PEMBINAAN MAJELIS GEREJA HKBP RESORT PONDOK GEDE

Hata Huhuasi

H

oras ma di hamu saluhutna ruas ni pembinaan Parhalado (Pandita, Sintua, Calon Sintua) HKBP Resort Pondok Gede. Mauliate ma di Tuhanta naung pataru hita tu huta na lambok ngali parhutaan Puncak Ciloto on.

Pembinaan Parhalado sada ombas na denggan do i dalan mamparbohali diri ni parhalado i, asa lam dasip panghobasionna di huria ni Tuhan i. Lumobi muse asa lam rap tangkas mangantusi Aturan Dohot Paraturan HKBP 2002 Dung Amandemen Paduahon (2016-2026).

1.      Mauliate ma dohononnami tu Amanta Pandita HKBP Resort Pondok Gede Pdt. Jeffry Sitindaon, M.Th na mandasdas ulaon pembinaan on asa pamasaon di ari on.

2.      Mauliate tu amanta Pdt. Sakarias Simanjuntak, M.PAK Uluan ni Huria HKBP Getsemane, na pintor hobas manjalo sangkap i di huria Pagaran.

3.      Mauliate tu sude Panitia naung masiurupan laho mangarade angka na ringkot bahen hasasaut ni pembinaan on.

4.      Mauliate tu sude Parhalado (Pandita, Sintua, Calon Sintua) HKBP Resort Pondok Gede na marneang ni langka mandohoti pembinaan on.

5.      Mauliate tu keluarga R. B. Sitanggang, S.H/ br. Sinaga ruas ni HKBP Pondok Gede Wijk 4 na paradehon rohana paradehon Tas tu ruas ni pembinaan on.

6.      Mauliate tu keluarga Firman Tambunan, S.E., M.Si/ br. Sidauruk ruas ni HKBP Pondok Gede Wijk 4 na paradehon Wisma Karya Jasa-Ciloto on, penginapan, sada bus dohot ruangan pertemuan pembinaan on.

7.      Mauliate tu amanta Pdt. David F. Sibuea, M.Th., D.Min; Drs. Parlindungan Marpaung, Psi., MT., MA dohot Pdt. Ramlan Hutahaean, M.Th na gabe narasumber di pembinaan on.

Atas goar ni sude panitia pasahatonnami, marpamuati ma rohamuna molo tung adong hahurangannami di na manghobasi ulaon on. Anggiat ma sude angka na tatangihon/taguruhon saleleng di pembinaan on hasea laho pahobashon rohanta marhalado di huria ni Tuhan i.

A.N. Panitia Pembinaan Parhalado HKBP Resort Pondok Gede

Penasehat/Pandita Ressort                                            Ketua

Pdt. Jeffry Sitindaon, M.Th               Pdt. Nikson Simangunsong, S.Th

JADWAL DAN ACARA IBADAH

PEMBINAAN PARHALADO PARTOHONAN

(PENDETA, SINTUA DAN CALON SINTUA)

