RENUNGAN MINGGU XXV Setelah TRINITATIS 13 November 2016 - PESTA GOTILON ULTAH 37

Rebutlah

Masa Depan Yang Lebih Baik

(Mal 3:19-20 {4:1-2})

     Maleakhi artinya “utusanKu“ utusan Tuhan, yang menggambarkan seseorang yang diutus untuk mengerjakan atau menyampaikan pesan Tuhan kepada manusia yang walaupun pada akhirnya menjadi seperti sebuah nama panggian. Maleakhi Tuhan utus menyampaikan buat bangsa Israel yang saat itu tengah gundah, ragu akan masa depan mareka. Setelah pulang dari pembuangan Babel, mereka berharap adanya kemakmuran, hasil panen yang melimpah, mereka mendambakan kesejahteraan dan kedamaian. Akan tetapi mereka “kecewa“ apa yang mereka harapkan tidak menjadi kenyataan, bahkan kesulitan mengelilingi hidup mereka. Dikelilingi oleh bangsa-bangsa sekitar yang juga memperngaruhi pola hidup mereka sehari-hari yang melahirkan banyak pelanggaran akan Firman Tuhan. Mereka melakukan kejahatan dan kekejian di hadapan Tuhan, menyembah dewa-dewa sekitar, menceraikan istrinya untuk menikah dengan perempuan bangsa sekitarnya, penipuan dan penindasan kepada orang-orang lemah, semakin merajalelanya ketidakadilan. 

    Tuhan mengutus Maleakhi ke tengah-tengah mereka untuk membangun kembali pengharapan dan motivasi hidup yang benar di hadapan Tuhan. Mereka dipanggil untuk memperbaharui diri dalam iman dan moral hidup (bnd. Rom 12:2), sebab hanya dengan pembaharuan diri, mereka akan menerima berkat Tuhan. Mereka diajak kembali untuk beribadah kepada Allah dengan benar dengan memberikan apa yang seharusnya mereka berikan sebagai buah iman pengharapan mereka. 

     Maleakhi juga kembali memotivasi menyampaikan penghiburan kepada mereka yang putus asa: “Harinya akan datang, penghakiman akan berlangsung“ di sanalah Tuhan akan menyatakan kemuliaanNya. Mereka pelaku kejahatan, orang sombong dan pongah dan orang fasik akan terbakar seperti jerami, akan dihanguskan tanpa sisa. Akan tetapi mereka yang takut akan Tuhan, pada hariNya nanti akan melahirkan sukacita. Bagi mereka akan terbit surya kebenaran. Artinya orang-orang benar dan yang setia akan Firman Tuhan pada hariNya akan lahir sebagai pemenang, mereka akan dihiburkan, dan akan diberikan mahkota kehidupan. 

     Untuk itu marilah kita mempersiapkan diri untuk masa depan yang lebih baik, berlomba dalam perjuangan iman. Apa yang kita lakukan saat ini bukanlah hanya bertujuan untuk hidup saat ini saja, akan tetapi jauh lebih bermakna jikalau kita mempersiapkan hidup masa depan bersama dengan Tuhan di dalam Kerajaan-Nya.

ACARA PARMINGGUON

PESTA GOTILON

DOHOT

ULANG TAON 37

HKBP PONDOK GEDE

RESORT PONDOK GEDE

DISTRIK XIX BEKASI

Minggu XXV Dung Trinitatis, 13 Nopember 2016

Pukul 08.00 WIB

  Habibinsar ni Mata ni Ari ni Hasintongan

dohot

Hamalumon

(Maleaki 3: 19-20)

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

I.    IBADAH  (L: Paragenda; H: Huria; SL. Song Leader; S:Sude; Pdt: Pandita Res.)

1.      PROSESI-Parhobas mamasuhi Acara Parmingguon diiringi Song Leader SDJ. No. 651: 1-2 Huria na huhaholongi hami   Bes=Do

(Holan SL: Song Leader)

Barisan Prosesi: Simbol-simbol hakristenon (Silang, Bibel, Lilin sian Parguru Malua), Uluan ni Huria, Pandita Fungsional, Panitia Inti, Sintua, Dewan Kononia, Dewan Diakonia, Dewan Marturia, Utusan Guru Sikola Minggu, Utusan TP2SP), Utusan HKBP Getsemane: Prosesi diiringi/disambut tim tortor jala marbaris ma di jolo mangadop ruas.

……………….jongjong ma ruas ……………….

