ACARA PARTANGIANGAN WIJK Rabu & Kamis, 11 & 12 Nopember 2020 Pukul 20.00 WIB

 

ACARA PARTANGIANGAN WIJK

HKBP PONDOK GEDE RESORT PONDOK GEDE

Rabu & Kamis, 11 & 12 Nopember 2020 Pukul 20.00 WIB

Ev.: Jakobus 5:1-6; Ep.: Jeremia 29:1-7

 

(P: Paragenda; R: Ruas)

 

1.          Marende BE HKBP No. 23:1-2 Jesus Hami Ro di son (BL 78)

1     Jesus hami ro di son, asa masihangoluan.

     I pe roma Ho tu son, jala baen ma pardomuan.

     Ni TondiM tu tondinami, unang mampar rohanami.

 

2          Holom rohanami be, nang parbinotoannami.

       Molo so ro tondiMi manondangi rohanami.

       Ingkon Ho do paturehon dalannami sidegeon.

 

2.          Votum/Agenda (A.XV/A1; D.XIII/57)

P:   Marhtehite Goar ni Debata Ama dohot Goar ni AnakNa, Tuhan Jesus Kristus, dohot Goar ni Tondi Parbadia, na tumompa langit dohot tano on. 

R:   Amen.

P:   Na mamolus do anggo portibi on rap dohot na pinangido ni rohana, alai na mian ro di saleleng ni lelengna do na mangulahon lomo ni roha ni Debata. Haleluya. Martangiang ma hita: Ale Tuhan, Debata, Pargogo na so hatudosan, Amanami saleleng ni lelengna! Asi ni rohaM do na mangaramoti hami sian na sailaon rasirasa nuaeng, jala asi ni rohaM do na mangalehon Barita na Uli i, gabe hangoluannami. Sai asi ma rohaM, sai buhai ma rohanami jala lehon TondiM na badia i, asa huantusi hami sude panugonoguM dohot pambahenanMu na balga i. Paian ma HataM di bagasan rohanami, asa mardame jala sonang hami jala lam imbaru rohanami marhitehite AnakMu, Tuhan Jesus Kristus Tuhannami. Amen.

3.          Manjaha Turpuk (Jeremia 29:1-7)

1.      On do hata ni surat na tinongos ni Panurirang Jeremia sian Jerusalem tu pasipasi ni sintua angka na tarbuang i dohot tu angka malim dohot tu angka panurirang dohot tu sandok bangso i, angka naung binuanghon ni si Nebukadnesar sian Jerusalem tu Babel.

2.      Dung tarboan Raja * Jekonya dohot jolmana ro di angka na pinangkias, angka induk ni Juda dohot Jerusalem dohot angka pande hau dohot pande bosi sian Jerusalem.

3.      Na tinongosna tu Babel marhite sian si Eleasa, anak ni si Sapan, dohot si Gemarya, anak ni si Hilkia, na sinuru ni si Sedekia, raja sian Juda, tu si Nebukadnesar raja sian Babel, ninna do:

4.      “Songon on do hata ni Jahowa Zebaot, Debata ni Israel, tu saluhut naung tarbuang, angka na Hubuanghon sian Jerusalem tu Babel:

5.      Pauli hamu angka bagas, laos ingani hamu, jala pungka hamu angka porlak, laos pangan hamu parbuena!

6.      Buat hamu ma parompuan bahen jolmamu, asa tumubuhon anak dohot boru hamu; paorohon hamu anakmuna jala boruhon hamu borumuna, asa tumubuhon anak dohot boru nasida, asa sopar hamu disi, jala unang moru bilanganmuna.

7.      Ringkoti hamu huhut hasonangan ni huta habuanganmuna na Hubahen i, jala tangianghon hamu nasida tu Jahowa, ai molo marhasonangan huta i, marhasonangan ma dohot hamu.

      Ima sahatna. Martua do angka natumangihon Hata ni debata, jala naumpeopsa. Amen.

 

4.          Marende BE HKBP No. 485:1-2 Dongani Au Tuhan (BL 243)

1          Dongani au Tuhan, sondangi rohangki.

Pangiring ni mataM patongon langkangki.

Sandok sude gogongku padohot pingkiranhu,

Huboan peleanhu mangula ulaonMu.

Ai i hinalomohonMi, urupi rohangki.

2          Ho Sipalua au, buri ma au tangkas.

MudarMu na use mambahen au ias.

Sai togu au na lilu tu asi ni rohaMu.

Malua ma rohangku, sinesa nang dosangku.

Gok dosa do hian au on, sai buri rohangkon.

 

5.          Jamita (Jakobus 5:1-6)

v  E hamu angka na mora, tumatangis ma hamu jala mangangguhi managam haporsuhon na naeng songgop tu hamu.

v  Nunga busuk hamoraonmuna, nunga ngitngiton ulosmuna.

v  Naung tasihon do sere dohot perakmuna, jala sitindangi dompak hamu do tasik i na manggagat tu sibukmuna songon api. Dipapungu hamu do arta di angka ari na parpudi.

v  Namaungaung do na nidobomuna, i ma upa ni angka pangula na manggotil angka haumamuna, jala panjouon ni angka panabi nunga sahat tu pinggol ni Tuhan Sebaot.

v  Tarlobi do pargadombusonmuna di tano on, dipamokmok hamu do dirimuna di ari pamotongan.

v  Diuhumi, dibunu hamu do Partigor i; ndang dialo Ibana hamu.

 

6.          Marende BE HKBP No. 470:1-2 Jesus Ho Nampuna Au (BL 317)

1          Jesus Ho nampuna au dohot na adong di au.

Gogo dohot hosangki sahat ma tu tanganMi.

 

2          Sai rajai ma matangki manangkasi dalanMi.

Sai patinggil pinggolhi tumangihon hataMi.

 

7.          Tangiang sian Sahalak Ruas

 

8.          Marende BE HKBP No. 471:1 Hupillit Jesus Donganhi (BL 318) Pelean

1          Hupillit Jesus donganki, lao mangoloi Ibana.

Nang muruk pe torop disi, labangku do Ibana.

Di Ho ngolungku ro di ajalhu Jesus di Ho au mate mangolu.

Di Ho ngolungku ro di ajalhu Jesus di Ho au mate mangolu.

9.          Tangiang sian Parhalado

 

10.       Marende BE HKBP No. 324:1-2 Na Ro Muse na Holom (BL 65) Pelean

1        Na ro muse na holom, jumolo asa modom, hupuji goarMi.

O Jesus, tatap ahu; sai pasupasu ahu, huhut patiur rohangki.

 

2        Nuaeng pasahatonhu tu asi ni rohaMu daginghu, tondi pe.

                 Ulaon ni pamatang, pambaenan haholomon,

                 Padao ma sian au sude.

 

11.      Tangiang Panutup/Pelean

 

 

Persembahan boleh dikirimkan ke:

1. Rekening Britama Cab. Pd Gede No. (002) 038501000630566

2. Tabungan BNI No. (009) 1919667770