HKBP RESORT PONDOK GEDE

7-8 Februari 2016 Di Wisma Karya Jasa Puncak Ciloto – Bogor

NO	HARI	TANGGAL	JAM	DURASI	ISI ACARA	PANITIA
1	Minggu	7 Feb 2015	19.00 -		Makan Malam Tangiang Mangan: St. L. Purba	Memastikan para peserta sudah duluan tiba makan malam
2			20.00 - 21.00	30 Menit	Persiapan Keberangkatan Dari gereja	Memastikan para peserta HKBP Pdk Gede yang menyusul
3			21.00 - 23.00	120 Menit	Perjalanan menuju ke Puncak	Mengarahkan Supir
4			23.00 - 23.15	15 Menit	Pembagian kamar	Membuat Daftar Pembagian Kamar
5			23.15 - 23.35	20 Menit	Ibadah Malam Pdt. S. Simanjuntak, M.PAK (Getsemane)	Memastikan semua mengikuti ibadah dan mempersiapkan diri beristirahat
6			23.35 - 23.45	10 Menit	Orientasi	Penjelasan Jadwal
7			23.45 - 24.00	15 Menit	Hiburan: St. H.W. Marbun (Pdk Gede)	Memastikan Hiburan berakhir Pukul 24.00 WIB
8			24.00 -		Istirahat-Tidur	Memastikan semua pesrta masuk kamar
9	Senin	8 Feb 2015	05.00 - 05.15	15 Menit	Saat teduh	Memastikan semua peserta mengikuti saat teduh
10			05.15 - 06.15	60 Menit	Olahraga Pagi (senam):  St. R. Lumban Gaol (Getsemane)	Mengarahkan peserta untuk berolahraga
11			06.15 - 07.00	30 Menit	Mandi Pagi	Mengarahkan peserta untuk mandi pagi
12			07.00 - 08.00	60 Menit	Sarapan Pagi Tangiang Mangan: St. A.M. Napitupulu, SE	Memastikan sarapan sudah tersedia dan seluruh peserta mendapatkan sarapan
13			08.00 - 09.00	45 Menit	Ibadah Pembuka St. R. Lumban Gaol Pdt.N.Simangunsong Pembukaan oleh Pendeta Resort	Memastikan semua peserta ikut ibadah
14			09.00 - 10.30	60 Menit	Sessi I: Pdt. David F. Sibuea, M.Th., D.Min	Moderator: Pdt. S. Simanjuntak, M.Pak

NO	HARI	TANGGAL	JAM	DURASI	ISI ACARA	PANITIA
15	Senin	8 Feb 2015	10.30 - 10.45	15 Menit	Diskusi	Notulis: Pdt. SimangunsongMarito Sinambela
16			10.45 - 11.00	15 Menit	Snack	Memastikan snack sudah tersedia dan seluruh peserta mendapatkan snack
17			11.00 - 12.00	60 Menit	Sessi II: Drs.Parlindungan Marpaung.,Psi.,MT.,MA	Moderator: Pdt. W. Saragih, M.Th
18			12.00 - 12.15	15 Menit	Diskusi	Notulis: Pdt. Simangunsong, S.Th Marito Sinambela
19			12.15 - 13.15	60 Menit	Makan siang dan Istirahat Tangiang Mangan: St. Ir. S. Siadari	Memastikan makanan sudah tersedia dan seluruh peserta mendapatkan makanan
20			13.15 - 14.15	60 Menit	Sessi III: Pdt. Ramlan Hutahaean, M.Th	Moderator: Pdt. J. Sitindaon, M.Th
21			14.15 - 14.30	15 Menit	Diskusi	Notulis: Pdt. Simangunsong Marito Sinambela
22			14.30 - 14.45	15 Menit	Snack	Memastikan snack sudah tersedia dan seluruh peserta mendapatkan snack
23			14.45 - 15.00	15 Menit	Persiapan Ibadah Penutup	Memastikan semua peserta ikut ibadah
24			15.00 - 16.00	60 Menit	Ibadah: Ev. St. Drs.M.Simbolon Pdt. Wilson Saragih, MTh Penutupan dan Perjamuan Kudus
25			16.00 - 16.30	30 Menit	Makan Sore Tangiang Mangan: St. M. Gaja, S.Pd	Memastikan makanan sudah tersedia dan seluruh peserta mendapatkan makanan
26			16.30 -		Pulang ke Jakarta	Sayonara

Susunan Panitia Pembinaan

Parhalado (Pandita, Sintua, Calon Sintua)

HKBP Resort Pondok Gede

Wisma Karya Jasa Puncak Ciloto 7-8 Februari 2016

Penasehat                     : Pdt. Jeffry Sitindaon, M.Th (Pendeta Resort)

KetuaPanitia                : Pdt. Nikson Simangunsong, S.Th (Pdt. Dip)

Wakil Ketua                 : Pdt. Sakarias, M.PAK

   (Pimpinan Jemaat  HKBP Getsemane)

Sekretaris/

Bendahara                   : St. Lamsar Purba

Anggota                       :

