ACARA PESTA PADUAHON PARNINGOTAN ARI HAHEHEON NI TUHAN JESUS KRISTUS (PASKA II)

ACARA PESTA PADUAHON PARNINGOTAN

ARI HAHEHEON NI TUHAN JESUS KRISTUS

(PASKA II)

                                                                                       

HKBP PONDOK GEDE RESORT PONDOK GEDE

Senin, 17 April 2017

                                                                                              

Topik :

MAMARITAHON BARITA NAULI

TU SANDOK NA TINOMPA

(Markus 16: 12-18)

1.   Joujou tu Parsaoran (L= Liturgis; H= Huria; Baoa; Boru)

(Tangiang na hohom….Hupanotnoti silangMi Tuhan…

hupaingotingot holong ni rohaM na manghophop ahu…

hupaunduk simajujunghu, hulompit tanganhu martangiang,

marsinggang di adopanMu, Tuhan…)

L:      Huria ni Tuhanta: Selamat Paska ma di hamu saluhutna!

     

      H:      Selamat Paska ma tutu!

     L:       Nunga sahat hita tu bagas joro ni Debata, inganan na badia, laho marningot haheheon ni Tuhan Jesus Kristus manaluhon dosa dohot hamatean i. Antong taparade ma rohanta mamuji Ibana di Pesta Paska II on, marende ma hita sian BE. No. 95 “Haleluya taendehon” F=Do

2. Marende BE. No. 95: 1-3  Haleluya taendehon   BL. 222 C=Do

1.   Haleluya taendehon nuaeng di ari haheheon,

Tuhanta Siparmonang i. Ai malua do Ibana,

Haruar sian tanomanNa, na talu hamatean i.

Sun ulaonNa i dibaen Tuhanta i, haleluya;

Naung sahat di Tuhanta i upaNa na sumurung i.

2.   Tongam di parungkilonNa dipangke Jesus i gogoNa,

Mangalo sipangago i. Hita naung pinarhatoban

Ni setan dapot haluaon dibaen hamonanganNa i.

Naung sae utangta i digarar Jesus i haleluya,

Di Tuhan i rohanta i saleleng ni lelengna i.

----Musik----              ----ruas jongjong----

3.   Na so pola habiaran ni hita on be hamatean,

Ai hita pe sai hehe do. Molo burju taihuthon

Tuhanta i di parungkilon sai ingkon tu lambungNa ro.

Diboan Jesus i do hita on muse tu lambungNa.

Parmonang i, sai saut ma i binaen ni hagogoonMi.

3.  Votum – Introitus - Tangiang

L:      Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Sian pardangolan angka na bagas do ahu joujou tu Ho, ale Jahowa! Ale Tuhan, sai tangihon ma soarangku, sai patinggil ma pinggolMu tumangi soara ni anggukhon! Molo tung manjujur Ho, ale Jahowa di angka dosa, tung ise ma manahan, ale Tuhan? Alai tahe marroha pamuation do Ho, asa dihabiari halak Ho. Haleluya!

H:     (Mangendehon): Haleluya, haleluya, haleluya.

L:      (Martangiang ma hita): Ale Tuhan Debata! Suru ma Tondi Parbadia tu rohanami, asa tarapul situtu rohanami marhitehite haheheon ni AnakMu, Tuhan Jesus Kristus, jala asa lam ganda haporseaonnami marhitehite pangkirimon na mangolu, asa tongtong huingot hami, na hehe do hami muse sian na mate songon Tuhan Jesus Kristus, Tuhannami, naung hehe sian na mate i. Amen.              

---ruas hundul---

4.  Marende BE. No. 96: 1+3  Nunga talu hamatean BL. 101 G=Do

1.   Nunga talu hamatean dibaen Tuhan Jesus i.

Ai na hehe do Ibana songon na nidokNa i.

:,: Haleluya, haleluya, nunga hehe Jesus i.

3.   Marlas roha be ma hita ala hehe Jesus i.

Ai malua sude hita sian hamagoan i.

:,: Haleluya, haleluya, nunga hehe Jesus i. :,

       

5.  Patik: Mateus 28: 19

      L:     Tangihon hamu ma patik ni Debata di Pesta II Parningotan Haheheon ni Tuhan Jesus Kristus, sian Evangelium Mateus 28: 19 “Laho ma hamu, podai hamu ma saluhut bangso, didi hamu ma nasida tubagasan Goar ni Ama. Anak dohot Tondi Parbadia!” I ma hatana, rap ma hita mangido gogo sian Tuhan Debata:

H:     Ale Tuhan Debata, sai pargogoi ma hami mangulahon na hombar tu patikMi. Amen.

