ACARA PARMINGGUON DOHOT PARNINGOTAN DI NA MONDING

ACARA PARMINGGUON

DOHOT

PARNINGOTAN DI NA MONDING

HURIA KRISTEN BATAK PROTESTAN ( H K B P )

PONDOK GEDE RESORT PONDOK GEDE

DISTRIK XIX BEKASI

Minggu, 20 Nopember 2016

Topik:

Tohap dohot Siteanon ni angka na Badia

di Harajaon ni Debata

(Kolose 1:11-20)

HKBP Pondok Gede

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

I.   PARMINGGUON

1.  MARENDE SDJ. No. 834: 1-3 Na masihol do rohangku  Es=Do

1.     Na masihol do rohangku tu na sonang i, tu inganan ni Tuhanta i.

Tano on ro di sudena pangisina i, susa, sai susa rohangki.

Marolopolop rohangki, di surgo, di na sonang i.

So ada na hurang, sabam, sonang rohangki, molo dung sahat au tusi.

2.     Ai andigan idaonhu haholonganhi, raphon Jesus alealengki.

Haholongan na badia sian Jesus i, sonang, sai sonang rohangki.

Marolopolop, d.u.

………………….. musik …………… jongjong …..

3.     Di na hundul au manatap dompak langit i, di na ro sibalik hunik i.

Digombarhon i do ujung ni ngolunta i, ndang be mabiar au disi.

Marolopolop, d.u.

2.  VOTUM – INTROITUS - TANGIANG (U:Uluan ; H:Huria ; S: Sude)

U:   Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Songon on do Hata ni Tuhan Jesus:

H:    Na monang i do siparulosan dohot angka ulos na saksak,

U:   Jala ndang sesaonKu goarna sian pustaha hangoluan, jala parhatopotonKu do goarna di jolo ni Damang dohot di jolo ni angka surusuruanNa. Haleluya!

H:    (mangendehon): Haleluya, haleluya, haleluya.

U:    (Martangiang ma hita!): Ale Amanami Tuhan ni angka na mate dohot namangolu! Marpungu hami di ari on marningot angka dongan nami naung jumolo borhat manadinghon portibi hasusaan on, mamungka sian Minggu Parningotan di na monding 22 November 2015 sahat tu parningotan sadarion. Ndada na manungguli lungun ni roha hami diparningotan on, na marningot denggan ni basaM do tu angka dongan nami naung parjolo borhat mandapothon Ho, uju rap hami di rura partangisan on. Mauliate Tuhan ala marhite parningotan on disungguli Ho hami marpangkirimon dihangoluan sogot dohot diparsaoran sogot dohot dongan naung jumolo borhat i. Ale Tuhan Debata, Pargogo na so hatudosan! Ho do na manjou hami jala Ho do na papunguhon angka na pinillitMu tu HuriaM na badia i. Mauliate ma rohanami, ala na naung dipasahat Ho hami tu AnakMu, asa Ibana nampuna hami. Asi ma rohaM, sai pargogoi ma hami mangulahon na nidok ni HataM, asa domu hami dohot naung tolhas tu lambungMu. Sai patogu ma haporseaonnami sahat ro di ajalnami, asa sahat hami sogot tu halalas ni roha na sumurung, na pinaradeM di angka na mangkaholongi Ho, asa pujionnami Ho disi saleleng ni lelengna marhitehite Tuhan Jesus Kristus, Tuhannami. Amen. (hundul)

3.  MARENDE BE. No. 128: 5 Ditanda Debatanta BL. 162  As=Do

5.   Sai songon i ditanda Tuhanta jolma i.

Na mangoloi hataNa di nasa bangso i.

Haporseaon i do, partinandaan i;

:,: Padohot panghirimon, nang haholongon i. :,:

4.  PATIK (Pangungkapon 1: 7-8)

U:   Tangihon hamu ma Patik ni Debata! Natarsurat di buku Pangungkapon 1: 7-8 Ida ma, na ro ma Ibana di bagasan ombun! Idaon ni nasa mata do Ibana, nang angka naung manullang Ibana, gabe mangangguhi be ma saluhut bangso ni tano on mida Ibana.

H:   I ma tutu. Amen.

U:  Ahu do Bonana jala Ujungna, ninna Tuhan Debata, Debata nuaeng, Debata naung adong hian, na naeng ro i, Sigomgom saluhutna! I ma sahatna. Antong rap mangido gogo ma hita laho mangulahon patikNa i.

H:    Ale Tuhan Debata sai pargogi ma hami mangulahon na hombar tu PatikMi Amen!

5.  KOOR:      Pukul 06.00 WIB: AMA

                        Pukul 10.00 WIB: LANSIA

6.  MARENDE SDJ. No. 686: 2-3 Ramun do au   Des=Do

2.     Na ro do au tu joloMi, gale do au, urupi au.

O Jesus ala mudarMi, dison do au, patau ma au.

.… jongjong …..

3.     Ala denggan ni basaMi, ro au tu Ho, o Jesushi.

Parbadiai ma rohangki, dison do au, patau ma au.

7.  TANGIANG HASESAAN NI DOSA

U:   Tatopoti ma dosanta! Ale Tuhan Debata, Pargogo na so hatudosan, Parasi roha na sumurung, Ama ni Tuhan Jesus Kristus Sipangolu hami!