1.      Pdt. Wilson Saragih, M.Th (Pdt. Dip)

2.      Ev. St. Drs. M. Simbolon (Majelis Res. Pdk Gede)

3.      St. K. Sitorus (Majelis Resort Pdk Gede)

4.      St. R. LumbanGaol  (Majelis Resort Getsemane)

5.      St. R. Ch. Hutasoit, S.E (Bend. Jemaat Pdk Gede)

6.      St. J. Simarmata (Bend. Jemaat Getsemane)

7.      Marito br. Sinambela (Tata Usaha Pdk Gede)

8.      Eben (Dokumentasi)

PARTANGIANGAN BODARI

MAMUHA DOHOT ORIENTASI PEMBINAAN PARHALADO

(PANDITA, SINTUA CALON SINTUA) HKBP RESORT PONDOK GEDE

Minggu, 7 Februari 2016

1.  Pangaradeon (Pdt. Sakarias Simanjuntak, M.PAK)

(U=Uluan: R= Ruas Pembinaan: S= Sude)

U:        Tabe ma di hamu di bagasan Goar ni Tuhanta Jesus Kristus Raja ni huria i.

R:        Tabe ma nang di ho naposo ni Tuhan i.

U:        Debata, Ama ni hasintongan i do na paturuhon hita ruas ni Pembinaan Parhalado (Pandita, Sintua, Calon Sintua) HKBP Resort Pondok Gede tu Wisma Karya Jasa-Ciloto on di bagasan las ni roha dohot dame.

R:     Di Debata Ama, dohot Tuhan Jesus Kristus, dohot Tondi Parbadia ma hasahan ni nasa pujipujian dohot roha hamauliateon, nuaeng manontong, ro di salelenglelengna.

U:      Amen! Martangiang ma hita! Ale Tuhan Debata Amanami na di banua ginjang, di bagasan las ni roha dohot dame didongani Ho do angka naposom sian saluhut ingananna laho mandohoti Pembinaan Parhalado (Pandita, Sintua, Calon Sintua) HKBP Resort Pondok Gede. Ala ni i, pungkaonnami ma ulaon on mamungka sian borngin on. Sai Ho ma na mamasumasuhami di inganan on saleleng mandohtoti pembinaan on, di bagasan goar ni AnakMu Tuhan Jesus Kristus Tuhannami.

S:         Amen.

U:        Mauliate ni rohanta tu Tuhantai, ita pungka ma partangiangan bodari on, marende ma hita  sian BE. No. 10: 1 Hupuji, hupasangap Ho BL. 128

            Bes= Do

1.         Hupuji hupasangap Ho, amang Pardenggan basa.

Ai jadijadianMu do, sude angka na masa.

Ditompa Ho do sasude, dagingku ro di tondi pe,

Pinuji ma GoarMu.

2. Manjaha Hata ni Debata

U:      Hujaha ma sian Hata ni Debata di hita borngin on, i ma sian Psalmen 23: 1-6 mandok: Jahowa do Siparmahan ahu, ndang tagamon hurangan ahu.

R:      Dipatongon do ahu tu jampalan angka na lomak, ditogutogu do ahu di lambung aek hasonangan. Dipasabam do rohangku, ditogu do ahu di dalan hatigoran, ala ni goarNa i.

U:      Ai nang pe mardalan ahu di rura linggoman ni hamatean, ndang huhabiari parmaraan, ai Ho do mandongani ahu tungkotmu dohot batahiM mangapuli ahu.

R:      Ho do manutup meja di jolongku maradophon angka musungku, dimiahi Ho do ulungku, suksuk do panginumanki.

U:      Tongon tahe denggan basa dohot asi ni roha mangihutihut ahu saleleng ahu mangolu, jala dung mulak ahu masuhanku ma bagas ni Jahowa salelenglelengna. I ma sahatna. Martua do angka na tumangihon Hata ni Debata, jala na umpeopsa.

S:       Amen.

4. Tangiang Panutup

U:      Rap mandok mahita Tangiang Ale Amanami na di banua ginjang!

