PARTANGIANGAN PAMUHAI TAON 2018

PARTANGIANGAN PAMUHAI

HKBP PONDOK GEDE RESORT PONDOK GEDE

DISTRIK XIX BEKASI

Rabu, 21 Februari 2018 Pukul 20.00 WIB

01.    Marende SDJ. No. 575:1 Puji ma Debata na songkal Bes=Do

            Puji ma Debata na songkal pasangap ma goarNa.

Puji ma angka rura dohot lung, angka dolok na timbo.

Dohot hasak ni galumbang sude mamuji Ho.

Langit i na mansai hembang bintang i,

Na mansai torang, ombun i na mansai saksak,

Pasangaphon Ho o Debata. Tung so olo tading au,

Lao mamuji Ho Tuhan nasa gogo bahenonku,

Lao pasangaphon Ho, ro di ujungni ngolungku,

Sai pujionku Ho. (Jongjong)

02.    VOTUM & TANGIANG (Pdt. Hotman Sitorus)

U:   Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, itapatupa ma Partangiangan on mamuhai Partangiangan Huria di taon 2018 di HKBP Pondok Gede. Amen. Haleluya! Sai ingot ma, ale Jahowa, angka denggan ni basaM dohot asi ni rohaM, ai sian narobi do angka i.

H:   Asa unang marsuraksurak angka musungku mida ahu. Ale Debatangku, marhaposan tu Ho do ahu, sai unang paila ahu.

U:   (Martangiang ma hita): Ale Amanami na marhabangsa di atas ni saluhut. Mauliate Tuhan, ala manontong do asi ni rohaM mandongani hami na sataon on, tolas tu na hupatupahami Partangiangan Wijk on di borngin on di gareja on. Diramoti Ho huriaM, diramoti ho riperipe ruas ni huriaM dohot bangsonami Indonesia on. Tuhan tangkas do huhilala hami balga ni asi ni rohaM mangurupi hami huriaM. Ala marningot saluhutna i, tama pujionnami Ho sadarion ro di salelenglelengna. Amen. (Hundul)

03.    Koor: WIJK 1 – KOOR EBENEZER – INA HANNA

04.    Marende SDJ NO.695: 1-2 Jesus Tuhanku di Ho ma au on As=Do

1.       Jesus Tuhanku di Ho ma au on, asa mangihut tu Ho au tongtong.

Gohi rohangku ingani au on, sonang si Ho tongtong,

O Tuhan togu ma au. O Tuhan togu togu ma au,

Gohi rohangku ingani au on, sonang di Ho tongtong.

2.       Mansai godang do pardangolanki, tagan so Jesus dope tohaphi.

Disesa Jesus sude dosangki, gok dame rohangki,

Asi rohaNa di au, tongtong asi rohaNa di au.

Disesa Jesus sude dosangki, gok dame rohangki.

05.    TANGIANG MANGIDO HASESAAN NI DOSA

U:   Tatopoti ma dosanta. Bodari on, ita ingot ma angka dosanta na ita ulahon. Godang pangalaoisionta. Na mardosa do hita tu Debata, ala lemba hita mangulahon tanggungjawabta songon ruas ni HKBP, tanggungjawabta tu keluarga, tanggungjawab tu huria, tanggungjawab tu Negara. Ingkon parhatopotonta do, jotjot do hita gale.

H:   Tuhan asi roham, sesa dosanami.

U:   Disuru Tuhan Jesus do hita asa gabe parhobas, ndada sihobasan. Gabe pangapuli, ndada siapulan. Na tau mangurupi, ndada siurupan. Sipardame ndada gabe sipadameon. Hape lemba do hita mangulahon i.

H:   Tuhan asi roham, sesa dosanami.

U:   Disuru Tuhan Jesus do hita asa gabe parasiroha siboan pengampunan di tongatonga ni panginsahi. Siboan posniroha di tonga ni hangangguon. Siboan pangkirimon di tonga ni pandelean. Hape jotjot hita ndang tau mangulahonsa.

H:   (Mangendehon) BE.No.165:3 O Jesus na Pangolu au BL.19 D=Do

       O Tuhan hutopoti ma luhutna dosangki

       Asi rohaM sai sesa ma di Ho ma tondingki.

U:   Didok Apostel Paulus, “Tuhan Jesus Kristus do pardengganan pasaehon dosanta. Alai ndada holan dosanta dohot do dosa ni portibi on”. Hasangapon ma di Debata di ginjang.

S:    Amen!