H:   Hami, halak pardosa na dangol on ro tu jolo ni habangsa habadiaonMi manopoti jala manganggukhon dosanami.

U:  Mansai jotjot huarsahi hami Ho marhitehite pingkiran dohot hata dohot pambahenannami na roa i. Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami; nang dongannami, ndang doshon dirinami hubahen hami.

H:  Mangendehon BE.No.449: 2 Sai solhot tu silangMi BL. 300  F=Do

2.   Lao ma au tu silangMi, i haporusanku,

                      Sai asi ma rohaMi unang tulak ahu

                      SilangMi Tuhanki i ma pujionku

                      Paima sogot sahat au i endehononku.

U:  Dibahen i tama do rimasanMu jala uhumanMu hami tu hamatean saleleng ni lelengna i. Alai na maporus ma hami nuaeng tu asi ni rohaM na godang i mangido sian nasa rohanami hasesaan ni dosanami saluhutna.

H:   Sai urupi ma hami paubahon rohanami ala n i Tuhan Jesus Kristus. Anak haholongan ni RohaM, Sipangolu hami dohot ala ni GoarMu na badia i.

U:   Ale Tuhan, sai asi ma rohaM di hami halak na dangol on! Amen.

H:   Mangendehon BE. No. 347: 2 Sai masipaidaan BL.11  Es=Do

               2.   Antong burju ma hita mangalo dosa i,

                          Sai unang tading hita di tonga dalan i,

                          Di tonga dalan i, di tonga dalan i.

U:  Tabege ma hata bagabaga taringot tu hasesaan ni dosa! Songon on do panghaholongi ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana. Hasangapon ma di Debata na di ginjang!

H: Amen. (hundul)

8.  KOOR:      Pukul 06.00 WIB: HALELUYA

                        Pukul 10.00 WIB: PAROMPUAN

9.  MARENDE SDJ. No. 699: 2+4 Singkop do asi ni rohaM G=Do

2.     Di na hutanda dosangki, gok biar rohangki.

Alai ala ni asiMi mardame rohangki.

4.     Hutiop bagabagaMi di pardalananhi.

Ho Tuhan lombulombungki di paraloan i.

10. EPISTEL (Psalmen 46: 1-12)

U:   Tabege ma Hata ni Debata turpuk ni ari Minggu on. Natarsurat di Psalmen 46: 1-12. Ende sian angka anak ni si Kora. Debata do haporusanta dohot hagogoanta, pangurupion situtu di hagogotan, angka na mangonai tu hita.

H:   Dibahen i ndang mabiar hita, nang pe balik tano on, jala lalolalo angka dolok laho marongrong tu tongatonga ni laut.

U:   Nang pe gasagasaon jala margumogumo angka aekna, pola humuntal angka dolok dibahen pasangnai.

H:   Sada batang aek, ro di sungena palas roha ni huta ni Debata, inganan na badia ni Natumimbul.

U:   Debata do di tongatongana, ndang tagamon humordit, andostorang dope, nunga diurupi Debata ibana.

H:   Guntur pe angka parbegu, lonong angka harajaon, molo mangkuling Ibana, malala do tano on.

U:   Jahowa Zebaot do donganta, Debata ni si Jakkob do partanobatoanta.

H:   Sai ro ma hamu marnida halongangan angka na binahen ni Jahowa, Ibana mambahen angka panonggoti di tano on.

U:   Ibana do pasohothon hamusuon ro di ujung ni tano on; Ibana do umponggolhon sior jala ditallihi hujur, dipuruni do angka hureta di bagasan api.

H:   Pasohot hamu ma jala tanda hamu Ahu do Debata, sai timbul do Ahu sogot di tongatonga ni angka bangso, timbul di tano on.

U:   Jahowa Zebaot do donganta, Debata ni si Jakkob do partanobatoanta. Ido sahatna! Martua do angka na tumangihon hata ni Debata jala na umpeopsa!

H:   Amen.

11.  KOOR:    Pukul 06.00 WIB: WIJK 5

                 Pukul 10.00 WIB: AMA SION

                                              

12.  MARENDE BE. 373: 3  Mangula hita jolma BL. 219 As=Do (jongjong)

3.     Ibana jumadihon panondang sasude.

Ibana do manjouhon alogo, ombun pe.

Na tau palas rohanta, hipas dagingta i;

Tongtong rade bohalta dibaen Tuhanta i.

Nasa uli basa ro sian Debata.

I pe Ibana puji ma, huhut haposi da.

13.  MANGHATINDANGHON HAPORSEAON

U:    Tahatindangkon ma haporseaonta i, songon na hinatindangkon ni donganta saharposeaon di sandok portibion. Rap ma hita mandok:

H:      Ahu porsea ...d.u

14.  KOOR:    Pukul 06.00 WIB:

                  Pukul 10.00 WIB: WIJK 6

15.  TINGTING HURIA

16.  PARNINGOTAN DI NA MONDING

a.    MARENDE  BE. No. 525: 1 Na laho ma au BL. 361  D=Do

1.   Na laho ma au tu na sonang di ginjang,

      Di surgo tutu sai na sonang ma au

      O ho donganki na gok dosa gok arsak,

      Sai dohot ma ho sai tu surgo ma lao

      Sai ro dohot ho, dohot  ho, dohot ho,

      Sai dohot ma ho sai tu surgo ma lao.