L:    Huria ni Debata na hinaholongan ni Tuhanta Jesus Kristus, hami saluhut Parhalado, dohot Panitia Pesta Taon Keluarga 2016 dohot Ulang Taon 37 HKBP Pondok Gede dohot Pesta Gotilon, pasahathon tabe ma tu hamu ruas ni huria ni Tuhanta: Asi ni roha ma di hamu, jala dame na sian Tuhanta, i ma na mangaramoti hita saluhutna. Dibagasan sadari on tung tama do hita mandok mauliate tu Debata, ala saluhut asi ni rohaNa, pandonganion dohot pangaramotionNa di pardalanan ni ngolunta huriaNa. Sadarion, naeng patupaonta ma Pesta Gotilon dohot Ulang Taon 37 HKBP Pondok Gede.

H:                 Tapuji ma Tuhanta, tahamauliatehon ma denggan ni basaNa.

L:      Beta ma hita nangkok tu Betel, asa tapauli disi sada langgatan di Debata, na mangalusi hita di ari hagogotanta, jala mandongani hita di dalan na tadalani i.

H:      Martua ma angka na mangingani bagasMu, sai Ho do pujionnasida.

L:      Laos di pestanta sadari on, hamauliatehononta Taon Keluarga HKBP 2016 naung tahalashon. Antong parjolo ma jolo husise hami hamu sude Ama ni huria:

Sude Ama:              Gabe  Pasupasu!

L:                            Sude Parompuan

Sude Parompuan:   Gabe  Pasupasu!

L:                            Sude Namarbaju

Sude Namarbaju:    Gabe  Pasupasu!

L:                            Sude Dolidoli

Sude Dolidoli:         Gabe Pasupasu!

L:                            Sude Parhalado

Sude Parhalado:     Gabe Pasupasu!

L:                            Maradu saluhutna ma hita huria ni Tuhanta!

Sasudena:               Gabe Pasupasu!

L:      Nunga 155 taon HKBP di ari 07 Oktober 2016 na salpu, jala nunga jongjong HKBP Pondok Gede di luat on 37 taon. Dipasupasu Tuhanta do huriaNa, lobi sian i tahe, diparar do tingki, gogo, pingkiran nang panghobasion ni angka Sikola Minggu, Remaja Naposobulung, Ama, Ina, ompung doli ompung boru di huriaNa. Antong di las ni rohanta manghamauliatehon denggan ni basaNa, taendehon ma “Tarbege do Panjou ni Kristus”

Mangendehon BE.No.519: 1-2 Tarbege do panjou ni Kristus F=Do

1.     Tarbege do panjou ni Kristus torus di tano Batak i

Ise na sumeahon hosa, ise mangkophop dongan i

Hita sude, naeng marade nang dilele, da, haposan ma di Debata

2.     Na olo hita paboahon holong do Jesus Tuhan i

Naung saut malua do dibahen ama nang ina Batak i

Hita sude naeng ma rade nang dilele, da, haposan ma di Debata

L:      Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, taendehon ma “Somba ma Jahowa” (Pandita dohot sude Parhalado, Panitia masibuat hundulanna be; sude ruas hundul). Song Leader mangendehon SDJ. No. 585:1 Somba ma Jahowa

SL:    (mangendehon SDJ. No. 585:1 Somba ma Jahowa  G=Do)

Somba ma Jahowa Debatanta, amen haleluya
Sigomgom langit, tano on, ro di isina, amen haleluya
Beta hita lao marsinggang tu joloNa, amen haleluya
Na songkal jala na badia do Jahowa, amen haleluya
Endehon amen haleluya, endehon amen haleluya
Endehon amen haleluya, endehon amen haleluya

L:      Tung na so tarasam hita do balga ni holong ni roha ni Debata, di bagasan pardalan ni ngolunta, jala tung so hasuhatan do denggan ni basaNa. Nuaeng marpungu do hita di gareja on, patupahon Pesta Gotilon dohot Ulang Taon huria pa 37 taonhon, manghalashon pasupasu ni Debata na tajalo. Didok hata ni Debata: Puji hamu ma Ibana mardongan soara ni sarune, puji hamu ma Ibana mardongan arbab dohot sordam. Puji hamu ma Jahowa mardongan tali sajak dohot panortoron na marliat, puji hamu ma Ibana mardongan hasapi dohot tulila. Puji hamu ma Ibana mardongan ogung panggora, puji hamu ma Ibana mardongan ogung panonggahi! Antong tapuji ma Tuhanta marhite ende “Puji ma Jahowa Debatanta”, laos jongjong ma hamu!

