PARTURE NI PESTA NATAL 24 DESEMBER 2016

I.   PANGARADEON:

·     Panitia paradehon 1 lilin na balga naung galak na diboan sahalak parhalado dibagasan barisan prosesi.

·     Lilin dohot buku acara nunga rade di jolo ni pintu masuk gareja.

·     Parhalado dohot ruas asa tertib jala hohom mandohoti perayaan Natal, jala HP di non aktifkan (di ‘silent’).

·     Prosesi  sian Konsistori huhut mamboan sada lilin na balga diiringi musik Natal - Pendeta dohot parhalado jongjong di Altar menghadap ruas laho pasahathon ucapan: (“Selamat Hari Natal”) -----Prosesi diringi  Musik BE. 57   (BL. 202)        

01.  Joujou tu parsombaon (P: Pdt:  L: Liturgis  R: Ruas;)

P :   Selamat Ari Natal ma di hamu saluhutna! Hamuna dongan sahaporseaon, tama do hita mandok mauliate tu Jahowa apala di tingki on. Ai dipapungu asi ni rohaNa do hita laho mamestahon jala manghalashon parningotan di ari hatutubu ni Tuhanta Jesus manobus dosa ni portibi on. Beta ma hita, itaendehon ma Jahowa, itasomba ma Kristus partanobatoan ni hatuaonta.

R :   Hami pe ruas ni huria mandok Selamat Natal tu hamu sude parhalado ni Tuhanta. (Huhut masijalangan dohot dongan na hundul di siamun nang hambirang)

L :   Las ma rohanta mandapothon Jesus naung tubu i, itaolophon ma Ibana marhitehite puji-pujian  dohot unduk serep ni rohanta. Beta ma hita itaendehon ma Jahowa, itaolophon ma partanobatoan ni hatuaonta.

R :  Antong hamu angka donganku taparade ma dirinta asa tasomba Tuhantai dibagasan dame dohot las ni roha. Tabaritahon ma hata on: “Nunga tubu Kristus! Nunga songgop hadameon!” asa saluhut jolma taruli di las ni roha naung pinarade ni Kristus.

L : Andorang so tapungka kebaktianta dina tapestahon ari hatutubu ni Tuhan Jesus, jumolo ma hita martangiang dibagasan rohanta be.

............ tingki na hohom BE. No. 45 (BL. 73) ............

L   :   Dibagasan las ni roha, ro ma hita laho marsomba tu Ibana, Ibana do Raja Dame Sipalua hita. Tapahibul ma rohanta laho marsomba tu Debata, tapuji ma Ibana marhite ende, “Las ma roham”. (Tingki marende mulak ma rombongan prosesi tu inganan naung di parade)

02. Marende BE. No. 605 : 1 - 3    “Las ma roham”       (SDJ)

¨    Las ma roham Tuhanta ro, gumongom sasude.                                                               Ungkap roham, jangkon Rajam, marende ma sude,                                           marende ma sude, marende, marende ma sude

¨    Tano nang laut, harangan i, nang awangawang i.                                                   Hauma i, nang sunge i olophon Raja i,                                          Olophon Raja i, olophon, olophon Raja i.   ----Jongjong----

¨    Bura binaen ni dosa i marujung ma disi                                               Ai nunga ro Mesias i mamboan dame i,                                                 mamboan dame i, mamboan, mamboan dame i.

03. Votum – Introitus – Tangiang :

U :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

R :  Amin !

U :  Nunga patar hangoluan i, jala nunga huida hami jala nunga huhatindanghon hami dohot hubaritahon hami tu hamu hangoluan na saleleng ni lelengna, na dilambung ni Ama I hian jala naung patar di hami.

R : Ai nunga tubu di hita sada posoposo, dilehon tu hita sada Anak, pamper tu abaraNa do sogot harajaon, jala bahenonNa GoarNa: Sipartahi halongangan, Ulubalang ni Debata Ama, saleleng ni lelengna, Raja ni hadameon.