b.    MANJAHA GOARGOAR NI NA MONDING

U:   Domu tu taon Parhuriaon sadarion, patupaonta ma parningotan di angka donganta naung monding dung parningotan di na monding 22 November 2015 sahat tu sadarion. Goar nasida i ma: (dijaha goar ni na monding)

GOAR-GOAR NI NA MONDING

RUAS HKBP PONDOK GEDE RESORT PONDOK GEDE

Sian ari Senin tanggal 23 November 2015

Sahat tu ari Minggu tanggal 20 November 2016

1.        Brigjend TNI (Purn.) Bistok Marodjahan Hutapea, SIP,

       Ruas Ama, umur 68 taon. Monding na di ari Selasa, 08 Desember 2015,

      Alamat: Jl. Sakura Raya B.69 Komp. Kemhan/Mabes TNI Jatimakmur (Wijk 4)

2.        Tetty Lina br. Lumban Tobing,

Ruas Ina, umur 60 taon. Monding na di ari Minggu, 10 Januari 2016,

       Alamat: Perumahan Chandra Indah Blok E No. 153 (Wijk 4)

3.        Resman Nababan,

       Ruas Ama, umur 45 taon. Monding na di ari Rabu, 20 Januari 2016,

Alamat: Jl. Bulak Tinggi Raya No. 32 RT.06/16 (Wijk 4)

4.        Sarlin Purba,

       Ruas Ama, umur 60 taon. Monding na di ari Senin, 01 Februari 2016,

Alamat: Jl. Pala No. 57 RT.009/02 Lubang Buaya (Wijk 1)

5.        Drs. Tumpal Sihite,

       Ruas Ama, umur 59 taon. Monding na di ari Kamis, 04 Februari 2016,

Alamat: Jl. Cengkeh No. 23A RT.05/02 Lubang Buaya (Wijk 1)

6.        Jaimar Tambunan,

       Ruas Ama, umur 78 taon. Monding na di ari Selasa, 09 Februari 2016,

Alamat: Jl. Setia I No. 24 RT.06/18 Jatiwaringin (Wijk 6)

7.        Jasman Nelson M. Sihombing,

       Ruas Ama, umur 62 taon. Monding na di ari Sabtu, 27 Februari 2016,

Alamat: Jl. Raya Ujung Aspal Gg. Jengkol Perum. Residence Villa Blok B/54 Jati Ranggon (Wijk 4)

8.        Harry Aswin Simatupang,

       Ruas Ama, umur 67 taon. Monding na di ari Jumat, 18 Maret 2016,

Alamat: Jl. Duri Blok G No. 10 Jatiwaringin Asri (Wijk 6)

9.        Aman C. Naibaho,

       Ruas Ama, umur 71 taon. Monding na di ari Sabtu, 19 Maret 2016,

Alamat: Komp. TVRI Belakang Blok A-I No. 9 Jati Rahayu (Wijk 4)

10.    Elmin br. Sihombing,

       Ruas Ina, umur 72 taon. Monding na di ari Kamis, 31 Maret 2016,

Alamat: Jl. Kelurahan No. 1 RT.002/011 (Wijk 3)

11.    Alpon Sihombing,

       Ruas Ama, umur 57 taon. Monding na di ari Jumat, 01 April 2016,

Alamat: Patria V Komp. Patria Jaya No. 139 RT.005/015 (dekat SDN 05) (Wijk 4)

12.    St. Drs. Busmin Butarbutar,

       Ruas Ama, umur 64 taon. Monding na di ari Minggu, 10 April 2016,

Alamat: Jl. Gotong Royong No. 80 RT.11/18 Kp. Bulak Poncol Jati Rahayu (Wijk 3)

13.    Maringan Panjaitan,

       Ruas Ama, umur 71 taon. Monding na di ari Minggu, 08 Mei 2016,

Alamat: Patria Jaya Blok A-X No. 157 Jati Rahayu (Wijk 4)

14.    Marsius Sihotang,

       Ruas Ama, umur 69 taon. Monding na di ari Minggu, 08 Mei 2016,

Alamat: Jl. Raya Jatiwaringin No. 40 RT.01/05 Jatiwaringin (Wijk 6)

15.    Bernard Ringgas Simanjuntak,

       Ruas Naposo Baoa, umur 40 taon. Monding na di ari Jumat, 13 Mei 2016,

Alamat: Jl. Albaidho I No. 47 RT.006/06 Lubang Buaya (Wijk 1)

16.    Udur br. Lubis,

       Ruas Ina, umur 52 taon. Monding na di ari Senin, 23 Mei 2016,

Alamat: Jl. Monumen Pancasila Sakti Gg. Damai RT.13/09 Lubang Buaya (Wijk 1)

17.    St. Ringgit Duaja Hutajulu,

       Ruas Ama, umur 72 taon. Monding na di ari Minggu, 12 Juni 2016,

Alamat: Jl. Raya Kampung Sawah RT.06/04 Jati Melati (Wijk 5)

18.    Ir. Aston Christon Sianturi,

       Ruas Ama, umur 64 taon. Monding na di ari Minggu, 19 Juni 2016

Alamat: Taman Permata Cikunir Blok A2 No. 11 Jaka Setia Cikunir (Wijk 4)