6.  Koor:

7.  Marende SDJ. No. 624: 1-2  Haleluya, haleluya F=Do

1.   (Ref.) Haleluya, haleluya, nunga hehe Tuhanta i.

Haleluya, haleluya, puji goarNa i.

Jesus sigomgomi tano on, Tuhan ni sandok portibi on.

 (Jongjong)

2.                   Boan Barita na Uli tu saluhut na tinompa i.

(Ref.) Haleluya, d.u.

8. Manopoti Dohot Hasesaan ni Dosa

      L:     Tatopoti ma dosanta! Ale Tuhan Debata, Amanami, Parasiroha na sumurung !

Baoa:   Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang i do.

H:                     (langsung mangendehon BE. No. 686:1 Ramun do au) Des=Do

                Ramun do au di joloMi, gok dosangki, urasi au.

                                O Jesus, Birubiru i; dison do au, patau ma au.

Boru:    Sai asi ma rohaM mida sandok bangsonami, sesa ma dosanami saluhutna.

H:                     (langsung mangendehon BE No. 686: 2 Ramun do au) Des=Do

                Na ro do au tu joloMi, gale do au, urupi au.

                O Jesus ala mudarMi, dison do au, patau ma au.

L:                     Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami. Amen.

L:                     Tabege ma hata bagabaga taringot tu hasesaan ni dosa: Adong do di hita sintua ni malim na songon i, na hundul di siamun ni habangsa ni hatongamon di banua ginjang. Dibahen i tarbahen Ibana do pangoluhon ro di ujungna angka na sandok ro tu Debata marhitehite Ibana; na mangolu do Ibana tongtong, asa diitangianghonnasida. Hasangapon ma di Debata na di ginjang.

H:                     Amen !                                                                      

---ruas hundul---

9.  Marende BE. No. 97: 3+5 Ingoton ma sadari on BL. 129 F=Do

3.   Ianggo las roham tutu di Jesus i Tuhanta.

Pauba ma roham burju, ihuthon ma Ibana.

Oloi hataNa sasude, sai tiru pambaenanNa pe,

Saleleng ho mangolu.

5.   O Jesus Tuhannami on, asi rohaM di hami.

      Sai tatap hami na dison di paraloannami.

      Patogu hami sasude, tumpahi hami monang be,

      Ro di ujungna sogot.

10. Hata ni Debata Turpuk di Pesta Paska II Psalmen 136: 1-14

      L:         Tabege ma hata ni Debata turpuk di Pesta Paska II on, sian Psalmen 136: 1-14 Mandok mauliate ma hamu tu Jahowa, ai pardengganbasa do Ibana, ai ro di salelenglelengna do asi ni rohana.

Boru:       Mandok mauliate ma hamu tu Debata, na mangatasi angka Debata sileban, ai ro di salelenglelengna do asi ni rohana.

Baoa:       Mandok mauliate ma hamu tu Tuhan ni angka tuan, ai ro di salelenglelengna do asi ni rohana.

L:         Ibana sandiri jumadihon halongangan angka na bolon, ai ro di salelenglelengna do asi ni rohana.

Boru:       Ibana sandiri jumadihon angka langit marhitehite hapistaran, ai ro di salelenglelengna do asi ni rohana.

Baoa:       Ibana sandiri paherbang tano on di atas ni angka aek, ai ro di salelenglelengna do asi ni rohana.

L:         Ibana sandiri jumadihon panondang angka na bolon, ai ro di salelenglelengna do asi ni rohana.

Boru:       Mata ni ari bahen pangguruan ni arian, ai ro di salelenglelengna do asi ni rohana.

Baoa:       Bulan i dohot angka bintang bahen pangguruan ni borngin, ai ro di salelenglelengna do asi ni rohana.

L:         Ibana sandiri mambunu angka buhabaju ni Misir, ai ro di salelenglelengna do asi ni rohana.

Boru:       Jala diparuar Israel sian tongatonganasida, ai ro di salelenglelengna do asi ni rohana.

Baoa:       Marhitehite tangan na gogo jala botohon na toltol, ai ro di salelenglelengna do asi ni rohana.

H:        Ibana naung umponggol laut pararungan i gabe dua bagian, ai ro di salelenglelengna do asi ni rohana.

L:         Jala dipataripar Israel sian tongatongana, ai ro di salelenglelengna do asi ni rohana. I ma sahatna. Martua do na tumangihon Hata ni Debata jala na umpeopsa.

H:        Amen.