J:       (mangendehon SDJ. No. 585: 2 Somba ma Jahowa G=Do)

          Puji ma Jahowa Debatanta, amen haleluya
Parasiroha na sumurung do Ibana, amen haleluya
Taendehon ma goar ni Debatanta, amen haleluya
Ala ni denggan ni basaNa na tu hita, amen haleluya
Endehon amen haleluya, endehon amen haleluya
Endehon amen haleluya, endehon amen haleluya

2. MARSOMBA TU DEBATA

L:    Na marpungu do hita ruas ni huria HKBP Pondok Gede, marlas ni roha, marriaria jala marolopolop manghalashon denggan basa ni Jahowa di Pestanta sadari on. Ibana do mual ni pasupasu dohot hangoluanta. Nuaeng pe pataridahononta ma parsombaonta, panindangionta, dohot las ni rohanta di pasupasu ni Jahowa naung tajalo, marhitehite hamoraon budaya habatakonta na nilehon ni Debata tu hita. Antong amang Parmusiknami: “Alualuhon ma jolo tu Debata Ama, na manompa langit dohot tano on, dohot nasa isina, i ma Tuhan Debata Jahowa, Debata Ama na hutanda hami di bagasan goar ni AnakNa Jesus Kristus.”

Msk:  Mangalusi

L:     “Alualuhon ma tu Tuhan Jesus Kristus, Anak ni Debata na sasada i, na paluahon hita huriaNa sian dosa dohot hamatean marhite mudarNa na badia i.”

Msk:  Mangalusi

L:    “Alualuhon ma tu Tondi Porbadia na ruar sian Ama i dohot sian AnakNa Tuhan Jesus Kristus, na pajongjong huriaNa na badia i.”

Msk:  Mangalusi

L:   On pe Pandenami, na marmula do nasa na adong, jala Debata do na manompa angka i saluhutna! Nuaeng bahen damang ma jolo Gondang Mulamula laos padomu ma dohot Gondang Sombasomba i, asa jumolo marsomba hami tu jolo ni Tuhan, Debata Jahowa na sasada i, na tumompa langit dohot tano on, dohot tu AnakNa Tuhan Jesus Kristus naung mate humophop hita jala mulak mangolu, dohot tu Tondi Parbadia na mangalehon hasesaan ni dosa, las ni roha dohot ngolu na imbaru na so ra suda i, di Pesta Gotilon dohot Ulang Taon sadari on,

(manortor ruas di ingananna be, Tortor Sombasomba)

L:      Nunga husomba hami be Tuhan Debata Jahowa marhite urdot ni tangan, simanjujung, dohot roha. Nuaeng pe Pandenami, naeng liathononnami ma barita ni Jesus Kristus Sipalua silehon pasupasu, songon panindangionnami tu portibi on, alani: Bahen damang ma Gondang Liatliat i, asa liat hami manghalashon jala manghamauliatehon pasupasu ni Debata naung sahat tu hami be, asa liat hami mangolophon hangoluan naung pinatupa ni Tuhan Jesus i, asa liat hami di Pesta Gotilon dohot Ulang taon ni huria sadari on, asa liat hami mamaritahon Barita na Uli jala patupahon ulaon asi ni roha i, asa hot hahorasan, hot las ni roha, hot hadameon, hot hasonangan tu huria dohot bangsonta.

(manortor ruas di ingananna be na gabe songon tortor liatliat)

L:    Pinuji ma Tuhan i na mangalehon pasupasuNa marhitehite Kristus si lehon pasupasu. Di Ibana hasangapon, hamuliaon, dohot pujipujian ro di salelenglelengna. Antong “Pandenami, bahen damang ma gondang Sitiotio i, asa tongtong tio ulaonnami jala tiur ngolunami, tangkas parrohaonnami jala torang pingkirannami, pita haporseaonnami jala polin holongnami, laos padomu ma dohot gondang hasahatan siala nunga sahat pasupasu na pinatupa ni Jesus Kristus i, sahat ditongoshon Tuhan i denggan basaNa, jala sahat hami tu hahorason, hadameon dohot hangoluan na imbaru……”

(manortor ruas di ingananna be, Tortor Sitiotio dohot Hasahatan)

