PARTORDING PARMINGGUON PADUAPULUHON DUNG TRINITATIS 25 OKTOBER 2020

 

PARTORDING NI PARMINGGUON

MINGGU PADUAPULUHON

DUNG TRINITATIS

ADAPTASI CARA HIDUP BARU COVID-19

HKBP PONDOK GEDE RESORT PONDOK GEDE

Minggu, Tanggal 25 Oktober 2020

Ev.: Johannes 4:5-14

Ep.: 1 Rajaraja 17:1-6

 

Topik: Jesus Do Aek Hangoluan

(P: Paragenda - R: Ruas)

 

I.         Pangaradeon

II.       Ulaon Na Hohom

III.     Ulaon Parmingguon

 

1.        Marende BE HKBP No. 19:1-2 O Jesus Tatap Ma Tu Son (BL 32)

 

1.        O Jesus tatap ma tu son, pasaor TondiM tu hami on.

Sai rohanami dirajai, dalanannami dipasae.

 

--- Jongjong ---

 

2.        Pamujinami baen ture, buhai ma rohanami be.

Patinggil pinggolnami be lao tumangihon hataM i.

 

2.        Votum – Introitus – Tangiang (A.XV/A.17; D.XIII/53)

 

P:    Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on.

 

R:    Amen.

P:    Kristus Jesus do naung gabe hapistaran sian Debata tu hita, gabe hatigoran dohot habadiaon dohot haluaon. Haleluya!

R:    (Mangendehon BE HKBP No. 852 Haleluya (3x) F=Do 4/4) Haleluya, Haleluya, Haleluya!

P:    Martangiang ma hita: Ale Tuhan Debata! Ho do haroroan ni dame dohot holong ni roha. Sai lehon jala pahot ma di hami roha sisongon i. Ramoti ma angka naposoM maradophon pangasungi ni sibolis, asa malua nasida sian pangunjunan dohot sian biar ni roha. Ho do tongtong haposan dohot partanobatoannami. Sai togu ma hami di dalan sidalanannami ala ni AnakMu, Tuhan Jesus Kristus, Tuhannami.

R:    Amen. -Hundul-

 

3.        Marende BE HKBP No. 262:1-2 Jahowa Tuhanhi (BL 149)

 

1.        Jahowa Tuhanki Ho mual ni na denggan.

Sitompa sasude, silehon hangoluan.

Sai lehon ma di au pamatang na hipas.

Maringan ma di au baen roha na ias.

 

2.        Urupi au mandok na patut dohononhu.

Asa ture hudok, na roa oromonhu.

Tung baen ma au gomos mandok na patut i.

Margogo ma antong, baen dohot hatangki.

 

4.        Patik (Johannes 7:37-38)

 

P:    Tangihon hamu ma Patik ni Debata i ma sian Johannes 7:37-38: Dung i di ari pesta na parpudi na sumangap i, jongjong ma Jesus disi, dipagogo ma soaraNa mandok: ”Molo adong na mauas, tu Ahu ma ibana ro minum! Songon na nidok ni surat i: Angka batang aek na mangolu do mabaor sian na porsea di Ahu.”

 

P:    I ma sahatna. Antong rap mangido gogo ma hita sian Debata laho mangulahon na hombar tu patikNa i:

 

P/R: Ale Tuhan Debata, sai pargogoi ma hami mangulahon na hombar tu Patik-Mi. Amen.

 

5.        Marende BE HKBP No. 179:1-2 Adong Do Sada Mual I (BL 20)

 

1.        Adong do sada mual i di na mardosa i,

Mansai denggan do mual I pasonang roha i.

 

--- Jongjong ---

 

2.        Aek mual na badia i, ima di Jesus i.

Di sesa do tihastai, dibuat arsak i.

 

6.        Manopoti Dosa (B.11; C.11)

 

P:    Tatopoti ma dosanta! Ale Tuhan Debata, na badia jala na bonar. Parasi roha jala Partalup ni roha jala na basar do Ho! Sai marpangulahi ma rohaM mida hami. Dibahen i sai sesa ma sude dosanami! Ndang adong na hupangasahon hami dungkon ni asi ni rohaM; hatigoran na pinatupa ni AnakMu do na hupangasahon hami tu joloM. Dibahen i pasonang jala apuli ma hami angka na hinophop ni Tuhan Jesus Kristus, Tuhannami.

R:    Amen.

 

(Tangiang na hohom BE HKBP No.179 BL 20)

P:    Tabege ma Hata bagabaga taringot tu hasesaan ni dosa. Ala ni pangalaosionta do umbahen na tartullang Kristus, jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa, malum itahilala. Hasangapon ma di Debata na di ginjang!

