KONVENT FULLTIMER DAN SERMON HKBP DISTRIK XIX BEKASI

IBADAH KONVENT

PANGULA NA GOK TINGKI  DISTRIK XIX BEKASI

 DI HKBP RESORT PONDOK GEDE

SENIN 9 NOPEMBER 2015

1.         Marende BE. No. 15: 1-2 Aut na saribu hali ganda

Aut na saribu hali ganda, saringar ni soarangki.

Naeng nasa gogo bahenonku, mamuji Debatanta i.

Paboa las ni rohangki, hinorhon ni pambaenNa i.            

Tung sura sahat soarangku, tu ujung ni portibi on.

Naeng nasa jolma haraonku, mamuji Debata tongtong.

Tama do nasa hosangki, hubaen pasangap Tuhan i.

2.         Votum~Introitus~Tangiang (L: Liturgis ; S: Sude)

 L:       Marhitehite Goar ni Debata Ama, anakNa Tuhan Jesus Kristus dohot tondi Porbadia,

S:         Amen!

L:         Ari on do na jinadihon ni Jahowa, marolopolop jala marlas ni roha ma hita disi

S:        Iale Jahowa sai manumpak ma Ho, Iale Jahowa sai Ho ma mambahen manjadi

L:     Pinasupasu ma na ro marhitehite goar ni Jahowa, hupasupasu hami ma hamu angka nasian bagas ni Jahowa

S:      Jahowa do Debata, jala Ibana manondangi hita. Tambathon hamu ma angka pelean pesta i sahat ro di angka tanduk ni langgatan

L:       Ho do Debatangku, jadi Ho do pujionku, ale Debatangku sai Ho do patimbulonku. haleluya

            Martangiang ma hita! Ale Tuhan Debata amanami na dibanua ginjang, Hupangido hami tu Ho sai lehon ma tondiM na badia i tu bagasan rohanami. Sai paian  dibagasan hami asi ni rohaM dohot hatigoran, na pinatupa ni AnakMu Tuhan Jesus Kristus Tuhannami. Sai ramoti ma hami di hamamasa ni pangunjunan. Pargogoi ma hami mangulahon lomo ni rohaM, asa lam marlas ni roha hami mida denggan ni pambahenanMu di hami, ala ni AnakMu, Tuhan Jesus Kristus Tuhannami. Amen. 

3.         Marende SDJ. No. 712: 1-2, Togu au ale Jahowa

Togu au ale Jahowa, di dalan na rodop on.

Ho do na tongtong satia, togu au na gale on.

Sagusagu hangoluan, sai pabosur tondingkon,

Sai pabosur tondingkon!

                                Ro ma ho aek hangoluan na pahisar tondingki

                                Sai di jalo ma ho Tuhan dohot tiang apiM i

                                Sipartogi na gumogo, Ho ma lombulombungki

                                Ho ma lombulombungki

4.    Manjaha hata ni Debata sian 4 Musa 36: 1-13

L. Dungi ro ma jumonok angka induk marompuompu sian pinompar ni halak Gilead, anak ni si Mahir, anak ni si Manasse, sian pinompar ni si Josep, laos didok nasida ma hatana diadopan ni si Musa dohot diadopan ni angka induk, ihutan ni halak Israel marompuompu ninna nasida ma :

S: Nunga martona Jahowa tu tuanku, ingkon lehononmuna tano i tu halak israel bahen partalian marhite sian rujiruji; jala nunga ditonahon Jahowa hian tu tuanku, ingkon lehonon partalian ni si zelapehat dongannami i, tu angka boruna.

L:  Tung sura muli nasida tu sada sian angka marga ni halak Israel, gabe bali partalian nasida i sian partalian ni ompunami, jala ditambahon tu partalian ni marga hamulianna i, gabe moru jambar partalian nami.

S:  Tole muse taon parolopolopon di halak Israel jadi tambahononna ma partalian nasida tu partalian ni marga hamulian nasida i, jadi moru ma sian partalian ni marga ni ompunami partalian nasida i

L:     Dung i ro ma hata ni si Musa tu halak Israel, nidokkon ni Jahowa songon on: Sintong do hata ni marga ni halak Josep.

S:     On do tahe hata na tinonahon ni Jahoiwa taringot tu angka boru ni si Zelapehat, ninna do : Guru lomo ni rohanasida do muli tu manang ise, alai ingkon muli nasida tu dongan samarga ni amanasida i.

L:    Asa unang bali partalian ni halak Israel sian marga na sada tu marga na asing; ai ingkon ganup sian halak Israel mangihutihut partalian ni marga ni ompuna.

S:     asa ganup boru na manean partalian sian angka marga ni halak Israel, ingkon muli do nasida tu sada halak sian pinompar ni amanasida i, asa laos halak israel manean ganup di partalian ni ompuna.

L:    Asa unang bali partalian ni marga na sada tu marga na asing, ingkon ganup marga ni halak Israel mangihutihut partalianna be.

S:     Hombar tu natinonahon ni Jahowa tu si Musa, songon i ma dibahen angka boru ni si Zelapehat

L:     Ai Muli do si Mala, si Tirza, si Hoglah, si Milka dohot si Noah, angka boru ni si Zelapehat tu angka anak ni amangudana.

S:     Muli ma nasida tutu tu pinompar ni halak Manasse, anak ni si Josep, jadi hot ma partalian nasida i di marga ni pinompar ni amana

L:     Ima luhutna patik ni uhum, angka na tinonahon ni Jahowa marhite sian si Musa tu halak Israel di adaran Moab martopihon Jordan, tondong ni Jeriko.

         Ima sahat na. Martua do halak na tumangihon hata ni Debata jala na umpeopsa. amen

5.         Marende SDJ. No. 707 : 1,  Hogogoon dohot apulapul

Hagogoon dohot apulapul, do dilehon Tuhan I tu au.

Ganup ari au ditogutogu, ganup tingki diondingi au.

Ai hombar tu lomo ni rohaNa, do dilehon Tuhan I tu au.

Ro marsorin arsak las ni roha, haporseaonhu di patau.

 6.      Tangiang pangondianon

 7.         Marende BE no. 806 :1-2

Aha pe masa dingolumon Tuhan manjaga ho

Holongna do mangondihon ho, Tuhan manjaga ho

Ref.        Tuhan manjaga ho, las pe roham, marsak pe ho

 Sai diramoti ho, Tuhan manjaga ho

       Sai disarihon do ngolumi, tuhan manjaga ho

       Sai ditangihon tangiangmi, Tuhan manjaga ho

       Ref.        Tuhan manjaga ho.......

8.         Renungan  : Matius 10 :30-31

9.         Marende SDJ. No. 691: 1… Hupasahat ma tu Jesus

Hupasahat ma tu Jesus saluhutna ngolungki

Roha nang pambahenanku, saluhutna tingkingki

                   Ref.        Hupasahat ma tu Jesus, saluhutna diringki

                                  Hupasahat ma tu Jesus, saluhutna ngolungki.

Pangkeonku ma tanganku, mangula lomoNa i,

Langka nang simanjojakku, mangihuthon Tuhanki.

                   Ref.        Hupasahat ma …

Mauliate ma rohangku, ala au hinonghopMi,

Pujionku ma goarMu, salelenglelengna i.

                   Ref.        Hupasahat ma …

 10.  Tangiang Panutup