BONA TAON PERSEKUTUAN PAROMPUAN DISTRIK XIX BEKASI

PARTONDING NI

PARTANGIANGAN BONA TAON

PERSEKUTUAN

PAROMPUAN DISTRIK XIX BEKASI

Selasa, 20 Februari 2018

Pukul 10.00 WIB – sidung

Di HKBP Pondok Gede

HKBP Pondok Gede

Jl. Perumahan Taman Pondok Gede Blok H No.1-3

Pondok Gede RT 04 RW 01 Kelurahan Jatirahayu

Kecamatan Pondok Melati Kota Bekasi

Provinsi Jawa Barat

Telp. (021) 8467284

I.              PANGARADEON

          1. Hata Huhuasi Sian Protokol (Ny. Ev. St. Simbolon br. Purba)

          2. Hata Huhuasi sian Ketua Panitia (Ny. Nainggolan br. Aritonang)

II.          IBADAH  (Pdt. Nikson Simangunsong)

1.             Invocatio

U:      Tabe ma di hamu saluhutna! Nunga dipapungu asi roha ni Tuhanta hita di gareja on, laho marsomba tu Tuhanta na pinapungu ni Partangiangan Bona Taon Parompuan Distrik XIX Bekasi. Antong ale dongan, tapungka ma Partangiangan on di bagasan las ni roha dohot hamauliateon godang tu Debata.

H:      Mauliate ma di Ho ale Debatanami, na mangalehon partingkian on di hami.

U:      Dijou Debata do hita laho marsaor dohot Ibana, asa ta jalo sian Ibana hagogoon jala marroha na ungkap manangihon hataNa. Antong tapuji jala tapasangap ma Ibana marhite na marende hita.

2.    Marende BE. No. 10: 1+4 Hupuji hupasangap Ho BL.128 F=Bes

1. Hupuji hupasangap Ho, Amang Pardenggan basa.

Ai jadijadianMu do, sude angka na masa.

Ditompa Ho do sasude, dagingku ro di tondi pe,

Pinuji ma GoarMu.

(Jongjong)

4.  Tongtong pasangaponku Ho, saleleng au mangolu.

Paratarataonku do Barita ni GoarMu.

Pamatang dohot tondingki, Ingkon mamuji sangapMi.

Pinuji ma GoarMu.

3.    Votum ~ Introitus ~ Tangiang

U:      Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia Natumompa langit dohot tano on, amen. Marhitehite hapistaran pinajongjong sada bagas, jala dipahot do i marhitehite roha hapantason.

H:      Jala marhitehite parbinotoan, gok angka bilutna dohot ugasan marragamragam angka na arga jala na uli.

U:      Endehon hamu ma Jahowa, puji hamu ma GoarNa, baritahon hamu ma hatuaonNa ganup ari.

H:      Sai endehononku ma angka asi ni roha ni Jahowa salelenglelengna, sai pabotohonon ni pamanganku ma hasintonganMi marsundutsundut.

U:      Mandok mauliate ma hamu di Jahowa, ai Pardengganbasa do Ibana, ai saleleng ni lelengna do asi ni rohaNa.

H:      Ai mangkuling Ibana, gabe manjadi do, mandokkon Ibana, jadi jongjong ma.

U:      Ari on do na jinadihon ni Jahowa, marolopolop jala marlas ni roha ma hita di si.

H:      Iale Jahowa, sai manumpak ma Ho! Iale Jahowa sai Ho ma mambahen manjadi!

U:      Jahowa do Debata, jala Ibana mangondingi hita. Tambathon hamu ma angka pelean pesta i sahat ro di angka tanduk ni langgatan.

H:      Ho do Debatangku, jadi Ho do pujionku; ale Debatangku, sai Ho do patimbulonku.

U:      Mandok mauliate ma hamu tu Jahowa, ai Pardenggan basa do Ibana, ai ro di saleleng ni lelengna do asi ni rohana i. Martangiang ma hita! Ale Tuhan Debata, Pargogo na so hatudosan! Sai lehon jala patubu ma di hami haporseaon na sintong. Tambai ma haporseaonnami ganup ari, asa lam togu. Lehon ma di hami holong ni roha na so marpangansi asa holong rohanami di Ho dohot di dongannami jolma. Lehon di hami pangkirimon na mangolu, asa rnarlas ni roha hami mambahen lomo ni rohaM i. Sai oloi ma pangidoannami ala ni AnakMu, Tuhan Jesus Kristus Tuhannami. Amen. (Hundul)

4.    Koor: HKBP Pondok Gede+HKBP Getsemane

                 Ina Hanna Distrik XIX Bekasi

5.    Marende SDJ. No. 712: 1 Togu au ale Jahowa G=Do

Togu au ale Jahowa, di dalan na rodop on.