S:      Ale Amanami…

5.  Pasupasu

6.  Orientasi

PARTANGIANGAN MANOGOT

PEMBUKAAN

Senen, 8 Februari 2016

1.  Pangaradeon (St. Ramsus Lumban Gaol)

     (U=Uluan: R= Ruas Pembinaan: S= Sude)

U:      Horas ma di hita saluhutna. Mauliate ma di Debata na mangaramoti pardalanan ni ngolunta. Joujou ni Debata marhite huriaNa laho padasiphon panghobasion ni parhaladoNa di tongatonga ni huriaNa nang di portibi on. Ala ni i, di Debata ma hasahatan ni pujipujian, tangiang dohot hamauliateon ni rohanta na pataruhon hita ahat tu inganan on. Jala Ibana ma namargogoihon hita saleleng mandohoti pembinaan on.

R:      Dibahen i, pujion ni tondingku dohot pamanganhu ma Ho, ale Debata, manontong ro di salelenglelengna. Amen.

2. Marende ma hita sian BE. No.135: 1-2 O Tondi Parbadia i, bongoti,

BL. 206 Es=Do

         

1.  Marpungu do di joloMon, marsada roha hami on, o Jesus Tuhannami.

     Ho, Raja na tarsilang i, na pinatimbo i muse, sai ro ma Ho tu hami.

     Olo, jalo ma tangiang pamujian di goarMu, ala holong ni rohaMu.

2.  Na metmet di mulana i, sai dipararat Ho do i, i ma harajaonMu.

     Lam ganda do bilangan ni, na paboahon hataMi, baen sangap di goarMu.

     Jesus tulus baen sangkapMu; sosoanMu hajolmaon asa olo paluaon.

2.      Votum – Introitus - Tangiang

         U:     Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia natumompa langit dohot tano on. Amen! Asa marparange ma hita songon angka anak ni Debata na marparangehon lomo ni rohaNa, na marparbuehon nasa ulaon na denggan asa gabe manghorhon pasupasu tu angka bangso.

         R:      Haleluya! Pinuji ma Tuhan i ro di salelenglelengna. Ho do na manjou, na manjanghon hami dohot marhobas di huriaM. Pargogoi ma angka naposoMon manontong di bagasan hatigoranMi, asa lam matoras jala mangerbang huriaM mamboan pasupasu tu saluhut na tinompa.

U:     Ai tigor do angka dalan ni Jahowa, jala halak partigor mardalan disi, alai anggo halak parjahat i tarsulandit do disi. Ai saluhutna ma hamu manolukkon haserepon sama hamu, ai dialo Debata do angka na ginjang marroha, alai dilehon do asiasi tu angka na serep marroha.

R:      Taoloi ma Jahowa marhitehite las ni roha. Ro be ma hita tu joloNa marhitehite olopolop.

U:     Antong, tapasahat ma pamujion ni roha dohot tondinta tu Debata, Ama ni Tuhanta Jesus Kristus, bona ni hangoluanta i. Haleluya! (Martangiang ma hita): Ale Debata Jahowa Amanami, marlas ni roha do hami mandok mauliate tu Ho na papunguhon hami di inganan on angka naposoM (Pandita, Sintua, Calon Sintua) HKBP Resort Pondok Gede laho patupahon pembinaan. Ihoti tongtong rohanami asa marparguruan tu hataM na badiai hami, asa marojahan tu lomo ni rohaM saluhut panghataionnami. O Tuhan Jesus Anak ni Debata na mangolu i sai Ho na manguluhonhami tu Ama i, asa saluhut siulaonnami di inganan on tau hasangapon di goarMu na badia i. Jala patau ma hami angka naposoMon laho padimundimunhon huriaM gabe tau pasupasu di HKBP sa Resort Pondok Gede nang tu humaliang.

S:      Amen.

3.  Marende BE. No. 221: 1-2 Saleleng Jesuski  BL. 5 As= Do

1. Saleleng Jesuski, na mandongani au
     Maporus holsoholsongki, sai di Ibana au

2. Parmahan Jesuski, birubiruNa au
     Ditogutogu tondingki, ndang be marmara au

4.Turpuk Sijahaon: Rom 12: 1-8

           

U.     Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.

R:      Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan.

U:     Ai marhite sian asi ni roha na nilehonna tu ahu, hupaingot ma ganup hamu: Unang ma torbang rajumi hamu dirimu, lobi sian na patut; alai intap ni na tama ma parrohaonmuna: Ganup marguru tu godang ni haporseaon na tinurpukkon ni Debata tu ibana.