L:     Tu hita saluhut na liat na lolo huria ni Tuhanta, nunga tapataridahon be las ni rohanta di Pesta Gotilon dohot Ulang Taon ni huria, jala nunga tapatuduhon parsombaonta tu Tuhan Jesus Kristus silehon pasupasu tu ngolunta. Ibana do Raja na mamasumasu boni ni angka na taula, jala laos Ibana do silehon hangoluan di hita. Antong tapuji ma Tuhanta marhite Ende “Somba ma Jahowa”

J:       (mangendehon SDJ. No. 585: 3 Somba ma Jahowa G=Do)

3.   Sangap di Jahowa Debatanta, amen haleluya
Na bonar jala marmulia do Jahowa, amen haleluya
Tapatimbul ma goar ni Debatanta, amen haleluya
Na tigor jala na sun gogo salelengna, amen haleluya
Endehon amen haleluya, endehon amen haleluya
Endehon amen haleluya, endehon amen haleluya.

3. VOTUM – INTROITUS – TANGIANG

L:      Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot Tano on.

H:      Amen.

L:      Gok di Jahowa do tano on ro di isina, portibi on dohot pangisina.

H:      Ai Ibana do paojakhonsa di atas ni angka laut, jala dipahot di atas ni angka batang aek.

L:    Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonNa i?

H:      Halak partangan na lidang dohot na ias roha.

L:     I ma halak na maruli pasupasu sian Jahowa, dohot hatigoran sian Debata ni hatuaonna i. Haleluya!

H:      (mangendehon) Haleluya, haleluya, haleluya.

L:      (Martangiang ma hita): Ale Tuhan Debata, Amanami na di banua ginjang! Ho do haroroan ni sude denggan basa na marragamragam i. Alani pasupasuM do umbahen marparbue sude na niula ni tangannami, jala diparmudu Ho do hami na tinompaM, asa unang rapar. Sian tanganMu do sude hujalo hami, nasa na denggan tu dagingnami dohot tu tondinami, jala asi ni rohaM do na mangaramoti hami. Mauliate ma rohanami di Ho. Pasupasu ma hami sadari on manghalashon dohot patupahon Pesta Gotilon dohot Ulang Taon ni huriaM pa 37 hon. On pe, sai jalo ma hamauliateon ni rohanami. Angkup ni i, sai lehon ma TondiM tu hami, na mamuhai dohot patiurhon mata ni rohanami, asa lam huida hami sude na denggan, sude na uli na pinatongonMi tu hami, asa lam ringgas rohanami mamuji dohot pasangaphon Ho marhitehite Tuhan Jesus Kristus, Tuhannami. 

         Amen.                                                                          (hundul)

4. MARENDE BE.No.214:1+3 Sonang di Lambung Jesus F=Do BL.161

1.  Sonang di lambung Jesus, sonang na ro tu si
Unang be ho mabiar, lao mandapothon i
Tongtong dijouhon Jesus, sai ro ma ho tu Au 
Tadingkon haholomon, jala haposi Au
Sonang di lambung Jesus, sonang na ro tu si 
Unang be ho mabiar, lao mandapothon i

3.  Jesus haholonganku Jesus haposanki 
Saleleng au mangolu dohot di tingkingki
Ndang be huhabiari angka pangago i 
Ai diramoti Jesus au hinophopNa i.
Jesus haholonganku Jesus haposanki 
Saleleng au mangolu dohot di tingkingki

5. PATIK

       

L:      Didok hata ni umpama: Tinallik bulung sihupi, pinarsaong bulung siala: Unang sumulsol di pudi, ndada sipaingot na soada. Antong tangihon hamu ma Patik ni Debata di Minggu sadari on, i ma na tarsurat di Mateus 22: 37-40 Jadi didok Jesus ma: “Sihaholonganmu do Tuhan Debatam sian nasa ateatem, sian nasa hosam dohot sian nasa roham!”

H:      I do patik raja jala parjolo.

L:      Alai dos do arga ni na paduahon on: “Sihaholonganmu do donganmi doshon dirim!”

H:      Patik na dua on do mangkangkam nasa patik dohot hata ni panurirang.

L:    Antong nunga dibege hamu patik ni Debata asa tahaholongi Tuhan Debata dohot dongan jolma, nuaeng pe songon na nidok di hata ni umpasa ma dohononku: “Aek marjullakjullak, marjullakjullak sian batu; patik na uli, na marulakulak, ampu hamu ma di bagasan ateate dohot tondimuna”:

H:    “Turtu ma ninna Anduhur, tioma ninna Lote: Patik nauli hata ni Debata, huampu hami ma di bagasan ateate dohot tondinami jala huboan hami tu tonga ni jabu”:

L:      Antong rap mangido gogo ma hita laho mangulahon patikNa!