U :  Dungi gabe daging ma Hata i, jala maringanan di tongatonga ni hita on, jadi huida hami ma hasangaponNa songon hasangapon ni anak sasada na sian Ama I, gok asi ni roha dohot hatutuon. Haleluya!

R :  (Mangendehon) “Haleluya, Haleluya, Haleluya!

U :  Martangiang ma hita: Ale Tuhan Debata, Amanami na di banua ginjang! Mandok mauliate do hami tu Ho, ala ni godang ni asi dohot holong ni rohaM di hami; ai dibasabasahon Ho do AnakMu na sasada I tu hami na di pardangolan on, asa malua hami marhitehite Ibana sian dosa dohot sian hamatean saleleng ni lelengna. Hupangido hami tu Ho, sai sondangi ma rohanami na holom I marhitehite Tondi Porbadia I; angkup ni I sai parrohai ma hami, asa huboto hami mandok mauliate tu Ho, asa tarapul situtu rohanami di hagogotan dohot di pangunjunan marhitehite AnakMu, Tuhan Jesus Kristus Tuhannami. Amin!          -----Hundul----

04.         Koor

05.         Marende BE. No. 591 : 1   ”Boru  Sion”      (SDJ)

·      Boru Sion las roham las roham Jerusalem. Ai na ro do Raja mi padamehon ho tongtong Boru sion las roham las roham Jerusalem.

06. Manjaha Patik

U :  Tangihon hamu ma Patik di Pesta Natalta di tingki on, tarsurat sian Pillipi 2:14-15, Di nasa pambahenanmuna: Unang ma hamu marungutungut, unang ma marroha ganggu!

R:  Naeng ma so hasurahan jala so marlaok hamu, angka anak ni Debata, angka na so marlindang di tongatonga ni sundut na geduk jala na marbalik; disi ma hamu marsinondang songon sisondangi portibi on!

L :  Rap mangido ma hita tu Debata laho mangulahon patikNa: Ale Tuhan Debata sai pargogoi ma hami mangulahon na hombar tu PatikMi.

S : Amin.

07.         Marende  BE. No. 49 : 1 – 2   “Sai ro ma tu bara”   (BL. 47)

·      Sai ro ma tu bara di Betlehem on Hamu na porsea hatop ma tu son Marnida halalasan ni rohanta i Tinongos ni Ama na di surgo.

·       O ida hamu ma di bara inon Dakdanak na tubu disi borngin on Uli do rupana maa na tiur O bereng Ibana ho gabe tiur

08.         LITURGI NATAL  (Bagabaga haroro ni Mesias)

Uluan    : Dimulana i nunga adong Hata i, jala saor tu Debata do Hata i, jala Debata do Hata i. I ma na saor tu Debata dimulana i. Saluhutnai marhite sian Hata i do, umbahen na manjadi; jala ndang adong nanggo sada sian naung jadi i, na so marhite sian Ibana.

Ama     : Dung i ro ma uju i parenta sian Kesar Augustus, ingkon suratan nasa jolma di gomgomanna. Pamilangon parjolo ma i, uju digomgomi si Kirenius tano Siria.  

Uluan    : Jadi borhat ma sasude, asa disurati, ganup tu bona ni pinasana.

Ina       : Borhat ma nang si Josep, na sian Galilea, sian Nasaret, nangkok tu luat Judea, tu huta ni si Daud, na margoar Betlehem, ala sian pomparan jala marga ni si Daud ibana,

Uluan    : Pasurathon dirina rap dohot si Maria, oroanna i, naung gabegabean.

ReNa  :  Jadi di na disini nasida, gok ma ari ni hangoluanna. Ditubuhon ma anak buhabajuna, diborhos ma, dipeakkon ma tu bagasan panggagatan, ala so adong inganan na asing di parmianannasida.

Uluan  :   Jadi adong ma marborngin di ladang na disini angka parmahan, mangingani pinahannasida.

