PARTANGIANGAN BONA TAON SEKSI PAROMPUAN

PARTORDING NI ACARA BONA TAON

SEKSI PAROMPUAN HKBP PONDOK GEDE

RESORT PONDOK GEDE DISTRIK XIX BEKASI

Pondok Gede Kamis, 9 Februari 2017

Kata Sambutan Awal Tahun 2017 Lagu Sopran

Kata Sambutan Awal Tahun 2017 Lagu Alto

Kata Sambutan Awal Tahun 2017 Lagu Tenor

1.  JOUJOU TU PARSAORAN DOHOT DEBATA

U:     Hamu angka dongan, huria ni Tuhanta Jesus Kristus! Mauliate ma tapasahat tu Tuhanta Debata na patolhashon hita taripar tu taon na imbaru on, i ma taon 2017. Tahaporseai do, molo so Debata donganta, ndang manahan hita maralohon angka hamaolon na taadopi di taon 2016 na salpu i. Tongtong do hita diramoti Tuhanta. Alani i, di na marpungu hita di Bona Taon 2017 on, tama ma tapasahat hamauliateon ni rohanta tu Debata.

R:     Mauliate ma rohanami di Ho ale Tuhan. Hot do holongMu dohot asi ni rohaM di hami na hinophopmon.

U:     Naeng masuhanta ma parsaoranta dohot Debata. Taparade ma roha dohot pingkiranta.

R:      Bahen ma Tuhan rohanami, bagas manjalo habadiaonMu

U:     Bongoti ma habadiaon ni Debata, boan ma luhutna ragam angka na masa di ngolum. Boan ma arsak dohot las ni roham!

R:     Hupuji hami ma Ho Tuhan, na tongtong rade manjalo angka pardosa na olo ro tu Ho. Nuaeng nunga ro hami on di bagasan unduk dohot serep ni roha.

U:     Marende ma hita BE. No. 395: 1+4 Masuk ma ho

U:     Marende ma hita sian BE. No. 395: 1+4 Masuk ma ho BL. 263 G=Do

1.  Masuk ma ho, na gogot do harbangan; masuk ma ho, sompit do dalan i.

     Jesus manjou nang ho di parjalangan; sai ro ma ho, naeng sonang rohami.

     Jesus manjou ho, bege ma i; unang be togang, oloi joujouNa i;

     Unang be togang, oloi joujouNa i.

4.  Pabulus ma tadinghon na di pudi, sai ro ma ho ditagam Jesus do.

     Sadari on boi dohot ho taruli di hatuaon na rade di ho.

     Jesus manjou ho, bege ma i; unang be togang, oloi joujouNa i;

              Unang be togang, oloi joujouNa i.

2.  VOTUM-INTROITUS-TANGIANG

U:   Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Pinuji ma Tuhan i ganup ari, ai ro di salelenglelengna do asi ni rohaNa.

R:     Martua ma ganup na manghabiari Jahowa, na marparange di angka dalanNa.

U:     Angka na marhaposan tu Jahowa, songon dolok Sion do nasida, ndang tagamon humordit, hot do tahe ro di salelenglelengna.

R:     Martua ma ganup na manghabiari Jahowa, na marparange di angka dalanNa.

U:     Sai marhaposan tu Jahowa ma ho jala ulahon na denggan, inganhon ma tano i jala radoti haburjuon.

R:     Martua ma ganup na manghabiari Jahowa, na marparange di angka dalanNa.

U:  Oloi hamu ma Jahowa marhitehite las ni roha, ro be ma hamu tu joloNa marhitehite olopolop. Ai Pardenggasbasa do Jahowa, ro di salelenglelengna do asi ni rohaNa, jala marsundutsundut do hasintonganNa. Haleluya! (Martangiang ma hita) Ale Tuhan Debata Amanami marhitehite Tuhan Jesus Kristus, Tuhannami! Mauliate ma dipasahat rohanami tu Ho, ala asi dohot holong ni rohaM naung hujalo hami sahat ro tu sadari on. Marhahipason do hami dipatariparhon Ho tu taon 2017 on. Na marpungu do huriam horong Seksi Parompuan laho mamuji pasangap GoarMu huhut pasahathon hamauliateon ni rohanami ala  asi ni rohaM na godang i. Antong, sai jalo ma ende pamujionnami dohot tangiangnami. Asa mardame sonang hami mangoloi Ho di ngolunami siganup ari. Ro ma ho marhite TondiM na badia i tu Partangiangannami on, asi ma rohaM di hami. Amen.