H:      Ale Tuhan Debata! Sai pargogoi ma hami mangulahon na hombar tu PatikMi. Amen.

6. MARENDE SDJ. No. 857: 1-2 Husomba Ho Tuhan As=Do

1.  Husomba Ho Tuhan tangihon au!
Sangkapmu ma tongtong pasaut tu au
Ajari rohangki, manghaholongi Ho
Sai lam gandai holong tu Ho 

….. Jongjong …..

2.  Husomba Ho Tuhan, tangihon au
Mandate tondingki, sungguli au
Ajari rohangki, manghaholongi Ho
Sai lam gandai holong tu Ho

7. PANOPOTION NI DOSA DOHOT HASESAAN NI DOSA

L:    Didok angka natuatua: Rupa do dang boi muba, alai pangalaho boi do tarpauba. “Habang Binsakbinsak, Sirubaruba dohot Ambaroba. Sai unang jolo hita hona insak, asa pinauba roha.” Ringkot do na mananda diri. “Hututu Napurangku, huisap timbahongku, hutilik do rupangku, huboto pangalahongku.”Alani di bagasan unduk dohot serep ni rohanta, martangiang ma hita di bagasan rohanta be.

(… tingki na hohom… musik mangendehon SDJ. 683: 1 Es=Do)

L:     Huria ni Debata na hinaholongan ni Kristus. Di bagasan unduk dohot serep ni roha, ro ma hita tu adopan ni Debata. Tatopoti ma dosanta!

(… tingki na hohom… musik mangendehon SDJ. 683: 1 Es=Do)

L:    Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosanami na godang i. Tung mansai jotjot do hami manirpang sian dalanMu, ndang mangulahon lomo ni rohaM. Unang ma pabali hami sian adopanMu ale Jahowa, ala ni dosa dohot hajahatonnami. Alai marpamuati ma rohaM di hami. Nuaeng ro hami tu joloM mangido asi ni rohaM: Sai sesa ma sude dosanami jala unang paingotingot sude dosanami na godang i.

H:      Ale Tuhan, asi ma roham sai sesa ma dosanami!

L:    Huria ni Tuhan Jesus Kristus naung manopoti dosa, nuaeng tabege ma hata bagabaga ni Debata, taringot tu hasesaan ni dosa: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na di Ginjang!

H:      Amen.                                                                     (hundul)

8. MARENDE BE. No. 169: 1+3 Ho Sipangolu Au   Es=Do BL.224

1.  Ho Sipangolu au, sai topot ma au on
Sai unang mandaodao, Ho sian rohangkon 
Ro Sipangolu ro tibu, baen ma au anakMu tutu
Dohot mudarMi buri au, ias songon hapas ma au 
Ias tutu, ias tutu; dohot mudarMi buri au,

Ias songon hapas ma au.

3.  Togu ma rohangkon, sai taiti au tu Ho 
Ai langkaMi tongtong, naeng tiruonku do
Ro Sipangolu ro tibu, baen ma au anakMu tutu
Dohot mudarMi buri au, ias songon hapas ma au
Ias tutu, ias tutu; dohot mudarMi buri au,

Ias songon hapas ma au.

9. MANJAHA EPISTEL: 2 Tessalonik 3: 6-13

L:    Tabege ma Hata ni Debata turpuk ni ari Minggu on, sian 2 Tessalonik 3: 6-13 itajaha ma marsorinsorin: Alai mangasahon Goar ni Tuhanta Jesus Kristus: Hupaingot hami ma hamu, ale angka dongan: Sumurut ma hamu sian ganup dongan, na so maradat di parange, na so mangihuthon poda na jinalona sian hami!

H:   Ai diboto hamu do, manang songon dia patut tiruonmuna hami, ai ndada songon na so maradat hami di tongatongamuna;

L:    Ai ndada songon tamue sorang hami di manang ise hamu; loja do hami tahe jala ngalutan mulaulaon borngin dohot arian, unang sorat hamu hubahen.

H:     Ndada na so marsahala hami nian, alai naeng pajongjongonnami dirinami tiruan di hamu, asa diihuthon hamu hami.