19.    Darma Erwin Daniel Sitorus,

       Ruas Naposo Baoa, umur 39 taon. Monding na di ari Kamis, 21 Juli 2016,

Alamat: Jl. Cipta Wangi Blok Q.8 Komp. Housing I Pondok Gede (Wijk 3)

20.    Elieser Maruli Aruan,

       Ruas Ama, umur 63 taon. Monding na di ari Rabu, 10 Agustus 2016,

Alamat: Jl. Al-Ikhlas II No. 56 Kodau Rawabogo (Wijk 4)

21.    St. Anggiat Halomoan Tambunan,

       Ruas Ama, umur 76 taon. Monding na di ari Sabtu, 13 Agustus 2016,

Alamat: Jalan Raya Hankam No. 109 RT.01/07 (Wijk 3)

22.    Hadjopan Pardomuan Hasibuan,

       Ruas Ama, umur 64 taon. Monding na di ari Senin, 05 September 2016,

Alamat: Gg. Gaber No. 40B RT.001/008 Lubang Buaya (Wijk 1)

23.    St. Lawrence Siregar,

       Ruas Ama, umur 66 taon. Monding na di ari Kamis, 08 September 2016,

Alamat: Gg. Sadar III No. 11 RT.006/06 Jl. Albaidho I Lubang Buaya (Wijk 1)

24.    St. Posma br. Manalu,

       Ruas Ina, umur 55 taon. Monding na di ari Jumat, 23 September 2016,

Alamat: Komp. Sinar Kasih Jl. Agape B/30 RT.002/02 (Wijk 2)

25.    Rut Ani Purnama br. Gurning,

       Ruas Ina, umur 41 taon. Monding na di ari Rabu, 12 Oktober 2016,

Alamat: Komp. Hankam Jl. Sakura I K.35 Jatimakmur (Wijk 4)

26.    Sinur br. Purba,

       Ruas Ina, umur 60 taon. Monding na di ari Kamis, 27 Oktober 2016,

Alamat: Jl. Pasar Kecapi No. 25 Bulak Tinggi (Wijk 4)

27.    Letkol (Purn.) Akim Gurning,

       Ruas Ama, umur 87 taon. Monding na di ari Jumat, 04 November 2016,

Alamat: Komp. PALAD RT.03/09 No. K.13 Jati Rahayu (Wijk 3)

28.    Siti Jaleha br. Samosir,

       Ruas Ina, umur 61 taon. Monding na di ari Rabu, 09 November 2016,

Alamat: Jl. Al-Ikhlas II No. 24 Jatimekar Pondok Melati (Wijk 4)

Songon i ma goar-goar ni na monding

di Hurianta HKBP Pondok Gede dina sataon parhuriaon sian Senin, 23 November 2015

sahat tu ari Minggu, 20 November 2016.

c.   PAHOHOM DIRI: 
     
(dung dijaha goar ni na monding mangkuling Organ mangendehon 
 BE. No. 335: 1 Loas au, asa lao BL. 50

………  jongjong sude ruas ……….

U: Huria ni Tuhanta molo tapatupa pe parningotan di na monding, ndada na manungguli sidangolon hita disi. Na paingothon hita do: Hita pe mate do songon angka donganta i. Na marningot ajalta do hita di parningotan on dohot patoguhon haporseaonta di hangoluan na manontong i. Molo marungkil pe hita nuaeng unang ma mandele hita, unang tarpodom songon na leban i. Sai dungo ma hita jala marroha na torang, ai ndang taboto arina dohot sadiharina. Alani manontong ma hita martangiang.

H: Marende BE.  No. 335: 2+4 Loas au, asa lao BL. 50 C=Do

2. Jesuski, sondang i, sitorusi ombun i

     O andigan ro tingkingku, asa borhat ma tondingku

     Lao marnida bohiMi, lao marnida bohiMi.

4.  Sonangmi tondingki molo sahat ho tusi

     O Jahowa Debatangku ndang dodoan ni rohangku

     Las ni roha i disi, las ni roha i disi.

U:  Disungguli parningotan on do hita marningot hata ni buku Parjamita 3 na mandok: Martiti be do sude nasa na tinompa. Adong tingki tubu adong tingki mate. Molo tabo pe pangkilalaanta, unang lalap hita disi, molo hansit jala parir pe taahap, botoma martiti do las ni roha dohot na hansit. Unang lalap hita di portibion, parsatongkinan do ngolu i.

H:          Tuhan sungguli hami asa unang lalap di portibion.

U: Parningotan di na monding paingothon hita: Ndang dison sambulo ni ngolunta. Ndang portibion tujuan dohot sihirimon ni rohanta. Surgo i do sambulonta dohot sihirimonta. Surgo i do na tongtong.

H: Tuhan dongani hami asa tulus pardalanannami mandapothon ingananMi.

U:  Parningotan di na monding on paingothon hita: Ndang lohot di tanoman i angka na mate i. Adong do haheheon sian na mate na mangalehon pangkirimon di hita di parjumpangan sogot dohot na porsea i. Ai didok do “Nunga hehe Kristus sian na mate Ibana do parjolo ni angka na monding i”.

H:          Ale Tuhan pahot di hami pangkirimon di hangoluan sogot i.