3.  KOOR: Ina Hanna

4.  Marende SDJ. No. 581: 1 Sangap di Jahowa As=Do

1.   Sangap di Jahowa na sun timbul i, balga ni holongNa ndang tarasam i.

Dilehon AnakNa na sasada i, manobus hita jolma pardosa i.

Puji ma Debata ale manisia, las roham, las roham, somba ma Debata.

Dapothon Jahowa na sun timbul i, marhite AnakNa Tuhan Jesus i.

5.  RESPONSORIA MARNINGOT DENGGAN BASA NI JAHOWA

U:     Puji ma Debata na manompa saluhutna, puji ma Ibana na mangaramoti ngolunta. Puji ma Ibana, ai ro di saleleng ni lelengna do asi ni rohaNa.

R:     Tung na balga do asi ni rohaM Tuhan, alani i pujionnami ma Ho di tongatonga ni ngolunami.

U:     Hamu angka dongan, tadok ma mauliate tu Debata Jahowa ala tongtong do hita di ramoti di ganup keluarga, di huria nang di angka ragam ni panghobasionta be, saleleng mandalani taon 2016 na salpu  i.

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Dilehon do di hita angka na ringkot di ngolunta, ganup ari dohot ganup tingki. Dilehon do di hita gogo, pos ni roha dohot panghirimon laho mangalului angka na ringkot di parngoluonta.

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Tutu, ragam do angka na masa na boi mambahen hita tahuton mandalani ngolu di taon na naeng sibolusonta dope. Ragam do nang angka na masa na boi mambahen hita marungkil di tongatonga ni parngoluon i. Alai, saluhutna do manumpak tu na denggan di angka na marholong ni roha tu Debata.

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Nuaeng, bongot ma hita tu taon 2017 on, sada taon na imbaru, taon parasinirohaon na pinasahat ni Debata tu hita saluhutna.

R:     Ale Tuhan, sai asi ma roham di hami. Urupi ma hami on saluhutna!

U:     Ndang taboto angka na masa na naeng siadopanta. Ndang adong na hot anggo di tano on, tung saluhutna do mubauba. Alai dohononta ma:

S:      Sai na donganan ni Tuhan Debata do hita ganup ari, rasi rasa ro ajal ni hasiangan on. Amen.

6.  K O O R: Parompuan

7.  Marende SDJ. No. 755: 1 Haposan Ho Tuhan Es=Do

1.   Haposan Ho Tuhan, hot do holongMu, di las ni roha, tingki arsak pe.

Asi ni rohaMi nang pambaenanMu, Ho sipalua, pangondingan pe.

Haposan Ho Tuhan, haposan Ho Tuhan, ndang na mansohot asi ni rohaM.

Nasa na ringkot di au diparade, tung ala ni asiM do i sude.

8. Manjaha Hata ni Debata Ulaon ni Angka Apostel 16: 13-18

U:     Tabege ma Hata ni Debata turpuk di Partangiangan Bona Taon on sian Ulaon ni Angka Apostel 16: 13-18 Jadi di ari Sabbat ruar ma hami tu balian ni huta i, tu topi ni batang aek, tu partangiangan na niarop ni rohanami; disi ma hami hundulhundul mangkatai dohot angka parompuan naung pungu disi.

R:     Jadi adong ma sada parompuan na mananginangi, na margoar si Lidia, sian huta Tiatira, partigatiga abit hasumba, na daulat roha tu Debata;

U:     Jadi dibungka i Tuhan i ma rohana, gabe diparateatehon ma angka na hinatahon ni si Paulus i.

