HKBP PONDOK GEDE: ACARA IBADAH NATAL II DOHOT ULAON DIAKONI SOSIAL

ACARA IBADAH NATAL II

DOHOT ULAON DIAKONI SOSIAL

HKBP PONDOK GEDE RESORT PONDOK GEDE

T E M A : JESUS PANONDANG NI PORTIBI ON

(Johannes 8: 12-20)

Kamis, 26 Desember 2019

I. Prosesi: diiringi ende BE No. 57: 1… Nunga Jumpang Muse Ari Pesta BL. 202 na niendehon ni Song Leader

Uduran prosesi: Silang, Lilin, Alkitab, Hau Anggur, Kantong Persembahan, Parhalado, Panitia Pesta Natal Diakoni Sosial Taon 2019, bongot tu Gareja, sahat tu na jongjong di jolo ni Langgatan mangadop tu ruas. Dung i dijaha ma lapatan ni angka simbol i.

1. Silang: Gabe didok Jesus ma: Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu (Joh. 14:6)

2. Lilin: Diulahi Jesus muse manjamitai nasida, ninna ma: Ahu do Panondang ni portibi on. Na so tupa mardalan di na holom ganup na mangihuthon Ahu; di ibana do tahe Panondang hangoluan (Joh. 8:12).

3. Bibel: Ahu do roti na mangolu, na tuat sian banua ginjang i. manang ise na manganhon roti on, i do na mangolu saleleng ni lelengna. Ia roti silehonon-Ki bahen hangoluan ni portibi on i ma daging-Ku (Joh.6:51).

4. Hau Anggur: Ahu do hau anggur i, hamu do ranting i. Na mian di bagasan Ahu jala Ahu di bagasan ibana, i ma na marparbuehon godang; ai ndang tarula hamu agia aha, anggo so mardongan Ahu (Joh. 15:5).

5. Kantong Pelean: Sai olo ma nang hamu paulion, songon angka batu na mangolu, gabe bagas partondion jala hamalimon na badia, laho mamboan angka pelean partondion, halomoan ni roha ni Debata, marhitehite Jesus Kristus (1 Pet.2:5).

Dung simpul sude parhobas manjaha lapatan ni angka simbol i, laos dipasahat ma tu paragenda asa dipeakhon di langgatan. Dung i, rap mulak tu inganan naung ditontuhon.

II. Hata Huhuasi: (Protokol: St R. boru Silali)

a. Mewakili Panitia Natal (St. B.B. Lumbanraja)

b. Mewakili Dewan Diakonia (St. Z. Napitu)

III. Ibadah

1. Marende BE. No. 56: 1-3 Sai Ro Ma Hamuna BL.139 A=Do

1. Sai ro ma hamuna angka na porsea,

sai ro ma hamuna tu Betlehem.

Ida Dakdanak, Sipalua hita;

tasomba ma Ibana, tasomba ma Ibana,

tasomba ma Ibana Rajanta.

2. O Raja na sangap, Tuhan ni saluhut,

ditaon Ho na porsuk di tano on.

Ala ni jolma na di hamagoan;

tasomba ma Ibana, tasomba ma Ibana,

tasomba ma Ibana Rajanta.

-----Musik----- -----Jongjong-----

3. Hamuna suruan puji ma Jahowa,

rap dohot sude na martua i.

Sangap di Tuhan Debata di surgo;

tasomba ma Ibana, tasomba ma Ibana,

tasomba ma Ibana Rajanta.

2. Votum, Introitus, Tangiang (L= Liturgis; J= Jemaat)

L: Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia na tumompa langit dohot tano on. Amen. Bangso na mardalani di bagasan haholomon marnida sada panondang na bolon. Binsar do sada panondang di angka na mangingani tano na nilinggoman ni hamatean.

J: (langsung mangendehon BE. No 47: 4 Di na saborngin i do binsar BL. 103 F=Do)

Dibahen i sai marsinondang ma baen haporseaonmi.

Padenggan jala sai patorang roham ro di parangemi.

Paboa na marguna do Panondang na ro i di ho.

L: Marrongoman bangsoM ro sian lomona di ari parporangan-Mu; marpahean habadiaon, songon nambur sian ampuan ni andos torang ro do tu Ho parangan-Mu angka na umposo. Haleluya.

J: (Mangendehon:) Haleluya, haleluya, haleluya!