06.    Koor: WIJK 2 – KOOR AMA IMMANEN- AMA

07.    Epistel Jona 4: 1-11

U:   Tabege ma Hata ni Debata turpuk di partangiangan on sian Panurirang Jona 4: 1-11. Tapatupa ma marsorinsorin. Alai sogo situtu do roha ni si Jona disi, jala piripirion ibana. Jadi martangiang ma ibana tu Jahowa jala didok ma: Oe, ale Jahowa, nda i do hatangku hian, uju di tanongku dope ahu? Umbahen hujoloani nian maporus tu Tarsis, ai huboto hian do, Debata parasi roha jala pardengganbasa do ho lambat tarrimas, jala parasi roha godang, jala na olo sumolsol rohana taringot tu hamagoan.

H:   On pe ale Jahowa, ua buat ma tagonan hosangku sian ahu, ai dengganan ahu mate sian na mangolu.

U:   Dung i ninna Jahowa ma: Tung turut ma ho marronirimas?

H:   Dung i ruar ma si Jona sian huta i, jala hundul tungkan habinsaran ni huta i, jala dibahen disi soposopona, jala hundul tusi marlinggomlinggom, paima diida manang aha masa tu huta i.

U:   Jadi dipadiri Debata Jahowa ma hau dulang sada, na simbur magodang di atas ni si Jona bahen parlinggoman di atas uluna, paluahon ibana sian hinamagona, jadi las situtu ma roha ni si Jona ala ni hau dulang i.

H:   Dung i dipadiri Debata ma sada gulokgulok di hananaek ni sibalik hunik manogotna i, gabe diruangi ma hau dulang i, laos malos.

U:   Jadi dung binsar mata ni ari dipadiri Debata ma alogo na mohop sian purba. Jadi didoit mata ni ari ma ulu ni si Jona, pola mandate ibana, jadi dipangido ma mate hosana, jala didok do: Dengganan ahu mate sian na mangolu!

H:   Dung i didok Debata ma tu si Jona: Tung turut ma ho marronirimas ala ni hau dulang i? Gabe didok ibana ma: Turut do ahu marronirimas sahat ro di hamatean.

U:   Jadi didok Jahowa ma: Gari ho marsak do roham ala ni hau dulang na so hinangaluthonmi manang pinagodanggodangmi, na tubu saborngin, jala mago saborngin. Baliksa pala ahu, tung so marasi ni roha ahu mida Ninive, huta na bolon i, na marisi lobi saratus duapulu ribu jolma, angka na so umboto parsirangan ni siamunna dohot sihambirangna, tole pinahan na sai deak? I ma sahatna. Martua do angka na tumangihon Hata ni Debata, jala na umpeopsa.

S:    Amen.

08.    Koor: WIJK 5 – PAROMPUAN – JERIKO - LANSIA

09.    Tangiang Pangondian (Pdt. Nikson Simangunsong)

10.    Koor: WIJK 4 – WIJK 3 – WIJK 6 – HALELUYA – AMA SION

11.    Marende SDJ. NO. 569: 3  C=Do O Debata tung longang do rohangku

Molo huingot balga ni holongMu, marhite Jesus na tarsilang i.

Anak sasadaMi O Debatangku, dilehon Ho manobus jolma i.

Marende au Tuhan mamuji Ho o, Debata, sangap do Ho.

Marende au Tuhan mamuji Ho o, Debata, sangap do Ho.

12.    Jamita: Johannes 3: 16-21 (Pdt. Jeffry Sitindaon)

13.    Marende SDJ. NO. 582:1… Sangap ma di Debata G=Do

         (Papungu Pelean)

      

       Sangap ma di Debata Amanta amen haleluya

Sangap ma di AnakNa Tuhan Jesus Kristus

Amen Haleluya hasangapon ma di Tondi parbadia

Amen haleluya sangap di Tuhan Debata sitolusada

Amen haleluya endehon amen haleluya endehon

Amen haleluya endehon amen haleluya endehon

Amen haleluya endehon amen haleluya.

14.    TANGIANG PELEAN – PASUPASU

U:   Balga do asi ni roha ni Tuhanta di hita huriaNa, ndang dipasombu hita, dipargogoi do hita mangadopi sude gulmit ni ngolunta, didongani do hita. Tangkas ma i hangoluhononta ala ni hataNa naung ita jalo ganup marsadasada.

H:   Mauliate ma Tuhan, pargogoi ma hami mangulahon hataMi.

U:   Ta tangianghon ma peleanta…(Tangiang Pelean) Amen. Rap mandok ma hita tangiang hatopanta i…

H:   Ale amanami na di banua ginjang…

U:   Asi ni roha ni Tuhan Jesus Kristus, dohot holong ni roha ni Debata Ama dohot parsaoran ni Tondi Parbadia i ma mandongani hamu! Amen.

H:   (Mangendehon) Amen, amen, amen.

15.    MASIJALANGAN