11. Koor :

12. Marende BE. No. 178: 1+3  Ro ma tu Jesus  BL. 196  Bes=Do

1.   Ro ma  tu Jesus  ro ma tibu bege hataNa jangkon burju.

 Na ro do Jesus pangolu ho asal porsea ho,

 Mansai las rohanta i muse molo ias sian dosa pe,

 Sai ro ma hita  tu surgo i laos sonang ma disi.

(ruas jongjong)

3.   Ro ma tu Jesus hatop ho ro ai so ditulak Jesus be ho,

 Na asi roha do Jesus i  sai pos ma rohami ,

 Mansai las rohanta i muse molo ias sian dosa pe,

 Sai ro ma hita  tu surgo i laos sonang ma disi.

13. Manghatindanghon Haporseaon

L:      Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

H:     Ahu porsea ...                                                       

--- ruas hundul ---

14. Sunggulsunggul

15. Marende SDJ. No. 632: 1… Nunga hehe Kristus F=Do

(Pelean la + lb)

1.  Nunga hehe Kristus, marsihohot ma hamu.

Lam sumurung hita di ulaon ni Tuhanta.

Lam sumurung hita di ulaon ni Tuhanta.

Radot ma hita lao mangula tu Tuhanta,

Radot ma hita lao mangula tu Tuhanta.

--- Organ ---

2.   Nunga hehe Kristus, marlas roha ma hamu.

:,: Lam benget ma hita di sude parungkilonta. :,:

:,: Jugul ma hita martangiang tu Tuhanta. :,:

--- Organ ---

3.   Nunga hehe Kristus lam margogo ma hamu.

:,: Lao manghamonanghon paraloan di ngolunta. :,:

:,: Paima monang hita di paraloanta. :,:

--- Organ ---

16.  Jamita: Markus 16: 12-18

17.  Marende BE No. 443: 1...  Dung Tuhan Jesus BL. 393 Es=Do

         (Pelean tu Diakoni Sosial/Bakti Paska HKBP )

1.   Dung Tuhan Jesus nampuna au, songgop dameNa, biarhu lao.

Taripar gogo, ngoluNa i, nasa dosangku naung sae do i.

Tabaritahon holongNa i, di dia Tuhan tudoshon i?

Tuk manumpahi, tarlobi da. Sasada Jesus, pinuji ma.

--- Organ ---

2.   Di Ho ngolungku, las rohangki jumolo Jesus siluaMi.

PangiringonMu, tolongMu i, mangalo dosa nang rohangki.

Tabaritahon, d.u.

--- Organ ---

3.   Hibul ma ahu Jesus di Ho, sonang rohangku tarapul do.

Mian di au ma baen hataMi, paima das au tu lambungMi.

Tabaritahon, d.u.

18. Parsuruon (ruas jongjong)

L:    Huria ni Tuhanta, nunga sahat hita di ujung ni pesta Paska II. Nunga dipabotohon Ibana tu hita dalan sidalananta. Ai Ibana do dalan i dohot hasintongan dohot hangoluan. Ndang adong na sahat tu Ama i, ia so marhite sian Ibana. Dibahen i, tapuji ma Debata alani denggan ni basaNa na paluahon hita marhitehite AnakNa i. Tapuji ma Tuhan Jesus Kristus, Parholong roha i, na mangondihon hita tu Ama i. Tapuji ma Tondi Parbadia, na marmudumudu hita huriaNa jala na margogoihon hita huhut na mangungkap rohanta manghamauliatehon panghophopNa i. Nunga tapaihutihut sude ulaon na pinatupa ni hurianta, mamungka sian partangiang Passion, Parningotan Hamamate ni Tuhan Jesus Kristus, dohot Parningotan Haheheon ni Tuhan Jesus Kristus.  Bahat do naung tajalo sian Tuhanta. Aha ma balos ni i na boi bahenonta?

H:   (langsung mangendehon SDJ. No. 720: 2 Naeng marsinondang ngolungku) F=Do

        2.      Ingkon hobas mangurupi angka na gale i.

                 Jala burju manghobasi songon Tuhanta i.

                 Tiur marsinondang, i do niigil ni Jesus.

                 Tongtong marsinondang, panondang do au tutu.

       

        L:    Antong borhat ma hamu tu tongatonga ni portibi on. Marsinondang ma ngolumuna, ai panondang do hamu tutu. Nuaeng tapasahat ma peleanta tu Debata, martangiang ma hita:

19. Tangiang Pelean - Tangiang Haheheon

20.  Tangiang  Ale Amanami – Pasupasu

21.  Mangendehon:  Amen – amen - amen.

-----Selamat Paska-----