PARTANGIANGAN KOOR GABUNGAN WIJK 2 - KOOR JERIKO WIJK II

 

PARTANGIANGAN

KOOR GABUNGAN WIJK 2 - KOOR JERIKO WIJK II

HKBP Pondok Gede Resort Pondok Gede

Sabtu, 09 Oktober 2021 di Aula HKBP Pondok Gede

1. Pangaradeon

 

U:        Horas ma di hamu saluhutna!

Hamuna dongan na hinaholongan, tama do hita mandok mauliate tu Debata Pardengganbasa i, ala sude asi ni rohaNa na mangiringiring hita huriaNa ganup marsadasada, gabe tarbahen hita marhahipason, marlas ni roha, marsaor, marpungu, marlas ni roha manghalashon asi roha ni Debata di tingki on.  Laho 2 taon ma hamamasa ni Sorimago Covid-19. Di tingki on, Koor Gabungan Wijk II dohot Koor Jeriko Wijk II HKBP Pondok Gede patupa Syukuran Rap Martangiang mandok mauliate tu Tuhan i. Bahat jala ragam angka naung binolus ni punguan on, sian mulai parjongjongna sahat tu tingki on. (Koor Gabungan Wijk 2: 11 November 1988 - 11 November 2021=33 Taon dohot Koor Jeriko 07 Juli 2005 – 07 Juli 2021=16 Taon). Laos las rohanta ulang taon Guru Koor S. Sihombing 52 Taon dohot A. Nababan = 53 Taon. Laos pangidohononta ma tu Tuhanta hamalumon di Ny. L. Sianipar br. Nababan; Ny. St. E. Manurung br. Silaen; St. E. P. Tambunan, St. A. M. Napitupulu. Hatutulus marsangkap laho marbagas Debora br. Hutapea. Sian angka pengalaman i ma, naeng lam marsitutu pataridahon hasadaon ni roha ni sude ruas ni punguan on laho mamujimuji Goar ni Tuhan i marhite parendeon di tonga ni huria, asa sude na umbegesa taruli pasupasu dohot las ni roha na pa hot haporseaonna be. Jesus Raja ni huria i, i ma na tongtong manogunogu punguan on, asa mardalan tongtong hombar tu lomo roha ni Tuhan i. Marende ma hita!

 

2. Marende BE. HKBP No.9: 1-2 Hupuji Holong ni RohaMu (BL 110) C=Do 3/4

           

1.   Hupuji holong ni rohaMu o Tuhan Jesus Rajangki

            Tu Ho hulehon ma tondingku ai i do pinangidoM i

            Huhalupahon ma diringku mamingkir holong ni rohaMu

 

2. Sai dilului Ho do ahu, au pe huhalungunhon Ho

Ditaiti rohaM i rohangku, dibahen i hulehon do

Dipillit Ho hian tondingku, i pe hutodo Ho Tuhanku

 

3. Votum – Tangiang (U=Uluan : P=Punguan)

 

U:      Marhitehite Goar ni Debata Ama dohot Goar ni AnakNa Tuhan Yesus Kristus dohot Goar ni Tondi Parbadia. Amen. Puji ma Jahowa, ale tondingku, jala nasa rohangku di bagasan mamuji goarNa na Badia i.

 

P:       Puji ma Jahowa, ale tondingku, jala unang tung halupahon denggan ni basaNa sudena.

 

U:      Ibana do manesa dosam sudena, Ibana pamalum angka sahitmu sudena.

 

P:       Ibana paluahon ngolum sian hamagoan, Ibana martumpalhon tu ho denggan basa dohot asi ni roha.

 

U:      Parasi roha jala pardengganbasa do Jahowa, lambat tarrimas jala parasi roha godang. Songon asi ni amaama tu angka anakna asi ni roha ni Jahowa di angka na mangkabiari Ibana. Haleluya!

(Martangiang ma hita!)

Ale Jahowa Debata Amanami marhitehite Jesus Kristus Tuhannami, mauliate ma rohanami tu Ho ala di ramoti Ho do ngolunami sian tingki na salpu sahat ro di tingki on. Na pungu do hami di son ruas ni huriaM Koor Gabungan Wijk II, Koor Jeriko Wijk II HKBP Pondok Gede mandok mauliate tu Ho ala denggan basaM na mangiringiring ngolunami mamolus ragam hamaolon na masa sahat tu tingki on, lumobi ma ala pangontak ni sorimago Covid-19. Asi ma rohaM, pasupasu ma saluhut ruas ni punguan on, lehon dos ni roha, asa marsada roha mangihuthon punguan on gabe jumpang ma parsaoran dohot parendeon na lam tu dengganna na gabe pujipujian di tongatonga ni huriaM jala tau hasangapon di goarMu na Badia i. Tangihon ma tangiangnami on di bagasan Jesus Kristus Tuhannami. Amen.

 

4.   Koor Gabungan Wijk 2

 

5.  Marende BE. HKBP No. 575: 1 Puji ma Debata na Songkal Bes=Do

 

Puji ma Debata na songkal, pasangap ma goar-Na.

Puji ma, angka rura dohot lung, angka dolok na timbo

Dohot hasak ni galumbang sude mamuji Ho.

Langit i na mansai hembang, bintang i na mansai torang,

Ombun i na mansai saksak pasangaphon Ho, o Debata.

Tung so olo tading au, lao mamuji Ho Tuhan.

Nasa gogo bahenonhu lao pasangaphon Ho.

Ro di ujung ni ngolungku sai pujionhu Ho.

 

6.   Tangiang Pangondian

 

7.  Koor Jeriko Wijk 2

 

8. Marende BE. HKBP No.815: 1 Uli do Tingki na Hohom D=Do 6/8

 

1.   Uli do tingki na hohom di jolo ni habangsa ni,

Amanghu na rade tongtong manjalo pangidoanhi

Ai di na marsak rohangki sai diapuli tondingki

Malua sian jorgong i di tingki martangiang i.

 

9.   J a m i t a  :

 

10.  Marende BE. HKBP No.691: 1… Hupasahat ma tu Jesus Es=Do 4/4 (Papungu Pelean)

           

1.    Hupasahat ma tu Jesus saluhutna ngolungki,

Roha nang pambaenanku saluhutna tingkingki

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

2.    Pangkeonku ma tanganku, mangula lomoNa i,

Langka nang simanjojakku mangihuthon Tuhanki.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

3.    Nang pamereng ni matangku mandompakhon Jesus i.

Soara ni pamanganhu mamuji goarNa i.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

4.       Dung huida Tuhan Jesus hutundalhon dosangki.

Lohot rohangki tu Jesus sipalua tondingki.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

5.       Tarhalomong do rohangku di pandok ni Tuhanhi.

Aleale ni Tuhanhu au digoar Jesus i.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

6.       Mauliate ma rohangku ala au hinophopMi.

Pujionhu ma goarMu salelenglelengna i.

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

 

11. Tangiang Panutup - Ale Amanami - Pasupasu