U:  Parningotan sadarion mangigil parsihohotan ni haporseaon dohot hahobason mangoloi Tuhan i. Ai didok do magira ma Ahu ro tiop ma na di ho unang adong na mambuat tumpalmi. Sai burju ma ho rasirasa mate dung i lehononku ma tu ho tumpal hangoluan i.

H: Ale Tuhan patogu haporseaon dohot pangkirimonnami di haheheon parpudi i. Amen.

S:   Mangendehon BE. No. 347: 1+3 Sai masipidaan BL.11 Es=Do

                 1.   Sai masipaidaan do na porsea i,

                            Dung sahat be langkana tu hasonangan i,

                            Tu hasonangan i, tu hasonangan i.

                      3.   Sai masipaidaan ma hita on muse,

                            Di lambung ni Tuhanta dung monang hita be,

                            Dung monang hita be. (hundul)

17.  TANGIANG PANGONDIAN

18.       MARENDE SDJ. No. 833: 1... Di na masipaidaan Bes=Do

         (Papungu Pelean Ia + Ib)

1.     Di na masipaidaan sogot au di surgo i,

Tung singkop las ni rohangku mida Jesus Tuhanhi.

Di na masipaidaan sogot au di surgo i,

Sangap di hamuliaonNa, idaonhu Tuhanhi.

………………….. musik ……………

2.     Tingki on ndang boi taida sondang ni sangapNa i.

Alai sogot di tingkiNa boi idaon sangapNa i.

Di na masipaidaan, d.u.

………………….. musik ……………

3.     Sonang, dame di lambungNa ndang adong sitaonon i.

Nunga salpu hasusaan, dosa, hamatean i.

Di na masipaidaan, d.u.

………………….. musik ……………

4.    Di na masipaidaan tandaonta ma disi

      Tuhan Jesus Sipalua, siparholong roha i.

      Di na masipaidaan, d.u.

19.  JAMITA:  Kolosse 1: 11-20

20.  MARENDE SDJ. No. 837: 1... Sada huta na mansai uli G=Do

      (Papungu Pelean)

1.     Sada huta na mansai uli, sambulo ni tondinta do i.

Bagas ni Debata Ama i, diparade di na monang i.

Sogot di surgo i, sai pajumpang do hita disi;

sogot di surgo i, sai pajumpang do hita disi.

………………….. musik ……………

2.   Hita dohot donganta disan, rap marende mamuji Tuhan.

Ndang adong hasusaan disan, salelengna di surgo sonang.

Sogot di surgo i, d.u.

………………….. musik ……………

3.   Debata Ama parholong i, sai pujion salelengna i.

Na marmuduhon ngolunta i, denggan basaNa sai hot do i.

Sogot di surgo i, d.u.

21.  TANGIANG PELEAN/ALE AMANAMI/PASUPASU

II.   MARULAON NA BADIA

       (Mangulon 10 minut)

     a.  BE. No. 153:1… O Jesus, naung sineat  BL. 126  F=Do

1.      O Jesus, naung sineat di hau na pinarsilang.

Roham tongtong daulat, nang uju Ho tarhilang.

Marutang hosa hami, ditaon Ho dosanami. Asi roham O Jesus.

2.       Pelean na badia, na masuk tu Jahowa,

Singkat ni manisia, na so daulat roha.

Ditaon Ho dosanami, so i lao mago hami. Asi roham O Jesus.

            3.    Pelean na badia, jinalo ni Debata,

                   Panaon ni manisia, na pasohothon bada.

                   Sai sesa dosanami, Ho hatigorannami, asi roham O Jesus.

\

4.    Pelean na badia, dagingmu sipanganon

       Di angka na porsea. Mudarmu siinumon.

       Sai ro ma maringanan, marhite parpadanan di hami on, O Jesus.

                       

     b. BE. No. 227:1… Jesus ngolu ni  BL. 26  As=Do

         1.   Jesus ngolu ni tondingku, Ho do haporusanki.

                  Gok di Ho ma diringku ro di nasa langkangki.

2.   Lam tangkas ma patuduhon tu au on pangkophopmi,

      Asa i huhalungunhon hot ma au di    lambungmi.

3.   Jangkon au baen siseanMu, na girgir tu podaMi.

      Sai surdukkon ma tanganmu asa tong hutiop i.

4.   Tangkup au Jesus Tuhanku tiop au mansai gomos

      Asa unang runsur pathu sian dalan na tingkos.

5.   Raphon Ho do au mangalo dosa dohot hisaphi

Ai sumurut do pangago anggo Ho di lambungki.

6.   Tondimi sai tong paian di au on tinobusmi.

Tung patau ma au manean pinarbagabagami.

    c.  BE. No. 176: 1… Na mungkap do surgo  BL. 3  Bes=Do

1.   Na mungkap do surgo, dibaen aha do?

      Dibahen naung ro Jesus mangungkap di ho (2x).

2.    Dosam do tinaonNa di Golgata i,

Disi dipasae do sude utangmi (2x).

3.   Antong o tondingku, tu Jesus ma ro,

Ai las do rohana manjangkon nang ho (2x).

4.   Tarsongon hasumba rara dosami,

      Sesaon ni mudar ni Jesus do i (2x).

5.    Roham mangkolsohon parsorionmi,

Tu Jesus pasahat sude arsakmi (2x).

6.   Neang bahenonna na hansit sude,

      Basar ho di togu tu surgo muse (2x).

