Kebaktian Pertemuan Regional Perempuan Distrik XIX Bekasi

PARTORDING NI

PARTANGIANGAN

PERTEMUAN REGIONAL

PERSEKUTUAN PAROMPUAN

DISTRIK XIX BEKASI

Selasa, 9 Juni 2015

Pukul 10.00 WIB – Sidung

Di HKBP Pondok Gede

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

 I.             PANGARADEON (Ny. St. Simbolon br. Naibaho)

II.          IBADAH (Pdt. Rita br. Siagian, ST.h)

1.    Invocatio

L :     Tabe ma di hamu saluhutna! Nunga dipapungu asi roha ni Tuhanta hita di gareja on, laho marsomba tu Tuhanta na pinapungu ni Pertemuan Regional Persekutuan Parompuan Distrik XIX Bekasi. Antong ale dongan, tapungka ma Partangiangan on di bagasan las ni roha dohot hamauliateon godang tu Debata.

H :     Mauliate ma di Ho ale Debatanami, na mangalehon partingkian on di hami.

L :     Dijou Debata do hita laho marsaor dohot Ibana, asa ta jalo sian Ibana hagogoon jala marroha na ungkap manangihon hataNa. Antong tapuji jala tapasangap ma Ibana marhite na marende hita.

2.    Marende BE. No. 15: 1-2 Aut na saribu hali ganda BL.103 F=Do

Aut na saribu hali ganda, saringar ni soarangki.

Naeng nasa gogo bahenonku, mamuji Debatanta i.

Paboa las ni rohangki, hinorhon ni pambaenNa i.

(Jongjong)

Tung sura sahat soarangku, tu ujung ni portibi on.

Naeng nasa jolma haraonku, mamuji Debata tongtong.

Tama do nasa hosangki, hubaen pasangap Tuhan i.

3.    Votum~Introitus~Tangiang (L: Liturgis ; H: Huria)

L :     Marhitehite Goar ni Debata Ama!

H :     Na manompa jala na manjadihon hita dohot sude nasa na asong di portibi on.

L :     Dohot Goar ni AnakNa Tuhan Jesus Kristus!

H :     Na mangalehon hangoluan na imbaru di bagasan ngolunta, na manobus hita sian sude dosanta marhitehite mudarNa. Ibana do Tuhanta na ro tu portibi on, asa malua hita sian gomgoman ni sibolis, nang na ro paduahalihon di ari sogot, laho manguhumi sude nasa na marhosa.

L :     Dohot Goar ni Tondi Parbadia!

H :     Ibana do na padomuhon hita di bagasan parsaoranta sadari on. Ibana do na mangajari hita jala na mangalehon apulapul tu halak na hagogotan. Jala Ibana do na manogunogu dohot mangalehon gogo na imbaru di bagasan ngolunta.

L :     Na manompa langit dohot tano on!

H :     Amen, hupuji ma goarMu ale Tuhan!

L :     “Unang hamu mabiar!” ninna Jahowa sitompa saluhut. Ida ma, Ahu paluahon bangsongKu sian tano tungkan habinsaran dohot sian tano tungkan hasundutan ni mata ni ari. Haleluya! Martangiang ma hita! Ale Tuhan Debata, Pargogo na so hatudosan! Sai lehon jala patubu ma di hami haporseaon na sintong. Tambai ma haporseaonnami ganup ari, asa lam togu. Lehon ma di hami holong ni roha na so marpangansi asa holong rohanami di Ho dohot di dongannami jolma. Lehon di hami pangkirimon na mangolu, asa rnarlas ni roha hami mambahen lomo ni rohaM i. Sai oloi ma pangidoannami ala ni AnakMu, Tuhan Jesus Kristus Tuhannami. Amen. (Hundul)

4.    Koor :

5.    Marende SDJ. No. 712: 1 Togu au ale Jahowa G=Do

Togu au ale Jahowa, di dalan na rodop on.

Ho do na tongtong satia, togu au na gale on.

Sagusagu hangoluan, sai pabosur tondingkon,

Sai pabosur tondingkon!

6.    Litani “Pangkirimon di Pangaramotion ni Debata”

L :     Molo tarimangi pardalanan ni ngolunta. Mardalan hita di bagasan ngolu na gok ancaman parmaraan, na boi gok biar hita laho mangadopi sude angka na masa i. Adong dope hasonangan di ari marsogot? Manang na ingkon tongtong mangolu do hita di bagasan hatahutan i!

H :     Ale Tuhan, asi ma rohaM, togu ma hami jala ramoti hami!

L :     Ondamondam bencana alam gunung marapi, sipanganon na gok bahan pengawet mambahen gok sahit. Situhoron na lam arga, lapangan parkarejoan lam maol , parrohaon na lam sego.

