Parhalado Manghobasi Punguan Parsahutaon

TERTIB ACARA

PARTANGIANGAN

DI

ULANG TAON

Ke-21

PUNGUAN PARSAHUTAON SAROHA

LUBANG BUAYA

Sabtu-Minggu, 25-26 April 2015

Di Vila Bukit Hambalang

Jl. Raya Bukit Hambalang Rt.14/05

Desa Hambalang Kec. Citereup Bogor

Partangiangan Bodari

Sabtu, 25 April 2015 Pukul 21.00 WIB

(Pdt. Nikson Simangunsong)

1. Marende BE. No. 14: 1-3   “Puji Hamu Jahowa Tutu”   Bes=Do

1.      Puji hamu Jahowa tutu, Pardengganbasa, Parasiroha salelengna i; Pardengganbasa i, Parasiroha i.

2.      Ingot tongtong ale tondingkon sude na denggan na dipasonggop Debata tu ho, denggan basaNa do na pangoluhon ho.

3.      Nda tung adong pargogo tongon na martudosan tu Tuhan Debata di surgo i; sun  hinagogo i, sun hinagogo i.

2. Votum – Introitus – Tangiang:

L:        Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia natumompa langit dohot tano on, Amen. “Dirumari do DiriNa jala disolukhon rupa ni hatoban, gabe suman tu jolma Ibana jala rumang jolma dapot di Ibana. Dipatutoru do diriNa, na gabe Pangoloi do Ibana paima mate, pola tung mate tarsilang”. (Pil 2:7-8)

H:        “Ala ni i do dipatimbo Debata Ibana jala dibasabasahon tu Ibana Goar na sumurung asa nasa goar, asa somba tu Goar ni Jesus nasa ulu ni tot, na di banua ginjang i dohot na di tano, nang na di toru ni tano, jala asa nasa na marsoara marhatopothon: Jesus Kristus do Tuhan, bahen hasangapon ni Debata Ama!” (Pil 2:9-11)

L:        (Tangiang) Ale Tuhan Debata. Mauliate ma rohanami di Ho, ala diparbisuhi ho hami marsagi tingkinami laho marpungu di inganan on pungu di son.  Hupatupa hami partangiangan on,  dalannami padengganhon parsaorannami, manaringoti hataM dohot manghatindangkon hatigoranMu. Urupi hami manghangoluhon haporseaon na lam tang, asa huparbuehon hami na tama dohot na uli, pasangaphon goarMu.

H:        Tangihon ma tangiangnami jala jangkon ma ende pamujionnami. Ho ma papitahon rohanami, saleleng hami diinganan on, mangajari hami.

L:        Pasupasu ma hami sude ruas ni Punguan Parsahutaon SAROHA Lubang Buaya. Pasupasu ma Panitia penyelenggara ni ulaon on, pasupasu ma pengurus ni punguan on, ala saluhut asi ni rohaM nang denggan ni basaM. Sai tangihon ma tangiangnami on, di bagasan Goar ni AnakMu Jesus Kristus, Tuhannami. Amen.

3. Marende BE. No. 23: 1+3  “Jesus, Hami Ro Di son, Asa...”  As=Do

1.      Jesus hami ro dison asa masihangoluan. I pe ro ma Ho tuson, jala baen ma pardomuan ni tondiM tu tondinami, unang mampar rohanami.

2.      Sondang sian Debata, hatiuron sian ginjang. Baen ture sondangi ma rohanami asa sonang. Lao manjalo hangoluan pinatupaMi o Tuhan.

4. Manjaha Hata Ni Debata

L:        Tagan so tajaha Hata ni Debata, tama jolo ojak pangantusion haporseoanta na mangolu taringot tu hasea manang manfaat ni hata ni Debata, hombar tu  2 Tim 3:14-17, didok: “Alai anggo ho, sai mian ma di bagasan angka na ginuruhon jala naung hinaporseaanmi, ai diboto ho do na mangajarhonsa tu ho.

H:        Huhut ala diboto ho, sian sietehetehonmi dope, surat na badia i, na margogo pabisukkon ho, asa taruli di haluaon marhitehite haporseaon di Kristus Jesus.

L:        Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran, asa rimpas halak ni Debata, hobas tu nasa ulaon na denggan”. Ala ni i Tabege ma Hata ni Debata turpuk di bodari on, na sian Psalmen 4:2-9 “Sai alusi ma ahu, ale Debata ni hatigoranku, ia hujou Ho, jala palumbang ahu jumpa hagogotan, asi ma roham di ahu, jala tangihon ma tangiangki.

H:        Ia hamu, pinompar ni jolma, sadia leleng on do lea rohamu di hasahalaonki, sadia leleng on do haholongan ni rohamuna na so hasea, jala dioronmuna gabus.

