PARTANGIANGAN KELUARGA TIOPULUS PASARIBU/St. POSMA BR. MANALU

PARTORDING NI ACARA PARTANGIANGAN KELUARGA

TIOPULUS PASARIBU/St. P. BR. MANALU (+) (AMA BONTOR)

Di Aula HKBP Pondok Gede, 23 September 2017 Pukul 10.00 WIB

Parompuan HKBP Pondok Gede mandok hata Mauliate

Parompuan HKBP Pondok Gede mandok hata Mauliate

Parompuan HKBP Pondok Gede mandok Mauliate tu Debata marhite Endena

Koor Gabungan Wijk 2 HKBP Pondok Gede mandok hata Mauliate

Koor Jeriko Wijk 2 HKBP Pondok Gede mandok hata Mauliate

Koor Musa Wijk 2 HKBP Pondok Gede mandok hata Mauliate

Pengurus Koor Gabungan Wijk 2 HKBP Pondok Gede mandok hata Mauliate

Parsahutaon

Tulang Manullang

Tulang Manullang

Hulahula Manalu

Hulahula Manalu

Dongan Tubu Pasaribu

Dongan Tubu Pasaribu

Parhalado

Parhalado

Hasuhuton

Mangampu

Mangampu

Mangampu

Mangampu

Mangampu

Mangampu

1.  JOUJOU TU PARSAORAN DOHOT DEBATA (Pdt. Nikson Simangunsong)

U:    Hamu angka dongan! Mauliate ma tapasahat tu Tuhanta Debata na papunguhon hita huriaNa di inganan on. Tahaporseai do, molo so Debata donganta, ndang manahan hita maralohon angka hamaolon na taadopi. Tongtong do Tuhanta mangaramoti hita. Alani i, di na marpungu hita on, tama ma tapasahat hamauliateon ni rohanta tu Debata.

R:     Mauliate ma rohanami di Ho ale Tuhan. Hot do holongMu dohot asi ni rohaM di hami na hinophopmon.

U:     Naeng masuhanta ma parsaoranta dohot Debata. Taparade ma roha dohot pingkiranta.

R:     Bahen ma Tuhan inganan on, bagas manjalo habadiaonMu

U:     Bongoti ma habadiaon ni Debata, boan ma dohot luhut angka na marragam na masa di ngolum. Boan ma arsak dohot las ni roham.

R:     Tarpuji ma Tuhanta, na tongtong rade manjalo angka pardosa na olo ro tu Ibana di bagasan unduk dohot serep ni roha.

U:     Marende ma hita sian BE. No. 395: 1+4 Masuk ma ho

1.    Masuk ma ho, na gogot do harbangan; masuk ma ho, sompit do dalan i.

       Jesus manjou nang ho di parjalangan; sai ro ma ho, naeng sonang rohami.

       Jesus manjou ho, bege ma i; unang be togang, oloi joujouNa i;

       Unang be togang, oloi joujouNa i.

4.    Pabulus ma tadinghon na di pudi, sai ro ma ho ditagam Jesus do.

       Sadari on boi dohot ho taruli di hatuaon na rade di ho.

       Jesus manjou ho, bege ma i; unang be togang, oloi joujouNa i;

                Unang be togang, oloi joujouNa i.

2.  VOTUM-INTROITUS-TANGIANG

U:  Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Pinuji ma Tuhan i ganup ari, ai ro di salelenglelengna do asi ni rohaNa.

R:     Martua ma ganup na manghabiari Jahowa, na marparange di angka dalanNa.

U:     Angka na marhaposan tu Jahowa, songon dolok Sion do nasida, ndang tagamon humordit, hot do tahe ro di salelenglelengna.

R:     Martua ma ganup na manghabiari Jahowa, na marparange di angka dalanNa.

U:     Sai marhaposan tu Jahowa ma ho jala ulahon na denggan, inganhon ma tano i jala radoti haburjuon.

R:     Martua ma ganup na manghabiari Jahowa, na marparange di angka dalanNa.

U:  Oloi hamu ma Jahowa marhitehite las ni roha, ro be ma hamu tu joloNa marhitehite olopolop. Ai Pardenggasbasa do Jahowa, ro di salelenglelengna do asi ni rohaNa, jala marsundutsundut do hasintonganNa. Haleluya! (Martangiang ma hita): Ale Tuhan Debata Amanami marhitehite Tuhan Jesus Kristus, Tuhannami! Mauliate ma dipasahat rohanami tu Ho, ala asi dohot holong ni rohaM naung hujalo hami sahat tu sadari on. Marhahipason dohot di bagasan las ni roha do keluarga ni amanami Tiopulus Pasaribu, anak nasida Bontor Dodi Pasaribu dohot sude nasida sabagas hutopothami. Na marpungu do hami nuaeng laho mandok mauliate di sude pangaramotion mu di keluarga on, huhut mamuji pasangap GoarMu pasahathon hamauliateon ni rohanami ala holong dohot asi ni rohaM na godang i. Antong, sai manontong ma asi ma rohaM di nasida! Jalo ma ende pamujionnami dohot tangiangnami, marhitehite Goar ni Anak haholongan ni rohaM Jesus Kristus Tuhannami. Amen.

3.  Koor: JERIKO

4.  Marende BE. No. 581. 1 Sangap di Jahowa

1.   Sangap di Jahowa na sun timbul i, balga ni holongNa ndang tarasam i.

Dilehon AnakNa na sasada i, manobus hita jolma pardosa i.