7.    O Jesus sai Ho do parjambaranki,

       Pasonang rohangku, pasabam ma i (2x).

    d.   BE. No.  178: 1… Ro ma tu Jesus  BL. 196  Bes=Do

1.   Ro ma tu Jesus ro ma tibu bege hataNa, jangkon burju.

Na ro do Jesus pangolu ho, asal porsea ho.

Mansai las rohanta i muse, molo ias sian dosa pe.

Sai ro ma hita tu surgo, laos sonang ma disi.

2.   Ro ma tu Jesus undukhon ma pambahenanmu na so tama,

Naeng sesaonna  do dosami dibaen mudarna i.

Mansai las rohanta i muse …d.u

3.   Ro ma tu Jesus hatop ho ro ai so ditulak Jesus be ho.

Na asi roha do Jesus i, sai pos ma rohami.

Mansai las rohanta i muse… d.u

4.  Ro ma tu Jesus na holong do rohana i di halak na ro

Ai dipalua tondinta i unang be mago i.

Mansai las rohantai muse...d.u

 e.  BE. No. 155: 1…  Naung moru do muse sataon   BL. 192  F=Do

1.   Tuson ma ho ale tondingku, di na mauas male ho.

Manjalo basa ni Tuhanmu, pinaradeNa i di ho.

Dilehon Jesus do dagingna marhitehite roti on,

Dilehon dohot do mudarna marhitehite anggur on.

2.   Ai nang tongtong pe ganup ari mudarna mangurasi au,

Huhut Ibana so mansadi manogu tu lambungna au,

Sai naeng au mangan parpadanan ni Jesus Kristus,

Tuhanki, na padamehon parbadaan, na pasonangkon rohangki.

3.   Asi rohaM di au, o Jesus tumpahi au sadarion

Ai hataMi do hupatulus, manganhon parpadanan on.

Antong patiur ma rohangku marningot denggan ni basaM

I ma na tinaonMi dosangku binaen ni holong ni rohaM.

4.   Patogu haporseaonku di hasasae ni dosangki

Marsitiopan baen rohangku di mudarMi na durus i.

Sai ro ma Ho ale Tuhanku marhite parpadanan on,

Jorom ma baen nuaeng rohangku, Ho ma nampuna au tongtong.

f. BE. No. 183:1…  Na jumpang au         BL. 105  G=Do

1.   Na jumpang au na asiroha di au naung mago i hian,

Tuhan Jesus parasiroha di au na lilu nahinan.

Nuaeng hutanda Tuhanki parasiroha bolon i, parasiroha bolon i.

2.  Dibahen godang ni dosangku tung hona uhum au tama

Hape ro Jesus dipadomu au muse dohot Debata.

Mudarna na badia i pajongjong pardomuan i,

Pajongjong pardomuan i.

3.  On pe holan asi ni roha sipangasahononhon i.

Sipujionku do Jahowa, dung ro na pamanathon i.

Unduk huhut las rohangki, mamuji asiroha i, mamuji asiroha i.

 

4.   Ianggo i ndang taragohon baenon ni manang aha pe.

Sai asiMi hupangasahon di tangiangku sasude.

Mate pe au, pos rohangki, marningot asiasiMi, marningot asiasiMi.

             

5.   I pe, ale Tuhan Jahowa, unang unsati asiMi.

Boan ma au, ale Debata, dung mate au tu lambungMi.

Tongtong las rohangki disi, mamuji asiasiMi, mamuji asiasiMi.

g.   BE. No. 179: 1…  Adong do sada mual           BL.20  G=Do

1.   Adong do sada mual i di na mardosa i;

      Mansai denggan do mual i pasonang rohangki.

              2.   Aek mual na badia i, i ma di Jesus i,

                    Disesa do tihasta i, dibuat arsak i.

3.   Ai mudar ni Tuhanta i do mual i sintong,

      Durus di Golgata do i, manghophop hita on.

              4.   I ma tutu, ai dohot au ias dibahen Ho,

                    Asi do rohaMi di au, nang di luhut na ro.

 5. Parjahat di siamunMi, di dolok Golgata,

      digolom i do hataMi, dibaen porsea do.

              6. Dung i jalo malua i sian pangago i,

                   Dibaen porsea roha nii di Ho, Rajanta i.

             

              7.   Sai dohot au palua ma, padao ma jea i.

                    Di hami sai patongtong ma haporseaon i.

              8.   Ai na margogo do tongtong mudarMu na use;

                    Ias dibahen rohangkon, bontor huhut ture.

9.    Dibahen i pujionki tongtong ma goarMi.

      Sai i ma sogot endengki, dung au di lambungMi.

           

h.  BE. No. 435: 1… Marolopolop tondingki BL.294  G=Do

           1.   Marolopolop tondingki, ai naung ditobus Jesus i.

                    Hamu sude, bege ma i, sai las rohangku mandok i.

                    Sonang ni tingki i, dung jumpang Jesus Tuhanki.

                    TondiNa mangajari au, tarbaen marlas ni roha au.

                    Sonang ni  tingki i, dung jumpang Jesus Tuhanki.

2.   Dihaol holongNa rohangki, tung na so boi be mago i.

      MataNa do manatap au, pinggolNa tumangihon au.

