PARTANGIANGAN PANGUJUNGI DI TAON 2019

TERTIB ACARA

PARTANGIANGAN PANGUJUNGI

HKBP PONDOK GEDE RESORT PONDOK GEDE

DISTRIK XIX BEKASI

Rabu, 6 Nopember 2019 Pukul 20.00 WIB

01. MARENDE BE. No. 116: 1-2 DITOMPA HO DO AU D=Do BL. 243

1. Di tompa Ho do au, sondangi rohangkon;

Tung basabasa-Mi sude na di au on.

Gomgomi pamatangku, naeng Ho do oloanku,

Sai lehon ma gogongku, lomoM naeng ulaonku.

Urupi tatap au tutu, Panompa na burju.

(Jongjong)

2. Tuhan Sihophop au, sai buri tondingkon.

Marhite mudar-Mi torusi ngolungkon.

Pinuji ma Goar-Mu, arga ma pangkophop-Mu,

Dibaen pangalahongku, nang nasa ulaonku.

O Jesus Sipalua au, tu Ho ma au patau.

01.     VOTUM DOHOT TANGIANG (Pdt. Hotman Sitorus, S.Th)

U:   Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, itapatupa ma Partangiangan na parpudi di taon 2019 di HKBP Pondok Gede. Amen. Martua do halak na manaon di pangunjunan,

H:   Ai dung tau sian pangunjunan i, jaloonna do tumpal hangoluan, na pinarbagabaga ni Tuhan i tu angka na holong roha di Ibana.

U: Haleluya! (Martangiang ma hita:) Ale Tuhan Debata, Pargogo na so hatudosan jala Parasiroha na sumurung! Dipangido rohaM, naeng mangolu jala martua hami sogot; nunga ragam dalanna dibahen Ho manungguli rohanami, asa hutanda hami hatuaon sogot. Dibahen i hupaserep hami ma nuaeng rohanami mangido sian Ho: Sai lehon ma TondiM na badia i tu hami, asa porsea hami di holong ni rohaM di hami. Sai hutangihon hami ma soaraM, na mangapoi hami di tingki parasirohaon nuaeng, asa sampang hami tu hangoluan, na pinaradeM i di hami marhitehite Tuhan Jesus Kristus, Tuhannami.

S:    Amen. (Hundul)

02.     KOOR: WIJK 1 – KOOR EBENEZER – INA HANNA

03.     MARENDE BE No. 151: 1  ASI ROHAM O JESUS TUHANKI  BL. 136

1. Asi rohaM o Jesus Tuhanki, sai jangkon ma au on.

“Sai ro ma ho”, laos i do hata-Mi, tu au pardosaon

Dison huboan pelean-Mu, i ma tondingku, pamatangku,

Asi rohaM, sai jalo ma. (Jongjong)

04.     TANGIANG MANGIDO HASESAAN NI DOSA

U:   Tatopoti ma dosanta. Bodari on di partangiangan na parpudi di taon 2019. Ita ingot ma angka dosanta na ita ulahon. Godang pangalaoisionta. Ai jotjot do hita mardosa maradophon Debata, jala jotjot itasungguli rimas ni Debata marhite sian pangalaosionta, di hata-Na. Ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami,

H:   Tuhan asi roham, sesa dosanami.

U:  Disuru Tuhan Jesus do hita asa gabe parhobas, ndada sihobasan. Gabe pangapuli, ndada siapulan. Na tau mangurupi, ndada siurupan. Sipardame ndada gabe sipadameon. Hape lemba do hita mangulahon i.

H:   Tuhan asi roham, sesa dosanami.

U:  Disuru Tuhan Jesus do hita asa gabe parasiroha siboan pengampunan di tongatonga ni panginsahi. Siboan pos ni roha di tonga ni hangangguon. Siboan pangkirimon di tonga ni pandelean. Hape jotjot hita ndang tau mangulahonsa.

H:   (Mangendehon:) BE. No. 165: 3 NA BASA DO ROHAM DI AU BL.19 D=Do

       O Tuhan hutopoti ma, luhutna dosangki.

       Asi rohaM sai sesa ma, di Ho ma tondingki.