R:     Asa dung tardidi ibana dohot donganna sajabu, diapoi ma hami, ninna ma: Molo na tutu ahu porsea di Tuhan i di rohamuna, sorang ma hamu tu jabungku; pola disosoi hami.

U:     Jadi laho tu partangiangan i, pajumpang ma hami dohot sada naposo boruboru pangarunding; godang do laba ni induk somangna sian pangarundingonna i.

R:     Dipaihutihut ibana ma si Paulus dohot hami, huhut manjoujou: Angka naposo ni Debata na tumimbul i do halak on, na paboahon dalan tu haluaon di hamuna!

U:     Jadi songon i ma dibahen ibana ariari. Alai sogo do roha ni si Paulus disi, jadi humusor ma ibana, mandok tu tondi i: Marhitehite Goar ni Jesus Kristus do hudokkon ho ruar sian ibana. Jadi ruar ma ibana di na satongkin i. I do sahatna. Martua ma na tumangihon hata ni Debata, jala naumpeopsa.

R:     Amen.

9.  Tangiang Pangondian: 

    Ny. Nainggolan br. Aritonanang (Ketua Seksi Parompuan HKBP Pondok Gede)

10.  Marende SDJ. No. 831: 1 Tung jotjot au C=Do

1.   Tung jotjot au songon boru Samaria mangalap aek tu sumur i.

Hape so boi sombu uasna, mulakulak pe mangalap i.

Tung tuani ma ro Jesus manjouhon: “Au do aek hangoluan i.

Pangido ma asa Hulehon aek na pasombu uasmi.”

Ale Jesus aek hangoluan gohi dohot panginumanhi.

Asa sombu uas na di rohangki, asa sonang, gok dame tondingki.

11.  Jamita: Jeremia 17:7-8

                               

Hamu angka dongan!  Hukutip sian sada buku:

Seperti anak-anak membawa mainan rusak

Berlinang air mata meminta kita memperbaikinya,

Aku membawa impian-impianku yang hancur kepada Allah

Karena Ia sahabatku.

Tetapi bukannya membiarkan,

Ia bekerja sendiri dengan tenang,

Aku tetap tinggal dan berusaha membantu,

Dengan cara-caraku sendiri.

Akhirnya kurebut semuanya kembali dan menjerit,

“Mengapa Engkau begitu lambat?”

“Anakku,” kata-Nya,

“Apa yang bisa Aku lakukan?

Kau tidak pernah melepaskan”.

When Mathers Pray, Cheri Fuller Hal 142.

Alai martua ma baoa (Ganup halak-geber-every one, man) na marhaposan tu Jahowa, jala Jahowa haporusanna dibahen. Tudos do ibana tu hau na sinuan di topi ni batang aek, jala manjarar uratna di lambung batang aek, jala ndang mabiar ibana molo ro hamohopon, jala tongtong rata bulungna, jala ndang holsoan ibana di taon haraharon, jala ndang mansohot marparbue.

Diberkatilah orang yang mengandalkan TUHAN, yang menaruh harapannya pada TUHAN!Ia akan seperti pohon yang ditanam di tepi air, yang merambatkan akar-akarnya ke tepi batang air, dan yang tidak mengalami datangnya panas(Jer 17:7-8)

Di tongatonga ni zaman na lumlan do dijou Debata si Jeremia. Uju tongon tarhapit bangso Israel secara politik, nunga nasida, di gomgoman huaso ni harajaon Assur. Ala kepentingan politik, gabe dikorbankan angka pemimpin ni bangso i do ugamona/haporseaonna tu JHWH. Laho do nasida mambuat roha ni Assur, marhite na masa i olo ma Israel marsomba tu debata Baal ni Assur; di bagas joro pe dipajongjong ma langgatan pamelean tu debata Baal ni halak Assur. Ala ni i ma, gabe lam lumlam pangalaho, merosot ma moral, lumobi partondion ni bangso Israel; ndang diharingkothon be parange na denggan na hombar tu Patik ni Debata. Marlaok angka ilmu sihir, ilmu gaib dohot parmainanon/persundalan suci nama diulahon bangso i.