 

P/R: Amen.

 

7.        Marende BE HKBP No. 774:1+3 Tung Mabaor Sian Ho

 

1.        Tung mabaor sian Ho, mual hangoluan i.

Ai torop pe batang aek, angka dolok dohot rura.

Nang pe langit dohot tano,

Ho do na manompa i, Ho do na manompa i,

Ho do na manompa i, Ho do na manompa i.

 

3.        Tung tarapul rohangki mingot denggan basaMi.

Ndang tarasam be argana, ndang marbatas nang godangna.

Disondangi do rohangku,

Lao mamereng holongMi. Lao mamereng holongMi,

Lao mamereng holongMi, Lao mamereng holongMi.

 

8.        Epistel (1 Rajaraja 17:1-6)

 

P:    Tabege ma Hata ni Debata turpuk ni ari Minggu on, sian 1 Rajaraja 17:1-6. Ita jaha ma marsorinsorin! Dung i ro ma hata ni si Elia, halak Tisbi, sian halak paisolat di Gilead, mandok tu si Ahab: “Songon sintongna mangolu Jahowa, Debata ni Israel, jala ahu marhalado di joloNa, ndang jadi ro nambur manang udan, manang piga taon on, molo so jolo ahu mandokhon.”

R:    Dung i ro ma hata ni Jahowa mandok tu ibana:

 

P:    “Laho ma ho sian on jala tondong ma dompak purba, jala martabuni ma ho di lambung sunge Karit na di bariba ni Jordan.

 

R:    Ingkon minum sian sunge i ma ho, jala nunga Hudokhon angka pidong sigak, asa nasida marmudu ho disi.”

 

P:    Dung i laho ma ibana jala dibahen ma hombar tu hata ni Jahowa, laho ma ibana tutu jala hundul di lambung sunge Karit na di bariba ni Jordan.

 

R:    Jadi ro ma angka pidong sigak mamboan tu ibana sagusagu dohot juhut manogotna i dohot bodarina i, jala sian sunge i ibana minum.

 

P:    I ma sahatna! Martua do angka na tumangihon Hata ni Debata, jala na umpeopsa.

 

P/R: Amen.

 

9.        Marende BE HKBP No. 673:1 Adong Do Sada Mual I-2

 

--- Jongjong ---

 

1.        Adong do sada mual i na sian Tuhan i.

Durus sian bugangNa i, di hau parsilang i.

Di hau parsilang i, di hau parsilang i.

Durus sian bugangNa i, di hau parsilang i.

10.    Manghatindanghon Haporseaon

 

P:    Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok:

P/R: Ahu porsea di Debata Jahowa, i do Ama, Pargogo na so hatudosan na tumompa langit dohot tano.

        Ahu porsea di Jesus Kristus, Anak ni Debata Jahowa, na sasada i; i ma na tinubuhon ni si Maria na gabegabean sian Tondi Parbadia andorang so habubuhan; i do Tuhanta, na tumaon na bernit di panguhuman ni si Latus; na mate tarpajal do Ibana di hau pinarsilang, na tuat tu banua toru, dung ditanom, na mulak mangolu di ari patoluhon, na manaek tu surgo laho hundul tu siamun ni Debata Jahowa, Ama-Na i, Pargogo na so hatudosan i, disi ma Ibana, paima mulak sogot tu tano on manguhumi halak na mangolu dohot na mate.

       Ahu porsea di Tondi Parbadia, jala adong sada huria na badia, Huria hatopan ni halak Kristen angka na badia, dohot di hasesaan ni dosa, dohot di Hata i, na mandok: Mulak mangolu sogot daging ni halak naung mate, dohot di hangoluan na so ra suda. Amen.

 

11.    Tingting Huria dohot Tangiang Pangondian

 

12.    Marende BE HKBP No. 695:1+4 Jesus Tuhanhu Di Ho Ma Au On

 

1.        Jesus Tuhanku di Ho ma au on,

       Asa mangihut tu Ho au tongtong.

       Gohi rohangku ingani au on, soang di Ho tongtong.

       O Tuhan togu ma au, o Tuhan togutogu ma au.

       Gohi rohangku ingani au on, sonang di Ho tongtong.

4.        Namarhaposan tu Jesus tahe,

       Sai na martua ibana muse.

       Sonang ibana di portibi on, nang di surgo inon.

       Jolma na bonar burju, jolma na bonar huhut burju.

       Sonang ibana di portibi on, nang di surgo inon.