U:    Didok Apostel Paulus, “Tuhan Jesus Kristus do pardengganan pasaehon dosanta. Alai ndada holan dosanta dohot do dosa ni portibi on”. Hasangapon ma di Debata di ginjang.

S:    Amen! (Hundul)

05.     KOOR: WIJK 2-KOOR AMA-IMMANEN-LANSIA-EL SHADDAI

06.     EPISTEL PODA SIAN RAJA SALOMO 19: 20-29

U: Tabege ma Hata ni Debata turpuk di ari Minggu XXI Dung Trinitatis sijahaon di partangiangan on Poda sian raja Salomo 19: 20-29. Ita jaha ma marsorinsorin. Sai tangihon ma hata sipaingot jala jangkon pangajaran, asa gabe pistar ho di hasusuda ni bohalmu.

H:  Pasimpar do sangkapsangkap di bagasan roha ni baoa, alai sangkap ni Jahowa do na marsihohot.

U:  Pinangido ni roha ni jolma do habasaronna, jala tagonan do halak na pogos sian baoa pargapgap.

H:  Biar mida Jahowa parohon hangoluan, jala halak na sabam roha marsonangsonang do, ndang manginona jea tu ibana.

U:    Dipohul halak sigurbak ulu do nian indahanna, gari mambahen tu pamanganna ro losokna.

H:   Mangonai tangan ma ho tu halak pangelesi, asa anggiat marbisuk halak na oto, sai ajar ma halak na pantas marroha, asa tamba parbinotoannai.

U:    Manang ise na mangarupa amana, tung pola dipalaholaho inana, i ma halak sibahen haleaon dohot haurahon.

H:  Ale anaha, molo dipasadi ho tumangihon pangajaran, jadi lilu ma ho sian angka hata parbinotoan.

U:  Halak sitindangi parroha na jat palea uhum, jala pamangan ni halak parjahat mamolgak hageduhon. Naung pinadiri hian torutoru di halak pangarehe, jala lipatlipat tu tanggurung ni halak na oto. I ma sahatna. Martua do angka na tumangihon Hata ni Debata, jala na umpeopsa.

S:    Amen.

07.     KOOR: WIJK 5 – PAROMPUAN – JERIKO – AMA SION

08.     TANGIANG PANGONDIAN (Pdt. Nikson Simangunsong, S.Th)

Tangiang Pangondian

di Partangiangan Pangujugi Taon 2019

Ale Amanami na di banua ginjang! Napaluahon hami huriaM manaithami huriaM gabe anak di harajaon-Mu. Mauliate di asi ni rohaM. Sai rajai ma marhitehite Tondi Parbadia sandok ruas ni huriaM HKBP Pondok Gede, asa mian di hami poda na pinodahon ni HataM. Sai patogu ma haporseaonnami, asa lam hubotohami mangihuthon HataM, jala asa lam hutanda hami hangoluan na sian Ho i.

·         Pasupasu ma HataM na dijamitahon, asa lam rarat harajaon-Mu jala monang, jala asa talu harajaon ni sibolis. Pasupasu ma Pamarenta rap dohot angka donganna na gumomgom hami, sai lehon ma tu nasida hapistaran na sian Ho i, asa diboto mangaturhon aturan na denggan na tau pasangaphon Goar-Mu.

·         Pasupasu ma sasudena ama, ina, angka dolidoli dohot anakboru ro di dakdanak, angka na marsikola mangguruhon HataM. Dohot sude program ni huriaM HKBP Pondok Gede naung ditotophon ulahononhon di taon 2019; Taon Parasi ni rohaon HKBP di taon 2019, Ulang taon 40 HKBP Pondok Gede, Pesta Gotilon di ari 17 November 2019 na ro on.

·         Pasupasu Parmingguon Sikola Minggu, Parmingguan Remaja, Parmingguon na magodang, Sermon Parhalado dohot Sermon Kategorial, Pelean Taon, Gugu Toktok Ripe, Parguruan ni calon Sintua, Pembangunan Bilut Parhobasan dohot Kamar Mandi.