H :     Ale Tuhan, asi ma rohaM, togu ma hami jala ramoti hami!

L :     Ndada holan i tahe, hatahuton, ganggu dohot biar, sahat do tu tonga ni huria. Godang do ruas ni huriaM na gabe lam mandao sian parsaoran di huria. Na mangkaholongi dirina, impolan di perak, parhata manggang, parroha haginjangon, angka panginsahi, na so mangoloi natorasna, na so marningot lagu, angka na tois; angka na so marroha holong, pangoseose, panihasnihasi, na so umboto mangorom, parmurukmuruk, na so marholong ni roha di na denggan; angka parjehe, parroha na neang, sipaburnang diri, holongan di hisap ni daging asa di Debata. (2Tim3:1-5).

H :    Ale Tuhan, asi ma rohaM, togu ma hami jala ramoti hami!

…………… hohom ……………

L :     Molo biar rohanta laho mandalani ariarinta, ta ingot ma, adong do Ama na di banua ginjang na mandok hataNa tu hita “Unang mabiar hamu!”, ai ndang pasombuonNa hita mardalan sasadanta.

H :     Mauliate ma ale Tuhan, di sude denggan basaM dohot panoguonMu.

L :     Lam marsada hita laho patupahon angka na denggan di tongatonga ni HKBP dohot bangso Indonesia on. Patupahon kerjasama na denggan di tongatonga rakyat dohot pamarenta. Kepedulian sosial, ido na dipangido, asa tarida kemajuan, sejahtera dohot hasintongan di tongatonga ni bangso na merdeka.

H :     Mauliate ma ale Tuhan, di sude denggan basaM dohot panoguonMu.

L :     Asa tarida hasadaon di tongatonga ni huria laho patuduhon haporseaon na togu di bagasan ngolunta. Marsada ma pangula ni huria dohot ruasna, marsada roha ma parompuan HKBP laho patupahon las ni roha di tongatonga ni huria. Ai saluhutna do hita tarjou, ndada holan pangula ni huria, alai sude do hita dipangido Debata gabe siulahon na denggan.

H :     Mauliate ma ale Tuhan, di sude denggan basaM dohot panoguonMu.

L+H: Amen.

7.    Koor :

8.    Marende SDJ. No. 707 : 1-2 Hogogoon dohot apulapul Es=Do

Hagogoon dohot apulapul, do dilehon Tuhan I tu au.

Ganup ari au ditogutogu, ganup tingki diondingi au.

Ai hombar tu lomo ni rohaNa, do dilehon Tuhan I tu au.

Ro marsorin arsak las ni roha, haporseaonhu di patau.

Ganup tingki Tuhan raphon ahu, jala sai dipasupasu au.

Sai ditogu au molo madabu, talu musu jala monang au.

Ai pargogo na so hatudosan, Debatangku salelengna i,

Mangalehon dame dohot tua, tu angka na bojok roha i.

9.    Epistel (Sijahaon manogot)

L :     Hata ni Tuhanta di hita di parangiangan on, sijahaon manogot dipangaturhonon ni Almanak HKBP, i ma 2 Korint 5: 1-5: Ai on do huboto hami: Di na tanggal bagas parlapelapeannami na sian tano on, adong ma di hami inganan na sian Debata, bagas na so pinauli ni tangan, na mian salelenglelengna di banua ginjang i.

H :     Ai saleleng dison, marhoi do hami huhut masihol, naeng haru solukkononhon inganannami na sian banua ginjang i.

L :     Ai nda tung songon na marsaemara hami tardapot disi, tung marabit do.

H :     Ai tagan di parlapelapean on hami, marhoi do hami jala sorat, ala dipangido rohanami: Naeng unang ma ditanggali sian hami, dilampishon ma nian, asa dibondut hangoluan i hamatean.

L :     Alai na patauhon hami tusi, Debata do i, dung jolo dilehon tu hami Tondi i, patujolona i. I ma sahatna. Martua do angka na tumangihon Hata ni Debata, jala na umpeopsa.

L+H :Amen

10.               Koor:

11.              Tangiang Pangondianon: Biv. Netti Bontor br. Silaban

12.              Koor:

13.              Marende SDJ. No. 677: 1 Mansai lambok G=Do

Mansai lambok Tuhan Jesus manjou, manjou ho dohot au,

Ida Ibana paima haroromu, mulak ma ho dohot au.

Antong sai ro ma ho, angka na sorat sai ro ma ho.

Mansai lambok Tuhan Jesus manjou, pardosa mulak ma ho.