 

13.    Jamita (Johannes 4:5-14)

 

5.    Gabe ro ma Ibana tu sada huta na di Samaria na margoar Sikar, mardonokhon ladang na nilehon ni si Jakob tu si Josep, anakna i.

 

6.    Alai adong ma disi sumur ni si Jakob; jadi dibahen naung loja Jesus sian pardalanan, hundul ma Ibana di lambung ni sumur i; tar di hos ni ari ma i.

 

7.    Dung i ro ma sada boru Samaria, manahui aek. Jadi didok Jesus ma mandok ibana: “Lehon Ahu minum!”

 

8.   Ai nunga laho angka siseanNa i tu huta manuhor bohal.

 

9.    Jadi didok boru Samaria i ma mandok Ibana: “Boasa mangido tapian Ho halak Jahudi sian ahu boru Samaria?” Ai ndang marparsaoran halak Jahudi dohot halak Samaria.

 

10. Dung i ninna Jesus ma mangalusi ibana: “Aut diboto ho basabasa ni Debata, jala aut ditanda ho na mangido aek inumon sian ho, ra olo ho mangido tu Ibana dung i lehononNa ma tu ho aek na mangolu.”

 

11. Jadi didok boruboru i ma tu Ibana: “Tuan, tahutahu gari so ada di Ho, tole bagas do sumur on; tung sian dia ma tu Ho aek na mangolu?

 

12.   Tung umbalga ma Ho asa ompunta si Jakob na mangalehon sumur on di hami? Ibana do manginum sian i dohot ianakhonna ro di pinahanna.”

13.   Dung i ninna Jesus ma mangalusi ibana: “Sai mangulahi mauas do nasa na minum sian aek on.

 

14.    Alai na manginum aek silehononHi, na so tupa mauas be i ro di salelenglelengna. Ai anggo aek silehononHi, gabe mual do i di bagasan ibana, na mabaor sahat ro di hangoluan sisalelenglelengna.”

 

14.    Marende BE HKBP No. 697:1-4 Molo Ho Do Huihuthon (Pelean)

 

1.        Molo Ho do huihuthon dame sonang rohangki.

Sai horas jala martua nasa na hinophopMi.

Reff.:      Ho tongtong ihuthononhu, Jesus na palua au.

Ho sambing do oloanhu ala nii martua au.

 

2.        Na rade do au manaon mangasahon padanMi.

Molo Ho na margogoihon talu haholomon i.

Reff.:      Ho tongtong ihuthononhu, Jesus na palua au.

Ho sambing do oloanhu ala nii martua au.

 

--- Musik ---

 

3.        Hupelehon ma diringku mangihuthon lomoMi.

Ndada be na olo salpu na manggohi rohangki.

Reff.:      Ho tongtong ihuthononhu, Jesus na palua au.

Ho sambing do oloanhu ala nii martua au.

 

4.        Marparange na badia ma au di adopanMi.

Sai patau ma au tiruan songon pinangidoMi.

Reff.:      Ho tongtong ihuthononhu, Jesus na palua au.

Ho sambing do oloanhu ala nii martua au.

 

--- Musik ---

 

15.    Tangiang Pelean – Ale Amanami – Pasupasu

 

 

Pdt: Tatangianghon ma peleanta: Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehon-Mi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaon-Mu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehon-Mi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

 

R:    (Mangendehon): BE HKBP No. 204:2 (BL 73)

       Nasa na nilehon-Mi, tondi ro di pamatanghu.

       Hosa dohot gogongki, ro di saluhut artangku.

       Hupasahat i tu Ho, na so unsatonhu do.

 

Pdt: Ale Amanami na di banua ginjang! Sai pinarbadia ma Goar-Mu! Sai ro ma harajaon-Mu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

 

R:    (Mangendehon): BE HKBP No. 841

       Ai Ho do nampuna harajaon

       Dohot hagogoon, ro di hasangapon

       Saleleng ni lelengna. Amen.

Pdt: "Dipasupasu jala diramoti Tuhan Debata ma ho! Disondangkon Tuhan Debata ma bohi-Na tu ho jala asi ma roha-Na mida ho! Didompakhon Tuhan Debata ma bohi-Na tu ho jala dipasaorhon ma dame-Na tu tondim.

 

P/R: (Mangendehon): BE HKBP No. 845

            Amen… Amen… Amen.

 

 

Peleanta, itatongoshon ma tu:

 

1. Rekening Britama Cab. Pond Gede

No. (002) 038501000630566

2. Tabungan BNI

No. (009) 1919667770