ACARA PESTA PADUAHON PARNINGOTAN ARI HAHEHEON NI TUHAN JESUS KRISTUS (PASKAH II)

ACARA PESTA PADUAHON PARNINGOTAN

ARI HAHEHEON NI TUHAN JESUS KRISTUS

(PASKAH   II)

                                                                                       

HKBP RESORT PONDOK GEDE

Senin, 06 April 2015

                                                                                             

Tema :

SAI PABOTOHONONMU DO TU AHU DALAN HANGOLUAN

(PSALMEN 16:8-11)

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat, Telp. (021) 8467284

1.   Joujou tu Parsaoran (L= Liturgis; H= Huria;)

(Tangiang na hohom….Hupanotnoti silangMi Tuhan…

hupaingotingot holong ni rohaM na manghophop ahu…

hupaunduk simajujunghu, hulompit tanganhu martangiang,

marsinggang di adopanMu, Tuhan…)

L:      Huria ni Tuhanta, Selamat Paska ma di hamu saluhutna

     

      H:      Selamat Paska di hita saluhutna

     L:       Nunga sahat hita tu bagas joro ni Debata, inganan na badia, laho marningot haheheon ni Tuhan Jesus Kristus manaluhon dosa dohot hamatean i. Antong taparade ma rohanta mamuji Ibana di Pesta Paska II on, marende ma hita sian BE No. 632 “Nunga Hehe Kristus”:

2. Marende BE No. 632:1-3  “Nunga Hehe Kristus”   BL.632

            Nunga hehe Kristus marsihohot ma hamu.

        Lam sumurung hita diulaon ni Tuhanta

        Lam sumurung hita diulaon ni Tuhanta

        Radot ma hita lao mangula tu Tuhanta

        Radot ma hita lao mangula tu Tuhanta. Amen.       

Nunga hehe Kristus marlas roha ma hamu.

Lam benget ma hita di sude parungkilonta.

Lam benget ma hita di sude parungkilonta

Jugul ma hita martangiang tu Tuhanta,

Jugul ma hita martangiang tu Tuhanta. Amen

                            ----Musik----              ----ruas jongjong----

Nunga hehe Kristus lam margogo ma hamu.

        Lao manghamonanghon paraloan dingolunta.

        Lao manghamonanghon paraloan dingolunta.

        Paima monang hita di paraloanta

  Paima monang hita di paraloanta. Amen.

                                         

3. Votum, Introitus, Tangiang

L :     Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Soara ni olopolop dohot hatuaon marsaringar di undungundung ni angka partigor. Siamun ni Jahowa do sibahen hamonangan. Timbul situtu do siamun ni Jahowa; siamun ni Jahowa do sibahen hamonangan _{(Ps 118:15,16)}. Haleluya.

H:     (Mangendehon): Haleluya, Haleluya, Haleluya.

L:      Martangiang ma hita

          Ale Tuhan Debata, Parasiroha na sumurung! Didok hataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasonangan. Sai parrohai ma hami, asa unduk hami tu lomo ni rohaM jala hot hami di haporseaon na ture asa tongtong manghirim di haheheon dohot di hasangapon sogot silehononMu tu angka na porsea di Ho. Amen.                     

---ruas hundul---

4.  Marende BE No. 92:1 Puji ma na Manaluhon     BL. 178

      Puji ma na  manaluhon dosa hamatean i

      Puji ma na pangoluhon saluhut pardosa i

      Jesus na dung mate i las roham o huriaNa 

      Ala na mamillit ho, Jesus i mangolu do          

                                 

5. Patik: Hata Haporseaon Ponggol II

L:      Tangihon hamu ma patik ni Debata di pesta Paskah II, tarsurat di Hata Haporseaon Ponggol II:  Hata Haluaon ni Manisia. Songon on ma didok di si: Ahu porsea di Jesus Kristus, Anak ni Debata Jahowa na sasada i: I ma na tinubuhon ni si Maria, na gabegabean sian Tondi Parbadia, andorang so habubuhan.

H:     I do Tuhanta na tumaon na bernit di panguhuman ni si Latus, na mate tarpajal do Ibana di hau pinarsilang, na tuat tu banua toru dung ditanom, na mulak mangolu di ari patoluhon,

L:      na manaek tu surgo, laho hundul tu siamun ni Debata Jahowa AmaNa i, Pargogo na so hatudosan i,

H:     di si ma Ibana paima mulak sogot tu tano on: manguhumi halak na mangolu dohot na mate.

L:      Dia do lapatan ni i? On do: Na diparhatutu rohangku do, Anak ni Debata situtu Jesus Kristus na tinubuhon si Maria andorang so habubuhan.

H:     I do Tuhanku na humonghop jala na manghamonanghon ahu. Dipalua do ahu sian hamagoan, ahu na hona toru dohot sian dosa dohot sian hamatean dohot sian gomgoman ni sibolis i,

L:      ndada sere manang perak dibahen, tung mudarNa do na arga jala na badia dohot habebernit ni siak ni bagi na tinaonNa i dohot hamatean na so sian salaNa,

H:     asa Ibana nampuna ahu jala asa tigor rohangku jala bontor jala sonang mangoloi Ibana salelenglelengna di gomgomanNa. Asa songon Ibana ahu na hehe sian hamatean, na mangolu jala manggomgomi salelenglelengna. I ma na tutu situtu.