L:   Ai nang andorang di tongatongamuna hami, nunga hurodihon hami tu hamu: Na so ra mangula, unang ma ibana mangan!

H:      Ai tarbege do tu hami, adong do deba sian hamuna na so maradat parangena, angka na so mulaulaon, na so siulaon do tahe dijama.

L:     Tu angka sisongon i hupatikkon jala hurodihon hami mangasahon Tuhan Jesus Kristus: Bulus ma nasida mulaulaon, asa na niomona be dihangoluhon.

H:      Alai anggo hamu, ale angka dongan, unang ma marnaloja hamu mambahen na denggan!

U:      Ido sahatna. Martua ma na tumangihon hata ni Debata jala na umpeopsa.

Sude: Amen!

10. MARENDE SDJ. No. 690: 1-2 Hibul rohangku   C=Do

1.  Hibul rohangku tu Tuhan Jesus 
Sude ngolungku di Tuhan Jesus
Ihuthononku do Tuhan Jesus 
Ndang olo au sumurut be

…. Jongjong ….

2.  Sai hutundalhon haportibion
Silang ni Kristus ma hudapothon
Sai hutundalhon haportibion
Ndang olo au sumurut be

11. MANGHATINDANGKON HAPORSEAON

L:     Didok hata ni umpama: “Ansimun sada holbung, Pege sangkarimpang; manimbung rap tu toru, mangangkat rap tu ginjang. ”Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

H:      Ahu porsea….d.u

          (hundul)

12. TINGTING (Mandok Hata: Ketua Panitia + Utusan Ruas ni huria)

13. TANGIANG PANGONDIAN

14. MARENDE BE. No. 392: 1… Sai pasiat Tuhan Jesus  C=Do BL.261

      (Pasahathon Pelean Ia + Ib)

1.  Sai pasiat Tuhan Jesus tu bagasan rohami
Sai maimaima Jesus, bege panuktukNa i
Sai pasiat Tuhan Jesus, jangkon i tu rohami
Nunga tingki parasian, sotung jolo salpu i

….. musik …..

2.  Hariburon na di tano sai ringgas di jangkon ho
Marisuang Tuhan Jesus sai dihagarishon ho
Sai pasiat Tuhan Jesus …

….. musik …..

3.  Ai sadia leleng nari laos so putus rohami?
Unang toishon, so tung salpu tingki parasian i
Sai pasiat Tuhan Jesus….

….. musik …..

4.  Lehon ngolumi tu Jesus, ai hatop do salpu i
Sai pasiat ma Tuhanmu tu roham na loja i
Sai pasiat Tuhan Jesus ….

….. musik …..

15. JAMITA: Maleaki 3: 19-20a

16. MARENDE SDJ. No. 754: 1… Gok Las ni roha do Au  C=Do

SDJ. No. 792: 1… Pasupasu hami O Tuhan  D=Do

(Pasahathon Pelean II di hundulan)

1.  Gok las ni roha do au di ngolungkon, di ngolungkon, di ngolungkon
Gok las ni roha do au dingolungkon, tongtong di rohangkon
Mauliate gok las ni roha, maringan holongMi Tuhan di au
Mauliate gok las ni roha, maringan holongMi Tuhan di au

2.  Mardame jala sonang do ngolungkon, dirohangkon, dirohangkon
Mardame jala sonang do ngolungkon, tongtong dirohangkon
Mauliate ……………

….. musik …..

3.  Gok do holong ni Jesus di ngolungkon,

Di ngolungkon, di ngolungkon
Gok do holong ni Jesus di ngolungkon,

Tongtong di rohangkon. Mauliate …………

….. musik …..

BE. No. 792: 1… Pasupasu hami O Tuhan D=Do  BL.219

1.  Pasupasu hami o Tuhan sai usehon dameMi
Sai ampehon tanganMi Tuhan lehon tu au gogoMi 
Di portibion baen ma au Tuhan habaoran ni las ni roha
Tu na marsak i tu na dangol i gabe pangapuli i
Pasupasu hami o Tuhan…..

….. musik …..

2.  Diportibion, baen ma au Tuhan
Monang maralohon dosa dibahen gogoMi
Talu musu i sibolis pangago i
Pasupasu hami O Tuhan …..

….. musik …..

3.  Diportibion, baen ma au Tuhan
Sipatupa hadameon, baen ma hataMi
Saor tu roha ni na masihosoman i
Pasupasu hami O Tuhan …..

