ULANG TAHUN LANSIA

PARTANGIANGAN

ULANG TAON LANSIA PAONOMTAONHON

HKBP PONDOK GEDE RESSORT PONDOK GEDE

23 Juli 2009 - 23 Juli 2015 Pukul 09.00 WIB

I.       Patujolo

01.    Marende SDJ. No. 754: 1 Gok las ni roha do au BL. 754 C=Do

            ♫          Gok las ni roha do au di ngolungkon, di ngolungkon, di ngolungkon.

      Gok las ni roha do au dingolungkon, tongtong di rohangkon.
Mauliate gok las ni roha maringan holongMi Tuhan di au.

                  Mauliate gok las ni roha, maringan holongMi Tuhan di au.

     

02.    Joujou tu Partangiangan

      (U=Uluan; H=huria; S=Sude)

U	:	Hamu angka dongan, na marpungu do hita mandok mauliate tu Tuhanta naung gonop 6 taon Punguan Lanjut Usia HKBP Pondok Gede Ressort Pondok Gede di tingki on.
H	:	Eben Ezer, rasirasa nuaeng diurupi Jahowa do hita.
U	:	Ndang tagamon so godang hamaolon parungkilon dohot tantangan na binolus ni huria dohot sude ruas ni Lansia di angka ari na salpu i. Mauliate ma di Tuhanta dipasupasu do hita saluhutna.
H	:	Eben Ezer, rasirasa nuaeng diurupi Jahowa do hita.
U	:	Antong, tahamauliateon ma pangaramotion ni Tuhanta. Tapasada ma rohanta mamuji, pasangaphon Debata. Tapangido ma asa marhuraja Ibana di tongatonganta marhite TondiNa, Tondi Parbadia i. Hohom ma hita satongkin, martangiang be di bagasan rohanta. ……. Hohom – Martangiang di bagasan rohana be ……. Tapungka ma partangiangan on marhite pamujion dohot panombaon na marhabadiaon di adopan ni Tuhanta, marende ma hita:

03.     Marende SDJ. No. 565:1  Las Rohangku Lao Mamuji BL. 565  G=Do

            ♫         Las rohangku lao mamuji Debata Parholong i,

                        Songon bunga na mangerbang di na binsar ari i.

                        Arsak, dosa, haporsuhon mago dibaen asiMi.

                        Las ni roha na manongtong lehon di au Tuhanki

04.    Votum – Introitus – Tangiang

U	:	Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on.
H	:	Amen.
U	:	Puji ma Jahowa ale tondingku, jala nasa rohangku di bagasan mamuji GoarNa Nabadia i.
H	:	Puji ma Jahowa ale tondingku, jala tung unang halupahon denggan ni basaNa sudena.
U	:	Ibana do manesa dosam sudena, Ibana pamalum angka sahitmu sudena.
H	:	Ibana paluahon ngolum sian hamagoan, Ibana martumpalhon tu ho denggan basa.
U	:	Ibana pamahap roham marhitehite denggan basa, asa mulak poso ho songon pidong rajawali. Haleluya! Martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, jala Pardengganbasa! Ro di saleleng ni lelengna do asi ni rohaM. Mauliate ma rohanami tu Ho, ala di ramoti Ho hami huriaM sian nasailaon sahat tu sadari on. Na ro do Punguan Lansia di huriaM tu joloM manghalashon jala manghamauliatehon naung 6 punguan on sahat tu tingki on. Hupuji hami ma Ho, ala godang ni denggan ni basaM tu tu hami huriaM. Sai asi ma rohaM urupi ma hami pasauthon na ni dokMu, asa hot rohanami jala tarparangehon hami parage na badia, sai dongani ma hami pasauthon partangiangannami on tu Ho, marhitehite Tuhan Jesus Kristus Tuhannami. Amen.

05.    Koor : Lansia

06.    Marende BE. No. 14: 1-2 Puji hamu Jahowa tutu BL. 57 Bes=Do

     

♫ Puji hamu Jahowa tutu, Pardengganbasa, parasiroha salelengna i.
Pardengganbasa i, parasiroha i.

♫    Ingot tongtong, ale tondingkon, sude na denggan

       Na dipasonggop Debata tu ho. Denggan basaNa do na pangoluhon ho.