·         Angkup ni i sai pagabe ma saluhut na niula (pegawai, partigatigaan, karyawan, swasta, guru, TNI, Polri), jala sai padao ma nasa na tau mangago hami.

·         Pasupasu pegawai di gareja on: Karna, Kursin, Raif, Asef dohot keluarga nang dohot angka dongan nasida nasailaon dohot sude pangisi ni perumahan on, inganan ni gareja dohot naposoM tading maringan.

·         Asi ma rohaM di saluhut na mabalu dohot di angka dakdanak na sopot so marama so marina. Tatap ma saluhut na pogos, na marsahit:

1. Tambunan Wijk 3

2. Nainggolan (Wijk 4)

3. Pasaribu (Wijk 5)

4. CSt. D. Napitupulu (Wijk 5)

 ro di angka na naeng mate dohot na marsak binahen ni soro ni ari. Ho ma ale Tuhan Jahowa, amanasida dahot pangondianna, ai Ho do Sipangolu hajolmaon.

·         Sai padungo ma hami sasudena, asa unang dipaotooto sibolis hami. Alai pamonang ma hami maralohon rohanami na jahat i, asa tarpabongot Ho hami tu harajaon-Mu na di banua ginjang i. Sai oloi ma pangidoannami, ale Tuhan Jahowa, marhitehite Tuhan Jesus Kristus, Tuhannami, na tarpuji rap dohot Ho dohot Tondi Parbadia ro di saleleng ni lelengna. Amen.

09.     KOOR: WIJK 4 – WIJK 3 – WIJK 6 – HALELUYA

10.     MARENDE BE. No. 750: 1 TU TONDINGKON O JESUS F=Do

1. Tu tondingkon o Jesus patolhas hata-Mi,

Asa sonang rohangku unang sai ganggu i

Reff :

Rohangkinon dohot tondingkon naeng tumangihon Ho

Dison do au naposoM on rade tumangihon Ho

11.     JAMITA: EPESUS 6: 1-9 (Pdt. Jeffry Sitindaon, M.Th)

12.     MARENDE BE. 432: 1-  SIAN HURUNGAN NI DOSANGKI. As=Do BL. 292 (P. Pelean)

1.  Sian hurungan ni dosangki ro au tu Ho, ro au tu Ho.

Tu haluaon di mudar-Mi Jesus au ro tu Ho

Nasa rohangku malum, hipas, gabe mamora, nang pe pogos,

Sian jeangku ro au tu Ho, Jesus au ro tu Ho.

2.  Sian ilangku,  nang ramunhi ro au tu Ho, ro au tu Ho.

Gabe na ias nang rohangki, Jesus, au ro tu Ho.

Sian holsongku  tu  sonang-Mi, sian runduthu tu dame-Mi,

Sian arsakku tu holong-Mi, Jesus, au ro tu Ho.

(musik) 

3.  Ganggu ni roha, tading ma i, Jesus au ro, Jesus au ro.

Sai haposanku ma hata-Mi, Jesus au ro tu Ho.

Ndang pandelean ni rohangki, sude huauphon tu holong-Mi,

Gabe martua, las rohangki, Jesus au ro tu Ho. (Jongjong)

13.     TANGIANG PELEAN – PASUPASU

U:  Balga do asi ni roha ni Tuhanta di hita huria-Na, ndang dipasombu hita, dipargogoi do hita mangadopi sude gulmit ni ngolunta, didongani do hita. Tangkas ma i hangoluhononta ala ni hatana naung ita jalo ganup marsadasada.

H:   Mauliate ma Tuhan, pargogoi ma hami mangulahon hataMi.

U:  Ta tangianghon ma peleanta… (Tangiang Pelean) Amen. Rap mandok ma hita tangiang hatopanta i…

H:   Ale amanami na di banua ginjang…

U:    Asi ni roha ni Tuhan Jesus Kristus, dohot holong ni roha ni Debata Ama dohot parsaoran ni Tondi Parbadia i ma mandongani hamu! Amen.

H:   (Mangendehon:) Amen, amen, amen.

 

14.     MASIJALANGAN

         ACARA NA MANGIHUT DIATUR TERSENDIRI