14.              Jamita: Rom 3:38 (Pdt. Lidia br. Simanjuntak, ST.h)

15.              Papungu Pelean

L :     Tapapungu ma peleanta songon parbue ni haporseaonta, huhut marningot sude dengganbasa naung tajalo sian Debata. Taingot ma hata ni Debata na tarsurat di Rom 11:36 na mandok: Ai sian Ibana do saluhutna ro, marhitehite Ibana jala marhapatean tu Ibana do saluhutna i! Di Ibana ma hasangapon salelenglelengna! Antong di bagasan las ni roha, tapasahat ma peleanta marhitehite ende pujian.

H :    Marende SDJ. No. 691: 1… Hupasahat ma tu Jesus Es=Do

Hupasahat ma tu Jesus saluhutna ngolungki

Roha nang pambahenanku, saluhutna tingkingki

                   Ref.        Hupasahat ma tu Jesus, saluhutna diringki

                                  Hupasahat ma tu Jesus, saluhutna ngolungki.

Pangkeonku ma tanganku, mangula lomoNa i,

Langka nang simanjojakku, mangihuthon Tuhanki.

                   Ref.        Hupasahat ma …

Nang pamereng ni matangku, mandompakkon Jesus

Soara ni pamanganku, mamuji goarNa i.

                   Ref.        Hupasahat ma …

Dung huida Tuhan Jesus, hutundalhon dosangki,

Lohot rohangki tu Jesus, sipalua tondingki

                   Ref.        Hupasahat ma …

Tarhalomong do rohangku dipandok ni Tuhanku,

Aleale ni Tuhanku, au di goar Jesus i.

                   Ref.        Hupasahat ma …

Mauliate ma rohangku, ala au hinonghopMi,

Pujionku ma goarMu, salelenglelengna i.

                   Ref.        Hupasahat ma …

16.              Parsuruon, Tangiang Panutup dohot Pasupasu

L :     Debata parasiroha jala pardenggan basa i ma na paborhathon hita laho marhobas di adopanNa, lumobi parompuan HKBP laho pasauthon panghobasion parompuan di huria ni Tuhanta lumobi Taon Parompuan HKBP 2015 on. Ndang tarula hamu agia aha, anggo so mardonganhon Ahu, ninna Tuhan i. Antong jalo hamu ma lombulombu haporseaon i, haintopan hamu do marhite sian i sude sumbia api ni parjahat i. Jangkon hamu ma nang tahuluk haluaon, dohot podang ni tondi, i ma hata ni Debata.

H :     Gomos do ditiop rohangku, ndang tarbahen sirang hita sian holong ni roha ni Debata, na di bagasan Kristus Jesus Tuhanta i, ai Ibana do na maniop ahu di bagasan ngolungku.

L :     Antong, binsan sadihari dope, taulahon ma na denggan tu saluhut halak, asa ndada be hita na mangolu nuaeng, alai Kristus do na mangolu di bagasan hita. Asa marparange na denggan hita di bagasan ngolunta.

H :     Mangendehon SDJ. No. 690: 1 Hibul rohangku

          Hibul rohangku tu Tuhan Jesus,

Sude ngolungku di Tuhan Jesus.

          Ihuthononku do Tuhan Jesus,

Ndang olo au sumurut be.

L :     Ale angka dongan, laho simpul ma partangianganta on, alai pos ma rohanta, ianggo asi ni roha ni Debata, hot do i ro di saleleng ni lelengna. Debata do na mandongani ahu, Debata do na mandongani hamu, Debata do na mandongani hita saluhutna.

H :     Pos do rohanami, Jahowa do na mandongani hami.

L :     Molo pos rohanta dipandonganion ni Jahowa, jaloonta ma pasupasuNa di tongatonga ni ulaonta, di tongatonga ni keluarga, di tongatonga ni lingkunganta, songon i nang di tongatonga ni bangsonta. Ai didok do di hataNa i: “Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate”.

H :     Sai saut ma na pinarbagaMi ale Tuhan, jaloon nami ma gogo sian Ho, di na pasauthon panghobasion ni parompuan di huriaM dan ulaon Taon Parompuan HKBP 2015 on. Sai pasupasu ma hami, keluarga nami, lingkungannami songon i nang bangsonami, laho patulushon lomo ni rohaM di tongatonga ni portibi on.

L :     Antong jalo hamu ma pasupasu sian Debata: “Dipasupasu jala diramoti Tuhan Debatama ho, disondanghon Tuhan Debatama bohiNa tu ho jala asima rohana mida ho, didompakhon Tuhan Debatama bohiNa tu Ho, jala diparsaorhonma dameNa tu tondim”.

H :     Mangendehon: (Amen, amen, amen)

        

KATA-KATA SAMBUTAN DIATUR TERSENDIRI