Tong muse ma ala kepentingan politik, gabe laho do nasida mangido pangurupion sian militer ni Misir. Ndang Debata Jahowani ompunasida be dihaposi, nunga gogo ni hoda ni Misir; tung ditadingkon nasida ma Debata Jahowa.

Di keadaan na songon i ma dijou Debata si Jeremia. Jala ulaonna i ma laho patubegehon hatani Debata, mangulahon ulaon ni panurirang, laho paubahon roha ni bangso i, jala patuduhon tu nasida sipilliton/pilihan: Olo paubahon roha asa malua, manang torus manundali Jahowa,di ujungna hona rimas ni Jahowa.

Mansai borat do ulaon ni si Jeremia. Di bindu 1 ayat 10 didok, ia ulaonna i ma: mangurati, maniaphon, mangango, mangaloha (mencabut, merobohkan, membinasakan, meruntuhkan), alai huhut muse ingkon paulihon dohot manuan (membangun dan menanam). On ma soara hapanurirangon na ingkon sisoarahonon ni huria.

Hea do masa hahurangan ni huria di angka tingki na salpu. Di na hehe angka industri jala hehe nang ilmu pengetahuan dohot tehnologi, sai hohom huria ala lalap mangurus dirina, holan na marbadai, ndang adong soara hapanurirangon (suara nabiah). I ma mambahen gabe gok halumlamon i nuaeng.

On ma siulaon ni keluarga songon huria na metmet. Natoras ingkon mansoarahon suara nabiah tu sundut na umposo, mangajari, menegor nasida, asa unang lilu nasida dibahen hamajuon on, unang hona uhum nasida muse.

Nang tu angka na masa di masyarakat, ingkon barani do huria menegor; memperjuangkan hak azasi, keadilan, membela angka na tertindas. Tugasta ndada holan mambangun gareja, markoor, marminggu; alai dohot do mambahen kontrol sosial, pajamothon pemimpin dohot masyarakatta, unang sanga madabu rimas ni Debata.

Hamu angak dongan!

Laos dipatorang turpuk on do tu hita manang na piga hal taringot tu ulaon ni panurirang, tanggungjawab ni panurirang dohot resiko, alai huhut nang pandonganion ni Debata.

Naparjolo taida i ma:

·         Debata do na mamillit. Ndada si Jeremia na manonsothon dirina asa dipillit, alai sian roha ni Debata do na mamilllit. Keluarga ni malim do nian ibana, mungkin malim na jonok tu penguasa i ma malim Abyatar. Alai ndang i manodo ibana asa gabe panurirang, alai Debata sandiri do.

·         Marhite on dipaingot hita, asa unang adong manonsothon diri asa dipillit. Paloas ma Debata mamillit, alai tutu, molo dung ditodo, unang ho manjua. Jesus pe didok do: Ndada hamu mamillit Ahu, alai Ahu do mamillit hamu (Joh.15:16). Ala ni i, molo dung diulahon ho pamillitonNa i, unang adong na pajagojagohon, merasa diri, na ibana ma na jumago na umbeteng. Alai dok ma: Mauliate Tuhan dipillit Ho ahu gabe parhalado, gabe panitia pembangunan, gabe dirigent ni koor, gabe an, gabe on… goarMu ma na marsangap, marhite ahu. Unang ma goarhu!

Napaduahon:

·         Ulaon na maol do ulaon i, ulaon na gok resiko. Ingkon soarahononna ma uhum tu bangso na jogal rungkung i. Hape somalna jolma ingkon sipanggarpanggaron do nang so tutu. Sogo do roha ni jolma molo nitudu hasalaanna. Ala ni i gabe godang na manhasogohon si Jeremia, Pola dongan sahutana sandiri naeng mamunu ibana (bindu 11), ingkon sirang ibana sian angka donganna, jala ditangkup Malim Pansur do ibana jala dihurungkon.