R:      Umpamana: Torop do ruas di dagingta, alai ndada saulaon ruas i sude:

U:     Songon i do hita: Torop sadaging di bagasan Kristus, alai ruas be do hita sama hita.

R:      Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon.

U:     Ia ulaon marhobas, ba ulaon marhobas ma; ia haguruon, i ma!

R:      Ia pangapoion, i ma; ia na mangasii, sian bulus ni roha ma; ia na manguluhon, marringgas ni roha ma; ia na marbasabasa, sian las ni rohana ma!

U:     I ma sahatna! Martua ma na tumangihon hata ni Debata jala na umpeopsa,

S:      Amen!

5.  Marende BE. No.194: 1+3 Aut so asi roham BL. 62 F= Do

                 

         1.      Aut so asi rohaM, aut so godang basaM tu dia au
Alai dibaen basaM, dohot asi rohaM tu surgo au

         3.      Anggiat ma holong, rohangku sai tongtong burju tu Ho
Sai dongananMu au, manang tu dia lao sonang tutu

6.  Tangiang Pangondian (St. Posma br. Manalu)

7.Marende BE. No. 223: 1-2 Husomba Ho Tuhan BL. 244 As= Do

1.             Husomba Ho Tuhan tangihon au.

                   SangkapMu ma tongtong pasaut tu au.

                   Lam ganda baenon nii, holong ni rohangki.

                   Sai lam gandai holong tu Ho

2.            Uju na lilu au dao sian Ho,

Sai dilului Ho au, laos jumpang do.

Ala ni holong do rohangkinon di Ho.
Sai lam gandai, holong tu Ho.

8.  Jamita: (Pdt. Nikson Simangunsong, S.Th)

   

9.  Marende BE. No. 212: 1-2 Haholongon na badia BL. 24 Bes= Do

1.      Haholongon na badia sian Tuhan Jesus i
Sai songopi sai bongoti roha dohot tondingki

2.      Las ni roha ni na sonang di banuaginjang i
Sai pasonang sai pasabam sihol na di rohangki

10.  Pembukaaan Pembinaan

Pdt Resort:       Hamu angka dongan Parhalado (Pandita, Sintua, Calon Sintua) HKBP Resort Pondok Gede ruas ni pembinaaan on, nunga ita bege hata ni Debata jamita di hita.

S:                         Mauliate ma di Tuhanta!

Pdt Ressort:         Rap burju ma hita manghangoluhon hata ni Debata, unang holan pananginangi.

S:                         Pargogoi ma hami Tuhan mangolu di bagasan hataM!

Pdt Ressort:      Tahamauliatehon ma tu Tuhan Jesus Raja ni Huria i. Torop ni na mandohoti pembinaan on  77 halak sian Pandita 4 halak; Sintua 37 halak; Calon Sintua 8 halak (HKBP Pondok Gede 49 halak; HKBP Getsemane 28 halak). Dipasupasu jala dipargogoi Tuhanta ma hita saluhutna. Dibagasan roha mauliate tu Tuhan si tolu sada i, naung patolhashon hita saluhutna tu inganan on, hupungka ma pembinaan on di bagasan Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia. Amen.

Tangiang Panutup - Ale Amanami

U:      Rap mandok mahita Tangiang Ale Amanami na di banua ginjang!

S:      Ale Amanami…

11.  Pasupasu.

PARTANGIANGAN PANUTUP DOHOT MARULAON NA BADIA

Senen, 8 Februari 2016

1.      Marende BE. No. 14:1-3   Puji Hamu Jahowa Tutu BL. 57 Bes=Do

1.   Puji hamu Jahowa tutu, Pardengganbasa, Parasiroha salelengna i;

      Pardengganbasa i, Parasiroha i.

2.   Ingot tongtong ale tondingkon sude na denggan

      Na dipasonggop Debata tu ho, denggan basaNa do na pangoluhon ho.