      Sonang ni tingki i ………… d.u

              3.   Tu Jesus sahat ngolungki, saleleng ni lelengna i.

                    Rap dohot au endehon ma, endengku na imbaru, da.

                    Sonang ni tingki i …………d.u

              4.   O, rohangki, sai tahan ma, Sitobus ho, ihuthon ma.

                    I ma tutu, nang mate ho, tu surgo do ditogu ho.

                    Sonang ni tingki i ………d.u

     i.    BE. No. 424: 1…  Soara ni Tondi        BL. 284  Des=Do

           1.     Soara ni tondi ni Tuhanta i jotjot dilaosi, ditulak ho i.

                      Sai tanda jeamu, pauba roham,

                      Dapothon Tuhanmu, sisesa dosam.

              2.     Marunduk ni roha topoti sude, pambaenmu na torbang,

                      Jengkelmu sude. Pasahat tu Jesus sandok dirimi.

                      Sai tong pasunggulhon pangkophopNa i.

              3.     Tangihon hataNa, parguru ma i,

                      Rajumi ruasmu ginomgomNa i.

                      Pangido, sai lehon tu au tondiMi,

                      Pargogo, mangula sandok lomoMi.

              4.     Tarsor ho mardosa, manurut lomom,

                      Tung unang datdati, sai alo langkam.

                      Dompakkon Tuhanmu, pargogo do i,

                      Manesa, pamalum sude dosami.

              5.     Sai tiop tanganNa, pangido ma on:

                      Ramoti padungo, au siseanMon,

                      Pasada rohangku manggolom tongtong

                      HataMu na sintong, patogu au on.

     j.    BE. No. 238: 1…  Ihuthon Au sude hamu       BL.93  Es=Do

1.       Ihuthon Au sude hamu! Didok Tuhanta Jesus,

Sai soadahon dirimu, hatangKu ma patulus;

Alai bolongkon ma sude parulanmu na so ture.

2.       Sai Au panondang di hamu di dalan hangoluan.

Naeng unang lilu be hamu, dao dohot hamagoan.

Au parhitean di hamu tu hasonangan situtu.

3.       Hupatuduhon di hamu, sipasidingonmuna;

Sude geduk ni rohamu, sipaubaonmuna;

Ai naeng ias ma tondimu di na lao suda bohalmu.

4.       Na serep roha do Au on huhut holong rohangku,

Lambok rohangku ai tongtong na lambok do hatangku.

Tongtong hutatap Debata, i pe Au on ihuthon ma!

5.       Ndang tarpatupa hami i dipingkir rohamuna.

Unang mabiar ala ni, ai Au do donganmuna.

Taluhononku musu i, sai pos ma rohamu disi.

6.       Siparhamaol hosana i, i ma agoan hosa;

Alai na sumeahon i, i do pangoluhonsa,

Na so mamorsan silang i na so tama di Au ma i.

7.       Antong girgir ma hita be lao mangihuthon Jesus,

Dagingta, nang tondinta, pe talehon ma tu Jesus;

                     Ai na manjua Tuhan i ndang dapot hasonangan i.

k.  BE. No. 251: 1… Na monang i do       BL.138  Es=Do

           1.     Na monang i do na muse manganhon parbue ni hau hangoluan i,

Ndang jadi idaonna hamagoan nang hamatean paduahon i;

Ai Debatana papos rohana :,: Mambaen langkana tongtong tiur.

              2.     Na monang i ndang tupa hahuaon ni hamatean paduahon i;

Sai jongjong do Ibana maradophon bohingku di banuaginjang i,

Sai idaonna disi Tuhanna :,: Ro di donganna na monang i.

              3.     Na monang i do lehononku mangan

                      Di surgo Manna na buni dope;

Pangalahona do tongtong ingoton,

Margoar na imbaru do muse,

Na sinurathon tu batu intan :,: Tongtong martua panjalo i.

              4.     Na monang i marnida pambaenanKu,

                      I do na marmahani bangso i;

PasahatonKu deba sahalangKu tu tangan ni sude na monang i;

Sai rosahanna muse alona :,: Patunduhonna do musungki.

5.   Na monang i do na manjalo ulos na saksak di banuaginjang i

Goarna i do na so jadi mosos sian pustaha hangoluan i

Taringotanku di Debatangku :,: Sude donganku na monang i.

6.   Na monang i do ingkon gabe tiang  di bagasjoro  ni Debatangki

Di bagas i tongtong ibana mian jumujung goar ni Jahowa i

Uhirhononku tusi goarhu :,: Sijujungonku di surgo i

7.   Na monang i do hundul raphon Ahu

      Di habangsangKu na di surgo i

      Tudoshon Au di lambung ni AmangKu

      Partohap do di hasonangan i

Na maradian di hasonangan :,: Sude na monang na burju i,

8.   Urupi au, O Jesus asa monang au maralohon angka musungki

Portibi on sibolis nang pamatang do na manaiti au tu dosa i.

Pasangaponhu tongtong goarMu :,: Di ingananhu di surgo i. :,:

     l.    BE. No. 258: 1…  Sai hutuju   BL.218  F=Do

1.    Sai hutuju hangongolu  na pasabam au

        Sai hugogo lao tu surgo paima sahat au

Sabat hupasiding do hata on huingot do

Sai  datdati manjalahi hasonangan i.