17. ACARA PESTA GOTILON

Pdt:   Hamu ruas ni huria na hinaholongan ni Tuhanta Jesus Kristus! Nuaeng sahat ma hita tu acara Pesta Gotilon ni huria, laho manghalashon dohot manghamauliatehon denggan basa ni Jahowa. Antong di bagasan roha mauliate tu Debata, tapuji ma Ibana, taendehon ma “Mangula hita jolma”

H:      (mangendehon BE. No. 373:1-2 Mangula hita jolma As=Do)

1.   Mangula hita jolma manabur boni i,

Alai anggo jadina di Debata do i
Dilehon las ni ari, nang nambur udan pe
Tongtong di panumpakNa marguru sasude 
Nasa ulibasa ro sian Debata,

I pe Ibana puji ma huhut haposi da

2.   Sai sian Debatanta do nasa na adong 
Nang rihit sangkamata, nang laut, nang tano on 
Tinompa ni hataNa, do hau nang bulung i
Nang nasa parbuena, nang bungabunga i 
Nasa ulibasa ro sian Debata,

I pe Ibana puji ma huhut haposi da

Pdt:    Hamu dongan sahuria! Nunga itajalo denggan basa dohot asi ni roha sian Jahowa. Ta okuhon do, saluhutna silehonlehon na denggan, nasa ulibasa na mauliutus, i ma na ro sian ginjang. Dilehon do di hita parbueni tano, parbueni suansuanan dohot parbueni angka ulaonta. Saluhutna i nunga tajalo sian Jahowa. Antong nda tama ma hita mandok maulite tu Debata?

H:      Mauliate ma di Ho Tuhan, naung mangalehon parbue ni angka ulaonnami.

Pdt:    Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon. (5 Musa 26:2).

H:      Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

Pdt:    Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi. (Maleakhi 3:10).

18. MANARUHON PELEAN PESTA GOTILON

P:    Nuaeng sahat ma hita tu na pasahathon Pelean Pesta Gotilon, i ma tumpakta tu huria ni Tuhanta Program Anggaran HKBP Pondok Gede Tahun 2016. I ma parbue ni panandaonta di pasupasu ni Debata naung tajalo di ngolunta. Taingot ma: “Na manaburhon otik, otik do gotilonna, jala na manaburhon managam pasupasu, mangalap pasupasu di na manggotil. Ganup ma ni onjar ni rohana, unang ma sian muruk manang sian na so tarjua, ai dihaholongi Debata do na las roha mangalehon.”

H:      I do tutu. Na manaburhon managam pasupasu jala mangalap pasupasu di na manggotil. Ro do hami manaruhon ganup ni onjar ni rohanami. Las do rohanami, ai dihaholongi Debata do na las roha mangalehon. Ro ma hami tu alamanMi pasahathon peleannami na tama di joloM. Jalo ma i Tuhan, gabe pelean na hushus di harajaonMu.

P:       On pe Huria ni Tuhanta na marlas ni roha sadari on. “Sapala pantis, pantis ni Sigalangan. Sapala naeng mangalehon tumpak, sai unang ma diparalangalangan. Ai marasar silogologo di tombak ni Simamora, Sai horas ma Ama dohot Ina Ruas ni Huria HKBP Pondok Gede on marroha jala mamora tumpahon ni Tuhanta.”

Msk :   (Mangalusi - huhut paradehon parendeon)

19. UDURAN Pataruhon Pelean Pesta Gotilon tu Langgatan:

1.          Sude ruas ni huria parminggu

2.          Utusan Wijk 1: Koor Gabungan + Koor Immanen

3.          Utusan Wijk 2: Koor Wijk 2 + Koor Jeriko + Musa

4.          Utusan Wijk 3: Koor Gabungan

5.          Utusan Wijk 4: Koor Gabungan + Mannen Ebenezer

6.          Utusan Wijk 5: Koor Gabungan + Haleluya

7.          Utusan Wijk 6: Koor Gabungan

8.          Utusan Koor Rogate

9.          Utusan Sikola Minggu + Guru Sikola Minggu

10.      Utusan Remaja + Parguru Malua

11.      Utusan Naposobulung

12.      Utusan Koor Parompuan

13.      Utusan Koor Ina Hanna

14.      Utusan Koor Ama

15.      Utusan Koor Ama Sion

16.      Utusan Koor Lansia

17.      Utusan HKBP Getsemane

18.      Sude Parhalado HKBP Pondok Gede

S:    (Huhut mangendehon: Dison adong huboan Tuhan SDJ. 8481... F=Do)

1.      Dison adong huboan Tuhan, parbue ni ngolungku

Na so tardok nian. Sadia ma argana Tuhan

Molo sai ni rajuman sude denggan basaM.