L:        Unang so boto hamu: Marhasurungan do dibahen Jahowa angka hasianna, matua ditangihon Jahowa do, molo hujou Ibana. Holsohon hamu hian ma, asa unang dapotan dosa, marhusari ma rohamuna, dung ro di podoman hamu, asa sonang hamu. Pelehon hamu ma pelean hatigoran, jala marhaposan tu Jahowa ma hamu.

H:        Lan do angka ma mandok: Tung ise ma manumpakkon na denggan tu hita? Alai ale Jahowa, sai pasondangkon ma tu hami sondang ni bohim!

L:        Gumodang do las ni rohangku dilehon Ho, sian di nasida di hamamasa ni gotilon eme dohot anggur na gabe situtu. Sonang do ahu hupapeak huhut mamintor nok; ai sasada Ho do, ale Jahowa, pasonang ahu maringanan. I ma sahatna! Martua do angka na tumangihon Hata ni Debata, jala na umpeopsa.

L+H:   Amen.

5. Marende BE. No. 802: 1 “Pangke Tingkim Saonari” Bes=do

1.      Pangke tingkim saonari, dapothon ma Tuhan i. /

Unang godang sidalian, ingot jempek ngolumi. /

Nunga rade hasonangan di surgo i, di surgo i. /

Unang adong nanggo sada na so parjambar disi.

6. Martangiang sian sahalak na ro. (Manullang-Ketua)

Sitangianghonon:

·         Punguan dohot sude program panghobasionna.

·         Pengurus, ruas, angkatan muda dohot parkarejo

·         Pamarenta, angka parungkilon dohot na masa       

                                 

7. Marende SDJ. No. 792: 1-2 ”Pasupasu Hami O Tuhan”

1.      (Reff.) Pasupasu hami o Tuhan, sai usehon dameMi. / Sai ampehon tanganMi Tuhan, lehon tu au gogoMi. (Fine) Di portibi on, baen ma au Tuhan, habaoran ni las ni roha; / tu na marsak i, tu na dangol i, gabe pangapuli i. (DC al Fine)

2.      Di portibi on, baen ma au Tuhan monang maralohon dosa. / Dibaen gogomi, talu musu i sibolis pangago i. / Pasupasu, d.u.

8. Tangiang /Pasupasu/Amen, amen, amen

Partangiangan Manogot

Minggu, 26 April 2015 Pukul 09.00 WIB

1. Pangaradeon tu Partangiangan:

·         Manontuhon ise siuluhon Tangiang Pangondian

·         Manungkunhon/Pabotohon angka siboanon di Tangiang Pangondian

·         Kantong Pelean/ Napapungu Pelean

2. Tangiang na Hohom:

Paradehon roha mandohoti Partangiangan, pasahathon diri tu panoguon ni Tondi Porbadia (molo adong musik diiringi  SDJ. No. 815:2; Molo so adong musik Song Leader ma dohot soara na lambok)  D=Do

2.         Uli do tingki na hohom, sonang martua rohangkon,

                        Tongtong masihol rohangkon, lao martangiang na hohom.

                        Au raphon na badia i, sai naeng marnida bohiMi

Tuhanku Sipartobus i, di tingki martangiang i.

3. Marende BE. No. 135: 1,3 “Marpungu Do Di JoloM on”

(BL 206) F=Do

1.   Marpungu do di joloM on, marsada roha hami on, / o Jesus Tuhannami. /  Ho Raja na tarsilang i, na pinatimbo i muse / sai ro ma Ho tu hami. / Olo, jalo ma tangiang, pamujian di goarMu, / ala holong ni rohaMu.

2.      Na metmet di mulana i sai dipararat Ho do i,  i ma harajaonMu. / Lam ganda do bilangan ni na paboahon hataMi, baen sangap di goarMu. / Jesus, tulus baen sangkapMu sosoanMu hajolmaon, asa olo paluaon.

3. Tangiang Pamuhai

L:     Marhitehite Goar ni Debata: Ama, AnakNa Tuhan Jesus Kristus dohot Tondi Porbadia, na tumompa langit dohot tano on, Amen. Martua ma halak, na so olo mangihuthon tahi ni angka parjahat, jala na so olo jongjong tu dalan ni angka pardosa, jala na so olo sahundulan dohot angka pangarehei. Sai patik ni Jahowa do lomo ni rohana, jala sai i do dipingkiri rohana arian dohot borngin. Haleluya!

H:        SDJ. No. 854   ”Haleluya Puji Tuhan” G=Do

Haleluya, Haleluya, Haleluya, Haleluya, puji Tuhan. / Haleluya, Haleluya, Haleluya, Haleluya, puji Tuhan. / Puji Tuhan, Haleluya; Puji Tuhan, Haleluya. / Puji Tuhan, Haleluya; puji Tuhan.

L:    Mauliate ma di Ho ale Debata Amanami, na manompa dohot marmuduhon hami jala na mangelehon haluaonnami sian dosa di bagasan AnakMu, Tuhan Jesus Kristus dohot na pasadahon hami marhite TondiM, Tondi Porbadia di huriaMi. Nunga pungu hami ruas Punguan Parsahutaon SAROHA Lubang Buaya. Parbadiai ma hami saluhutna.