Ina    : Jadi didapothon sada surusuruan ma nasida, jala marsinondang ma sangap ni Tuhan i humaliang nasida, gabe mabiar situtu ma.

Uluan : Alai didok surusuruan i ma tu nasida: Unang mabiar hamu; ai barita halalas ni roha godang do huboan tu hamuna, parsaulian ni sandok bangso i.

Sude : Ai naung tubu do di hamu saborngin on, di huta ni si Daud, Sipalua i, i ma Kristus, Tuhan i!

ReNa : On ma partinandaan di hamu: Posoposo do dapotonmuna, na binorhos peak di panggagatan.

Uluan : Jala tompu ma adong dongan ni surusuruan i torop angka parangan parbanua ginjang, dipuji nasida do Debata, mandok:

Sude  : Hasangapon ma di Debata di ginjang, dame ma di tano on, di angka jolma halomoan i.

09.  Marende  BE. No. 595 : 1 – 2  “Ai ise posoposo on”    (SDJ)

·      Ai ise Poso-poso i peak di panggagatan ? Aha binaritahon ni suruan tu parmahan ? Kristus Tuhanta i Raja na baru sorang i Tasomba Tuhan i Anak ni Debatanta.                    ----Jongjong----

·       Boasa lea situtu parsorang ni Tuhanta ? Dosanta do mambaen tutu sitaonon ni Tuhanta Hau pinarsilang i siporsanonta i hian Kristus Tuhanta i tarsilang baen singkatta.

10. Mangido asi ni roha ni Debata tu hita.

U :    Huria ni Tuhanta, jongjong do hita nuaeng di adopan ni Debata   Nabadia, dibagasan unduk dohot serep ni roha, tatopoti ma dosanta di jolo ni Debata. Jumolo ma hita martangiang na hohom di bagasan rohanta be.

         Martangiang na hohom huhut diiringi organ BE No. 51:2 (BL. 31)

U :  Ale Amanami jala Debatanami na di banuaginjang, parasiroha na sumurung mida hami. Huparhatutu hami do dosa dohot pangalaosionnami na godang i di joloM. Tatap ma hami marhitehite asi ni rohaM, jala sesa ma dosa nami saluhutna ala ni panghophopon ni Anak haholongan ni rohaM, Tuhan Jesus Kristus sipangolu hami.

R :  Asima rohaM Tuhan, mida au pardosa on, sesa ma sude na sa dosangku.

L :  Bagabaga ni Debata taringot tu hasesaan ni dosa: Songon on do panghaholongi ni Debata di portibi on, pola do AnakNa na sasada i dilehon, asa unang mate ganup na porsea di Ibana, asa hangoluan na saleleng ni lelengna di ibana. Hasangapon ma di Debata na di ginjang

S :    Amen.    ----Hundul----                               

11.         Koor:

12.         Marende BE. No. 56 : 4    “Sai ro ma hamuna”      (BL. 139)

·      O Jesus Tuhanku sai naeng pujionku PambaenMu di ahu pardosa on.                Ai gabe jolma Ho humophop ahu, tasomba ma Ibana, Tasomba ma Ibana, Tasomba ma Ibana, Rajanta.

13. Epistel: 

U :    Hata ni Tuhan Epistel di Natal on, tarsurat sian Titus 2 : 11 -14     Ai nunga tarida asi ni roha ni Debata, sibahen haluaon ni saluhut jolma.

R : Laos diajari do hita, paimaimahon hatuaon na tahirim i dohot hapapatar ni hasangapon di Debata na balga i dohot Kristus Jesus, Sipalua i.

L :  Ai dilehon do dirina humongkop hita, asa ditobus hita sian nasa hajahaton, asa urasonna di dirina bangso, naung Ibana nampunasa, na olo mangkapadothon angka ulaon na denggan.