07.    Manjaha Epistel: Psalmen 23:1-6; Jesaya 46:4

U	:	Tajaha ma Hata ni Debata di partangiangan on, tarsurat di Psalmen 23:1-6 dohot Jesaya 46:4, songon on ma didok di si: Jahowa do Siparmahan ahu, ndang tagamon hurangan ahu.
H	:	Dipatongon do ahu tu jampalan angka na lomak, ditogutogu do ahu di lambung aek hasonangan.
U	:	Dipasabam do rohangku, ditogu do ahu di dalan hatigoran, ala ni goarna i.
H	:	Ai nang pe mardalan ahu di rura linggoman ni hamatean, ndang huhabiari parmaraan, ai Ho do mandongani ahu tungkotmu dohot batahim mangapuli ahu
U	:	Ho do manutup meja di jolongku maradophon angka musungku, dimiahi Ho do ulungku, suksuk do panginumanki.
H	:	Tongon tahe denggan basa dohot asi ni roha mangihutihut ahu saleleng ahu mangolu, jala dung mulak ahu masuhanku ma bagas ni Jahowa salelenglelengna.
U	:	Sahat ro di hatutuamu sai tongtong do ahu, jala ro di na ubanon sai ahu do mangusung hamu. Ahu do mambahensa na sai laon, ahu do mangompa, ahu do mangabing jala ahu paluahon nuaeng. Olat ni do sahatna. Martua do angka na tumangihon hata ni Debata jala na umpeopsa.
S	:	Amen.

08.    Marende BE. No. 11: 2 Aha Ma Endehononku BL. 185. As=Do

♫       Sai sungguli ma rohangku, mangendehon gogoMi.
Dohot asi ni rohaMu, ro di habasaronMi.
Ai i do dihatindangkon Tondi dohot pamatangku.
Ala ni hupuji Ho tung marribu hali do.

09.    Tangiang Pangidoan

U	:	Ale Tuhan Debata, Amanami marhitehite Tuhan Jesus Kristus Tuhannami, napapunguhon hami di partangiangan 6 taon Punguan Lansia di huriaM. Hatam paingothonhami; Nang sahat di hadohungon dohot haubanon, sai unang tadingkon hami, ale Debata, paima hubaritahon hami tanganmu tu na pinompar, hagogoonmu tu saluhut angka na ro sogot. (Psalm 71:18)
Namanjalo Tungkot	:	Masilelean angka taon ro di ujungna sogot. O, Jesus lehon parrohaon di ahu, asa tongtong marningot, di halalao ni arinami huhut manimbang ujung ni. (BE.No.68)
H	:	Nunga 6 taon Punguan Lansia di HuriaM. Sai pasaut ma hatam tu hami; Sahat ro di hatutuamu sai tongtong do ahu, jala ro di na ubanon sai ahu do mangusung hamu. Ahu do mambahensa na sai laon, ahu do mangompa, ahu do mangabing jala ahu paluahon nuaeng. (Jes.64:4)
Namanjalo Tungkot	:	Tumpal ni natuatua do angka pahompuna, jala hamuliaon ni angka anak do amanasida. (Poda 17:6)
U	:	Ida ma, dengganna i dohot sonangnai, molo tung pungu sahundulan angka na marhahamaranggi! (Psalm 133:1)
H	:	Sai parroha i ma hami mamilangi angka ariarinami, asa dapotan roha na bisuk hami. (Psalm 90:12)
U	:	Hasangapon ma di Debata na di Ginjang!
H	:	Amen (Hundul)

10.         Tangiang Pangondian :

11.         Marende BE. No. 122: 1-2  Ida Hinadenggan Ni BL.13 Es=Do

        ♫ Ida hinadenggan ni angka na saroha i

    Parpambaenan na burju nang hatana pe tutu

                             ♫ Sai hushus uapna i songon bungabunga i

                            Angka na tinompa i pajengkarhon  tano i

12.    Renungan:

13.    Marende BE No. 36: 1-3  Pasupasu Hami BL. 4 C=Do (P. Pelean)

              ♫       Pasupasu hami o Debata nami

                        Sai sondangkon bohiMi tu na pungu on sude.

                                    ♫             Lehon ma di hami dame ganup ari

                                  Sai pasaor ma TondiMi tu na pungu on sude.
♫          Amen hudok hami ale Tuhannami

          Na marasi roha i sangap ma di goarMi.

14.    Tangiang Panutup/Pasupasu

U:        Patimbulonku ma Ho, ale Debatangku, Ho ale Raja, jala pujionku ma goarMu ro disalelenglelengna

H:        Ganup ari do pujionku Ho, jala pasangaphonku goarMu ro di salelenglelengna.

U:        Timbul do Jahowa jala sipujion situtu, tung na so hadodoan do hatimbulonNa i.

H:        Sai masitonaan do angka sundut papujipuji angka jadijadianMu jala masipaboaan do nasida di hagogoonMu na sumurung i.

U:        Mangaranap tu Ho do angka mata ni sasudena, jadi dilehon Ho tu nasida sipanganonnasida ditingkina be.

H:        Martua ma hami alani denggan ni basaM, ale Jahowa.

U:        Rap ma hita mangido ditangiang hatopanta i

H:        Ale Amanami . . .

U:        Pasupasu

U+H:   Mangendehon: Amen, Amen, Amen

III. Acara Ulang Tahun (Diatur tersendiri)