H:       Sian pardangolan angka na bagas i do ahu joujou tu Ho, ale Jahowa! Ale Tuhan, sai tangihon ma soarangki, sai patinggil ma pinggolmu tumangi soara ni anggukkon!  Molo tung manjujur Ho, ale Jahowa, di angka dosa, tung ise ma manahan jongjong, ale Tuhan? Alai tahe  marroha pamuation do Ho, asa dihabiari halak Ho. Huhalungunhon do Jahowa, malungun do tondingku, jala huparhanalom do hatana.

L:      Ida ma, puji ma Jahowa, sude hamu ale naposo ni Jahowa, hamu ale angka na jongjong di bagas ni Jahowa ganup borngin. Paherbang hamu ma tanganmuna tu habadiaon, jala puji hamu ma Jahowa! Sai dipasupasu Jahowa, Sitompa langit dohot tano on, ma ho sian Sion!

H:      Pasupasu ma hami di manogot on di inganan on, na gabe inganan pamaritahonon ni HataM na badia i.

L:   Pasaor ma hami di bagasan dameM na sumurung i, namangatasi saluhut roha nang pingkirannaMi be, di bagasan Kristus Jesus.

S:         Amen

4. Manjaha Psalmen 121: 1-8 Debata do Parjaga ni BangsoNa

L:         Jahowa do Siparmahan ahu, ndang tagamon hurangan ahu.

H:    Dipatongon do ahu tu jampalan angka na lomak, ditogutogu do ahu di lambung aek hasonangan.

L:        Dipasabam do rohangku, ditogu do ahu di dalan hatigoran, ala ni goarna i.

H:        Ai nang pe mardalan ahu di rura linggoman ni hamatean, ndang huhabiari parmaraan, ai Ho do mandongani ahu tungkotmu dohot batahim mangapuli ahu.

L:      Ho do manutup meja di jolongku maradophon angka musungku, dimiahi Ho do ulungku, suksuk do panginumanki.

H:        Tongon tahe denggan basa dohot asi ni roha mangihutihut ahu saleleng ahu mangolu,

L:        Jala dung mulak ahu masuhanku ma bagas ni Jahowa salelenglelengna. I ma sahatna! Martua do angka na tumangihon Hata ni Debata, jala na umpeopsa.

L+H:   Amen

5. Marende sian BE. No. 213: 1-3 ”Dung Sonang Rohangku”

(BL 115) D=Do

1.      Dung sonang rohangku dibaen Jesus i, porsuk pe hutaon dison. / Na pos do rohangku di Tuhanta i, dipasonang tongtong rohangkon. / Sonang do, sonang do; dipasonang tongtong rohangkon.

2.      Nang dihaliangi sibolis pe au, naeng agohononna muse. / Naung mate Tuhanhu, mangolu ma au; utanghi nunga sae sasude. / Sonang do, d.u.

3.    Diporsan Tuhanhu sandok dosangki, bolong tu na dao do dibaen. / Nang sada na so jujuronNa be i, na martua tondingku nuaeng. / Sonang do, d.u.

6. Tangiang Pangondian: J. Pasaribu

7. Marende SDJ. No. 802:1 “Pangke Tingkim Saonari” Bes=do

           

1.      Pangke tingkim saonari, dapothon ma Tuhan i. /

Unang godang sidalian, ingot jempek ngolumi. /

Nunga rade hasonangan di surgo i, di surgo i. /

Unang adong nanggo sada na so parjambar disi.

8. Jamita : Ulaon ni Apostel 4: 5-12 (Pdt. Nikson Simangunsong)

   

9. Marende BE. No. 303: 2-4  ”Jahowa Tuhanki” F=Do (Pelean)

1.      Tung aha di rohaM huboan peleanMu? / Tu asi ni rohaM hubonom ma rohangku. / Nang tondi daging pe manipat ari on. / I ma peleanMi, na asing ndang adong.

2.      I pe o Tuhanhi, sai jalo ma tondingku. / Ho ma nampuna i, padomu tu TondiMu. / Di holong ni rohaM di Ho ma rohangki. / Gomgoman ni hataM, baen hasangaponMi.

3.      Nang pe pamatanghon hulehon ingananMu. / Tagan di tano on, siparbadiaanMu. / O Jesus Tuhanhi, rajai pangolu au. / Ai molo songon i, mardomu Ho tu au.

10. Tangiang Pelean

P:       Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on.

H:        Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandak mauliate tu Ho, marhitehite Jesus Kristus Tuhannami.

S:         A m e n

L:        Rap Mandok ma hita tangiang hatopanta i: Ale amanami na dibanua ginjang…

L:         Pasupasu

S:         (mangendehon) Amen, amen, amen.