Ho do na tongtong satia, togu au na gale on.

Sagusagu hangoluan, sai pabosur tondingkon,

Sai pabosur tondingkon!

6.    Pangkirimon di Pangaramotion ni Debata

U:      Molo tarimangi pardalananta ni ngolunta. Mardalan hita di bagasan ngolu na gok ondamondam, boi mardongan biar hita laho mangadopi sude angka na masa i. Adong do ulaning hasonangan di ari marsogot?

H:      Ale Tuhan, asi ma rohaM, togu ma hami jala ramoti hami!

U:      Ondamondam bencana alam, dolok masursur, gunung marapi, banjir, hagoran, sipanganon na gok bahan pengawet mambahen gok sahit. Situhoron na lam arga, parkarejoan lam maol dapot.

H:      Ale Tuhan, asi ma rohaM, togu ma hami jala ramoti hami!

U:      Ndada holan i tahe, hatahuton, ganggu dohot biar, sahat do tu tongatonga ni huria. Torop jolma i na gabe lam mandao sian tongatonga ni parsaoran di huria. Na mangkaholongi dirina, impolan di perak, parhata manggang, parroha haginjangon, angka panginsahi, na so mangoloi natorasna, na so marningot lagu, angka na tois; angka na so marroha holong, pangoseose, panihasnihasi, na so umboto mangorom, parmurukmuruk, na so marholong ni roha di na denggan; angka parjehe, parroha na neang, sipaburnang diri, holongan di hisap ni daging asa di Debata.

H:      Ale Tuhan, asi ma rohaM, togu ma hami jala ramoti hami!

…………… hohom ……………

U:      Molo biar rohanta laho mandalani ariarinta, ta ingot ma, adong do Ama na di banua ginjang na mandok hataNa tu hita “Unang mabiar hamu!”, ai ndang pasombuonNa hita mardalan sasadanta.

H:      Mauliate ma ale Tuhan, di sude denggan basaM dohot panoguonMu.

U:      Lam marsada ruas parompuan laho patupahon angka na denggan di tongatonga ni HKBP dohot bangso Indonesia on. Patupahon kerjasama na denggan di tongatonga huria, rakyat dohot pamarenta. Kepedulian sosial, i do na dipangido, asa tarida kemajuan, kesejahteraan dohot hasintongan.

H:      Mauliate ma ale Tuhan, di sude denggan basaM dohot panoguonMu.

U:      Asa tarida hasadaon di tongatonga ni huria laho patuduhon haporseaon na togu di bagasan ngolunta. Marsada roha ma pangula ni huria dohot ruasna, marsada roha ma parompuan HKBP laho patupahon las ni roha di tongatonga ni huria. Ai saluhutna do hita tarjou, ndada holan pangula ni huria, alai sude do hita dipangido Debata gabe siulahon na denggan.

H:      Mauliate ma ale Tuhan, di sude denggan basaM dohot panoguonMu.

U+H: Amen.

7.    Koor: Pardihuta ni Pandita di Distrik XIX Bekasi

8.    Marende SDJ. No. 707 : 1 Hogogoon dohot apulapul Es=Do

Hagogoon dohot apulapul, do dilehon Tuhan i tu au.

Ganup ari au ditogutogu, ganup tingki diondingi au.

Ai hombar tu lomo ni rohaNa, do dilehon Tuhan i tu au.

Ro marsorin arsak las ni roha, haporseaonhu di patau.

9.    Epistel (Sijahaon manogot Selasa, 20 Februari 2018)

U:      Hata ni Tuhanta di hita di partangiangan on, sijahaon manogot di Almanak HKBP Markus 4: 16-30. Ita jaha ma marsorinsorin. Suang songon i, angka on ma na sinaburhon tu tano na batu on: Ia disi dibege hata i, manigor las ma rohana manjalosa;

H:      Alai ndang marurat di bagasan rohanasida, parsatongkinan do nasida, jadi molo masa haporsuhon manang pangaleleon siala hata i, pintor targasip do rohanasida.