Ala ni hansitna i ma pola do sanga songon na mandele si Jeremia, mogok kerja, mardandi (Tajaha di bindu 20:7-9 dohot bindu 15:11+18). Pola dihilala ibana hira na dipaotooto Debata ibana. Sanga ma ndang olo be ibana suruon ni Debata.

                Diboto si Jeremia do i sian mulana. I do ala di Bindu 1 ayat 6 marsidalian ibana. “Ndang huboto manghatai, ai bajar/poso dope ahu”, ninna, ai ra marumur 20 taon dope ibana uju i. Sarupa songon i do nang pandok ni si Musa. Si Jesaya maarsidalian mandok: Parbibir na ramun do ahu. Si Jona pe menolak, gabe lari martabuni tu Tarsis.

·         Napatoluhon: Paingothon Dosa dohot pangontakna.

Adong do halak mangantusi, molo nunga marminggu, partangiangan dohot mandohoti na marragam ulaon ni huria,  nunga sae dosa…Didok Johannes:  “Alai na laho ma Ahu nuaeng manopot na marsuru Ahu, jala ndang adong manang ise hamu manungkun Ahu: Na laho tudia do Ho? Lam dokdok tahe rohamuna, ala hudok songon i tu hamu. Alai na mandok na tutu do Ahu tu hamu: Ulimuna do i, ia laho Ahu. Ai aut so laho Ahu, ndang na ro Pangondian i manopot hamu. Alai anggo laho Ahu, suruonku do Ibana tu hamu. Anggo dung ro Ibana, ajaranna do portibi on taringot tu dosa dohot taringot tu hapintoron dohot taringot tu uhum. Anggo taringot tu dosa, i ma na so porsea nasida di Ahu. Anggo taringot tu hapintoron, i ma na laho Ahu manopot Damang, jadi ndang be idaonmuna Ahu. Anggo taringot tu uhum, i ma naung hona uhum induk ni portibi on.

                           

Tung ditopa hansit ni parniahapanna do Jeremia, ala ni rosu ni parsaoranna tu Debata Jahowa di dok ibana ma:

Alai martua ma baoa na marhaposan tu Jahowa, jala Jahowa haporusanna dibahen. Tudos do ibana tu hau na sinuan di topi ni batang aek, jala manjarar uratna di lambung batang aek, jala ndang mabiar ibana molo ro hamohopon, jala tongtong rata bulungna, jala ndang holsoan ibana di taon haraharon, jala ndang mansohot marparbue.

Diberkatilah orang yang mengandalkan TUHAN, yang menaruh harapannya pada TUHAN! Ia akan seperti pohon yang ditanam di tepi air, yang merambatkan akar-akarnya ke tepi batang air, dan yang tidak mengalami datangnya panas (Jer 17:7-8)

12. Marende SDJ. No. 730: 1… Sai patau ma au Tuhan Des=Do (P. Pelean)

1.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki, lao papatar holongMu tu donganhi.

2.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki patariparhon basaM tu donganhi.

3.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki, lao patandahon diriMi tu donganhi.

13. BORHAT MANDALANI TAON 2017 MANGASAHON DEBATA JAHOWA

U:     Hamu angka dongan, nunga dipaloas Debata hita mamasuhi taon 2017 on. Silehonlehon ni Debata do on tu hita jala sihamauliatehononta. Antong tadalani ma taon 2017 on di bagasan hasatiaon tu Tuhanta marhite ngolu, dohot pambahenan na denggan songon na hinalomohon ni Tuhan i.

R:     Mauliate ma di Ho Tuhan. Paborhat ma hami mandalani taon on hombar tu lomo ni rohaM.

U:     Onpe, hamu angka dongan! Marsihohot jala so mubauba ma hita, jala lam sumurung ma di bagasan Tuhan i, ai taboto do; ndang magopo halojaonta di bagasan Tuhan i. Tangiang Pelean: Rap ma hita mandok Tangiang Hatopanta i!

R:     Ale Amanami na di banua ginjang….

U:     Pasupasu

R:     (Mangenderhon): Amen, amen, amen.