2.   Naung pinio do tu surgo au binahenMi 

        Molo togang au mardalan na jorbut ma i 

Anggo na tarsabat i mago do tumpalna i 

Hutadingkon hutundalhon na di pudingki.

3.   Ale Jesus sai pabulus langkangki tu Ho 

        Pargogoi ma au na loja, na maheu do

      Sai apoi ma rohangkon manundalhon tano on

      Baen malua, baen martua au pardagang on.

4.     Ndang margogo au mangalo angka dosangki 

      Taiti ahu tu lambungMu, tu na sonang i

Pasingothon hataMi, sai tongtong tu rohangki

Pujionku ma goarMu salelengna i.

m.     BE. No. 432: 1… Sian hurungan ni dosangki  BL.292  As=Do

1.    Sian hurungan ni dosangki ro au tu Ho, ro au tu Ho.

Tu haluaon di mudarMi Jesus au ro tu Ho

Nasa rohangku malum, hipas, gabe mamora, nang pe pogos,

Sian jeangku ro au tu Ho, Jesus au ro tu Ho.

2.     Sian ilangku, nang ramunhi :,:  Ro au tu Ho :,:

        Gabe na ias nang rohangki, Jesus, au ro tu Ho.

        Sian holsongku tu sonangMi, sian runduthu tu dameMi,

                     Sian arsakku tu holongMi, Jesus, au ro tu Ho.

3.   Ganggu ni roha, tading ma i, :,: Jesus au ro :,:

Sai haposanku ma hataMi, Jesus au ro tu Ho.

Ndang pandelean ni rohangki, sude huauphon tu holongMi,

Gabe martua, las rohangki, Jesus au ro tu Ho.

n.       BE. No. 449: 1…  Sai solhot tu silangMi  BL.300  F=Do

1.   Sai solhot tu silangMi, Jesus ingananku.

        Mual na mabaor disi, i ma inumonku

SilangMi, Tuhanki i ma pujionku,

Paima sogot sahat au, i endehononku,

2.   Lao ma au tu silangMi, i haporusanku.

Sai asi ma rohaMi unang tulak ahu.

SilangMi…………..d.u

3.   Domu ma tu silangMi, i ma tioponku.

Asa unang lilu au, Ho ihuthononku.

SilangMi…………..d.u

4.    Laos maniop silangMi sai paimaonku

GokhonMi tu surgo i, tu siteanonku.

SilangMi…………d.u

           

III. LITURGI  PANGUJUNGI  (jongjong)

A.  MARENDE BE. No. 9: 1   Hupuji holong ni BL. 110  C=Do

1.      Hupuji  holong ni rohaMu, O Tuhan Jesus Rajangki.

Tu Ho hulehon ma tondingku, ai i do pinangidoMi.

Huhalupahon ma diringku, mamingkir holong ni rohaMu.

B. TANGIANG PUJIPUJIAN

U:     Puji ma Tuhan Debata ale tondingku, jala nasa rohangku di bagasan mamuji GoarNa na badia i Puji ma Tuhan Debata, ale tondingku, jala unang tung halupahon denggan ni basana sudena Ibana do manesa dosam sudena, jala Ibana pamalum angka sahitmu sudena! Ibana paluahon hosam sian hamagoan, jala dilehon tu ho denggan basa dohot asi ni roha! Parasiroha jala pardengganbasa do Tuhan Debata, lambat tarrimas jala parasiroha godang!

H:      (mangendehon)

          BE. No. 149: 3  Ho tongtong ihuthononku BL. 182  Bes=Do

3.    Manang aha pe na masa, las ni roha arsak pe.

       Tioponku Ho na basa, na marholong roha pe.

       Tung saleleng au mangolu, nang dung suda bohalhi.

       Ingkon Ho O Sipangolu, pujionku sai tongtong.

  U:  Ndang dibahen tu hita hombar tu dosanta, jala ndang dibaloshon tu hita hombar tu hajahatonta! Songon asi ni roha ni amaama tu anakhonna do, asi ni roha ni Tuhan Debata di angka na manghabiari Ibana! Nunga tangkas dipatuduhon Debata holong ni rohaNa i tu hita, di na mate Kristus humophop hita uju pardosa dope hita. Antong nda lam malua ma hita nuaeng sian rimasNa, dung gabe parpintor hita hinorhon ni mudarNa i? Dibahen i sai pujion ni pamanganku dohot rohangku dohot nasa pambahenanku do Tuhan Debata olat ni on ro di salelenglelengna;

    H:      Sai pujionku do Tuhan Debata, Amen!

    U:      Dipasupasu jala diramoti Tuhan Debata ma ho. Disondangkon Tuhan Debata ma bohiNa tu ho jala asi ma rohaNa mida ho. Didompakhon Tuhan Debata ma bohiNa tu ho jala dipasaorhon ma dameNa tu tondim.

    H:      (mangendehon): Amen, amen, amen.

IV.  MASIJALANGAN

(Huhut mangendehon) BE. No. 435: 1 Marolopolop tondingki

BL. 294 G=Do

1.   Marolopolop tondingki, ai naung ditobus Jesus i.

       Hamu sude bege ma i, sai las rohangku mandok i.

       Sonang i tingki i, dung jumpang Jesus Tuhanki.

       TondiNa  mangajari au, tarbaen marlas ni roha au.

                Sonang ni tingki i, … d.u