Puji ma Debata ale manisia, las roham, las roham, somba ma Debata.

Dapothon Jahowa na sun timbul i, marhite AnakNa Tuhan Jesus i.

5.  MARNINGOT DENGGANBASA NI JAHOWA

U:     Puji ma Debata na manompa saluhutna, puji ma Ibana na mangaramoti ngolunta. Puji ma Ibana, ai ro di saleleng ni lelengna do asi ni rohaNa.

R:     Tung na balga do asi ni rohaM Tuhan, alani i pujionnami ma Ho di tongatonga ni ngolunami.

U:     Hamu angka dongan, tadok ma mauliate tu Debata Jahowa ala tongtong do di ramoti jala dipargogoi keluarga ni Amanta Tiopulus Pasaribu, jala bolas sidung parsikolaan S2 ni si Bontor Dodi Pasaribu anak nasida di ari na salpu I (1 Agustus 2017 Universitas Bina Nusantara-Jakarta).

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Dilehon do di hita angka na ringkot di ngolunta, ganup ari dohot ganup tingki. Dilehon do di hita gogo, pos ni roha dohot panghirimon laho mangalului angka na ringkot di parngoluonta.

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Tutu, ragam do angka na masa na boi mambahen hita tahuton mandalani ngolu di taon na naeng sibolusonta dope. Ragam do nang angka na masa na boi mambahen hita marungkil di tongatonga ni parngoluon i. Alai, saluhutna do manumpak tu na denggan di angka na marholong ni roha tu Debata.

R:     Tung na balga do asi ni rohaM Tuhan, Alani i pujionnami ma Ho di tongatonga ni ngolunami.

U:     Nuaeng pe, lam martamba ma burjunta marpangoloion tu Tuhanta Debata parasi roha i.

R:     Ale Tuhan, sai asi ma roham di hami. Urupi ma hami on saluhutna!

U:     Ndang taboto angka na masa na naeng siadopanta. Ndang adong na hot anggo di tano on, tung saluhutna do mubauba. Alai dohononta ma:

S:      Sai na donganan ni Tuhan Debata do hita ganup ari, rasi rasa ro ajal ni hasiangan on. Amen.

6.  Koor: Parompuan + Vocal Solo Keluarga

7.  Marende SDJ. No. 755:1 Haposan Ho Tuhan

1.   Haposan Ho Tuhan, hot do holongMu, di las ni roha, tingki arsak pe.

Asi ni rohaMi nang pambaenanMu, Ho sipalua, pangondingan pe.

Haposan Ho Tuhan, haposan Ho Tuhan, ndang na mansohot asi ni rohaM.

Nasa na ringkot di au diparade, tung ala ni asiM do i sude.

8. Manjaha Hata ni Debata Psalmen 113: 1-3

U:     Tabege ma Hata ni Debata turpuk di Partangiangan on sian Psalmen 113: 1-3. Tajaha ma marsorinsorin! Ende hananangkok sian si Daud. Ida ma, dengganna i dohot sonangna i, molo tung pungu sahundulan angka na marhahamaranggi!

R:     Songon miak na hushus di ulu pola mabaor tu mise, tu mise ni si Aron, pola mabaor sahat tu rambu ni angka ulosna.

U:     Songon nambur ni Hermon, na mabaor tu angka dolok Sion, ai disi do diparbaga Jahowa pasupasu, hangoluan sahat ro di salelenglelengna. I do sahatna. Martua ma na tumangihon hata ni Debata, jala naumpeopsa.

R:     Amen.

9.  Tangiang Pangondian (Pdt. Hotman Sitorus)

10.  Koor: Gabungan Wijk 2

11.  Marende SDJ. No. 831: 1 Tung jotjot au

1.  Tung jotjot au songon boru Samaria mangalap aek tu sumur i.

Hape so boi sombu uasna, mulakulak pe mangalap i.

Tung tuani ma ro Jesus manjouhon: “Au do aek hangoluan i.

Pangido ma asa Hulehon aek na pasombu uasmi.”

Ale Jesus aek hangoluan gohi dohot panginumanhi.

Asa sombu uas na di rohangki, asa sonang, gok dame tondingki.

12. Jamita 2 Musa 13:21+33:14 (Pdt. JeffrySitindaon, M.Th)

13. Marende SDJ. No. 730: 1- Sai patau ma au Tuhan (Pelean)

1.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki, lao papatar holongMu tu donganhi.

2.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki patariparhon basaM tu donganhi.

3.   Sai patau ma diringku ale Tuhan, papatarhon hinauliMi Tuhan.

Suru ma TondiMi saor tu rohangki, lao patandahon diriMi tu donganhi.

14. MARHANGOLUON MANGASAHON DEBATA JAHOWA

U:    Hamu angka dongan, nunga dipaloas Debata hita pajoujou Goarna Na badia i marhite partangiangan on. Silehonlehon ni Debata do on tu hita jala sihamauliatehononta. Ai dihalomohon Tuhan i do pamujion sian roha na lias.

R:     Mauliate ma di Ho Tuhan. Sai ramoti ma hami on hombar tu lomo ni rohaM.

U:   Onpe, hamu angka dongan! Marsihohot jala so mubauba ma hita, jala lam sumurung ma di bagasan Tuhan i, ai taboto do; ndang magopo halojaonta di bagasan Tuhan i. Rap ma hita mandok Tangiang Hatopanta i!

R:     Ale Amanami na di banua ginjang….

U:     Pasupasu

R:     (Mangenderhon): Amen, amen, amen.