Pamasumasuon ni Hendrik Tambunan, SPi, M.P dan Marito Nindya S. br. Simbolon, S.H

Pamasumasuon ni

Hendrik Tambunan, SPi, M.P 
dan 
Marito Nindya S. br. Simbolon, S.H

Sabtu, 20 Februari 2016 Pukul 09.00 WIB

M O D E L    D

ACARA PAMASUMASUON PABAGASHON

(Marhata Toba)

I.   Pra Ibadah

1.   Mangarade di Bilut Parhobasan (Calon Pangoli Oroan, Natoras, Parhalado rap martangiang)

2.      Calon Pangoli Oroan dohot keluarga udur tu gereja (diiringi musik)

II.   I b a d a h

1.      Marende SDJ. No. 123: 1+3   Ale dongan na saroha     BL. 180 G= Do

1.      Ale dongan na saroha, manjalahi dame i,

Dompak Jesus tapasada, holong ni rohanta i!

Ai Ibana do ulunta, hita do ruasna i;

Tuhan Jesus do gurunta, hita siseanna i.

(Jongjong)

2.      Sai pasada, ale Tuhan, angka na porsea i,

Asa masihaholongan, songon na pinatikMi. Dibagasan hasintongan, i do pinangidoMi;

Sai padomu angka dongan, na tutu sinondangMi

2.      Votum – Introitus -Tangiang

(P: Paragenda - R= Ruas)

L:         Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen. Puji hamu ma Jahowa, baritahon hamu ma GoarNa i, pabotohon hamu di tongatonga ni angka bangso angka pambahenanNa i,

R:        Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohaNa i,

L:         Martua ma angka na mangaradoti uhum, na tongtong patupahon hatigoran. Haleluya! (Martangiang ma hita): Ale Tuhan Debata Amanami na di banua ginjang. Ho do na mangaturhon pardongansaripeon i. Diida Ho dongannami on na marsangkap naeng  marbagas. Jala na ro do nasida mangido pasupasuM. Antong sai tatap ma nasida di bagasan asi ni rohaM, pasupasu jala ramoti ma nasida marhitehite panghaholongiM. Rajai ma nasida marhitehite Tondi Parbadia asa mamungka jala marujung di bagasan dame pardongansaripeonnasida i. Tangihon ma tangiangnami on ala ni asi dohot holong ni rohaM. Amen.

(Hundul)

3.      Koor/VG/Solo:

4.      Marende BE. No. 188: 1-2  Jahowa Siparmahan au  BL. 131 G= Do

1.      Jahowa Siparmahan au,

Ndang hurang manang aha,

Ai nasa jea dipadao, do sian dorbiaNa,

Tongon dibaen na lomak i,

Lao pangoluhon tondingki, dibaen asi rohaNa.

2.      Ditogu au tu na tio, aek mata, hangoluan;

Dibaen do tondingki sio, di dalan hasonangan. Sabam rohangku do tongtong,

Saleleng au di tano on,

Baen sangap di goarNa.

5.      Jamita Psalmen 128: 1 (Pdt. Jeffry Sitindaon, M.Th)

6.      Koor/VG/Solo:

7.      Marende BE. No. 160: 1-2 O Tondi Parbadia i, bongoti  BL. 206  Es= Do

1.     Au dohot na saripengkon, o, Jesus na di joloMon,

Ho naeng oloannami. Ho ma nampuna hami on,

Saleleng hosanami on, sai pasupasu hami.

Ho ma Raja, Sioloan, pausoan, sisungkunon,

Di patikMu ale Tuhan.

(Pangoli dohot Oroan ro tu Langgatan)

2.    Sai pasupasu hami be, pasinghop bohalnami pe,

Padao ma hapogoson. Horasi dohot daging i,

Sai tuk ma baen gogona i, manahan di ulaon. Tolong, tolong Ganup hami, asa hami manghaposi RohaMi na sai marasi.

8.      Pamasumasuon

9.      Pasahathon Tanda Holong sian huria

10.  Koor/VG/Solo:

11.  Marende BE. No. 159: 1-2 Martua dongan angka na  BL. 201 C= Do

(Pelean I tu Huria dohot II Sosial Huria)

1.    Martua dongan angka na sabagas,

     Na mardonganhon Tuhan Jesus i.

     Na mangoloi Ibana mansai ringgas,

     Na so marholang tangiangna i.

     Tongtong holong rohana di Ibana,

     Manungkun lomo ni rohaNa i.

     Huhut tongtong marguru tu HataNa

     Dibaen sandok pangalahoNa i.

..... Musik .....

2.    Martua baoa dohot inaina,

     Sisadaroha mida Jesus i.

     Na rap marholong roha di Tuhanna,

     Marsaulihon hatuaon i.

     Na sahat sian asi ni rohaNa,

     Tu halak na porsea sasude.

     I do dibaen nasida haposanna,

     Manang beha parsorionna pe.

12.  Tangiang Pelean – Pasupasu

13.  (Mangendehon): Amen, amen, amen.

III.  Mandok Hata:

1.      Sian Paranak

2.      Sian Parboru

IV.  Poto Bersama

1.      Pangoli dohot Oroan

2.      Pangoli dohot Oroan dohot Pandita

3.      Pangoli dohot Oroan dohot natoras ni Pangoli

4.      Pangoli dohot Oroandohot natoras ni Oroan

5.      Pangoli dohot Oroan, natoras ni Pangoli dohot Oroan

V. Masijalangan  (Calon Pangoli, Oroan jongjong dohot natoras di jolo Langgatan mangadop tu ruas huhut mangendehon BE. No. 141 Sai tiur ma langkamuna BL. 222 C= Do)

Sai tiur ma langkamuna,

sai Debata ma donganmuna,

nang surusuruanNa pe.

Molo diramoti Jesus,

hamuna ndang tarbaen so bulus,

do langkamuna sasude.

Antong Tuhanta i, ma donganmuna i ganup ari,

hamu sude sai ingot be, tumangiangkon hami pe.