2.      Votum – Introitus – Tangiang (Ev. St. Drs. M. Simbolon)

(U=Uluan: R= Ruas Pembinaan: S= Sude)

L:         Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia natumompa langit dohot tano on, Amen. “Dirumari do DiriNa jala disolukhon rupa ni hatoban, gabe suman tu jolma Ibana jala rumang jolma dapot di Ibana. Dipatutoru do diriNa, na gabe Pangoloi do Ibana paima mate, pola tung mate tarsilang”. (Pil 2:7-8)

H:        “Ala ni i do dipatimbo Debata Ibana jala dibasabasahon tu Ibana Goar na sumurung asa nasa goar, asa somba tu Goar ni Jesus nasa ulu ni tot, na di banua ginjang i dohot na di tano, nang na di toru ni tano, jala asa nasa na marsoara marhatopothon: Jesus Kristus do Tuhan, bahen hasangapon ni Debata Ama!” (Pil 2:9-11)

L:         (Martangiang ma hita): Ale Tuhan Debata! Mauliate ma rohanami di Ho, diiringiring Ho hami parhalado ni huriaM saleleng patupa pembinaan di ingananon, dipasupasu Ho nang angka amanami na mambohali hami, dipasupasu Ho do luhut angka parhobas di inganan on. Sai patau ma hami laho manjalo Parpadanan na Badia na sian Ho marhite partangiangannami on. Ramoti ma sude keluarga na hutadinghonhami. Pasupasu ma HataM na naeng begeonnami. Sai tangihon ma tangiangnami on, di bagasan Goar ni AnakMu Jesus Kristus, Tuhannami. Amen.

3.      Marende BE. No. 23:1+3  Jesus, hami ro dison, asa... BL. 78 As=Do

1.  Jesus hami ro dison asa masihangoluan.

     I pe ro ma Ho tuson, jala baen ma pardomuan

     Ni tondiM tu tondinami, unang mampar rohanami.

3.   Sondang sian Debata, hatiuron sian ginjang.

      Baen ture sondangi ma rohanami asa sonang.

      Lao manjalo hangoluan pinatupaMi o Tuhan.

4.      Manjaha Hata ni Debata

L:      Tagan so tajaha Hata ni Debata, tama jolo ojak pangantusion haporseoanta na mangolu taringot tu hasea manang manfaat ni hata ni Debata, hombar tu 2 Tim 3: 14-17, didok: “Alai anggo ho, sai mian ma di bagasan angka na ginuruhon jala naung hinaporseaanmi, ai diboto ho do na mangajarhonsa tu ho. Huhut ala diboto ho, sian sietehetehonmi dope, surat na badia i, na margogo pabisukkon ho, asa taruli di haluaon marhitehite haporseaon di Kristus Jesus.

H:      Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran, asa rimpas halak ni Debata, hobas tu nasa ulaon na denggan”.

L:      Ala ni i Tabege ma Hata ni Debata turpuk di Partangiangan botari on, sian 1 Timoteus 5: 17 dohot Hesekiel 33: 7-9 mandok: Silompit do jujuron hasangapon ni sintua, na burju mangula hasintuaon, gumodang ma tu angka na mangulahon hata dohot poda. Ia ho ale anak ni jolma,

H:      Nunga hupabangkit ho bahen parjaga di pinompar ni Israel, ia adong hata nanggo sada dibege ho sian pamanganku, ingkon sipasingothononmu do i tu nasida sian ahu.

L:      Molo ahu mandok tu halak parjahat:

H:      Ingkon mate do ho ale parjahat, hape ndang marboaboa ho palumba halak parjahat i tumundalhon dalanna i nian, mate do nian parjahat i di bagasan hajahatonna,

L:      Alai anggo mudarna sian tanganmu do tungguonku. Alai anggo dipalumba ho do halak parjahat i tumundalhon dalanna i nian, asa mulak sian i nian,

H:      Hape ndang olo ibana mulak tumadingkon dalanna i, mate di bagasan hajahatonna ma ibana,

L:      Alai anggo ho malua do hosam dibahen ho. I do sahatna. Martua do angka na tumangihon Hata ni Debata, jala na umpeopsa.

S:       Amen.

5.      Tangiang Pangondian (St. Barman B. Lumbaraja)

6.      Marende SDJ. No: 802: 1 Pangke tingkim saonari Bes=do

1.  Pangke tingkim saonari, dapothon ma Tuhan i.

    Unang godang sidalian, ingot jempek ngolumi.