U:      Asing muse angka na sinaburhon tu parsihupian, i ma angka naung umbege hata i.

H:      Alai masuk huhut tu rohanasida pangkolsohon di angka na di hasiangan on dohot hamoraon sipangansi i ro di hisaphisap na asing i, jala angka i do mamisati hata i, laos so marparbue.

U:      Dung i angka on do na sinaburhon tu tano na denggan: Angka na umbege jala na manjangkon hata i, gabe marparbue, tolupulu lompit na deba, onompulu lompit na deba saratus lompit na deba.

H:      Dung i didok ma tu nasida: Ai dipasang do ulaning palito laho pajongjongkonsa tu toru ni ampang manang tu toru ni parate; nda bahenonna i nian tu atas parpalitoan?

U:      Ai ndang adong na holip na so sipapataron sogot; jala ndang adong na masa di sihabunian, na so ro tu hatorangon muse. Hamu angka parpinggol na marbinege, pinggol hamu ma i!

H:      Laos didok ma tu nasida: Manat ma hamu di na binegemuna; ai parsuhatonmuna do sisuhathononhon tu hamu, tambaonna dope tahe tu hamu!

U:      Ai tu ganup paradongan lehonon do. Alai sibuaton do sian na so paradongan nang na di ibana hian.

H:      Dung i didok ma: On ma pangalaho ni harajaon ni Debata: Songon pambahen ni halak na manaburhon boni tu haumana.

U:      Na modom do ibana bornginna jala dungo ia arianna; na martumbur do anggo boni i laos marbuhutano, so pamotoan ni parhauma i.

H:      Ai sian gogona sandiri dipatubu tano i jumolo hauna, dung i biurna, dung i eme na porngis i di bagasan biurna i.

U:      Alai disi dilehon parbuena, mamintor disuru ma panabi, ai nunga ro gotilon. Dung i didok ma: Tu aha ma pasumanonta harajaon ni Debata; tu dia ma umpamahononta? I ma sahatna. Martua do angka na tumangihon Hata ni Debata, jala na umpeopsa.

U+H: Amen

10.    Koor: PPD Golria HKBP Distrik XIX Bekasi

11.    Tangiang Pangondian: St. R br. Silali

12.    Koor:

13.    Marende SDJ. No. 677: 1 Mansai lambok G=Do

Mansai lambok Tuhan Jesus manjou, manjou ho dohot au,

Ida Ibana paima haroromu, mulak ma ho dohot au.

Antong sai ro ma ho, angka na sorat sai ro ma ho.

Mansai lambok Tuhan Jesus manjou, pardosa mulak ma ho.

14.    Jamita: (Pdt. Lidia br. Simanjuntak)

15.    Marende SDJ. No. 691: 1… Hupasahat ma tu Jesus Es=Do

(P.Pelean)

Hupasahat ma tu Jesus saluhutna ngolungki

Roha nang pambahenanku, saluhutna tingkingki

            Ref.               Hupasahat ma tu Jesus, saluhutna diringki

                                  Hupasahat ma tu Jesus, saluhutna ngolungki.

Pangkeonku ma tanganku, mangula lomoNa i,

Langka nang simanjojakku, mangihuthon Tuhanki.

            Ref.               Hupasahat ma …

Nang pamereng ni matangku, mandompakkon Jesus

Soara ni pamanganku, mamuji goarNa i.

            Ref.               Hupasahat ma …

Dung huida Tuhan Jesus, hutundalhon dosangki,

Lohot rohangki tu Jesus, sipalua tondingki

            Ref.               Hupasahat ma …

Tarhalomong do rohangku dipandok ni Tuhanku,

Aleale ni Tuhanku, au di goar Jesus i.