Jalo ma Tuhan sai las ma rohaM.

2.     Dison adong huboan Tuhan tondingku na girigir

                Mangoloi di HataM. Pasaorhon ma HataM da Tuhan

                Manogu tondingki mangihuthon lomoM.

                Jalo ma Tuhan sai las ma rohaM.

….. musik …..

                3.  Dison adong huboan Tuhan pamatang na hipas

                     Baen pelean di joloM. Sai pangke ma au on da Tuhan,

                    Na tau ulaulaM na hasea di joloM.

                      Jalo ma Tuhan, sai las ma rohaM.

                4. Dison adong huboan Tuhan hosa nang gogongki

                    Tau pelean di joloM. Patau pasingkop ma i da Tuhan,

                    Asa marguna au manghobasi huriaM.

                    Jalo ma Tuhan, sai las ma rohaM.

….. musik …..

                5.  Dison adong huboan Tuhan, arta sinamothon

                     So sadia i nian. Parbadiai ma i tung singkop,

                     Asa ture sintong lao pauli huriaM.

                     Jalo ma Tuhan sai las ma rohaM.

                6.  Huingot do tonaM da Tuhan, ingkon taruhononku

                     Parsampuluan i. Ai ungkaponMu do da Tuhan

                     PandiloanMi mangusehon basaM.

                     PasupasuMi, usehon ma godang.

….. musik …..

                7.  Huingot do hataM da Tuhan saor do pasupasu

                     Di halak na bojok. Asal ma disombahon Tuhan

                     Ngoluna i singkop baen pelean di joloM.

                     Jalo ma Tuhan, sai las ma rohaM

                8.  Tanganku na metmet da, Tuhan, na so hea mansari

                     Dope au on Tuhan; Rohangku ma hulehon, Tuhan

                     Na boi pelehononku gabe las ni rohaM,

                     Jalo ma Tuhan, sai las ma rohaM.

….. musik …..

                9.  Huingot do hataM da, Tuhan, ingkon sarihononhon

                     AnggiM na metmetan; Ampehon ma tanganMu sangkan,

                     Itak na otik i unang suda nian,

                     Jalo ma Tuhan, sai las ma rohaM.

20. TANGIANG PELEAN DOHOT PASUPASU

P:  Nunga tapasahat Peleanta, songon i dohot tumpakta tu huria ni Tuhanta. Tajangkon jala tahangoluhon ma HataNa na badia i. “Marmutik ma Simarlasuna, marbunga ma ia Labu. Hata nauli dohot pasupasu ni Tuhanta, boanonta i sahat martonga ni Jabu.” Taendehon ma padan haporseaon laho pahehe rohanta manghangoluhon pasupasuNa: Tuhan na marmahani hami, togu hami ruasMon!

S:    (Mangendehon: Tuhan na marmahani hami SDJ. No.714: 1 Es=Do)

1.  Tuhan na marmahani hami togu hami ruasMon.

                Lehon dameMi di hami angka na hinophopMon.

        Tuhan Jesus Sipalua, parmahani ruasMon.

        Tuhan Jesus Sipalua parmahani ruasMon.

Pdt:    Tadok ma mauliate tu Debata Jahowa, ai pardenggan basa do Ibana, ro di salelenglelengna do asi ni rohaNa tu hita. Nunga tapasahat siluanta tu huriaNa, songon parbue ni angka na taula. Antong! Tangihon hamu ma hata ni Debata na mandok: Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan. Antong taharinggashon ma manghobasi huriaNa di bagasan dame, sada ni roha dohot holong ni roha. Jongjong ma hita!

H:      (mangendehon BE.No.435:3 Morolopolop tondingki G=Do BL.294)

3.  Tu Jesus sahat ngolungki, saleleng ni lelengna i
Rap dohot au endehon ma, endengku na imbaru da
Sonang ni tingki i, dung jumpang Jesus Tuhanki
Tondi na mangajari au, tarbaen marlas ni roha au
Sonang ni tingki i, dung jumpang Jesus Tuhanki

21. PANUTUP: Tangiang Pelean – Ale Amanami – Pasupasu

II.  A C A R A   P E S T A