan)

2.     Ganup sogot ingkon do Jesus jouhononmu,

Asa urupanNa ho di siulaonmu,

Ai arian borngin pe naeng ho dongananNa,

Dosami pe sasude naeng taluhononNa.

5.     Manjaha Surat Parpadanan

6.     Panangkasion tu:

6. 1. Calon Pangoli dohot Oroan

6. 2. Natoras ni Calon Pangoli dohot Oroan

7.     Manandatangani Surat Parpadanan

         

7.1.         Calon Pangoli dohot Oroan

7.2.         Natoras ni Calon Pangoli dohot Oroan

7.3.         Saksi sian Keluarga ni Calon Pangoli dohot Oroan

7.4.         Sintua sian Huria ni Calon Pangoli dohot Oroan

7.5.         Napatumpolhon

7.6.         Boaboa

8.     Koor/VG/Solo:

9.     Marende SDJ. No. 652: 1 Ihot ma Hami BL. 652 F=Do

(Calon Pangoli dohot Oroan ro tu jolo ni langgatan)

1.  Ihot ma hami, sai ihot ma hami pasada hami o Tuhan,

Ihot ma hami, pasada ma hami,

Sai ihot dohot holongMi,

Sada do Debata, Raja na songkal i,

Sada do pamatangNa, hita ruasNa i,

Ihot ma hami, sai ihot ma hami pasada hami o Tuhan,

Ihot ma hami, pasada ma hami,

Sai ihot dohot holongMi.

10.  Tukar Cincin

Calon Pangoli:     Jalo ma cincin on songon tanda holong ni rohangku na so hea muba tu ho.

Calon Oroan:  Jalo ma cincin on songon tanda holong ni rohangku na so hea muba tu ho.

(Dung sidung tukar cincin, Calon Pangoli dohot Oroan hundul)

11. Koor/VG/Solo:

12.   Marende SDJ. No. 766: 1 Padan na Uli BL. 766  AS= Do

1.     Padan na uli “Ho ndang Hulupahon”

Ndang pola mabiar au di ngolungki.

Nang pe holom do dalan siboluson,

Ro do hatiuron sian langit i.

“Ho tung so Huhalupahon, 

Au do manogihon, Au do mangondihon.

Ho tung so Huhalupahon,

Au do margogoihon pos ma rohami.

13.  Jamita: 1 Korint 11:3

     Alai naeng ma botoonmuna di rohangku: Kristus i do ulu ni ganup baoa, baoa i do ulu ni boruboru; alai Debata do ulu ni Kristus i


     Tetapi aku mau, supaya kamu mengetahui hal ini, yaitu Kepala dari tiap-tiap laki-laki ialah Kristus, kepala dari perempuan ialah laki-laki dan Kepala dari Kristus ialah Allah.

14.   Marende BE. No. 463: 1… PasupasuM tongosonMu   BL. 312 Bes= Do (Pelean tu Huria dohot Sosial Huria)  

                          

1.     PasupasuM  tongosonMu ido didok HataMi,

Suru TondiM na Badia, bosur ma baen rohangki.

Ref.:    HagogoonMu songgop ma tu rohangkon,

Unang sai holan manetek,

Gohi sandok diringkon

2.     Buat ma angka pangambat,

Unang songsong dalan i,

Mual ni aek hangoluan ringkot do di rohangki.

Ref.:    HagogoonMu songgop ma tu rohangkon,

Unang sai holan manetek,

Gohi sandok diringkon

..... Musik .....

3.     Bereng ma sai hupaima, nunga rade rohangki,

Guru di Ho ma ngolungku, dohot au tinobusMi. Ref.:    HagogoonMu songgop ma tu rohangkon,

Unang sai holan manetek,

Gohi sandok diringkon

               

15. Tangiang Pelean – Pasupasu

16.   (Mangendehon): Amen, amen, amen.

III.  Mandok Hata:

1.     Sian Paranak

2.     Sian Parboru

IV.  Masijalangan (Calon Pangoli, Oroan jongjong di jolo Langgatan mangadop tu ruas)