PAMASUMASUON PARDONGAN SARIPEON: Dheo Ricki Tison Sitanggang, S.E. dan Ermawati br. Simamora

 

Banjir Jakarta-Bekasi SekitarNya

GEDUNG SEJAHTERA

ACARA IBADAH PAMASUMASUON

HKBP PONDOK GEDE RESORT PONDOK GEDE

DISTRIK XIX BEKASI

Sabtu, 20 Februari 2021

Pukul 09.00 WIB

 

Dheo Ricki Tison Sitanggang, S.E.

&

Ermawati br. Simamora

 

 

Perumahan Taman Pondok Gede Blok H No.1-3

Pondok Gede RT.04/01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

I.               Pra Ibadah (Pdt. Nikson Simangunsong)

1.   Mangarade di Bilut Parhobasan (Calon Pangoli dohot Oroan, Natoras, Parhalado rap martangiang)

2.   Calon Pangoli Oroan dohot keluarga udur tu gareja (diiringi musik)

 

II.            Ibadah

1. Marende BE No. 14:1-2 Puji Hamu Jahowa Tutu (BL 57)

1.   Puji hamu Jahowa tutu, pardenggan basa,

Parasi roha salelengna i.

     Pardenggan basa i, parasi roha i.

    

                                    (Jongjong)

 

2.   Ingot tongtong ale tondingkon sude na denggan,

Na dipasonggop Debata tu ho.

Denggan basa-Na do na pangoluhon ho.

 

2. Votum – Introitus – Tangiang (P= Paragenda; R=Ruas)

P:   Marhitehite Goar ni Debata Ama dohot Goar ni Anak-Na Tuhan Jesus Kristus dohot Goar ni Tondi Parbadia. Amen. Haleluya! Martua ma baoa na manghabiari Jahowa, na lomo roha situtu di angka patik-Na,

R: Sangap ma pinomparna i sogot di tano on, dapotan pasupasu ma sundut ni angka partigor sogot,

P:   Hamoraon marlobilobi di bagasan jabuna, jala hot do hatigoranna i ro di salelenglelengna. Haleluya!

(Martangiang ma hita): Ale Tuhan Debata Amanami na di banua ginjang. Ho do na mangaturhon pardongansaripeon i. Diida Ho dongan nami on na marsangkap naeng marbagas. Jala na ro do nasida mangido pasupasuM. Antong sai tatap ma nasida di bagasan asi ni rohaM, pasupasu jala ramoti ma nasida marhitehite panghaholongiM. Rajai ma nasida marhitehite Tondi Parbadia asa mamungka jala marujung di bagasan dame pardongansaripeon nasida i. Tangihon ma tangiang nami on ala ni asi dohot holong ni rohaM.

R:   Amen. (Hundul)

 

3. Koor/VG/Solo: --

 

4.     Marende BE No. 115:1+3 Tuhan Debata (BL 59)

 

1.     Tuhan Debata sai ramoti ma, daging dohot tondinami,

I do pangidoan nami. Sai pahipas be, hami on sude.

 

3.     Sai parbadiai, sai tongtong rajai, ale Tondi Parbadia.

Rohanami asa ria. Mangoloi hataM, hombar tu rohaM!

 

5. Jamita Psalmen 23: 1

 

6. Koor/VG/Solo: --

 

7. Marende BE No. 160:1-2 ”O Tondi Parbadia i...” (BL 206)

 

Au dohot na saripengkon, o, Jesus na di joloMon, Ho naeng oloannami. Ho ma nampuna hami on, saleleng hosanami on,

sai pasupasu hami. Ho ma Raja, Sioloan, Pausoan, Sisungkunon. Di patikMu ale Tuhan.

 

(Calon Pangoli dohot Calon Oroan ro tu Langgatan)

 

Sai pasupasu hami be, pasinghop bohalnami pe, padao ma hapogoson. Horasi dohot daging i, sai tuk ma baen gogona i, manahan di ulaon. Tolong, tolong ganup hami, asa hami manghaposi rohaMi na sai marasi.

 

8. Pamasumasuon

 

9. Pasahathon Tanda Holong sian Huria

 

10. Koor/VG/Solo: --G/

olo:11. Marende BE No. 159:1-2 ”Martua Dongan...” (BL 201)

(Pelean I tu Huria dohot II Sosial Huria)

1.     Martua dongan angka na sabagas, na mardonganhon Tuhan Jesus i. Na mangoloi Ibana mansai ringgas, na so marholang tangiangna i. Tongtong holong rohana di Ibana, manungkun lomo ni rohaNa i. Huhut tongtong marguru tu HataNa dibaen sandok pangalahoNa i

--- Musik ---

2.     Martua baoa dohot inaina, sisadaroha mida Jesus i.

Na rap marholong roha di Tuhanna, marsaulihon hatuaon i.

Na sahat sian asi ni rohaNa, tu halak na porsea sasude.

I do dibaen nasida haposanna, manang beha parsorionna pe

 

12. Tangiang Pelean – Pasupasu

 

13. (Mangendehon): Amen, Amen, Amen.

 

III. Mandok Hata

1.    Sian Paranak

2.    Sian Parboru

 

IV.  Foto Bersama

1.   Pangoli dohot Oroan

2.   Pangoli dohot Oroan dohot Pandita

3.   Pangoli dohot Oroan dohot natoras ni Pangoli

4.   Pangoli dohot Oroan dohot natoras ni Oroan

5.   Pangoli dohot Oroan, natoras ni Pangoli dohot Oroan

 

V. Masijalangan (Pangoli, Oroan dohot Natoras di jolo Langgatan mangadop tu ruas huhut mangendehon BE No. 141, “Sai tiur ma langkamuna” BL 222)

     

Sai tiur ma langkamuna, sai Debata ma donganmuna, nang surusuruanNa pe. Molo diramoti Jesus, hamuna ndang tarbaen so bulus, do langkamuna sasude. Antong Tuhanta i, ma donganmuna i ganup ari, hamu sude sai ingot be tumangiangkon hami pe.