L :  I ma hatahon, paingothon jala ajarhon sian nasa gomos ni roham! Unang ma adong na marhu ni roha mida ho! I do sahatna: Martua ma na tumangihon hata ni Debata, jala naumpeopsa. Amin

14.  Koor:

15.  Marende BE. No. 608 : 1 – 2   “O Betlehem na metmet i”    (SDJ)

·      O Betlehem na metmet I boasa modom ho, Humirdophirdop bintang i hohom marnida ho. Alai ro sian ho do panondang na tongtong na pinarsinta nasailaon sorang di borngin on.

·       Na sorang do di borngin I Kristus Tuhanta i, I do na pinaboa ni bintang natiur i. Parangan pardisurgo mamaritahon i, Sangap di Debatanta i, dame di tano on.

16.         Perenungan – Pagalak lilin – Manghatindanghon Haporseaon:

U :  Nunga ro Tuhanta manopot bangsoNa jala mamboan haluaon. Ido na tapestahon di borngin on. Alai haholomon do jotjot manghuphupi tano on jala lam tu jorbutna do pangela ni sibolis i mangihoti torop jolma, disegai do tondi, haporseaon dohot panghirimon sogot. Digunturi na marrumatangga, disegai nang roha ni ianakhon asa tois tu Hata ni Debata. Alani i tama do hita di pesta Natal borngin on pahusorhusorhontai dibagasan rohanta be.

R : Tung godang do tutu ale Tuhan, parungkilon na hubolus hami, topot ma tutu sandok ngolunami asa sumuang las ni rohanami.

U : Lam godang pe angka parungkilon namasa di tongatonga ni ngoluon, torop angka na pengangguran, torop angka na pesimis di disihirimon torop angka na pogos di arta lumobi di partondion, torop na mangadopi pardangolan na marragam, alai ingot ma, ala ni i do umbahen na tuat Jesus sian banua ginjang sorang tu portibi on, asa disondangi sandok ngolunta, antong songon dia pe rumang ni parngoluan na niadopanmu nuaeng, di arsak manang las ni roha, sai ungkap ma tongtong roham asa sorang Ibana di bagasan ngolum.

R : Sorang ma Ho tutu ale Tuhan tu bagasan rohanami, sondangi ma ngolunami.

               Solo: (Mangendehon SDJ 616:3 “Ulina i di borngin na badia”)

Uli na i sude marlas ni roha,  Ala naung songgop harajaonNai.  Huria i ria do ro marsomba, Mamuji Raja na sun sangap i  Ibana do panondang hangoluan, Na mangalehon pangkirimon i  Uli na i marende do suruan di borngin i do tubu Kristus I Di borngin i do tubu Kristus i.

                Di tingki marende solo, ro ma Parjamita tu langgatan mangadop ruas (Jongjong ma sude ruas)

Dungi ro ma muse sude parhalado huhut maniop lilinna be mangadop tu parjamita laos jongjong ma saluhutna ruas. Galahan ni parjamita ma lilin na tiniop ni parhalado jala. Borhat ma parhalado manggalahi lilin ni ruas di ganup bangku, Dung galak sude, diintopi ma lampu jala dohonon ni parjamita ma:

P  :  (Dung dipamate lampu) Nunga galak be lilin di tongatonganta, ima hataridaan ni panondang i. Jangkon ma sondang na sian Tuhantai, las ma roham manjalo, laos tendehon ma hatutubuna i.

S  :  Mangendehon BE No. 54   “Sonang ni bornginna i”   (BL. 64)

·      Sonang ni bornginna i uju ro Jesus i, sonang modom do halak sude Holan dua na dungo dope, mangingani anakna Jesus Tuhantai

·      Denggan ni bornginnai uju ro Jesus i, tu parmahan di betlehem i  Dipaboa na di surgoi, nunga ro sipangolu Jesus Tuhantai.

·      Godang ni tua disi, di naro Jesus i, tung malua pardosa muse Sian hamagoanna sude, ala ro sipangolu Jesus Tuhantai

P  : Hamuna angka dongan, las ma roham nunga saor be Tuhanta Jesus sipaluai tu portibi on, jangkon ma Ibana sian ungkap ni roham jala hatindanghon ma Ibana di ngolum.