L:      I ma sahatna, rap ma hita mangido gogo sian Tuhan Debata:

H:     Ale Tuhan Debata, sai pargogoi ma hami mangulahon na hombar tu patikMi. Amen.

6.  Koor:

7.  Marende BE No. 95:1+3 Ngot Ma Ho Dijou Soara                BL. 22

      Haleluya taendehon nuaeng di ari haheheon Tuhanta Siparmonang i

      Ai malua do Ibana haruar sian tanomanNa na talu hamatean i.

      Sun ulaonNa i dibaen Tuhanta i haleluya

      Naung sahat di Tuhanta i upaNa na sumurung i.

                                                          (Jongjong)

     Na so pola habiaran ni hita on be hamatean ai hita pe sai hehe do

     Molo burju taihuthon Tuhanta i di parungkilon sai ingkon tu lambungNa ro

     Diboan Jesus i do hita on muse tu lambungNa

     Parmonang  i  sai saut ma i binaen ni hagogoonMi.

8. Manopoti & Hasesaan ni Dosa

     L:       Tatopoti ma dosanta tu jolo ni Debata, martangiang ma hita:

                Ale Tuhan Debata, Amanami, Pargogo na so hatudosan, Parasiroha mida hami na dangol on! Na ro do hami tu joloM manopoti dosanami na godang i.

      Baoa: Di bagasan hajahaton do hami tubu jala ndang adong haporseaon di bagasan rohanami hian, saluhut do hami manimbil sian angka dalanMu.

      Boru: Mansai godang do pangalaosionnami di patikMu. Ndang huargahon hami holong ni rohaM di bagasan Kristus na mangondihon hami.

      L:     Huboto hami do angka na sala, na roa, alai sai hutuntun hami do dirinami mangulahon i. Huulahon hami do angka na ramun. Jala jotjot do huramuni hami dirinami tu bagasan ulaon na so ture. Jotjot do huparsoada hami Ho, ala ni sihumisik, jabatan, dohot huaso… Jotjot do hami lemba mamemehon hataMi tu pinomparnami. Hape Ho do mual ni hamoraon dohot hagabeon. Asi ma rohaM. Unang uhum hami, Tuhan. Unang jolo taba hami, ale Jesus, Birubiru ni Debata…

      H:     (langsung mangendehon BE No. 686:1 Ramun do au)

                Ramun do au di joloMi, gok dosangki, urasi au.

                O Jesus, Birubiru i; dison do au, patau ma au.

      L:     Ingot ma hami, ale Tuhan, ala ni denggan ni basaM dohot asi ni rohaM. Sai unang paingotingot angka dosa ni haposoonnami dohot pangalaosionnami. Sai ingot ma hami hombar tu asi ni rohaM dohot denggan ni basaM ala ni goarMu. Ale Tuhan Jesus, marpamuati ma rohaM di dosanami na godang i! Amen.

     

      H:     (langsung mangendehon BE No. 686:2 Ramun do au)

                Na ro do au tu joloMi, gale do au, urupi au.

                O Jesus ala mudarMi, dison do au, patau ma au.

   

      L:     Bagabaga ni Debata taringot tu hasesaan ni dosa: Songon on do panghaholongi ni Debata di portibi on, pola do AnakNa na Sasada i dilehon, asa unang mago ganup na porsea di Ibana, asa hangoluan na saleleng ni lelengna di Ibana _{(Joh. 3:16).} Hasangapon ma di Debata na di ginjang.

      H:     Amen !                                                                       

---ruas hundul---

9. Marende BE No. 90:2 Sai Marlas ni Roha Hita        BL. 175

   Anggo utang ni dosangku digarari Jesus i

        I do haporseaonku di na tinaonNa i

        Nunga tulus patik i nunga mintop rimas i

        Di na hehe i Ibana ro di au hangoluanNa

10. Epistel: 1 Korint 5:6b-8

  L:    Epistel di hita di Pesta Paskah II, tarsurat di 1 Korint 5: 6b-8. Songon on ma didok disi.    Ndang diboto hamu: Otik pe na asom i, diasomi do sude na niudi i?

  Boru: Ias ma pabali hamu asom naung leleng i, asa na niudi na imbaru hamu, ai ndang na niasoman hamu. Ai nunga pola dibunu Birubiru paska humongkop hita, i ma Kristus.

  Baoa: Onpe, marpesta ma hita di bagasan hapolinon dohot hasintongan, unang ma marhitehite pangasomi hajahaton jala haroaon naung bari.

  L:    I ma sahatna. Martua do na tumangihon Hata ni Debata jala na umpeopsa.

  H:   Amen.