L: (Martangiang ma hita:) Ale Amanami, Ama ni Jesus Kristus Tuhannami, na tubu di huta Betlehem! Sai pinuji ma goar-Mu na badia i, ala naung ditingkir Ho hami bangsoM. Ditogutogu Ho do hami sian haholomon tu hatiuron jala dipadomu Ho do hami, na holang sian Ho, gabe saor muse dohot Ho. Gok halalas ni roha do hami ala ni i. Sai jalo ma hamauliateon ni rohanami, naung tinopot-Mu marhitehite Anak-Mi. Amen. -----Hundul-----

3. Vocal Group El Shaddai

4. Marende BE. No. 61: 6+8 Natau Las ni Roha BL.2 F=Do

6. Sai mardongan Jesus hinadenggan nii.

:,: Nang tu au patulus halolomo-Mi. :,:

8. Halalas ni roha nang na bernit pe.

:,: Sai tong tu na denggan panumpakna be. :,:

Liturgi I: Panompaon ni Debata di nasa na adong

1) 1 Musa 1:26-27; 2:7 2) Psalmen 33:6-7 3) Psalmen 139:13+1

4) Jesaya 40:26 5) Job 31:5; 33:4 6) Kolosse 1:16

5. Marende BE. No. 53: 2+4 Di Betlehem Do Tubu BL.51 F=Do

2. Tu holong ni roha-Na hubonom rohangkon.

Hulehon di Ibana sude na di au on.

Olo, olo, sude na di au on.

4. Burju naeng lehononhu, di Ho rohangkinon.

Asi rohaM Tuhanhu, urupi au tongtong.

Olo, olo, urupi au tongtong.

6. Liturgi II: Kejatuhan Manusia ke dalam Dosa (responsoria)

L: Keadaan hidup yang baik, terkadang belum mampu memuaskan hati manusia. Selalu merasa kurang. Itulah sisi keinginan manusia. Apakah yang terjadi ketika manusia hidup di dalam dosa? Mari kita dengarkan penuturan liturgi ke-2 ini.

J: Setiap hari kita melihat kemajuan yang terjadi. Teknologi semakin canggih, hampir semua keinginan terpenuhi. Namun apa dampak yang dihasilkan? Lihatlah, setiap manusia mementingkan dirinya sendiri. Tidak ada yang perduli lagi dengan sesamanya.

L: Kekuasaan yang melanda hati manusia telah menciptakan sifat egoisme. Yang kuat semakin kuat, yang lemah semakin lemah. Yang kaya semakin kaya, yang miskin semakin miskin. Perbuatan baik diukur dengan uang. Manusia hidup di tengah-tengah perhambaan uang.

J: Sekarang sudah banyak anak-anak telah menjerit, menangis menahan sakitnya hidup yang mereka alami. Banyak sekarang anak dijadikan budak, anak-anak dijadikan sebagai mesin pencetak uang, bahkan ada anak-anak yang dijadikan menjadi budak hawa nafsu manusia yang telah kehilangan kemuliaan Allah. Penjualan anak-anak pun semakin banyak, anak-anak korban ketidakadilan, korban perang, anak-anak yang kehilangan orangtuanya.

L: Sudah banyak adik yang tidak lagi menghargai kakaknya. Kakak tidak menyayangi adiknya. Orangtua tidak lagi dianggap sebagai sumber hikmat Ilahi. Anak-anak dilupakan sebagai titipan Ilahi. Penghargaan semakin kurang. Manusia semakin sering curiga terhadap sesamanya. Hidup saling menyandera dan menghina menjadi tontonan nyata. Agama dan jabatan sering direkayasa dan sebatas retorika untuk melanggengkan kuasa. Mungkinkan kita mampu bertahan dalam situasi yang demikian?

J: Kapan semua ini akan berakhir? Kerakusan manusia menciptakan bencana alam yang tidak dapat lagi dibendung. Alam menjadi rusak dan bercacat. Hutan tidak lagi mampu bernyanyi. Laut tidak mampu lagi berkilauan. Udara tidak lagi bersih, air telah tercemar. Semua menjadi rusak.