            Ref.               Hupasahat ma …

16.    Parsuruon, Tangiang Panutup dohot Pasupasu

U:      Debata parasiroha jala Pardenggan Basa i ma na paborhathon hita laho marhobas di adopanNa, lumobi parompuan HKBP laho pasauthon panghobasion parompuan di huria ni Tuhanta lumobi di taon Orientasi Program Pelayanan HKBP Tahun 2018 “Kesehatan dan Kebersihan dalam Lingkungan Hidup. Ndang tarula hamu agia aha, anggo so mardonganhon Ahu, ninna Tuhan i. antong jalo hamu ma lombulombu haporseaon i, haintopan hamu do marhite sian i sude sumbia api ni parjahat i. Jangkon hamu ma nang tahuluk haluaon, dohot podang ni tondi, i ma hata ni Debata.

H:      Gomos do ditiop rohangku, ndang tarbahen sirang hita sian holong ni roha ni Debata, na dibagasan Kristus Jesus Tuhanta i, ai Ibana do na maniop ahu dibagasan ngolungku.

U:      Antong, binsan sadihari dope, taulahon ma na denggan tu saluhut halak, asa ndada be hita na mangolu nuaeng, alai Kristus do na mangolu dibagasan hita. Asa marparange na denggan hita di bagasan ngolunta.

H:     Mangendehon SDJ. No. 690: 1 Hibul rohangku

          Hibul rohangku tu Tuhan Jesus, sude ngolungku di Tuhan Jesus.

          Ihuthononku do Tuhan Jesus, ndang olo au sumurut be.

U:      Ale angka dongan, laho simpul ma partangianganta on, alai pos ma rohanta, ianggo asi ni roha ni Debata, hot do i ro di saleleng ni lelengna. Debata do na mandongani ahu, Debata do na mandongani hamu, Debata do na mandongani hita saluhutna.

H:      Pos do rohanami, Jahowa do na mandongani hami.

U:      Molo pos rohanta dipandonganion ni Jahowa, jaloonta ma pasupasuNa di tongatonga ni ulaonta, di tongatonga ni keluarga, di tongatonga ni lingkunganta, songon i nang di tongatonga ni bangsonta. Ai di dok do dihataNa i: “Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate”.

H:      Sai saut ma na pinarbagaMi ale Tuhan, jaloon nami ma gogo sian Ho, di na pasauthon panghobasion ni parompuan di huriaM di taon Orientasi Program Pelayanan HKBP Tahun 2018 “Kesehatan dan Kebersihan dalam Lingkungan Hidup. Sai pasupasu ma hami, keluarga nami, lingkungannami songon i nang bangsonami, laho patulushon lomo ni rohaM di tongatonga ni portibi on.

L:      Tangiang Pelean-Aleamanami-Pasupasu

H:      Mangendehon: (Amen, amen, amen)

                  

III.       KATA-KATA SAMBUTAN DIATUR TERSENDIRI

IV.        PARTORDING NI PANORTORON:

1. Praeses, Kabid, Pelayan Fultimer Distrik XIX Bekasi, BPH PPD/Kord Bidang, MPS, MSD (Olopolop tidak dikumpulkan: Ro ma ruas ni Bona Taon mangolopolopi)

2.   Sektor A: Resort Rawalumbu, Resort Durenjaya, Resort Jakasampurna, Resort Setia Mekar, Resort Jatiasih (Olopolop dipahimpu Panitia, namangolopi Sektor C )

3.    Ina Hanna Distrik (Olopolop dipahimpu Panitia, Ro ma ruas ni Bona Taon mangolopolopi)

4.  Sektor B: Resort Harapan Baru, Resort Perumnas 2, Resort Pondok Gede, Resort Harapan Jaya, Resort Taman Wisma Asri (Olopolop dipahimpu Panitia, namangolopi Sektor D )

5.  Sektor C: Resort Duta Permai, Resort Jatisampurna, Resort Lippo Cikarang, Resort Palmarum Pejuang, Resort Bojong Menteng (Olopolop dipahimpu Panitia, namangolopi Sektor A )

6. Koor PPD Gloria Distrik XIX Bekasi (Olopolop dipahimpu Panitia, Ro ma ruas ni Bona Taon mangolopolopi)

7.  Sektor D: Resort Solagracia Cibitung, Resort Mustika Jaya, Resort Marsada Cibitung, Resort Pondok Timur Indah, Resort Maranatha Tambun (Olopolop dipahimpu Panitia, namangolopi Sektor B )

  8.  Pendeta & Keluarga (Olopolop tidak dikumpulkan: Ro ma ruas ni Bona Taon mangolopolopi)