11. Koor :

12. Marende BE No. 94:1+3 Ale Tondingku Naung Hehe BL. 44

Ale tondingku naung hehe Tuhanmu nunga ditaban do banua toru

        Las ma roham ai martua ma ho rap dohot Jesus mangolu ma ho

 Rap dohot Jesus mangolu ma ho

(ruas jongjong)

        Tahaburjuhon mangalo dosanta jala tabaen Tuhan Jesus donganta

        Pos ma rohanta di Tuhanta i, pamonangonNa do hita sude

        PamonangonNa do hita sude

13. Manghatindanghon Haporseaon                                                            

L :   Rap ma hita manghatindanghon haporseaonta i songon panghatindanghonon ni donganta sahaporseaon di sandok portibi on, rap ma hita mandok.

      

H :  Ahu porsea ...                                                       

--- ruas hundul ---

14. Sunggulsunggul

15. Marende BE No. 91:1… Hatuaon Do BL. 55     (Pelean la + lb)

Hatuaon do, las ni roha do hangongot ni Tuhanta i

Mago do hita ngot ma Tuhanta, las be, las be ma rohanta i.

Mago do hita ngot ma Tuhanta, las be, las be ma rohanta i.

Hatuaon do las ni roha do hangongot ni Tuhanta i

Monang  do Jesus talu sibolis las be, las be ma rohanta i.

Monang  do Jesus talu sibolis, las be, las be ma rohanta i.

--- Organ ---

    Hatuaon do las ni roha do hangongot ni Tuhanta i

           Mungkap do dalan tu hangoluan, las be, las be ma rohanta i.

           Mungkap do dalan tu hangoluan las be, las be ma rohanta i.

Hatuaon do las ni roha do hangongot ni Tuhanta i

I ma gogonta  dompak dosanta, las be, las be ma rohanta i.

I ma gogonta  dompak dosanta, las be, las be ma rohanta i.

--- Organ ---

Hatuaon do, las ni roha do hangongot ni Tuhanta i

Monang ma hita jumpa ajalta las be, las be ma rohanta i.

Monang ma hita jumpa ajalta, las be, las be ma rohanta i.

16. Jamita : Psalmen 16:8-11

17. Marende BE No.  635:1...  “ Ro Tuhan Jesus”     BL. 635              

(Pelean tu Diakoni Sosial HKBP )

Ro Tuhan Jesus Anak sasada, parasi roha, parholong i,

Mate Ibana humophop hita, rumar tanoman i ai hehe Jesus i.

Ala hehe Jesus ro do ari sogot mangolu au, ndang mabiar au

Huboto do sonang au raphon Jesus, sonang ma au ala naung hehe Jesus i.

           Di paraloan, au dongananNa pos do rohangku di ngolungki

PamonanganNa au anakonNa, ala naung monang jala hehe Tuhanki.

Ala hehe Jesus ro do ari sogot mangolu au, ndang mabiar au

           Huboto do sonang au raphon Jesus, sonang ma au ala naung hehe Jesus i.

--- Organ ---

        Molo marujung muse ngolungku, mansohot do nang sitaononki

        Ai nunga talu banua toru ditomu Jesus au na tinobusNa i

        Ala hehe Jesus ro do ari sogot mangolu au, ndang mabiar au

       Huboto do sonang au raphon Jesus, sonang ma au ala naung hehe Jesus i.

18. Parsuruon                                                                                               (ruas jongjong)

L :   Huria ni Tuhanta, nunga sahat hita di ujung ni pesta Paska II. Nunga dipabotohon Ibana tu hita dalan sidalananta. Ai Ibana do dalan i dohot hasintongan dohot hangoluan. Ndang adong na sahat tu Ama i, ia so marhite sian Ibana. Dibahen i, tapuji ma Debata alani denggan ni basaNa na paluahon hita marhitehite AnakNa i. Tapuji ma Tuhan Jesus Kristus, Parholong roha i, na mangondihon hita tu Ama i. Tapuji ma Tondi Parbadia, na marmudumudu hita huriaNa jala na margogoihon hita huhut na mangungkap rohanta manghamauliatehon panghophopNa i. Nunga tapaihutihut sude ulaon na pinatupa ni hurianta, mamungka sian partangiang Passion, Parningotan Hamamate ni Tuhan Jesus Kristus, dohot Parningotan Haheheon ni Tuhan Jesus Kristus.  Bahat do naung tajalo sian Tuhanta. Aha ma balos ni i na boi bahenonta?

H:   (langsung mangendehon BE No. 720:2 Naeng Marsinondang Ngolungku)

        Ingkon hobas mangurupi angka na gale i. Jala burju manghobasi songon Tuhanta i. Tiur marsinondang, i do niigil ni Jesus. Tongtong marsinondang, panondang do au tutu.   

       

        L:    Antong borhat ma hamu tu tongatonga ni portibi on. Marsinondang ma ngolumuna, ai panondang do hamu tutu. Nuaeng tapasahat ma peleanta tu Debata, martangiang ma hita:

                Tangiang Pelean - Tangiang Haheheon – Tangiang  Ale Amanami

                Pasupasu - 

Mangendehon :  Amen – Amen - Amen.

-----Selamat Paskah-----