R  : Ido tutu, haluaon dohot las ni roha do diboan Tuhanta Jesus marhite hatutubuNa di Betlehem i, alani i hobas ma hita manghatindangkon Jesus sipalua i marhite gulmit ni ngolunta be.

L : Antong rap dohot donganta sahaporseaon di sandok portibi on tahatindangkon ma haporseaontai, rap ma hita mandok:

S :  Ahu porsea …..du.                                                ......Hundul.....                                                  

17.         Boaboa

18.         Marende BE No. 62:1…“Halalas ni roha godang" (Pel 1a+1b) BL172

·      Halalas ni roha godang, na hubaritahon on, nunga tubu Sipalua, di hita jolma on. Hasangapon di Debata. Laos dame, dame, dame ma di jolma. Lomo ni roha ni Debata, do hita jolma on.

·      Tuhan Jesus hadomuan, na disuru Debata. Na pasaehon sude dosa, di dolok Golgata Hasangapon di Debata.... (----Musik----)

·      Sai sondangi ma rohangku, ale Tuhan Jesus i, asa dohot au maruli di hatutubuMi. Hasangapon di Debata.....

·      Halalas ni roha godang sai songgopi rohangki. Asa dohot au ummalo mamuji goarMi. Hasangapon di Debata..... (----Musik----)

19.         Jamita :  Jesaya  9 : 1 – 7

20.         Marende BE. No. 57 : 1…  “Nunga jumpang"     (BL. 202)

(Pelean tu STT/Sekolah Pendeta HKBP)

·      Nunga jumpang muse ari Pesta i Hatutubu ni Tuhanta Jesus i. Tuat do Ibana sian surgo i, mebat tu hita on. Hasangapon di Debata, dame,dame ma di jolma. Las ni roha ni Debata Hajolmaon muse.

·      Beta, ale dongan tu Betlehem i Itasomba ma Dakdanak na disi. Na tinongos ni parasiroha i Debata Ama i. Hasangapon...

......Musik.....

·      Sombanami ma di Ho na tubu on Ho siboan dame tu portibion Sai pasaorhon ma tu rohanami on DameMi o Jesus. Hasangapon....

24. Tangiang Parsuruon :

U  :   Hamu angka dongan na hinaholongan ni Tuhan Jesus Kristus. Marujung do Pesta Natalta on. Andorang so mulak hita tu bagasta be, dibagasan roha mauliate marpadan ma hita laho mambaritahon Barita Haluaon naung sahat tu hita. Dibagasan gok las ni roha tabaritahon ma haluaon i tu saluhut jolma na adong jonok di tongatonga ni ngolunta ala,

R  :   Nunga tubu di hita sada posoposo

U :   Marhite semangat Natal, lam hehe ma roha nang tondita mamuji pasangaphon Debata dingolunta. Lam holong ma rohanta tu Debata, tu keluargata, tu donganta jolma, tu bangsota dohot masyarakat dina humaliang hita. Taon keluarga 2016 di HKBP naung mardalan, pahothon haporseaonta ma i, gabe rumah tangga sioloi Jahowa ma keluarganta be.

R :   Mandok mauliate do hami disaluhut asi ni rohaM dohot pandonganionMu di huriaM HKBP, on ma padan nami tu Ho di Pesta ari hatutuni AnakMu Jesus Kristus na hupestahon hami tingki on, ; alai anggo ahu dohot donganku sajabu, ingkon Jahowa do oloannami.

U  :   Tangiang Panutup – Pelean – Pasupasu.

Praeses, Kabid  dohot Sude  Parhobas na gok tingki

HKBP  Distrik  XIX  Bekasi  mandok:

Selamat Ari Natal

24-25 Desember 2016

&

Selamat Taon Baru

01 Januari  2017