(huria langsung mangendehon

BE. No. 183: 3; Na Jumpang Au BL.105 G=Do)

On pe holan asi ni roha sipangasahononhon i

Sipujionku do Jahowa dung ro na pamanathon i

Unduk huhut las rohangki mamuji asi roha i

Mamuji asi roha i

L: Hukum tidak lagi dihargai. Menghalalkan segala cara dijadikan sebagai budaya. Budaya “semau gue” semakin hidup namun “budaya malu” semakin redup. Teguran dan sapaan pun sudah jarang disebut. Semua telah pudar. Semua seakan tak takut pada Tuhan, Sang Pemilik hidup.

J: (langsung menyanyikan BE. No.681: 1 Ale Amang)

Ale Amang, asi rohaM di au pardosa on,

Unduk do rohangkon nueang marsomba di joloM

Unang jujur, unang jujur angka dosangki.

Sai salpuhon, sai salpuhon sian rohami

7. Koor Parompuan

8. Marende BE. No. 598: 1 Bege ende ni Suruan

(ro ma tu jolo Liturgi III)

1. Bege ende ni suruan,sangap ma di Tuhan i.

Nunga tubu Sipalua, Raja Sipardame i.

Dipadame Debatanta do diri-Na tu pardosa.

Nunga tubu Kristus i, di huta Betlehem i.

Ende ni suruan i, sangap ma di Tuhan i.

9. Liturgi III: Bagabaga Haroro ni Sipalua

1) 1 Musa 3:15 2) 5 Musa 18:15 3) Mika 5:1

4) Jesaya 9:5 5) Jesaya 7:14

10. Marende BE. No. 605: 1+4 Las ma Roham D=D0

(ro ma tu jolo Liturgi IV)

1. Las ma roham Tuhanta ro, gumomgom sasude.

Ungkap roham, jangkon rajam,

marende ma sude, marende ma sude,

marende, marende ma sude.

4. Ibana do Rajanta i, parasiroha i.

Na tigor i, na bonar i,

parholong roha i, parholong roha i,

parholong, parholong roha i.

11. Liturgi IV: Hasasaut ni bagabaga di Hatutubu ni Sipalua

1) Mateus 1:18-19 2) Mateus 1:20-21 3) Lukas 2:1-3

4) Lukas 2:4-5 5) Lukas 2:6-7+14 6) Titus 2:14

12. Pagalakhon lilin Natal huhut mangendehon BE No.54; BL.64 “Sonang ni bornginna i.” (Laos ro ma tu jolo angka parhobas sipagalak lilin manjalo api sian Pandita: perwakilan ni panitia, Dewan Diakonia, dohot mewakili ruas)

Sonang ni bornginna i, uju ro Jesus i. Sonang modom do halak sude

Holan dua na dungo dope, mangingani Anak-Na Jesus, Tuhanta i.

Denggan ni bornginna i, uju ro Jesus i. Tu parmahan di Betlehem i, Dipaboa na di surgo i, nunga ro Sipangolu, Jesus, Tuhanta i.

Godang ni tua disi di na ro Jesus i. Tung malua pardosa muse,

Sian hamagoanna sude, ala ro Sipangolu, Jesus Tuhanta i.

13. Koor

14. Marende BE No. 608: 1 O Betlehem na Metmet F=D0

(ro ma tu jolo Liturgi V)

O Betlehem na metmet i boasa modom ho,

Humirdophirdop bintang i hohom marnida ho.

Alai ro sian ho do panondang na tongtong

Na pinarsinta na sailaon sorang di borngin on.

15. Liturgi V: Hatuaon sian Hatutubu ni Tuhan Jesus

1) 2 Korint 5:17 2) Galatia 5:22 3) Rom 10:4

4) 1 Korint 6:20 5) Rom 8:17 6) Pangungkapon 2:7+10c

(Dung sidung manjahahonsa, sude peserta liturgi V rap mangendehon BE No. 53: 3-4; BL. 51 “Di Betlehem do tubu”

♫ Sai naeng haholonganhu Ho ale Tuhanki. Nang marsak las rohangku, ingkon lam ganda i. Olo, olo, ingkon lam ganda i.

♫ Burju naeng lehononhu, di Ho rohangkinon. Asi rohaM Tuhanku, urupi au tongtong. Olo, olo, urupi au tongtong

16. Marende BE. No. 46: 1… Na sian Ginjang Do au ro BL.33 C=Do

(Pelean Ia+Ib)

1. Na sian ginjang do au ro, barita na imbaru do,

huhut na uli situtu huboan tu sude hamu.

2. Naung tubu do saborngin on Anak ni na marbaju on.

Anak na uli situtu, na gabe las ni rohamu.