    Nunga rade hasonangan di surgo i, di surgo i.

    Unang adong nanggo sada na so parjambar disi.

7.      Jamita: (Pdt. Wilson Saragih, M.Th)

8.      Marende BE.  No. 123: 1 Ale dongan na saroha BL. 180 G= Do

1.  Ale dongan na saroha, manjalahi dame i

     Dompak Jesus tapasada, holong ni rohanta i

     Ai Ibana do ulunta hita do ruas-Na i.

     Tuhan Jesus do gurunta hita sisean-Na i.

9.      Manutup Pembinaan

Pdt. Resort:        Tinumpak asi dohot holong ni Tuhanta, nunga mardalan dohot denggan pembinaan Parhalado (Pandita, Sintua, Calon Sintua) HKBP Resort Pondok Gede. Tuhan i ma na mamasumasu hita saluhutna, gabe pasupasu di huriaNa na itahobasi. Nuaeng pe, tapaujung ma pembinaan parhalado on: Di bagasan Goar ni Debata Ama, AnakNa Tuhan Jesus Kristus dohot Tondi Parbadia. Amen. (palu dilotak tolu hali)

                         

10.  Marende SDJ. No. 792: 1- 2 Pasupasu hami o Tuhan D= Do

1.  (Reff.) Pasupasu hami o Tuhan, sai usehon dameMi.

Sai ampehon tanganMi Tuhan, lehon tu au gogoMi. (Fine)

Di portibi on, baen ma au Tuhan, habaoran ni las ni roha;

Tu na marsak i, tu na dangol i, gabe pangapuli i. (DC al Fine)

2.   Di portibi on, baen ma au Tuhan monang maralohon dosa.

Dibaen gogomi, talu musu i sibolis pangago i.

Pasupasu, d.u.

II.  ACARA ULAON NA BADIA (Pdt. Jeffry Sitindaon, M.Th)

1.      Marende No. 179: 1-2 Adong do sada Mual i BL 20 G= Do

1.  Adong do sada mual i di na mardosa i.

     Mansai denggan do mual i pasonang rohangki.

2.  Aek mual na badia i, i ma di Jesus i.

     Disesa do tihasta i, dibuat arsak i.

2.      Pangaradeon

3.      Marende BE. No. 152: 1 Jesus na mamorsan BL 120  F= Do

1.  Jesus na mamorsan dosa ni portibi on, pangolu hami.

     Jesus na mamorsan dosa ni portibi on, pangolu hami.

    Jesus na mamorsan dosa ni portibi on, sai pasonang hami.

    Amen, Amen, Amen.

4.      Manjaha Tona Ulaon Na Badia

5.      Marulaon Na Badia

Marende BE. No. 153: 1-4  O Jesus naung sineat BL 126 F= Do

1.  O Jesus naung sineat di hau na pinarsilang.

     RohaM tongtong daulat, nang uju Ho tarhilang.

     Marutang hosa hami, ditaon Ho dosanami,

     Asi rohaM o Jesus.

2.   Pelean na badia na masuk tu Jahowa.

     Singkat ni manisia na so daulat roha.

     Ditaon Ho dosanami, so i lao mago hami;

     Asi rohaM, o Jesus.

3.  Pelean na badia jinalo ni Debata.

Panaon ni manisia na pasohothon bada.

Sai sesa dosanami, Ho hatigorannami;

Asi rohaM, o Jesus.

4.  Pelean na badia, dagingMu sipanganon.

Di angka na porsea, mudarMu siinumon.

Sai ro ma maringanan marhite parpadanan,

Di hami on, o Jesus.

6.      Liturgi Pangujungi

7.      Marende BE. No. 9: 1 Hupuji holong ni rohaMu BL 110 C=  Do

(Jongjong)

1.  Hupuji holong ni rohaMu, o Tuhan Jesus Rajangki.

Tu Ho hulehon ma tondingku, ai i do pinangidoMi.

Huhalupahon ma diringku, mamingkir holong ni rohaMu.

8.      Tangiang Pelean-Pasupasu

9.      (Mangendehon) Amen, amen, amen.

Marsijalangan